陳儀興尚潮樓 (英皇道)

好耐都冇食過潮州菜啦，今日就決定嚟呢間位於鰂魚涌英皇道1001號7樓1號舖噶陳儀興尚潮樓 (英皇道)，環境優美舒服，入面中式設計，好有意境侍應嘅態度好好，好熱情，好有禮貌。姐姐好似氹緊小朋友咁樣坐低先來咗功夫茶，清一清個味蕾先，之後就落單點菜。鵝腸，脂肪肥瘦適中，鹵得夠入味，但又唔會好咸，仲保留咗鵝腸嘅香味，底下嘅鹵豆腐夠嫩滑。鵝片，馳名鹵水鵝，肥瘦適中，鵝肉入味，食得出肉質唔差。荔芋香酥鵝，上層超級鬆脆，中間芋泥香濃，底下嘅鵝肉蓉，一面煎香，上中下層配合，口感好豐富。潮式胡椒鹹菜浸台生蠔，估唔到份量咁多，台山號超級大隻，配埋胡椒鹹菜超級鮮甜，惹味。呢個真係值得食。肚肉苦瓜煲，肚肉肥瘦適中，苦瓜處理得一D都唔苦，只有回甘，花菇都好厚身，吸埋個湯汁好鮮。欖菜肉碎炒飯，個飯一上枱，就聞到好香嘅米飯香，令人垂涎，呢個飯真係炒得好出色，唔會太乾，同好有鑊氣。清心丸綠豆湯，潮汕特色甜品，好鍾意佢唔係太甜。飯後再嚟多一份功夫茶，清一清口腔嘅油脂，茶香回甘，順滑。今日呢一餐真係食得舒服，位置坐得舒服，服務態度真係值得一讚。又係一個舒心嘅晚餐。…查看更多

位於鰂魚涌英皇道的陳儀興尚潮樓是一家以潮州菜為主打的餐廳，L型的餐廳佈局也不會讓我覺得很侷促。首先我們選了例牌份量的鵝片$188，每一片鵝肉都鮮嫩多汁，入口即化，滷汁濃厚。鵝腸$168，鵝腸充份吸收了滷汁的味道，香氣撲鼻，口感鮮美。荔芋香酥鵝$168，外酥內軟，荔芋的香甜與鵝肉的鮮美完美融合。潮式胡椒鹹菜浸台山蠔$268，蠔肉鮮嫩，搭配潮州特有的胡椒鹹菜，味道獨特。肚肉苦瓜煲$128，煲湯濃郁，肚肉入口即化，苦瓜的清香中和了肚肉的油膩，美味可口。欖菜肉碎炒飯$118，炒飯香氣四溢，欖菜與肉碎的搭配，讓人胃口大開。飯前飯後都搭配了功夫茶-烏崬單叢茶；入口後，茶葉散發出清新的清香，口感柔和細膩，不帶任何的苦澀味道，茶湯滋味鮮甜，回甘持久。最後還是少不了每人來份糖水；清心丸綠豆湯$45，舒爽的口感。除了美味的菜品，陳儀興尚潮樓的環境也是一大亮點。餐廳裝修簡約大方，溫馨舒適，讓人感覺彷彿置身於家中。服務人員姐姐們熱情周到，笑容滿面，讓我們感受到好溫暖。…查看更多

食潮州打冷，點會唔諗起陳儀興⭐️老字號招牌，專做潮洲菜，今次食鰂魚涌既陳儀興尚潮樓，酒樓雅致裝潢，傳統潮州菜式任選，由魚飯、手工菜等都有🥹有料，飲返杯#功夫茶，安溪鐵觀音，回甘味濃，潮州特色👍🏻涼菜先上，#涼拌海蜇頭，由於係頭所以切片，口感一流😎調味特別，好惹味，愈食愈想食😆即刻黎個重點滷水🥇招牌鵝三寶，三寶分別係鵝肝、鵝肉、鵝腸，份量好多，鵝肝個樣好吸引，口感一流，加潮州辣椒油食超爽，超高質潮州鵝肝👍🏻 鵝肉好入味，啲滷水汁咸淡適中，幾香，鵝肉好入味，鵝腸好肥美，加潮州辣椒油加醋食風味十足，仲可以送潮州粥🤤胡椒鹹菜鮮豬肚湯，上枱好香胡椒味，燉湯咁樣，好清但都好濃味，鹹菜真係主打😮‍💨個咸味好有層次，好味，仲令個豬肚都好好味😋肚肉苦瓜煲，好大煲，真係用苦既苦瓜，但配左豆豉同調味之後完全唔苦仲好夾好有特色😯肚肉唔肥，都幾唔錯，送下啤酒都好正！🍺整體黎講高質、高檔、高享受😎好吸引既「三高」😽仲有好多唔同既潮菜同手工菜，鍾意食潮州野既一定要試下！🙌🏻🙌🏻…查看更多

