金閣御膳正宗海鮮蒸氣石鍋 (已結業)

早兩日夜晚，朋友生日，佢話想去食打邊爐，咪上openrice 網睇，已經見到佢的評語好好。又有圖文並茂，又有詳細介紹，咁我地一共8人行行下就話要試下佢。無辦法啦，生日大晒。入到去全場冇客，由於當日係星期六的8:00晚飯時段，稔住叫住幾樣試下先。我叫了池名生抄骨，抄牛肉，如果好食再叫其他。先來個蕃茄海鮮湯底，冇味湯，唉！再叫個活魚刺身，d魚生仲有冰的感覺，跟住個牛肉差到死，收人$300 得幾片肥牛肉，唔係要好靚，但唔好差到甘難食，d牛肉又肥又多根，食都食唔到。最後生抄骨仲離譜，凍冰冰，唔明佢d 蟲草鷄切得太細，食唔到，又多細骨。d味精好勁，攪到好口渴。埋單每人600蚊，超貴，如果好生意就吾會冇客，但以後請都唔去。希望佢地睇到d評語去改善啦。但我覺得，佢之前的評語

見呢度食評幾好，就去幫襯下。嗌左個套餐，海鮮普通到不能再普通，冇鮮甜既海鮮味，蕃茄湯底一般，算不上好好味，牛肉可以再切薄一點，亦沒有牛味。之後既海鮮湯飯不過不失，整體而言，餐廳員工的服務態度很好，招呼亦周到，但食物質素來說只是一餐好一般既蒸氣火鍋，這個價錢太唔值，同樣價錢係出面大把選擇。

象拔蚌刺身$20 1份，A5和牛簡直好食到要encore幾碟，蟲草花蒸鷄又香又滑， 加埋瑶柱鲜准山排骨做粥底 ， 給收左幾款蒸蜆，紅蚧，鱿魚，和牛，鷄啲精華，超鲜味，好食，會再來。

打邊爐絕對稱得上係香港人Gathering十大節目之一，勝在選擇多！近期大熱嘅蒸氣火鍋，以蒸煮用法去保留食材當中嘅鮮味，絕對係健康版邊爐！特級安格斯肥牛: 蒸2至3分鐘即可，牛味、脂肪比例不錯！餐廳更會安排店員為客人蒸食材，唔怕蒸過龍，值得一讚！推介滋味食法: 先食味道較淡嘅海鮮▶️肉類▶️利用底層吸收晒食材精華嘅清湯製作泡飯或烏冬

今日Step和娘子探望住在傲雲峰的朋友的BB，BB實在太得意好玩，玩到快樂不知時日過，轉眼間已經差不多7點鐘；臨走時，Step和娘子決定在土瓜灣附近食飯，所以問問朋友有沒有附近食店推介…『朋友，你家附近有沒有好吃的食店推介?』Step問。『多的是啦，你想吃甚麼? 這裡甚麼都有…』朋友豪氣地回答。Step和娘子想了一陣子，大家異口同聲地說：『蒸氣石鍋!!這裡有嗎?』『嘩咔咔，當然有啦，這裡有一間樓上舖的蒸氣石鍋店，規模不算大，但用料新鮮湯底配料有創意，我們已經去了好幾次，值得一試呢!! 這家蒸氣位於北帝街29-35號，名叫金閣御膳海鮮蒸氣火鍋…』結果Step和娘子立即打電話book位，和朋友和BB道別後別步行去金閣御膳。------------------------------由傲雲峰行去金閣御膳大約需要5-10分鐘，在土瓜灣住的朋友，到金閣御膳用餐絕對方便；但如果是由其他地方到來的話，在沙中線未通車之前(可在土瓜灣站下車)，到來土瓜灣的確有點不便，就Step觀察所得，大部份標著『土瓜灣』為目的地的紅色小巴，都可以在北帝街附近下車，就這樣應該方便很多呢…~裝潢擺設~金閣御膳海鮮蒸氣石鍋

