Y Pasta

今日放工去沙田食飯，見到一間係好運中心的Y Pasta，就去試下。入到去都幾寬躺，西式幾grant 嘅design, 靜靜地可以慢慢聊天，很適合朋友、情侶傾下計。黃金忌廉軟殼蟹意粉 大大隻軟殼蟹蓋在意粉上，望落下炸得黃金，吃下去香脆十足，蟹肉鮮甜。配搭咸蛋忌廉意粉，幾咸香，而又不太死咸，一口接一口，十分過癮。香辣水牛城雞塊有白醬配搭，酸酸甜甜，雞塊幾大塊，雞肉厚實，少少辣刺激味蕾，別具水牛城醬風格，Cp值幾高，只須88元。焦糖甜脆香蕉酥配雪糕外皮炸得焦脆，加上皮薄，咬下去帶點焦甜香。香蕉肉香濃，掛上焦糖醬。香蕉酥熱辣辣，可以加上冷冰冰的雪糕，可以品嘗到熱同冷、軟和脆的口感。

今晚和太太在沙田買完東西，順道在附近的好運中心吃晚飯，發現這家Y Pasta好像不錯，於是來試試水準。餐廳是在商場的外圍，裝潢環境有情調，位置空間感足夠，正好可以舒舒服服地傾計，星期三晚上亦接近全院滿座，記得要預先訂位。餐廳主打手製意粉，亦有前菜小食、肉類主菜、甜品等，亦有提供各式酒類飲品。烤菜蟹肉沙律配麻香菠蘿汁 $118沙律全是貨真價實的蟹肉，配撘輕輕烤灸過的瓜果香甜可口，佐以新鮮沙律菜配上特製的沙律醬汁，帶有微微的刺激感，新奇有趣，輕怡開胃，每一口都有不同口味口感的變化。純牛肉醬手製寬帶麵 $148從看似最簡單的菜式中便可試出一家餐廳的水準，所以叫了這道最基本的肉醬意粉，手工寬帶做到Al dente，口感豐富，意粉有淡淡麥香蛋香，肉醬醬汁煮透入味，蕃茄鮮香同時有牛肉的豐厚滋味，每一啖都滋味豐美。川味菠蘿雞肉薄餅 $138薄餅是薄脆風格，所以吃多了亦不太大負擔，餅底口感香脆而不失麥香，配料份量十足，四川風味的醬汁麻辣惹味，另有一番食趣。

去沙田好運中心同frd聚餐。因為個frd係「細胃組織」成員，所以兩個人只係點咗一碗龍蝦湯，一碟前菜酥炸牛油果，同一份主菜酥炸廣島蠔牛油果檸檬乳酪意粉。首先，龍蝦湯，唔會太鹹，上面有啲忌廉口感柔滑，龍蝦肉鮮甜可口，好有物有所價嘅感覺。之後，前菜酥炸牛油果，好香脆，外脆內軟，炸粉包住軟牛油果，再沾啲沙津醬，可以唔洗再吃薯條。之後，主菜「酥炸廣島蠔牛油果檸檬乳酪意粉」，味道酸酸甜甜，醒胃但又唔膩。炸蠔香脆扎實，唔腥好有口感。加多杯雜苺乳酪沙冰，大熱天時，收工爽一爽，涼爽。

和朋友到沙田逛街，晚飯時間到了這一間不顯眼，位於商場外圍的西餐廳，想起了之前在銅鑼灣吃過他的舊店，質素之高於是便和朋友在此品嚐餐廳雖然屬於傳統西餐廳，但菜單亦看到不少新派菜式芝士瀑布粗薯條，薯條份量之多，另外芝士醬汁另外分開，芝士醬味道香濃，配搭添加了甜椒粉的薯條，入口味道香濃有層次意式豬面肉卡邦尼蛋汁意粉，非常驚喜的一道卡邦尼，比起坊間香港西餐廳，他們並不採用白汁處理，只是單純地採用蛋黃和豬肉油脂，是一道正宗的意大利卡邦尼，入口味道豬香味十足，配搭香濃的蛋香，高質素川味菠蘿雞肉薄餅，餐廳的創意薄餅，菠蘿雞肉配搭麻辣醬汁，入口香麻微辣，配搭嫩滑的雞肉和芝士作點綴，令人滿意

