潮滙館 (已結業)

很多潮州朋友都推薦這一家，價格實惠，味道正宗。如果是生醃愛好者，就要提前預約。蠔餅外酥裡嫩，蠔肉飽滿新鮮。鵝肉軟糯入味，鵝腸香脆可口，不油膩，鵝肝滑嫩。鹵水方面唔投訴。凍魚好大條，今日食烏頭，肉質白嫩，香甜鮮美，魚油部分肥而不膩。春菜煲選材新鮮，軟爛可口，搭配其它菜簡直一流。蟹粥沒有拍照，螃蟹肥美新鮮，粥十分入味，鮮美鹹香，蟹黃蟹香融入粥裡，很暖胃。最後一定要推薦甜點，反沙芋頭，傳統功夫甜品，綠豆雙也很正宗。

本身是潮州人，對潮州菜有一定要求。見關注組好多人話呢間唔錯，順路經過，就試吓。個滷水鵝片，仲「鞋」過沙紙，唔飲啖水，爭啲吞唔落。滷水係幾鮮味，但太油啦，食完成口油！個鵝腸又係好油。鵝肝切到好薄，呢個算合格。鹹菜豬肚湯，冇乜胡椒味，鹹菜味又唔夠，師傅味道的確好足。個欖菜肉碎炒飯，炒出嚟啡啡哋色，奇奇怪怪。食落口啲飯仲濕濕粒粒，一啲都唔似食緊炒飯。最精彩都算係個苦瓜，煮到爛晒，完全冇口感。食咗兩件都係埋單走啦！

超過2年冇來呢間長沙灣打冷名店「潮滙館」，而家再食，水準依然。重點講吓兩味第一次食既菜色：「汕頭手打牛丸湯」，湯底是用方魚，冬菜，芹菜和紫菜煮成。牛丸勁彈口，內裡仲有肉汁，而且超重牛味，勁好味。「家鄉反沙芋」，非常考功夫既一味潮式甜品，首先要將芋頭去皮，切條，灼水，油炸，再煮糖膠 令芋條粘上沙糖，淨係講都已經知道多工夫，佢地既反沙芋口感外脆內「粉」，我唔係特別鐘意食芋頭都覺得唔錯。#潮滙館 #潮州菜 #打冷 #長沙灣 #長沙灣美食 #汕頭手打牛丸湯 #汕頭蠔仔洛 #潮州糖醋麵 #家鄉反沙芋 #椒鹽鮮魷 #疫情下的日常

今次同好多朋友嚟食 所以試到好多道菜😍 滷水鵝件 $128 芋蓉香酥鴨 $78 滷水鵝腸 $168 潮州糖醋麵 $98 沙茶牛肉河 $78非常推介芋蓉香酥鴨 一定要試😍另外凍馬友都好正 但冇影到相 馬友底部嗰層油好香 撈飯一流👍 講講下又好似有啲肚餓😝我哋因為限聚令要分開兩張枱坐 餐廳每一道菜都幫我哋分兩份上 好細心👌🏻😌

我喺香港搵到一間中菜嘢唔難，不過要高質素既就……（呢日去食既呢間中菜 真心唔掂😩）呢日去左位於長沙灣既潮匯館，呢間係食潮州嘢既，唔算多座位，當然要試埋啲嘢食先判斷間嘢係咪掂啦（大家睇埋落去 唔好行開呀🧸）P.S其實我想知道呢間嘢啲嘢食係咪都係滾水淥送俾啲客？😩另外我叫罐汽水等左超過30mins，真心想問個店員拎罐汽水要拎幾耐？罐汽水喺外太空度嚟？🙂

做完運動，三個人搵食搵個地方闊落d，坐下傾下計來食過好幾次每次出品都好滿意出品穩定，最愛反沙芋頭十分出色！鹵水鵝拼墨魚鵝夠稔，好味😋墨魚薄切，滑滑的👍🏻鹵水豆腐墊底豉椒炒花甲配菜十分出色，很新鮮！甜的！花甲ok!砂窩蠔仔粥例牌起晒泡上枱時，還是滾著的粥是開晒花，棉棉的一路食，水和米沒有分離每一口都好感恩，那種熱辣辣感覺很好！蠔仔唔算大粒，ok的。肉碎，有鮮味🙈好似新鮮豬肉是食完會掛住的感覺謝謝廚師，美味的一餐！⭕️進店前量度體溫⭕️座位間有距離感 有透明膠板相隔

