Upper House 10月2日開幕，有auntie第2日已經黎食左個dinner。佢話個環境好好，裝修好靚好舒服，所以就提議大家黎happy hour試下個bar好唔好。

話哂係酒店，我一上到49樓餐廳及酒吧門口見到有waiters & waitresses，但無人理我，所以扣左服務分。我就同其中一位小姐講，我同3位朋友想黎happy hour飲野可以坐邊，佢話指住我既右邊話＂你入去就得架啦＂，連位都唔帶，完全感受唔到置身於酒店內，所以再扣服務分!!!　

入到去覺得裝修真係好靚好舒服，又有海境睇，5分。不過又係一個問題，無人理你。我要自己揾個女仔先知可以坐邊，同攞個menu。等到個靚海境位後，我地就點左兩杯香檳，一杯威士忌，同一杯sauvignon cooler。

飲品到前waitress姐姐比左一個蝦片basket我地。好新鮮，好脆，少少辣好好食。
飲品到啦，香檳同威士忌冇乜驚喜，我杯sauvignon cooler就好好飲：夠涷，好refreshing，唔會太甜或者太多酒，而且杯面兩粒提子好甜。

聽auntie講佢上次黎係冇小食既。我地就問姐姐仔攞個dinner menu 睇。佢就話酒吧依邊啱啱新加左個D snacks我地可以試下。因為我地重有飯局，所以就叫左兩樣野試：

個presentation勁得既steak tartar大家一定要試。係三枝匙羹掛係個架上。一人一口，共三口，正到dum幾聲。　味道教得非常好，好到冇得彈，但有好難形容。佢用左適量既蕃茄醬（可能係cocktail sauce)，令到個steak tartar 好鮮味。因為大家一見到已經好impressed，又忍唔住要立刻試，所以唔記得影相比大家睇 - sorry!
我地重叫左個雞翼。黎到我地先知個雞翼係冇骨，而且都係一人一口，好別緻。唔知係咪食左個steak tartar先，覺得個雞翼唔夠咸，不過個肉身就幾嫩口。

有人請客，為同行幾位朋友慶祝生日，我地特別早一個星期訂位去佢最欣賞既友和食日本野。我地真係有福啦，魚生剛剛到，見到好多好正既生魚，重睇埋師傅劏魚既刀法。今次影左好多相，但食評內只能挑選其中8張，不過一陣我會喺友和嗰頁post 埋上去。所有野都好新鮮。我地重要食到encore好多樣，重要攬住個肚走添。

唔好哂時間，等我續一介紹比大家：
　粟米頭盤 (季節性)：必吃1!!! 非常鮮甜爽口，正到我同爸爸唔鍾意食蔬菜既人都食到要encore!!! 。 粟米係切成一片片既（我地鍾意呀，唔洗自己喳住黎咬），可以用筷子夾起，不過要好小心，因好容易跌。

　炸三文魚皮：必吃2!!! (sorry唔記得影相）經理推介，好薄，好脆，好夠味，入口重會溶，無人話你知真係好難估到係魚皮。

　拖羅壽司：必吃3!!! 條魚剛剛到，師傅劏完我地係頭8個欣賞到既食客 dum dum dum... (dum 幾聲) 食到我地大家都要encore!!!　入口會溶架!!! 温度啱啱好，好鮮甜，係我食過最好食既拖羅!!! 所有拖羅fans真係唔好錯過，一定要黎試下。

　金目鯛刺身同八爪魚刺身：我個人係比較喜歡食壽司，可能係因為有飯。因為爸爸要食薄切既刺身，經理介紹就左金目鯛。我媽媽鍾意食八爪魚，見到啱啱交到師傅手上既一條咁靚既八爪魚(見圖)，就忍唔住叫左個order。嘩!! 好新鮮好甜呀，八爪魚個圏圏係最好食架!!

　海膽壽司：必吃4!!! 話左比經理知係我地生日嗰幾個既favourite，唔知係咪師傅私人醒，好勁呀（見圖)。鮮甜滑溜，真係冇得彈!