餐廳原來空間都頗大，裝修都清新。法式芝士浮台洋蔥湯 湯質地濃稠，帶有淡淡嘅酒味。佢仲附上一支小小嘅威士忌瓶子，話可以滴一至兩滴入個湯度，幾特別。整體嚟講味道令人滿意。麵包上芝士嘅味道較重。酥皮忌廉黑松露野菌湯呢個野菌湯非常杰，但我地額外加左酥皮就唔係幾夾啦。因為個湯好杰，再加埋啲酥皮，撈埋之後，個賣相好似一pat 麥皮咁樣，唔多開胃嘅賣相。味道就正常嘅。酥炸廣島蠔牛油檸檬乳酪意粉 意粉質地都幾彈牙爽口。但最唔掂係個炸蠔，炸到勁燶！炸到個皮苦苦地，覺得食完會擔心自己健康果種燶嘅程度。冇美味可言。至於個汁就係檸檬忌廉汁嘅味道，冇咩牛油嘅味道。普通。羅勒香草醬開心果仁烤菜手製寬帶麵 $153手製寬帶麵質地都OK，但係冇咩蛋香味，可能因為唔多夾個羅勒香草醬。好似食唔到咩開心果嘅味道。羅勒香草醬就正常水平。菠蘿小龍蝦薄餅薄餅質地薄薄脆脆，好似餅乾嗰種質地。菠蘿係直接將罐頭菠蘿放上去，冇烤過嘅效果。整體味道正常。環境： ★★★☆☆ 食物： ★★★☆☆ 推介指數： ★★★☆☆

開業時幫襯過兩次，裝修靚食物質素亦不錯！係洋蔥湯鹹到唔飲得得人之外，其他都唔影響。但係呢，真係越做越差👎🏼仲要我嘥埋啲時間上嚟打劣評。份量係開業時嘅一半，兩個人食$500up兩個主菜係唔夠食嘅。近三次幫襯都係咁，所以唔會再有下一次伏啦，咁嘅價錢，食得飽而又好食嘅餐廳有好多選擇嘅！仍有可取之處嘅就係裝修幾靚，行親經過啲朋友都好奇問呢間新開㗎？！有冇食過？！咁靚嘅🤣另外服務亦細心👍但係一間餐廳最重要嘅係食物嘅質素水準！真心失望

今次朋友帶我去了沙田一間西餐廳，餐廳名字已經知道主打應該是意粉類，除了意粉外，還有薄餅，小吃。餐廳裝潢舒適，有氣氛，非常寧靜。烤菜蟹肉沙律配麻香菠蘿汁，沙律菜非常新鮮鮮嫩，啖啖的蟹肉，加上香甜醒胃特製的菠蘿汁，整個沙律非常好味，開胃。香煎虎蝦冬陰功意粉，大大隻虎蝦，很新鮮爽口，意大利粉軟硬適中有口感，再配香濃的冬陰功汁，微辣，冬陰功味濃郁，非常好味。意式香草焗雞翼，雞翼很嫩滑，不過火，加上啖啖的香草味，每口都有很多肉汁，好好味。

今日同朋友行完街去左呢間走白色格調既餐廳食飯🤩Y Pasta主打手工製作意粉及以Fusion創意醬料作調味😬睇到餐牌有超過20款唔同既意粉選擇🤩亦可根據個人喜好去選不同的意粉作底👍另外還有主菜🤗pizza🍕小食意大利特色湯及甜品🍮酒類及特飲等等架🙌🥗前菜慢煮雞肉凱撒沙律🥗雞肉經過長時間慢煮保持原汁原味且極其嫩滑🤗而沙律菜上有麵包脆粒及濃郁芝士味道🥰另外好鍾意凱撒沙律醬可以另上👍🦐香煎虎蝦香辣蕃茄乾意粉🍝新鮮又大隻既虎蝦經過香煎後肉質帶彈牙質感🦐香辣蕃茄乾增添了微辣風味☺️意粉煮得剛好唔會過淋搭配蝦和蕃茄乾醬越食越開胃👍🐥香草焗雞翼用香草的腌製和烤焗表皮酥脆🥰肉質鮮嫩散發著迷人的香氣☺️伴碟沙律菜以醋汁調味唔錯呀🤗

Menu定價太貴，份量小，意粉每個都要$100up,仲有得90分鐘限時！！！我去果日係星期五諗住同朋友傾多兩句，足足吹左三次要交枱，chur過食大喜屋放題，明明出面冇人等位。Pizza 碟就好大隻，舊Pizza就….自己睇喇1830入座 1950第一次同你講得返10分鐘 可以食到20002000第二次同你講 要還枱喇！2005第三次同你講 星期五好多booking 真係要還枱！明明我行出去一個人等位都冇，隔離間牛角buffet就真係多人喇！ 總結：無下次！！！

