Thai Basil

營業中

休息中

Pacific Place 成日比人感覺食野好貴咁，但今日食呢間泰國菜就值得推介，佢唔會趕你走之餘又坐得舒服，野食又好食，價錢唔貴。 是次無特別叫飲品，但主菜同小食都試左啲唔同款既野，叫左個柚子沙律，串燒，咖喱豆腐同埋芒果糯米飯。柚子沙律全柚子，唔會係好碎，仲有花生同香蔥，酸酸辣辣好開胃同惹味，感覺好清新，好鮮甜，完全唔油膩，好啱食。個雞沙嗲串燒啲肉都好嫩，唔會靭，唔點沙嗲都會有啲味，沙嗲醬亦夠味！ 最緊要係啲雞唔會好燶。第一次食泰國菜叫咖喱豆腐，好驚喜，真心推介，因為佢入面個豆腐係好滑，好好食，加上個炸粉唔厚，配埋咖喱都唔會好漏！呢度既芒果糯米飯係用紫米加糯米，仲要個賣相好靚，食落去會有2種口感，而且芒果新鮮同甜，值得一試。