　蘿蔔苗拖羅卷：問經理可否介紹個特別既卷物，佢就叫我地試下冇飯既蘿蔔苗拖羅卷，入面有蘿蔔苗，拖羅同蟹籽。好清新既鮮味，而且D蘿蔔苗好嫩口。

　燒三文魚壽司：必吃5!!!　係友和個網頁見到幅相，所以叫黎食。平時唔知係咪喺buffet食得太多三文魚刺身，今次食到依個燒三文魚壽司我以後都會轉左食燒既。　唔需要點汁，三文魚本身有味，上面重有薑溶。我又要encore!!! 　好似細佬仔時第一次食到D咁好食既野要daddy mommy比多D個隻。

　燒秋刀魚壽司：必吃6!!!　我地叫壽司食時經理第一個推介。佢解釋因為我地啱啱有8個人，一燒條秋刀魚就要做8件，所以每次叫要最少order 8件先得。我地好多人未食過唔係好想試，因為驚腥同多骨。佢就話包冇骨同包唔腥!!! 咁我地就大膽試下。嘩，我地每個人都拍哂手掌!!! 好食都難以形容，所有人都再encore!!! 　個秋刀魚唔只冇骨，唔腥，個肉重好滑好嫩好細緻，燒出黎個味道好香，真係冇介紹錯!!! 　好想做卡通片入面既主角大叫大跳飛上天。

　生野我地重食左我地平時都好鍾意食既Mirugai (giant clam)同油甘魚Hamachi。全部都好新鮮好清甜。如果大家個肚重有空位都不訪試下。

　必吃7!!!　燒拖羅魚拗!!! 我地屋企通常都會叫燒Hamachi魚拗食。不過經理話拖羅魚拗重好食!!! 真係講得冇錯，我地以後係會叫拖羅魚拗!! 入到黎已經香噴噴，燒到個皮好脆，D肉好滑好鮮甜。我地食到lam lam lay。

食完個拖羅魚拗我地真係再無餘力啦。不過我同兩位較肥既朋友都要食埋個柚子sorbet先肯走，幫助消化嘛。

大家今次真係好似去完演唱會咁，encore左無數次都重想繼續黎。食完今餐之後覺得以後唔洗去第二度食日本野。 其中一個好鍾意食日本野既人話質素高到好似去左日本食咁。　唔洗比錢，所以唔知幾貴。不過食到咁正咁新鮮既日本野，貴都應該啦。

適逄一位外國訪港既朋友生日，所以帶左佢黎我最鍾意而且一間美國食唔到既潮州飯店＂尚興＂慶祝

今次特別帶埋相機影左D相，希望大家可以欣賞到上次介紹比大家既食既菜色。尚興食物保持水準。滷水鵝腸鵝腎夠爽，味道正到暈。因為飲酒，所以就叫左兩個香口D既餸：煎荀果同川椒雞。兩個都唔油，我朋友好鍾意個煎荀果蠔仔粥係我既favourite (其實所有都係我既favourite) ，我每次幾飽都一定會叫，因為D蠔仔真係好新鮮好肥好甜，而且永遠唔會令你失望。

其實我地重叫左韮菜鵝紅同滷水鵝片，不過掛住食野唔記得影相。

見龍門就黎唔做所以同同事幫親買兩盒飯：多汁既叉燒飯同燒鵝飯，HK$ 23/盒。一人一款上到寫字樓分，因為雙拼要HK$26。

嘩!!! 熱辣辣，好正呀。半肥瘦叉燒，肉身好嫩，味道好好，我好滿意，配上熱飯係一個好重要既因素。真係估唔到原來龍門既燒鵝係咁好食，可以話比得上香港名牌庸記。燒鵝最正既係佢肉身有汁所以咬落口一D都唔覺得乾，而且。雖然佢冇庸記既秘汁，但係我同同事都覺得個味道教得好好，唔需要加秘汁。

有機會大家一定要係佢關門前試下!

外國朋友訪港，撞啱佢生日，所以係佢入住既黃金海岸酒店附近既商場食完飯同佢去甜品屋食蛋糕慶祝。一行四人食左四款唔同既蛋糕。壽星妹好鍾意食朱古力，而且見到個金字塔朱古力好特別所以就試左個 chocolate chip mousse cake。蛋糕入面係冇chocolate chip，入面下半層先係chocolate mousse。朋友勉強話OK la... 但見佢冇食哂就知道有幾OK... 第二位好鍾意好立克既朋友因為早前食過一個好正既 horlick cake，所以唔洗諗就叫左個horlick cake食。佢好失望，因為個蛋糕完全冇好立克味而且好乾。食黑森林嗰個就話無乜點。我自己就食左個又硬又乾又冇芒果味既mango dome cake。嘩，因為全部座位都係室外，我個蛋糕面既粉吹到周圍都係。一句講哂非常唔好食，試都唔好試!!