今晚就同女朋友喺沙田搵野食，之前都有留意到喺好運中心開左一間西餐廳，所以就一於決定去試下。餐廳就喺主打各款手製意粉嘅《Y Pasta》，餐廳早前由銅鑼灣搬左來沙田嘅《Y Pasta》，佢哋除左多款出色嘅招牌意粉外，仲有pizza，各款肉類同甜品等等。餐廳闊落，環境裝修雅緻。 ~~~~~~~~~~~~食物介紹~~~~~~~~~~~~ 🧅法式芝士浮台洋蔥湯($78 HKD) 傳統洋蔥湯嘅湯底需要熬煮數小時，所以係一道看似簡單實則考功夫嘅心機菜。上枱時店員會另外俾一樽裝住干邑嘅試管食客，因為傳統洋蔥湯係會加入干邑白蘭地作調味🥃而餐廳呢個做法食客可以根據自己嘅口味加落去，非常有趣且細心。洋蔥湯飲落濃而不黏，飲得出濃郁嘅洋蔥同黑椒味，且味道唔會又唔會太鹹👍 🦞溶漿芝士小龍蝦手製戒指粉($148 HKD) 見到佢menu上有款手製戒指粉就好奇想試下，因為之前未食過戒指粉。戒指粉撈埋滿滿嘅溶漿芝士，望落十分邪惡。戒指粉嘅口感十分彈牙，唔會太生亦唔會太熟「一pat野」🧀芝士嘅調味亦都恰好，唔會食完覺得好膩。小龍蝦嘅份量一啲都唔孤寒🦞同埋食落肉質ok唔會覺得「梅」。 🤩QB明太子帆立貝意粉($168 H

#MC帶你去沙田.沙田好運中心翻新後重開，超過30間餐廳進駐，形成一個新嘅「美食中心」，當然要去看一下啦！➖➖➖➖➖➖➖➖➖➖➖➖➖➖➖➖✨ Y Pasta.“Y Pasta”主打創意手工製作嘅意粉、薄餅，採用每日新鮮手製手工意粉，當中嘅手製絲帶麵、手製寬帶麵、手製戒指粉、手製薯糰更係人氣之選。除了手工意粉，傳統法式芝士浮台洋蔥湯更係熱門菜色。➖➖➖➖➖➖➖➖➖➖➖➖➖➖➖➖🥢 法式芝士浮台洋蔥湯｜$68.洋蔥絲炒至半溶軟化，帶出洋蔥嘅香甜味，口感濃厚。半溶芝士嘅法包就係浮台！法包吸盡洋蔥湯嘅精華，每一淡都味道香濃。另外，上枱時還有一小支用玻璃滴管盛載嘅白蘭地，可以加一兩滴酒香吊味，令層次更豐富。➖➖➖➖➖➖➖➖➖➖➖➖➖➖➖➖🥢 溶漿芝士小龍蝦手製戒指粉｜$148.戒指粉外型相當特別！手製戒指粉嘅口感煙靭可口，配上半溶嘅芝士醬汁，食落好Creamy、香滑濃郁，又唔會覺得好飽膩。➖➖➖➖➖➖➖➖➖➖➖➖➖➖➖➖🥢 千島夏威夷薄餅｜$128.餅底採用傳統薄批，夠曬鬆軟夠薄身，餅邊位又夠香脆，口感豐富。薄餅面層鋪滿了菠蘿粒、火腿粒、同芝士做餡料，配以酸甜惹味嘅千島醬，大人細路都啱食！➖➖➖

餐廳轉了新menu, 見餐湯加酥皮由原先$10增至$15, 自家製甜品由$15增至$20, 便知不是單純的轉menu, 是加價了!Lunch Set1) 香辣冬陰功肉碎扁意粉 $1082) 香濃野菌湯加酥皮 $153) 柚子蜜 (凍)4) 自家製甜品: 檸檬玫瑰巴斯克芝士蛋糕 $205) all + 10%香濃野菌湯加酥皮是我常點的餐湯, 喜歡酥皮的酥脆和香氣, 不過上菜時倒有點嚇人, 碗邊滿是痕跡, 予人不潔之感。酥皮十分香脆, 一匙切下去, 弄得周圍滿是酥皮碎。因應之前經驗, 常被湯燙口, 特意放涼才喝, 湯雖然放涼了, 但酥皮依然脆口。是次的湯, 菌味濃郁, 唯份量少了, 質感亦過於稠密, 沒有喝湯的感覺。香辣冬陰功肉碎扁意粉肉碎份量適中, 肉質不乾不柴, 車厘茄又甜又juicy, 扁意粉彈牙有咬口, 掛上冬陰功醬汁, 香辣惹味。唯一可挑剔之處, 略嫌用的碟似飯堂鐵碟, 與餐廳格調不乎。柚子蜜是我經常點的餐飲, 甜度適中。上回光顧見其用高杯盛著, 是次回復用細杯, 感覺份量少了, 不免有點失落。檸檬玫瑰巴斯克芝士蛋糕賣相吸引, 巴斯克芝士蛋糕呈少許半熟狀態, 芝士味道不會過濃,