一大班人諗唔到食咩最好就係食潮州嘢，今次我哋一行四人嚟咗食晚飯👍🏼已經係幫襯過好多次，所以對佢食物好有信心。今次四個人都叫咗好多嘢食，例如煎蠔餅，滷水鵝肝，滷水拼盤，鹹蛋黃炸魚皮等等鹹蛋炸魚皮好香脆蠔仔煎餅一啲都唔腥滷水拼盤好好味，同埋好足料滷水鵝肝好嫩滑 睇返啲相都想再食 呢個餸菜真係唔係間間餐廳都做得好芋頭香酥鴨就正常發揮獅蚶就麻麻哋，唔太好食仲有我最鍾意叫嘅小炒王 十分之足料總括大概就人均消費$400，食潮州嘢來講就差唔多，冇話特別平定貴

朋友生日, 佢話想試潮滙館好耐啦, 咁就去啦! 好彩打咗去BOOK 位先, 去到FULL 晒。勁! 因為另一個朋友遲到, 我地叫咗生醃瑡蚶先。生醃瑡蚶SIZE 比想像中細粒, 不過都好好味! 原味有D 咸, 原先我哋冇點個酸汁, 後來試咗, 完全可以中和個咸味, 但係又唔會蓋咗瑡蚶嘅鮮味! 記得上次嚟食話冇普寧炸豆腐, 今日問竟然有喎! 一食落口, 外脆內滑! 係超滑! 勁正! 金沙魚皮炸到勁香脆, 配埋咸蛋黃, 超好味! 已經唔理膽固醇了! 我哋仲點咗鍋貼涼瓜, 唔覺唔覺, 全部都係炸物, 食到呢碟, 感覺超熱氣! 不過又忍唔住勁食!涼瓜好甘, 鍋貼面又薄又脆, 正!最後以清心丸綠豆爽結尾, 好清, 唔太甜, 清心丸好煙靭, 好味! 

潮匯館係荔枝角都有d名氣餐廳既環境係一般, 但勝左食物既質數真係唔錯😋🍽蠔仔粥💰42其貌不揚既蠔仔粥, 但味道真係好唔錯咖一上檯就聞到熱湯撞芫茜既香味碗粥好足料,有分量幾多幾多既肉碎,起碼十幾粒蠔仔,仲有好野味既方魚乾🐟蠔仔新鮮, 加埋半肥瘦肉碎, 湯頭清甜,仲有浸左湯既方魚乾咬落仍然有嚼口,滲出魚香,增加成碗粥既層次😋👍🏻落埋幾滴辣椒油 正👍🏻🍽大腸滷鵝肉飯💰55餸同飯係分開上既餸方面有滷大腸+滷鵝肉+滷豆腐大腸滷得好入味,肥膏都清得幾乾淨,未乾淨既自己都容易撇走鵝肉同樣入味,係分量唔係好多,雖然有幾舊,但有d係無乜肉,不過呢個價錢可以接受豆腐係有皮個種,有三大片三樣餸既滷汁都一樣,好入味,但都係要配飯,齋食會有d太鹹 overall 😋正值得一提係lunch同dinner既價錢都差幾多,lunch非常抵,+$1熱飲,+$3凍飲...所以通常都lunch黎食, 餐廳環境係一般,如果係chill住gathering 食完要轉場💁🏻‍♀️

轉工加上疫情, 已經好耐冇去潮匯館食飯了! 今日心血來潮約咗幾個朋友出嚟, 一行四人去聚聚舊。以防萬一, 我早一星期打咗去訂位先。而食店當晚7:15 有打俾我CONFIRM BOOKING。一去到, 呀! 全院滿座呀! 好彩打咗嚟訂位咋! 打開MENU 睇下叫咩食先, 咦~ 耐冇嚟, MENU 都轉咗少少! 冇問題! 鍾意食果D 仲喺度! ✌家鄉炒薄殼朋友未到就叫住炒薄殼送住啤酒先。薄殼唔係成日有, 好彩今次有。炒得好香辣, 送酒超一流。鍋貼涼瓜本來想叫鍋貼小棠菜, 但係冇咗! 照叫鍋貼涼瓜。薄薄脆脆的, 而且涼瓜係苦嘅! 啱晒我哋鍾意食苦瓜嘅朋友! 芋蓉香酥鴨炸粉包住薄薄嘅芋蓉同鴨, 好食! 唔會太油! 滷水鵝內拼呢個我只係食咗D 豆腐, 入味! 金沙魚皮超好食! 咸蛋黃包住鮮炸魚皮, 超脆但唔太膩! 潮州糖醋面必食! 麵整到外脆內軟, 加上砂糖同甜醋, 食到唔停口呀! 家鄉反沙芋反沙芋係我哋今次嚟食嘅重點呀! 都係咁好食! 砂糖包住舊芋頭, 全部芋頭都好粉, 好淋! 超正! 我哋仲叫咗個蠔仔粥, 因為食得太快而冇得相機食先! 又係超好食! 咁耐冇食, 都維持高水平! 難怪當晚全場滿

