Y Pasta

餐廳原來空間都頗大，裝修都清新。法式芝士浮台洋蔥湯 湯質地濃稠，帶有淡淡嘅酒味。佢仲附上一支小小嘅威士忌瓶子，話可以滴一至兩滴入個湯度，幾特別。整體嚟講味道令人滿意。麵包上芝士嘅味道較重。酥皮忌廉黑松露野菌湯呢個野菌湯非常杰，但我地額外加左酥皮就唔係幾夾啦。因為個湯好杰，再加埋啲酥皮，撈埋之後，個賣相好似一pat 麥皮咁樣，唔多開胃嘅賣相。味道就正常嘅。酥炸廣島蠔牛油檸檬乳酪意粉 意粉質地都幾彈牙爽口。但最唔掂係個炸蠔，炸到勁燶！炸到個皮苦苦地，覺得食完會擔心自己健康果種燶嘅程度。冇美味可言。至於個汁就係檸檬忌廉汁嘅味道，冇咩牛油嘅味道。普通。羅勒香草醬開心果仁烤菜手製寬帶麵 $153手製寬帶麵質地都OK，但係冇咩蛋香味，可能因為唔多夾個羅勒香草醬。好似食唔到咩開心果嘅味道。羅勒香草醬就正常水平。菠蘿小龍蝦薄餅薄餅質地薄薄脆脆，好似餅乾嗰種質地。菠蘿係直接將罐頭菠蘿放上去，冇烤過嘅效果。整體味道正常。環境： ★★★☆☆ 食物： ★★★☆☆ 推介指數： ★★★☆☆