古早味澎湖台灣 (已結業)

星期六和同事去lunch，大家都想食台灣野，在OpenRice 找到這間古早味澎湖台灣在公司附近。1點前去到，不用等位，午餐套餐都有好多選擇。我叫咗古早味豬軟骨麵配凍珍珠奶茶。豬軟骨好腍，一咬就可以咬開，但唔夠味。麵係闊條麵，質地煙韌，咬落幾有質感。湯底係牛骨湯，不太咸，配上少少酸菜，味道又幾夾。奶茶茶唔夠濃，甜度還可以。同事叫咗古早味油渣撈麵，佢話之前冇撈混，啲麵食到落底先見到油渣😂不過油渣好香。