已經很久沒有光顧此店，過往記憶是好食的潮州菜館，特別是他們的鵝肝，特別軟綿好味，堂食無論味道及份量都是正常好味的，沒想到外賣就中伏今晚外賣了5款小菜，一共$705。煎蠔餅$88 正常味道鹵水鵝肝$158，顏色是灰灰的，帶有苦味鹵水雙併（鵝片併掌翼）$158，鵝片完全沒有什麼肉，好像是搭頭搭尾的豉油皇鵝腸$168，份量少得嚇人，味道一般沒想到此店現在的食物質素及份量都令我非常失望

很少去荔枝角/長沙灣，今次係朋友介紹先知道呢間菜館。雖然炸粉有啲厚，食落有少少油，但裏面的芋頭仍好淋、好滑。上枱前已聞到陣陣鹹蛋香，鬆脆入味冇腥味，比猪紅淋，醬汁唔會太濃而蓋過鵝紅本身嘅味。食過上海做法，潮州生醃都係第一次食，瑡蚶好細隻，用酒加辣椒浸住，我覺得腥☹️，朋友就話好食。味道一般，鵝肝同鵝肉都入味，鵝腸唔肥美仲有啲韌。蠔仔大粒又夠多，加埋芫茜蔥，大大鍋四個人都食唔晒朋友話就算好飽，都要叫呢個甜品。出面糖衣雖然好脆，唔鍾意食甜嘅我，都食咗兩件少糖粉的

呢間嘢好有年資但又好低調。當日第一次食驚為天人！連我老媽子呢D咸鮮鼻祖都話正就知OK!螄蚶鮮甜爽口，完全唔腥！好食！鵝紅滑嫩肥美，正！個人感覺鐘意蠔餅多D，所以一般！鵝肝鵝片鵝腸全部都好！貴但好食！之前同朋友去潮興食都人人話正，但呢間個人感覺更勝一層樓！

朋友說這家潮州菜館午餐價格親民，可以一試。我們點了一個鵝片撈麵，還有一個時菜斑腩飯。鵝片撈麵的鵝片有7片，算是不少，鵝片味道好，不過肉質較柴。撈麵是粗麵，爽口彈牙，沒有鹼水味，不過很油膩。至於時菜斑腩飯，我看價錢時，以為是碟頭飯，卻原來是飯和菜分上的。斑腩頗多，不過粉比較厚，肉比較少，味道中規中矩。那米飯卻不合格，入口鬆散，質感奇怪。在這兒食午餐，加$1有熱飲一杯，朋友點了熱檸檬茶，味道沒特別，特別在盛飲料的杯子，本該是透明的膠杯，杯子卻變成了白濛濛的，也許該是更換杯子的時候了。

今晚有啲野做，遲左開飯！好彩去到9點。叫完野食9點三就上曬枱啦！簡直快靚正，好味又熱辣辣上枱。旋風式食晒😋呢間潮州菜幫襯左好耐啦！終於的起心肝寫食評！去圖😆鵝肝併鵝片： 一貫水準，肝爽，鵝片唔un！底層豆腐滑有豆香！普寧豆漿炒生菜: 咸香得黎有鑊氣！ 但油左少少。芋蓉香酥鴨： 呢個有驚喜喎🙀唔係朋友叫，我地都未必會試。通常2個人食飯，就太大碟啦！脆！好食😋芋頭味濃郁！但鴨味就唔係好出。底係腐皮定鴨皮食唔出。可能啲鴨蓉溝落去芋頭到。睇反食譜，都係花功夫既餸！讚👍蠔仔沙鍋粥(例): 都係甘好食，甘多年都無變！啲蠔仔🦪鮮味！配埋柴魚，正！最鐘意多芫茜同蔥同埋有飯粒既粥！清心丸綠豆爽: 梗係要有糖水結尾啦😎睇圖以為係馬蹄，原來係綠豆蓉！都幾清，唔太甜！好食到有個心❤️個心唔係特效，係燈光返射咗落去！P.S. 3個人食堅飽！😝之前疫情見佢無開，以為執咗，傷心💔左一排！呢間啲豉椒炒鵝腸，煎豪餅，凍魚，普寧豆腐(近排無貨)，酸甜排骨，都好好食架！仲之係我嘅推介之首👍