今日同朋友去咗鰂魚涌英皇道嘅陳儀興尚潮樓食潮州打冷菜，酒樓入面有一個好大嘅魚缸，入面有唔同嘅時令海鮮，餐廳座位闊落，一入座就有茶水招待同埋鹹酸菜做前菜，我哋就嗌咗潮州人最鍾意嘅鐵觀音。我哋嗌咗涼拌海蜇頭、鵝三寶、胡椒鹹菜鮮豬肚湯、清燉荷包鱔、一個白飯同一個潮州粥。涼拌海蜇頭有濃濃嘅麻油香味，海蜇頭爽脆有咬口，係一個幾開胃嘅前菜。鵝三寶有鵝肉、鵝腸同鵝肝，陳儀興用咗潮汕頂級嘅獅頭鵝，鵝肉肉質細嫩鮮甜，加上用咗多種香料熬製而成嘅滷水汁去煮，特別帶出鵝肉嘅鮮味；鵝腸咬落去非常爽口，清潔得好乾淨，食落好安心；鵝肝味道濃郁，充滿獅頭鵝嘅精華。胡椒鹹菜鮮豬肚湯嘅胡椒味好出，飲完有種好補嘅感覺。當中最特別係清燉荷包鱔呢一個手工菜，賣相非常精緻，用一片好大嘅鹹菜包住一嚿白鱔，再用一條好幼嘅菜打結變成一個好似荷包嘅外型，鱔肉鮮甜肥美但又唔多骨，好有驚喜！最後，餐廳附送功夫茶俾客人食完飯後飲，濃郁嘅功夫茶飲落去會回甘，為呢一餐潮州菜畫上完美嘅句號。📍鰂魚涌英皇道1001號7樓1號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

陳儀興潮州菜位於鰂魚涌1001既7樓 陳儀興潮州菜先來一味爽口前菜 涼拌雲耳 $68，雲耳咬落好脆口，醬汁少少辣，辣度2/10，好開胃！湯類 二十年老菜甫燉鮮豬肚 $78一碗豬肚軟硬適中，湯好濃味！可以一試😃主菜1 富貴石榴蟹 $118賣相好精緻，好富貴！外皮比較似水餃🥟皮，皮唔會太厚！內餡似蝦滑，不過蝦轉咗做蟹，有實在口感，不錯！主菜2 清燉荷包鱔 $118魚肉新鮮，有少少骨，但只係好少！外皮鬆軟，好易咬開！湯底清新，有陣陣菜香味！主菜3 乾貝春菜🥬煲 $128首嚐春菜，都幾好味！有好多乾貝瑤柱，可提升春菜煲既鮮味！最後試一口純正功夫茶🫖，個人覺得好苦，試下無妨！整體而言，陳儀興潮州菜館有多款手工菜，環境好，枱與枱之間有分隔開，坐得舒服😃有各種海鮮，相信同樣值得一試😀…查看更多