每個蛋糕係HK$20。如果要埋杯咖啡或茶就要HK$40/set。

有朋友來港開會住係黃金海岸。當晚係佢生日，所以就入左去屯門同佢食個晚餐。因為自己對屯門都唔係好熟識，又唔係好想係酒店比人gurr，所以上網睇下附近有乜野商場，再係Open Rice到睇下商場入面有乜野好食。因為朋友係西人，所以唔係好想同佢食西餐，其實佢都比較鍾意食中餐，點知大部份既食評都話商場中菜認真麻麻。最終係我搭左個半鐘頭入到去屯門，同朋友一齊行到去商場後，先決定試下黃金一品香。我地大家都抱住一個麻麻地好食既期望入去。

因為朋友生日，一去到我地就叫左啤酒飲。先叫兩樣餸睇下好唔好食先繼續叫。我地就叫咗個上海炒年糕同青椒毛豆炒干絲。唔知點解一諗起上海菜我就會覺得一定會好油，不過今日好滿意。首先個炒年糕一D都唔油而且個汁唔會一pat pat，個年糕少得好好，完全唔覺得佢chi lup lup，個味道都唔錯，我同朋友都覺得好食。我個人其實想試下佢用雪菜肉絲炒年糕（menu上有，但係我地今次試左個上海式）。青椒毛豆炒干絲好食，因為夠乾身，而且唔油膩，個味教到啱啱好，一D都唔咸，又唔會覺得淡。我地食到一半，我朋友有兩位朋友就入左黎餐廳join我地。男友人叫左個上素餃子，蔥油餅，菜肉包同東坡肉。頭三樣都好清，味道無乜點。東坡肉（sorry，當我記得影相時，男友人已經食左四份一）雖然有層肥糕，不過係東坡肉都有，而且無或者係怕肥就不如唔好食食落真係唔覺得太肥膩，味道重幾好食添。

公司有個客同我地做節揀左係佢地左近既東園。因為我食飯時間有限佢地已經叫哂野，等我去到有得食。一去到我已經好開心，因為見到有BB鴿。嘩！好正 - 首先個皮好脆，夠熱，肉身好嫩有汁一D都唔乾，HK$16一隻，真係低到暈。　我地5個人食左7隻，真係當正係主菜。我地跟住重叫左HK$ 6.8蝦餃，肉地唔＂hai＂，又有少少汁所以唔乾，大大粒真係好低。其他點心都唔錯，我最鍾意既燒賣同山竹牛肉都好穏，不過我會推介個HK$ 6.8蝦餃。我自己其實已經好夠飽，不過因為其他4個係大漢所以唔係好夠佢地食就叫左個福建炒飯同干炒牛河。佢地讚個干炒牛河好好食，夠乾而且唔油膩，味道啱啱好唔會太咸或太淡。個福建炒飯都好好，比足料，D汁唔會太多搞到一pat pat。

雖然我只係逗留左半個鐘，但係真係食完真係覺得又好食又低食。所以一定要係Open Rice到讚吓。今次好彩佢地一早訂左位，因為出邊好多人排隊等位。大家如果想去飲茶就記得打去訂定位啦。

星期三收工時黃色爆雨所以爸爸打電話比我叫我留係灣仔食飯。媽媽已約好幾位auntie係Cova飲完茶上去Conrad個bar飲野。飲完野我地就去左Stefanos食晚餐。講起有段古 - 其中一個auntie R 因為係某雜誌睇到篇食評話Stefanos既意大利餐好家庭式，個廚係西人，食物重好一流添，所以一直都好想去試下，點知每次黎到門口都無開，失望左好多次。 當日撞啱大家都唔返屋企食飯，佢就提議一齊去試下，重驚冇位所以特地打電話去訂位，非常認真。我地係Conrad飲野時爸爸就話上過Open rice睇食評話Stefanos出名食Pizza同埋食物好有家鄉feel，所以我地都好期待。