家人愛吃蒸海鮮，於是核到土瓜灣的金閣御膳。地方寬敞，不錯。選擇不是太多，而且價格偏貴。意大利蕃茄海鮮湯底由於經理推薦這兒的意大利蕃茄海鮮湯底，我又覺得幾特別，不是每次都是用粥底蒸海鮮，於是試下。湯味濃郁，蕃茄味濃帶點海鮮的鮮甜，而材料都非常豐富，有蝦，蜆等。聖子皇$58隻口感爽脆，但體積太細，絕對不是聖子皇，也不值$58隻。蜆肉$68全晚最失望，$68得8隻細蜆肉，而且有沙，定價也太高了。蟲草花雞$168 半隻雞肉嫩滑，不過骨太多，斬得太細件，引致太多骨碎。吃完海鮮打算飲湯，誰知剛剛蟲草花雞的油全都滴下去，湯面都是油，如何喝呢?失望。

不久前已食過呢度蒸氣海鮮，已覺得好正超新鮮，最近增加好多小炒菜式，朋友試過話好好味，仲做緊$20蚊象拔蚌刺身今次公司搞食飯，當然推介呢個好地方啦，聽講知名老牌食府大厨坐:，果然小炒出色一:！！！推介好創新又勁好味、獨家自創既椒鹽粟:、鵝肝醬白玊:，懷舊蝦多:！香甜多汁粟米，夾雜椒鹽炸蒜咸香味，估唔到可以甘:！必:而鵝肝醬白玊菇好有鵝肝:，仲食到菇菇本身juico, 外面無得食既創新菜，值得:！而蝦多士勁得，好香脆鮮蝦肉彈:！師傅技術真心一:，老牌知名食府出身，手藝試過你就知點解甘:，一放底呢3碟餸就比同事掃清o！其他出色既仲有黃金脆皮豆:超:，D麻甩仔同事叫嚟送酒，估唔到脆皮豆腐比我食過其他飯店出色甘o，皮薄外脆內軟超勁:，一D都唔油:！一定會推介比朋友，我一定會多D嚟食:！！其實地點好近旺角同紅墈，車程10mins就到，好方便，無飯家:為食既我，呢度會成為我飯堂:！仲收零晨3點，又有生啤飲點可以唔嚟多:!街坊價錢，老牌知名食府大厨坐鎮，唔試走寶呀！:！全枱飯後感真心經濟平靚:

最近天氣時好時壞，所以我都唔太敢食D熱氣D野，因為怕上火，我一上火，就會爆痘，真系好麻煩。所以今日我同細佬來呢度食翻餐清淡D嘅食物，希望唔好咁上火吧！ 今次我地點咗超多蔬菜類，好似菜心、南瓜、娃娃菜、粟米，蒸出來嘅菜心真系超級軟而且好食，南瓜味特別濃，南瓜系幫你切成一塊塊，方便用筷子夾，粟米嘅話，可以用手食。 個湯系意大利海鮮湯，雖然影嘅相好似無甘多海鮮，其實系海鮮太多而且又重，都沉在碗底裏。味道真系有海鮮嘅味道噶！唔錯！ 蒸翻只龍蝦先，龍蝦唔算好大只，但系勝在新鮮，肉質超嫩，口感爽口彈牙添！

是日去土瓜灣，土瓜灣其實我就唔太中意去，但朋友強烈建議去食金御膳，佢話超級好食喎！咁我當然要試下啦！一泥到經理強烈推薦的意大利蕃茄海鮮湯底，第一次食蒸氣石鍋唔係用粥底，經理叫我地飲住湯等食物到！我地當然乖乖听話啦！湯應濃郁，蕃茄味香濃滿溢，海鮮湯鮮甜到不能形容，超大鍋！六人都飲唔曬！裡面的海鮮也超多，蝦，蜆，蚌，螺，應有盡有！$288 好似唔平，但飲落你就知抵飲啊！裡面的薯仔也有很多，愈煲愈鮮甜，好正啊！佢地做緊生蠔特價$10 隻，即叫即開，新鮮大隻肥美又爽脆！抵食啊！飲左幾碗湯，要開始吃蒸海鮮啊！我地兩個人，實在叫不到太多！只點了生蝦半斤同象拔蚌仔生蝦很大隻，半斤好多隻，足斤量！新鮮鮮甜！美味好吃！還有蚌仔清潔得好好，蒸過後很爽口彈牙！正啊！蒸完海鮮後，鮮味流入海鮮湯內，更加好味！雖然飲不曬，我決定打包湯水回家啊！另外一提這裡的竹蔗水很足料，熱氣的我必點啊！雖然我討厭這個地方，但愛上了這家高質得很的蒸氣石窩店，尤其這個足料美味湯底，直的一試愛上啊！