陳儀興尚潮樓，位於鰂魚涌，優雅高檔次既酒樓裝潢，相當有中國味道🧧主打傳統潮州菜，由生醃海鮮、魚飯、打冷，到潮州手工菜都有，好齊好潮🥰潮州嘢至愛之一，功夫茶，安溪鐵觀音，好濃茶味，好爽好有回甘😇涼拌海蜇頭🪼好大碟，請留意，係海蜇頭唔係海蜇，口感好一百倍🥳好爽好正，味道有咸鮮味加椒辣，好好味既涼拌菜，配支啤酒chill下🤘🏻 二十年老菜脯燉鮮豬肚湯，個名都夠殺，個湯上枱香到呢😽燉湯清得黎濃味，啲精華係晒度，二十年老菜脯好似金華火腿咁，夠味而個咸味好有層次🙌🏻好正既燉湯🍲招牌鵝三寶🪿三寶就係鵝肝鵝肉鵝腸，好吸引既招牌菜🤍啲滷水汁咸淡適中，幾香，鵝肉好入味，加埋滷水汁好好味😋鵝腸好肥美，加潮州辣椒油加醋食超啱🤘🏻鵝肝驚喜，口感一流，加醋食超正😍超高質潮州鵝，清燉荷包鱔，手工菜，上枱燉湯咁，好清好好味👍🏻個鱔驚人，超原汁原味，香濃好味啖啖肉❤️‍🔥好正既手工菜，必食整體係超正既潮州菜體驗，好多難得食到既菜🥹仲要有高雅既環境，高質😙…查看更多

🇭🇰陳儀興尚潮樓·大家中秋節快樂啊🏮呢間我已經食過好幾次架啦 因為佢野食唔錯 而且環境坐得好舒服 好適合一家人黎食👨‍👩‍👧‍👦😈😈·潮州凍馬友$398 l 鵝三寶(鵝肉 鵝肝 鵝腸)$298今次我哋嗌既馬友都幾好味 佢油分幾好 配埋個普寧豆醬幾夾 而且魚肉都好滑🐟之後個鵝三寶我自己就最鍾意入面個鵝腸 佢呢個處理得好乾淨 去曬啲肥膏 食落好爽口🤤🤤個鵝肉偏肥少少 但係都好滑 不過個鵝肝我就略嫌佢有少少唔夠入味🦢🤣🤣·方魚炒芥蘭$118 l 鹹菜花蛤湯$78 l 護國菜$68之後佢個芥蘭都炒得好惹味🥬兩款湯我就鍾意個花蛤湯多啲 佢個花蛤勁大粒 煮到啱啱好 勁juicy😋😋個護國菜望落好似開心果糊咁 但係飲落其實就係似一個雞蓉羹😂·#rbyeat#rby港式 #rby中菜#rby鰂魚涌 #rby將軍澳 #rby新蒲崗 #rby太子·📍鰂魚涌英皇道1001號7樓1號舖📍將軍澳至善街9號嘉悅地下2-3號舖📍新蒲崗崇齡街40號地舖📍太子太子道西179號地下及一樓…查看更多

前幾日屋企人話想食潮州嘢，但想坐得舒服啲，我就帶咗佢去陳儀興尚潮樓🫢裝修幾中式古典feel，位子闊落，坐得幾舒服💕☕功夫茶 3.5/5當店員將沖好嘅功夫茶上枱，即刻俾佢嘅香氣吸引咗🤩呢杯茶清新芳香，入口之後口感滑順，帶有微微嘅甘甜，配埋香脆花生令我食慾大增💕🌻菊花茶 3.5/5店員話要焗一陣先倒出嚟🤣菊花味濃飲落清甜，好開胃😍🪿滷水鵝片 ($188) 4/5鵝肉切片均勻同薄，入口即溶，肉質鮮嫩✨滷水汁香濃，帶有微微嘅五香味道，同鵝肉嘅鮮美相得益彰🥰沾上辣椒油多左種惹味～出色！😎🐟普寧豆醬煮海魚 ($288) 4/5海魚好新鮮！有兩條～每一啖魚肉都鮮嫩多汁💦豆醬嘅味道獨特而濃郁，與魚肉完美結合，帶嚟豐富嘅層次感🤤🍄🥬厚菇芥菜煲 ($128) 3.5/5上菜仲滾緊🤣湯煲以厚菇同芥菜為主，湯底清澈，滋味濃郁✨厚菇嘅口感鮮嫩，芥菜嘅清爽同湯汁互相融合～係一種獨特嘅風味✨🐷二十年老菜脯燉鮮豬肚湯 ($78) 4/5老菜脯經過長時間嘅燉煮，入哂味💕口感鮮美～配上新鮮嘅豬肚，口感爽脆，而且令湯汁更加濃郁～💕餐廳嘅潮式菜色好味，而且口感獨特，帶長輩嚟食絕對唔失禮🥰…查看更多