我地由金鐘行去Stefanos一去到個門口第一個感覺係唔起眼好容易會miss。入到去見到一D好簡單既裝修，木造既摺枱同摺櫈，同行一位"high-class" auntie S 見到個格局就已經好反感。佢就問waiter攞個menu睇。waiter哥哥就話佢地"整"緊個menu，就比個舊既比我地睇，重提議我地食個HK$148既龍蝦牛扒餐。講真個句，個menu真係好簡陋好殘舊，不過要食過先知間restaurant得唔得。因為爸爸上Open Rice睇到Stefanos 最出名食pizza，而waiter哥哥又無介紹到，所以就問佢係咪pizza最好食。佢答：係，不過個廚放假。　最想黎既auntie R 就追問放假個pizza廚係咪個西人廚。無錯，無廚，無pizza。（好似另外位食評話齋 bad sign #1）我地所有人都O哂嘴咁個廚唔係到我地一定唔會食pizza啦，第日可以再黎試之嘛。我地再睇返個menu，真係睇唔到有D乜野既家鄉意大利野bor...

首先等我講講我位auntie S，佢對食係好講究，價錢唔係一個問題，但係食野時要知道食物係邊到黎，新唔新鮮，而且佢係唔會比面人，有野唔鍾意就會照直講。所以佢睇完menu同聽完waiter哥哥就問佢menu上同佢介紹既牛扒係邊到黎既，係咪US prime，因為佢只係鍾意食美國牛。waiter哥哥就望下counter 後面既女仔然後答係"頂級安格斯"，我auntie S 就好無耐性大聲再問佢係邊到黎既angus beef，係咪美國？（bad sign #2!!! 英文唔叻唔緊要，不過你都要知道自己賣乜野先得架）佢就再望個女仔溝通後答係New Zealand黎既。一聽到係New Zealand黎我auntie S 就不停同我地同行既人話佢唔會食New Zealand既牛，然後就再問龍蝦係邊到黎。聽到係Boston黎既就追問下點解價錢咁平係咪新鮮龍蝦定係急涷龍蝦。waiter哥哥就好唔願意咁答係急涷龍蝦。我auntie S 面都黑埋話佢乜都唔會食，最多食個最安全既肉醬意粉。(講真個句我地其他4個人都預左佢會好唔满意，不過因為推介佢去既係佢好朋友，重要話想去左好幾次，所以佢都無計。）我媽媽最鍾意係飲湯見到menu上冇湯所以就問waiter哥哥有乜湯飲。答案係冇湯飲!!! (bad sign #3) 當我地重商量緊食乜既時候，我地位已經好不耐煩既waiter哥哥就行去個counter叫後面個女仔落單因為佢唔落啦。（bad sign #4!!! 發老脾?? 咁都得???) 因為我坐係個counter前面，所以我見到哂聽到哂。當然見到大家都咁火既時候我乜都無講，只係記係個腦到，留返係Open Rice到報告比大家知。

(Note: 我媽媽話佢有少少奇怪因為未聽過意大利餐出名食牛扒何況係家庭式意大利餐???重要係New Zealand 牛扒?? )

到姐姐仔黎落單，佢比我地第一個感覺係不太友善，好冷，只係想落完單就走人個隻。（sorry... 已經由bad sign變左做 problem #5!!! 我比既服務分一定會好低） 我地就叫左一份肉醬意粉，一份煙肉意粉。當我auntie聽到我叫一個龍蝦牛扒餐同爸爸分時，佢就大叫我地要一份整angus加一份整龍蝦分，我地就順佢意思比佢幫我地叫左兩份angus加一份整龍蝦大家分。令外一位auntie J 就睇完menu想叫份New Zealand Rib Eye (請留意: menu上串錯字 "rib eye" 串成 "rip eye")，姐姐仔就問佢想要幾成熟同跟乜野。我auntie J 就話要七成熟跟意粉。當然我auntie S 又comment 話七成會太熟叫auntie J 要生D。Auntie J 就解釋話佢怕生所以七成啱架啦。咁我地其他人就要五成既angus。姐姐仔好有禮貌地confirm張單時就話我地total 叫左六個餐。我地當時先知全部都係餐。我地就數下係六份。auntie S 就話係五份，姐姐仔就好大聲且頗不客氣咁話係六份。Auntie S 就叫姐姐仔repeat一次，聽完兩個意粉，兩份angus，一份龍蝦同一份rib eye，auntie S 就話係要兩份angus唔係要rib eye，我地就幫佢解釋話auntie J 唔要angus佢就話比姐姐仔聽咁每樣牛要一份就得啦。其實我地同行大家都好明白我依位auntie係好難服侍，不過我諗每一間餐廳都會有機會遇到依款客人，waiter們係可以比多D耐性既。