土瓜灣一向只有平價食店, 但約三個月前,開左一間高檔既海鮮蒸氣石鍋店~ 所以小記當然要去一試啦!店內設有卡位, 座位舒適, 另設有VIP房呢度既蒸氣石鍋唔係高塔一層層蒸, 而係每樣海鮮逐次蒸...唔怕海鮮被蒸過時, 因為蒸爐係有時間鍵, 而蒸呢個步驟都係侍應負責.我地終於可以慢慢享受"慢食"既海鮮蒸氣石鍋...前菜有酸蕎頭, 令大家可以開開胃先~唔洗加錢, 茶芥已包既混醬...我地可以任意自行調味~ 茶芥每位 HK$18------------------------------【秘制意大利海鮮湯】HK$288味道同蕃茄薯仔湯一樣, 酸酸甜甜, 足料!! 有好多隻蝦同蜆, 雖然海鮮已被烚到冇哂味, 蝦唔係爽口, 但鮮味被滾出,令個湯好甜, 而且內有蕃茄, 茄紅素十足, 所以呢個湯底可以飲之餘, 仲可以當火鍋湯底打下邊爐, 又開胃又健康!再有薯仔片係湯入面, 更為飽肚!【鳳城水餃】HK$48/半打皮薄, 經蒸煮後, 鎖住餃子入面既豬肉鮮甜肉汁, 豬肉更混埋蘿蔔絲, 有口感之餘, 更食得健康!【手剁蝦丸 (4粒)】HK$60略為少少彈牙, 細細粒, 一啖一粒...有d鮮甜, 但價錢貴左d~

今晚搵家姐食飯，就返近家姐就去土瓜灣啦,兩大兩細去咗金御膳海鮮蒸氣火鍋呢度環境好舒服呀，原本坐卡位好正架，不過就返兩個小朋友就坐圓檯好啲部長推介咗個大人細路都啱嘅意大利海鮮湯底呢個認真抵食，裡面有蝦有花蛤超級足料，味道好濃郁加拿大象拔蚌鮮甜爽口，好新鮮清蒸龍躉片，又係揀樣個個都食得嘅蒸魚，魚似好嫩滑呀鮮蝦雲吞，第一次咁樣食蒸雲吞，原來清清哋都唔錯，皮薄餡靚又抵食

Weekend嘅時候，去穩同學拿翻之前借嘅書。距話隨便請我吃飯，我話OK，地點你定。定了SENT Message俾我，我可以自己過去。然後距就發咗呢個地址俾我金御膳。原來距已經系度等緊我，然後我發覺都系食蒸野，我仲話，你唔怕熱氣，距話其實蒸野唔熱氣。其實我衣家都唔知熱氣唔熱氣....蟲草花雞，雞肉太多喇吧？？？我覺得份量好大咯，見到呢個分量，我覺得其實我哋可能食唔曬我地點嘅所有野。雞肉嫩，蟲草花鋪上面，賣相都好靚，而且蟲草花真系好香，點綴得好靚。好抵食啊!!!! 清蒸龍躉斑片,魚肉真系好清甜，我覺得俾整條蒸更加好味，更加滑，無咩骨。好巖我。魚肉好新鮮，一D都唔老。其實唔加好多味就已經好好味。清清哋。鮮蝦雲吞(火鍋)半打，雲吞系我哋都唔想食飯，原來想叫面，不過我朋友話試試呢個雲吞。都系皮薄餡靚，裡面蝦肉好爽口。意大利海鮮湯底，nee個味道有D重，我朋友話如果撈飯都好味，我覺得好似西式湯咁咯。海鮮都系好新鮮。因為海鮮新鮮，所以湯都覺得特別鮮甜。good choice!!!