作為一個潮州仔女 我又去試我既鄉下菜式今次去咗位於鰂魚涌嘅餐廳 餐廳嘅佈置都好古色古香 牆上邊貼咗唔同嘅畫同埋墨寶枱同枱之間係用屏風隔開 半透明嘅屏風 若隱若現 有時都好好奇 究竟隔籬枱嘅食客係點啲咩嘢食嘅呢一上枱店員首先放上潮州功夫茶 苦苦地咁 飲落口有回甘加埋潮式鹹菜 個鹹酸菜好好食 食唔停口由於都幾肚餓所以我哋點咗幾個菜式鵝片 （例）$188鵝片嘅份量都好多係 切成薄薄一片 滷水滷得好入味 帶出鵝嘅香味仲有啲嫩滑嘅炸豆腐墊底頭抽鷹䱽魚片 $488六大舊魚 唔可以叫佢做魚片應該要稱呼為魚塊 因為佢係好厚身啖啖肉好大塊頭抽個味道好香 魚皮香脆 而魚肉係好彈牙 有肉汁好好食潮州魚丸肉碎煮汕頭白 $208再叫咗個清清地嘅菜食下啲潮州魚丸好彈牙 肉碎都好入味喎潮州白就鮮甜叫咗兩個湯潤一潤20年老菜甫燉鮮豬肚湯 $78黑色嘅老菜甫煮出嚟嘅湯味道好清唔會過鹹豬肚都好嫩滑 洗得好乾淨胡椒鹹菜鮮豬肚湯 $78胡椒豬肚湯有濃濃嘅胡椒味配埋豬肚就係最佳嘅配搭咁多款菜配返個潮州粥或者絲苗白飯就最啱啦食曬啲嘢之後店員再上多一盤潮州功夫茶俾我哋清下個口加埋我哋自己挑選嘅菊花茶 $15位又係好圓滿嘅一餐☺️…查看更多

陳儀興係其中一間同屋企人常下嘅菜館，因為鄉下喺潮州，所以逢過時過節屋企人食嘢都會第一時間諗起潮州菜落完單之後，第一時間店員拎嚟功夫茶，令我回想起返大陸嘅時候，每個親戚嘅客廳都一定會有沖茶用具。我哋俗稱飲茶做「喫嗲」功夫茶嘅味道，比起平時香港茶樓飲嘅茶苦，但係佢會回甘，所以食飯之前飲兩杯感覺好舒服第一樣上嘅菜係滷水鵝片，鵝片切得靚得來，份量都幾足喺香港食鵝片唔似得喺汕頭食，會點咁多滷水汁，呢度嘅滷汁係預先淋左上去。另外跟嘅就例牌有白醋，同埋港式嘅辣油點白醋嘅時候更加食得出鵝肉嘅鮮味，加啲爆香嘅辣，仲惹味啲添第二道重頭戲係頭抽煎鷹倉魚肉起好無骨，先將佢炸到皮脆肉嫩，外圍包裹滿醬汁魚肉雪白，食落紮實好適合餸飯雖然計落呢道餸最貴，$488得6件，即係平均一塊魚肉要價$80幾，但係真係值得一試方魚芥蘭苗好翠嫩，每條芥蘭唔會苦澀得來仲爽甜，加埋炸得香脆嘅方魚媽媽話方魚係有一大條嘅門鱔炸完，再切開每一口都係鹹香！喺呢度食飯，帶着濃烈嘅樸素味道，簡單嘅菜式，柴米油鹽，讓人感覺好有家鄉嘅味道…查看更多