夜晚同姊妹撐枱腳佢介紹左係好運中心新開左4個月餐廳～入去環境唔錯有光猛同光線較暗有格調坐位食晚飯梗係光線暗少少好啦🤭🤭打開餐牌都好多款式～當晚主食點咗個《帆立貝明太子意粉》《小龍蝦pizza》《黑松露忌廉湯》《法式浮台洋蔥湯》甜品就點左《tiramis 同 開心果玫瑰檸檬芝士蛋糕》先講主食個pizza 味道正常發揮覺得幾脆口～而個帆立貝明太子意粉都唔錯但始終都係帆立貝冇鮮帶子咁好食但都煎得ok 意粉都好味～反而兩款餐湯需然有點貴但飲得出係心機野因為打個湯真係要時間同心機值得比錢飲～而甜品tiramisu就正常發揮～反而開心果玫瑰檸檬芝士蛋糕有驚喜絕對值得一試～餐廳嘅職員服務都好好絕對唔會一肚氣～價錢方面唔算話平但都唔算話貴所以會有下次🤭

聽說沙田好運中心裝修後喚然一新，還進駐了一些特色食肆，當然要去看一下吧！我和朋友經過這間店，就是給它雅緻的環境吸引，餐廳以綠色植物佈置，配以淺木色的裝潢，給人清新又舒適的感覺。我們二人點了以下菜式：熱浪伏特加脆煙肉長通粉（含酒精）$138餐廳主打特色意粉，這個名稱已經很有派頭，上菜時也玩味十足，是要點火燒一下的意粉，這樣特別，還是第一次見。味道方面帶有伏特加味道的長通粉，真是新奇。芝士瀑布粗薯條$78果然名乎其實，芝士醬好大份量，確實可以像瀑布般傾倒出來，經得起邪惡考驗的人必試。薯條是外脆內軟的粗薯條，也很好吃。烤菜蟹肉沙律配麻香菠蘿汁$118原本以為「麻」是芝麻醬，但原來是麻辣的「麻」，還有一些泰式香料的味道，加上菠蘿汁，開胃之餘亦很有驚喜！芒果乳酪沙冰$58好冰凍，透心涼，甜度適中。好味！

嚟到沙田一定要試吓呢一間手工意粉店，唔止佢嘅嘢食好食，而佢嘅環境都非常之靚！佢門面係用Cafe嘅裝修，非常之柔和舒服，但係經過一條小小嘅走廊，行入去之後，就會有一種西餐廳風格，好寫意！坐低之後梗係叫碗湯嚟飲吓啦，佢嘅忌廉黑松露野菌湯好高質。湯好濃郁，啖啖都係黑松露同野菌嘅味道，我推介額外再加佢嘅酥皮，因為佢嘅酥皮整得啱啱好，好好食！然後我哋仲叫咗一個芝士牛肉醬千層麵，千層麵會擺喺個碟度，等你慢慢切開佢，真係好有儀式感！而味道都唔錯，芝士同牛肉醬相輔相成，配埋個麵就更加好食！之後小食係香辣水牛城雞塊，都好有有特色！感覺就好似韓式炸雞，佢嘅水牛城醬酸酸辣辣唔錯，佢同時好貼心隔離配咗一個忌廉味嘅醬汁，如果你唔太鍾意水牛城嘅重口味嘅話，你點一點佢嘅醬汁，就可以令到成件令到個炸雞清新好多😋😋最後到飲品，完全冇諗到佢飲品方面居然有牛油果提供，真係勁驚喜。我哋叫咗一個牛油果乳酪沙冰，味道好飲，唔會太甜，可以當甜品咁食🤣🤣，另外我仲叫咗一杯抹茶牛奶拿鐵，今年會有一隻動物嘅拉花，好可愛🥰🥰