陳儀興尚潮樓 (英皇道)

Open Now

Now Closed

食潮州打冷，點會唔諗起陳儀興⭐️老字號招牌，專做潮洲菜，今次食鰂魚涌既陳儀興尚潮樓，酒樓雅致裝潢，傳統潮州菜式任選，由魚飯、手工菜等都有🥹有料，飲返杯#功夫茶，安溪鐵觀音，回甘味濃，潮州特色👍🏻涼菜先上，#涼拌海蜇頭，由於係頭所以切片，口感一流😎調味特別，好惹味，愈食愈想食😆即刻黎個重點滷水🥇招牌鵝三寶，三寶分別係鵝肝、鵝肉、鵝腸，份量好多，鵝肝個樣好吸引，口感一流，加潮州辣椒油食超爽，超高質潮州鵝肝👍🏻 鵝肉好入味，啲滷水汁咸淡適中，幾香，鵝肉好入味，鵝腸好肥美，加潮州辣椒油加醋食風味十足，仲可以送潮州粥🤤胡椒鹹菜鮮豬肚湯，上枱好香胡椒味，燉湯咁樣，好清但都好濃味，鹹菜真係主打😮‍💨個咸味好有層次，好味，仲令個豬肚都好好味😋肚肉苦瓜煲，好大煲，真係用苦既苦瓜，但配左豆豉同調味之後完全唔苦仲好夾好有特色😯肚肉唔肥，都幾唔錯，送下啤酒都好正！🍺整體黎講高質、高檔、高享受😎好吸引既「三高」😽仲有好多唔同既潮菜同手工菜，鍾意食潮州野既一定要試下！🙌🏻🙌🏻