公司附近年前起了一商廈，樓下幾層食肆，大家食晏又多咗選擇，今晚加班，所以放工來，揀了這間陳儀興尚潮樓，唔錯喎！ 傳統的味道，滷水汁出色，招牌鵝三寶是我的心水，鵝肝肥、鵝肝粗大爽口、鵝肉嫩；20年老菜脯燉豬肚湯確有獨特菜脯香。先來功夫茶，感覺傳統，沒有過苦，第一印象良好。 招牌鵝三寶 $298   滷水汁出色，清醇味香。 鵝腸粗大，脂肪唔多，爽口軟熟； 鵝肝厚度適中，看來油潤，入口即化，嫩滑非常，靚貨。鵝肉入味，不過厚，嫩滑入味。  潮州凍馬友 $398 份量足4人分享，相比一半食到的大條，頗肥，皮滑。 潮式魚丸肉碎煮汕頭白 $208  非常傳統的感覺，因為有汁有菜，正是潮州人喜歡佐飯的餸菜，魚丸都幾彈牙，調味恰當。20年老菜脯燉豬肚湯 $78 亮點在菜脯，的確飲到菜脯香，湯頭清味道佳。    …查看更多

🇭🇰陳儀興尚潮樓·呢間我上次同屋企人食完覺得好鍾意 所以我哋又再嚟食啦🤣🤣今次嗌既唔同嘢食都好好食 所以我哋應該好快又會再黎 因為佢真係坐得好舒服 好適合一家人傾偈🥰·鵝片$188 l 頭抽鷹倉魚片$488我哋上次嗌咗滷水拼盤 今次就決定嗌鵝片 我自己覺得佢個鵝片好味過滷水拼盤 因為佢鵝片更入味 而且佢個鵝片肥瘦比例勁好 係好嫩好啖啖肉得黎唔會太肥膩 我自己覺得好好食🦢之後個頭抽鷹倉魚片我都覺得勁正 佢個調味好惹味 而且佢係勁厚切 外皮炸到勁脆 係真係外脆內軟 出面好香 中間嘅魚肉仲係勁嫩 正🐟·二十年老菜甫燉鮮豬肚$78 l 胡椒鹹菜先豬肚湯$78 l 潮州魚丸肉碎煮汕頭白$208之後我哋仲嗌咗兩款湯 我自己就覺得佢個菜甫燉豬肺湯好飲過佢個胡椒豬肚湯 因為佢呢個感覺上係滋補得黎唔會俾個胡椒搶曬個味 飲落勁舒服🥰🥰最後菜方面 我哋今次就嗌咗呢個汕頭白 佢呢一個個上湯同上次一樣 都係超好飲 而且魚丸都好味 不過就冇上次嗰個厚菇芥菜煲咁驚艷🤣🤣·#rbyeat#rby港式 #rby中菜#rby鰂魚涌 #rby將軍澳 #rby新蒲崗 #rby太子·📍鰂魚涌英皇道1001號7樓1號舖📍將軍澳至善街9號嘉悅地下2-3號舖📍新蒲崗崇齡街40號地舖📍太子太子道西179號地下及一樓…查看更多

屹立於新蒲崗超過60 年的陳儀興潮州飯店已登陸港島區，難得不用過海打冷，當然要捧場佔地4千呎的餐廳以中國古雅風格設計，用刺繡及壁畫作裝飾利用薄紗屏風為座位間隔，環境古色古香，寬敞舒適有長桌及圓桌，適合多人聚餐，並提供私人房間，更加私密先送上兩杯功夫茶，茶味醇厚甘滑，用後齒頰留香潮州滷水鵝片例牌皮肉勻稱，連墊碟豆腐亦滷得相當入味魚飯凍馬友魚魚皮有光澤，肉質肥美又有魚味蔬菜方魚炒芥蘭脆爽鮮嫩，配上蒜蓉炒得很香湯羹鹹菜花蛤湯以蕃茄和香菜配襯，湯頭鮮甜，用料十足潮州白粥是傳統的做法，米粒剛開口，煮得剛好…查看更多

