Thai Basil

營業中

休息中

今日同朋友去完event夜晚8點幾，冇乜選擇下去左呢間太古廣場既泰國嘢，初時睇佢裝修咁靚，以為價錢會好貴，但係原來都算性價比高：佢個炒金邊粉啲蝦好大隻，啲粉好嫩好入味，啲花生好香；個燒鱔非常之大份同埋肉質好彈牙；最正係個椰子甜品，好有層次感，上面喺雪糕，中間係啫喱，最底下係椰子肉，非常之特別，令人留下深刻印像。兩個人食咗hkd 6xx, 平均一個人hkd3xx, 以佢嘅食物質素，餐廳地點，一啲都唔算貴。

之前食過一次都唔錯，今次再食真係有啲失望。今次試新嘢，泰式蠔餅，服務員聲稱蠔size好似手指公咁大，佢哋唔會用一般潮州蠔餅嘅細蠔仔因為太cheap，又話用鴨蛋做，上碟成個12吋Pizza咁大，但食咗三份一，夾埋都只食得四隻蠔仔，粉槳就最多有啲粉漿仲好似未煮熟，真係唔值$188，加埋一就係$200，其他嘢都唔太特別，之後都唔會再試

唔係第一次去食，佢哋嘅食物味道同質素方面都唔錯👍🏻 尤其以依個位置，價錢都算合理，但整體唔會有太大驚喜，不過不失咁😬至於今次去可能遇上佢哋比較忙碌嘅時候(?) 舉手一段時間都冇人得閒招呼我哋落單同俾水🥲 明明對到眼又冇理到我哋，可能真係唔夠人手，服務比以前差咗好多🥲

位於金鐘太古廣場的Thai Basil為著名的泰國料理。中午必定坐滿，大排長龍。朋友話佢既泰菜係港島黎講算幾出色，環境又坐得舒服，服務又幾好。所以同男友放工去左試下佢。六點黎到已經有D 人，不過唔訂位都有得食。餐廳冇set menu，同男友叫左2樣野試。整體來講每道菜式都好有水準。首先叫咗個菠蘿雞炒飯: 菠蘿好好食，又甜又多汁，飯炒我好香，好好食喎，味道好足，感覺好正宗，推薦！另外叫咗個燒薄切豬頸肉 。好好食，豬頸肉燒得好香口，配上泰式酸辣醬，好醒胃和好食！😋埋單$220， 餐廳嘅枱非常闊落， 職員又會好主動咁幫我地fill水， 抵讚！

呢間嘢不嬲係好食，之前係喺地下嘅時候因為有AE卡間唔中都會幫襯；之後冇咗折扣兼搬咗上嚟一樓之後就好少嚟。點知原來依家連一支無氣嘅水都收$58再加一，即係$64。 既然係咁，不如你哋唔好參加政府旅發局嘅推廣活動，真心唔會推廣到你哋間餐廳，減$100但係用返$64係一支普通水。做生意唔係咁做，法國/ 意大利餐廳收水錢就知，泰國真係第一次！！果然美心品牌都係唔大方，係就講明俾人知支水要charge啦！如果好食但係服務差，不了，咁我都寧願上深圳仲好，食物平靚正仲唔使喺度受氣俾人收埋啲隱形收費囉。另外，佢哋收碟速度奇快，根本冇問人哋要唔要就收咗我啲牛及菜，真係極之無奈。

幾個朋友食晚餐, 支水要收幾十蚊講都唔講,諗住太古廣場少少錢就算數啦.然後落單有個後生男仔牛下牛下咁樣 , 落錯單1） coffe stout 落單時講咗兩次, 然後嚟到樽啤酒係淡黃色, 仲即刻攞走個樽無得睇個名 .即刻搵第個waiter 投訴 , 跟住仲攞個menu嚟問我其實我想叫乜嘢 , 大佬太古廣場裏面的餐廳stout 係黑啤唔係唔知呀, 你個menu又懶高級得英文冇中文 , 唔通要我自己翻譯講“咖啡黑啤“呀？ 落坐單仲好似怪我咁樣2） 漏單, 明明幾個人講咗兩次, 叫個燒拼盤, 竟然可以落漏單, 真係要教育下啲待應覆單 ...嘢食嘅話：- 冬陰青口- 大就大隻完全冇鮮味- 拼盤 燒- 算幾ok- 燒豬頸肉 - 都可以- 素炒金邊粉 - 好麻麻地- 帶子喇沙 - 普普通通結論係唔需要再去,食物麻麻地服務差.