今日同事恩姐請食飯，帶我來咗金御膳正宗海鮮蒸氣石鍋食海鮮，同平時食開嘅蒸海鮮有少少唔同，呢間店搞咗d新意思，當場感覺新鮮曬，我哋兩條友好豪咁點咗安格斯牛肉、蟲草花雞、四寶蔬、象拔蚌、意大利海鮮湯底 、蒸魚。睇來今晚都係扶住墻出去嘅節奏了。平時我哋都係點粥做湯底多，今次要咗個意大利海鮮湯底，濃郁香醇，蒸到連骨都入味吖（感覺值入了某個不得了嘅廣告，哈哈），確實，裡面嘅花蛤、大蝦都好新鮮，蒸得滾熱辣之後飲上一碗，能量即刻返曬嚟。安格斯牛肉切得好均勻，夾起放入湯滾一滾就可以食了，肉質細嫩，口感一流。四寶蔬係玉米、娃娃菜、菜心同紅蘿蔔，放入湯里一分鐘左右再撈上來嚟食又得，直接架在上面蒸熟食又得，味道都係甘鮮甜。象拔蚌係我哋嘅最愛，店家跟住紋理切開，厚薄均勻鋪在冰沙上面，當料理嚟食都可以了，不過我哋最後蒸出來都唔差，好爽滑IN韌。

參加完一個ceremony，肚仔餓餓地，就係附近搵間餐廳開飯啦~~~為咗呢一個典禮，為咗可以著得落我套好靚好靚嘅禮服，逼不得已成日都無點食野落肚，女人為咗靚真系太可怕啦，乜野都做得出嚟！...既然個ceremony已經結束，換翻自己啲衫，做翻自己真係舒服曬。終於可以毫無顧忌咁食飯啦 半隻蟲草花雞$168,呢度系可以用蒸爐即蒸即食嘅，唔好擔心自己唔識得蒸，因為會有服務員幫你！！雞肉好新鮮，將雞肉同蟲草花放落個蒸爐上邊，然之後set好個時間，就可以等佢熟啦~~~打開個蓋，好香嘅蟲草花味就已經撲鼻而嚟啦，雞油已經自己慢慢滲曬出嚟啦，所以連調味料都唔洗點放。 雞肉鮮嫩多汁，蟲草花味都滲入去啲雞肉入面 蟲草花蒸鮑魚，單蒸鮑魚我都係覺得有啲寡，加翻啲蟲草花、蔥花一齊落去蒸，味道會更加鮮，而且鮑魚肉質肥美！！！！ 呢度唔單只可以食到蒸嘅海鮮，仲有小炒可以食。一口牛柳粒，$128.薯仔同牛柳粒一齊炒，薯仔香口，牛柳粒大細均勻，香脆可口。肉質鮮嫩多汁

呢間餐廳嘅海鮮真心覺得好味！！！行入餐廳會有一塊大黑板，上邊寫著每日推介：啱啱好我呢日去到推介嘅有花生木瓜煲豬展$38、象拔蚌刺身$398、生蠔$10/隻。 嚟到呢度各種食材都可以用石鍋蒸嚟食！！健康又好味... 228蚊嘅安格斯牛肉，大部分都係瘦肉部分，好少有肥嘅部分，食材新鮮，肉質鮮嫩多汁。口感一流 80蚊嘅法國蠔。每一隻都好大啊，味道好鮮甜，口感嫩滑，而且唔會有腥味。 四寶蔬，有粟米、菜心、南瓜同白菜。蒸完出嚟原汁原味。60蚊嘅烏雞豚肉丸同埋48蚊鮮蝦雲吞。爽口彈牙，皮薄肉嫩 如果覺得唔夠味，可以嚟翻一個288蚊嘅意大利海鮮湯底，味道濃郁。