以一杯「功夫茶」開始，並以一杯「功夫茶」作結，一頓正宗滋味的功夫潮州菜就由這一小杯茶逐一呈獻。這家位於鰂魚涌的陳儀興尚潮樓，其本舖在新蒲崗已開業六十年，此分店更是其首家在港島區開的分店。餐廳以正宗的潮州菜為宗旨，傳承著傳統的潮汕口味，精心做出各款潮汕經典。鵝三寶（$298）陳年的潮州滷水充滿醇厚馥郁的香氣，這個鵝三寶分別是，鵝件、鵝腸和鵝肝。鵝件皮香肉滑、鵝腸爽脆、至於鵝肝就軟滑甘香，齒頰留香。 潮州魚丸肉碎煮汕頭白（$208）這款湯菜是潮州白魚丸肉碎煮汕頭津白，魚丸和津白浸在高湯內，津白吸收了湯的鮮甜，魚丸爽彈，整個菜式看似簡單，味道卻很突出。普寧豆醬煮海魚（$368）這個是普寧豆醬煮大黃花，魚肉十分嫩滑細緻，配合惹味的普寧豆醬令魚肉增添不同層次的味道。二十年老菜甫燉鮮豬肚（$78）用上了二十年的老菜甫燉鮮豬肚，湯水的味道是醇香樸實，滋潤生津。胡椒鹹菜鮮豬肚湯（$78）同樣是豬肚湯，加入了胡椒鹹菜卻帶出完全不同的味道，鮮香鹹辣的味道為味蕾增添多重的層次。潮州白粥（$15）功夫茶（@ $15）Menu…查看更多

嗰晚約咗喺呢區工作嘅朋友食飯，因為我知道呢幢新嘅商業大廈每層都有新餐廳，包括我一直都想食嘅潮州菜館都喺呢度開分店👏🏻 餐廳環境以中國古典雅風格，近門口的座位，特別有薄紗屏風，有刺繡圖案，作間隔用，感覺好似私人啲，但也能感受濃濃的中國文藝feel～🐟 大眼雞魚飯 (HK$398)．怎麼叫咗飯，但成碟魚都冇飯嘅？．店員解釋「魚飯」其實係以新鮮海魚烹調成凍魚，以魚當飯食．初嚐大眼雞魚，肉質厚實而軟彈，我覺得調味比較濃味偏鹹，配少少豆醬能帶出鮮味．呢個配白粥或白飯一流👏🏻👏🏻🦪 汕頭煎蠔烙 (HK$128)．蠔餅炸得金黃色，好厚身，外脆內軟．蠔仔大隻飽滿，鮮甜多汁，差唔多每一口都食到．點一些魚露令味道更鮮、更滋味，同時亦可減油膩🍲 二十年老菜脯燉鮮豬肚湯(HK$78)．湯頭微紅，但非常清澈，味道很香很好味，飲完之後不會令人口渴．有老菜脯，黑黑的，口感腍身而有啲爽口，有啲似食緊黑蒜的感覺，但味道就好鹹甜的菜脯味．新鮮豬肚，大片，軟嫩，好好食．上網搜尋，飲咗可健脾養胃，止咳祛痰，開胃有助消化*🍲 胡椒鹹菜鮮豬肚湯 (HK$78)．湯頭同樣清澈，朋友話滿胡椒的香辣味，鹹菜的微酸，帶出鮮味感．豬肚同樣軟嫩，乾淨俐落🥬 乾貝春菜煲 (HK$128)．春菜，我覺得似係小芥菜和菜芯嘅混合版，口感鮮嫩、爽脆，菜味清甜，簡單配乾貝已經很好味，我不知不覺食咗大半煲去😋🍚 潮州白粥 (HK$15)．食潮州菜，白粥係必點至選．煮得軟綿綿的，米粒開花，入口軟滑同而有些少口感．看似水米分離，但粥液香濃，滿滿米香🫖 香片 (HK$15/位)．茶色清澈，入口清香茉莉花的香甜味道*🫖 功夫茶．細小一杯，一定要趁熱飲，才飲到先甘香後甜的層次感，凍咗先飲只有苦味呀～我覺得傳統潮州手工菜，看似平凡、家常便飯咁嘅樣，但細節都在烹調功夫裡，突顯食材原來的鮮味，呢一餐真係好好味😋👍🏻…查看更多