餐品都超級好食，冇踩雷，不過就系衰喺服務上面，喺門口有人睇見都冇人過嚟招呼，落單好趕好唔耐煩，用餐期間🙋霖搵個人都難，除咗呢d問題，其它都系ok嘅╮(╯▽╰)╭1⃣️芒果黑糯米呢個焦糖喺上面脆脆咁，仲有下面嘅椰奶，搭配喺一起入口後嗰感覺真係香香糯糯仲帶有焦糖味，十分推薦😋2⃣️燒烤（同款必須2串起點）呢個真係烤得唔錯，火候掌握好掂，冇烤老👍🏻剩低嘅都幾好食嘅，不過以上兩樣真係眼前一亮😉雖然香港默認加一，但系第一次感受到咁冇服務嘅加一真係好唔忿氣🤬非常建議改進，如果唔係就算幾好食我都唔會再選擇第二次咯🤬

呢間位於Pacific Place既泰式餐廳望落去裝潢幾好，所以同女友入左去試，一試難忘，希望大家唔好中伏（明明禮拜六lunch time都冇咩人都應該要知咩事。。。）。叫左一個雞米，金邊粉同蝦餅。先講蝦餅係唔錯，爽口得黎ok 鮮，但係$5x得兩塊真係好唔抵。雞米粉d肉硬到好難咬，呢碗粉食落似清湯。金邊粉理應有d酸酸地但睇圖都見到好似做到炒河咁，勁咸。仲有一樣野勁嬲，埋到位有支水，開左要收$58。同一個商場有另一間泰國餐廳好食好多，不仿去果間？

The waiter serves us sparkling water with trained gesture but failed to perform without spilling We ordered two orders of roti prata but they missed our order, and i am doubting if the roti is made in house The worst dish is the worst ever green curry i have had in my life!!! Super watery and no/ undetectable of curry spice/ herbs touch… yet, IT IS SUPER SALTY, almost unbearable…

生菜包 平常啲生菜包都是要自己包🤣餐廳已經幫你分好，超方便！炒肉沫帶出到辣味🔥青咖喱羊 咖啡肯定要配酥餅，青咖喱汁嘅辣又係啱啱好！唔會蓋過咖喱味，但又能食得出辣味！小羊架的熟度拿捏適當，一定要趁熱食🩵凍咗食嘅話肉質就冇咁嫩了🫡係羊下面重有茄子🍆但個人覺得茄子跟青咖喱嘅味唔係好Match🤣Coconut Smooth好出椰子奶香味🥥依啲咁涼嘅天氣下，沙冰慢溶的速度啱啱好😂Mango Smooth 有泰味

Thai Basil今日去左一間高質泰菜，餐廳選用泰國多款新鮮香料及食材，店內既瓷製盛器設計簡約獨特，情調氣氛感滿滿，食物質量好！🥦燒原個椰菜花加青咖喱（$138）極力推薦呢碟燒椰菜花，經過慢燒2.5小時，帶有煙燻及咖喱香味，惹味多汁🥬辣鴨肉豬肉生菜包（$128）清爽可口的生菜包裹香辣惹味的肉碎一起吃，滋味無窮🥭香芒紅菜頭米紙卷（3pcs$56 6pcs $98）以薄薄米紙包捲著芒果、紅菜頭、合成了愛清淡、愛健康人士的開胃頭盤🥭打卡甜品芒果黑糯米（$72）芒果搭配椰香軟糯煙韌的黑糯米，非常有泰國風味🍍焦糖燒菠蘿.焦糖蜂巢雪糕（$88）酸甜香脆口感實在讓人無法忘懷味道：3.5/5環境：4/5服務：3.5/5衛生：4/5抵食：5/5人均消費：HK$200/人位於金鐘金鐘道88號太古廣場LG1樓001號舖