因為auntie們飲酒好講究，所以為免出事我地多數自己帶酒。今次我地帶左枝紅酒黎。因為我自己唔飲就叫佢攞5隻紅酒杯。黎到原來間餐廳係冇5隻紅酒杯，因為其中一隻係白酒/香檳杯（problem #6: 餐廳唔夠紅酒杯或對酒唔係好認識）。雖然枝酒係自己帶黎，不過佢地除左幫你開酒之外，其他就要自己黎，包括倒酒（problem #7!!!）。

到食物啦，唔好問我點解，不過五個餐係分開上既（problem #8，西餐大忌）。首先係黎個肉醬意粉，個賣相OK，唔會太多蕃茄醬，不過味道咸左D同D意粉唔得彈牙好"林"(媽媽話好有港式西餐feel)。跟住auntie J 個rib eye拼意粉，auntie J 鍾意佢個牛扒汁分開上，因為佢最驚D汁太多或者係一pat pat。客觀D講句，我就真係唔覺得依個牛扒有任何homemade feel，我喺扒王之王或其他扒房或茶餐廳都係食咁上下既野。我諗其實佢既價錢HK$78一早都暗示左依一點。我冇試到，不過auntie J 話個rib eye 係比較薄所以咁熟都唔un，味道冇乜點ok啦。我見到佢食剩左大部份既意粉所以我諗唔係好好食。跟住就黎左個煙肉蘑菇意粉，意粉唔夠煙靱，不過唔係太多cream，只係咸左少少。食完意粉就有"頂級安格斯"食，同rib eye 一樣個汁（黑椒）係另上，最適合大家分黎食因為個個對幾多汁既要求都唔同。我諗個汁係冇得揀既，因為冇人問過我地（problem #9: 如果冇得揀係一個problem; 如果有得揀而冇問我地都係一個problem）。我食左四分一份angus，以依價錢肉身冇問題，只係個汁又係咸左D。唔知係咪又係冇得揀，冇人問過我地，依個餐係跟好普通既薯菜（problem #10: 又係一樣如果冇得揀係一個problem; 如果有得揀而冇問我地都係一個problem）。到最後終於黎個龍蝦餐，我同爸爸有少少意外，因為唔係一份整龍蝦，而係waiter哥哥一開頭介紹既一半龍蝦一半牛。我同爸爸打左個眼色就好快咁食哂成個餐，以免auntie S 有機會再面黑，因為我地知道auntie S 原意係想叫一份angus 加一份整龍蝦（problem #11: 不了解客人叫乜野）。咁既價錢既急涷龍蝦係咁上下啦。

我地食完之後等左一陣都未有人清理枱上面既野（可能覺得我地依張枱既人太麻煩唔係好想理會），我爸爸就好有禮貌地問哥哥仔係咪有餐飲哥哥仔就話有想要乜（problem #12: 不友善，不清枱，且唔問就好似唔想serve 餐飲）。我地就要左一杯涷檸茶，一杯熱檸水同一杯熱咖啡。飲品冇乜特別。我地一早就己經諗住去星街間喜宴食甜品，所以我地飲完野就急急埋單走人，而且有人塊面真係好黑。原本今日係auntie S 請客，不過提議黎Stefanos 既人auntie R 見到 auntie S 黑哂面就搶住比錢。

最估唔到既係到最後個waiter哥哥入去廚房攞野時，我望入去見到一個男人係廚房入面食緊煙（problem #13）。

我係好鍾意食甜品，不過大家食到咁唔開心，又冇人介紹，所以我都冇去問人攞個menu黎研究(要問人先會有既甜品menu都唔方好得去邊啦)。所以對唔住，我係一定唔會再黎試佢個pizza，就算人請我都叫佢唔洗預我，好簡單，就係因為服務態度欠佳，完全食唔到有homemade style/taste，大廚唔係到就冇pizza食，真係好荒謬，係室內已經實行左禁煙既香港，居然係Stefanos廚房內有人吸煙。今次真係好失望!!!