🍽️ Crispy Soft Shell Crab Rice Paper Roll (牛油果軟殼蟹米紙卷） $138The golden-brown, crunchy crab provides a satisfying contrast to the tender meat inside. The roll itself is soft but a little too thick. 🍀🍽️ Chargrilled Pork Jowl (燒薄切豬頸肉) $118This tender pork jowl has been perfectly grilled to create a delightful smoky flavor.

餐廳燈光偏暗，坐位之間都隔得幾開，星期六晚上8:00左右，埸內7成full~牛油果軟殼蟹米紙卷$80米紙口感好似mochi，入面包住左塊香葉，軟殼蟹香脆而無多餘油份，但碟中既牛油果醬唔突出辣柑橘醬燒加拿大斧頭豬扒$268食落唔覺有辣味，豬扒厚身軟淋保留到肉汁，有大量柑橘醬係面，有柑橘酸甜味之外仲有柑橘皮既微澀味，唔太夾🫢只能講唔岩我地個人口味燒加拿大帶子喇沙$158一夾就有油麵米粉，燒帶子有三粒，仲有外表似豆卜既炸豆腐同一粒溏心蛋🥚，湯底濃而不膩雞翼$35一串上到枱有小小失望，失望到無影到，只係單骨雞翼，一串只有三件=1.5隻雞中翼，雞翼size都比較細，味道好普通，亦唔係燒到邊位香脆個款👎🏻👎🏻性價比好低…好厚身，好似飲緊成杯芒果肉，好香好甜，百香果同乳酪比例比較小，酸酸地剛好中和芒果既甜，幾好飲❣️焦糖燒菠蘿•焦糖蜂巢雪糕•堅果燕麥$88呢款甜品可以試到兩款唔同質感既菠蘿，焦糖燒菠蘿上有燒過既cream，唔知係咪燒得燶得濟，愛食cream既我覺得好難食😅，雪糕好滑，整體無驚喜食物味道好普通，價錢略貴，試過一次就ok，唔試都無走寶🥹反而店員既服務態度幾好，有禮貌，會係適當時候收碟，當

Pacific Place 成日比人感覺食野好貴咁，但今日食呢間泰國菜就值得推介，佢唔會趕你走之餘又坐得舒服，野食又好食，價錢唔貴。 是次無特別叫飲品，但主菜同小食都試左啲唔同款既野，叫左個柚子沙律，串燒，咖喱豆腐同埋芒果糯米飯。柚子沙律全柚子，唔會係好碎，仲有花生同香蔥，酸酸辣辣好開胃同惹味，感覺好清新，好鮮甜，完全唔油膩，好啱食。個雞沙嗲串燒啲肉都好嫩，唔會靭，唔點沙嗲都會有啲味，沙嗲醬亦夠味！ 最緊要係啲雞唔會好燶。第一次食泰國菜叫咖喱豆腐，好驚喜，真心推介，因為佢入面個豆腐係好滑，好好食，加上個炸粉唔厚，配埋咖喱都唔會好漏！呢度既芒果糯米飯係用紫米加糯米，仲要個賣相好靚，食落去會有2種口感，而且芒果新鮮同甜，值得一試。

Restaurant that provides dining experience featuring flavours of Northern Thailand.Although they don’t do lunch menus, it is usually quite crowded during lunch hours. You may order a few dishes for share, or simply a bowl of rice or noodles for your own. Never miss out on the roasted squid, the chargrilled flavour is right on point, feel free to dip into the chilli sauce for extra flavour. Whole prawn is used for making the spring rolls, so it is crispy on the outside and firm inside. Highlight