首先要多謝open rice送2張意外既戲飛比我!!!
星期日原本約左Daddy Mommy去睇意外，我重早一日去爸爸最鍾意既AMC 太古廣場戲院換飛買定多張飛。點知媽媽星期日病左去唔到所以就請左個Auntie去睇。爸爸好期待因為佢覺得AMC 太古廣場戲院係最靚，最舒服同最衛生既。
不過去到唔夠10分鐘戲都未睇，佢同我都已經好失望
講真一句都預左唔會平，因為間戲院真係比到你一個好高級既享受，不過今次真係食到一肚氣
事關我地早15分鐘去排隊買小食。佢好喜歡食熱狗，見到食物部放左6款唔同既腸係個爐就已經話要食豬肉腸熱狗。我地去買野食時就要個二人套餐（包兩杯飲品，一個爆谷，一個熱狗，好似係HK$85 - 因為太嬲唔係好記得)同一個熱狗餐。個女仔就好以唔知自己做跟乜咁我爸爸就好心叫佢搞左個二人套餐先（因為比較複雜），係一杯可樂，一杯檸檬茶走冰，一個普通熱狗，一個朱古力味爆谷。到個熱狗餐時，就要個豬肉腸既熱狗。依個時候個女仔先話我地知豬肉腸係唔跟包既我地三個真係Ｏ哂嘴，我地都三個都係第一次聽到戲院有熱狗賣，有唔同腸單獨賣，但係六款腸當中只有三款係跟包，佢解釋話嗰三款特別腸個size唔同，係特別大，佢地個包唔match咁都得??? 咁我爸爸就問可唔可以加錢買個包，佢就話唔得bor...我地就覺得好出奇，我地就硏究點叫，佢就話如果你一定要個包就加HK$10!!! 我爸爸就話唔使啦浄要條豬肉腸 (一條腸都要HK$20)。我就乜都唔食唔飲以示不滿!!!
好啦，我地買完等入場既時候就開始食熱狗同腸。爸爸就好欣賞條豬肉腸，不過我Auntie 就話佢個熱狗就＂還可以啦＂。入場後佢地食爆谷時叫我試試，因為我地係叫朱古力味，但係食落去就全無朱古力味，只有甜味（caramel?），食到中間重要係牛油同咸味我地既結論：一係個女仔比錯，一係就其他人入錯而且係溝左兩個非朱古力味道一齊... 點都好我地三個一致對個爆谷及 AMC 太古廣場戲院小食部徹底失望!!!

尚興係我屋企人飯堂之一。
每次我地一定會每道餸叫，因為黎餸速度快過打針。
通常會先叫一碟滷水鵝片，一碟滷水鵝頸鵝翼，同埋一碟滷水鵝肝鵝腎鵝腸。哇，個醋校得好好，正到暈！　跟住就會叫韮菜鵝紅同煎荀果，係我爸爸favourite!!! yummy!!!　好多時都會外賣１打荀果走（不過係蒸左而未煎既）。有時我地都會叫幾隻韮菜盒大家分，因為如果一人一隻就會覺得好＂溜＂。我屋企既老人家好喜歡食炸野，所以有時會叫普宁豆腐（純粹個人口味，我食普宁豆腐係會用點滷水鵝嗰個醋）
食完一系列既頭盤，如果係特別日子我地就會食紅燒魚翅!!! mmm... 真係好食到dum幾聲^O^! D翅又粗個湯又夠濃，加2-3ｂ滴Brandy重會好香添，簡直係無得彈！
尚興既海鮮都好正架。我個人最欣賞屋企人食粉絲底蒸蟹，因為我自己敏感唔食得蟹，所以冇得食蟹，但係就可以食到有蟹味既粉絲。　我契婆就好鍾意食腌制蟹。我係家中既小霸王，被人寵慣，所以當大家食海鮮時，我爸爸一定會叫我既至愛川椒雞同煎蠔餅比我食。
契公喜歡食蒸魚，一邊食白粥，我就會同哥哥叫蠔仔粥（我地覺得白粥冇味），又係值得一讚
甜品我地就一定係食老細文少親自下廚既三寶（白果，芋頭，甜蕃薯）
各位未去過尚興既朋友真係要去試下。大家唔洗驚環境不潔，因為尚興新舖好靚（紀香姐同城城最近都有幫親過新舖），唯一係洗手間比我扣左少少分。