Pepper Lunch (1亞太中心)

營業中

休息中

OPC 呢座大廈既管理不錯,衛生及環境感覺良好,今次食既係我都唔識形容食既係屬於咩菜,就一於當佢日西餐啦…黎到有條龍排緊隊買野食,目測12:30人係多但仲未爆場Menu 分幾大類有主要食扒有食照燒 / 日左壽喜燒有黑椒/ 芝士 / 咖哩但令的最意外既,竟然有意粉 !!可能係我太耐冇黎out左,我記得以前明明冇架 ~今次做左保守派,揀既係最classic既黑椒牛飯($54)一黎到: SASASA聲 ~ 好香既鐵板燒味,細心的是 , 圍住既紙條, 是以防醬汁弄髒衣服,我見到燒得烘烘既鐵板第一件事是把牛肉拯救!炒2炒 就立即放到飯面, 以防過熟 ~我把黑椒, 牛肉,栗米同半熟既蛋MIX埋一齊,然後大口吃~ ~牛肉熟度剛剛好, 黑椒味好香, 微微辣好好食,間中仲咬到D爽爽地既甜栗, 口感不錯,食到最後睇到鐵板底比較油,不過可以理解既, 唔夠油會痂底架WOR~唯獨係食完有D熱氣既感覺,可能係因為黑椒同鐵板既關係啦,飲番多D水, 應該好快舒緩倒~

前日同表妹去左食，個職員好好人，好有耐性又介紹我地想加大就不如叫珍寶啦。飯身既口感，我自己就覺得唔錯，唔會太過硬身又有些小林身，啲黑椒又夠哂香，三文魚熟左又唔會好“鞋”,薯蓉 又滑又綿，調味得好好，唔會太咸。

亞太中心Pepper lunc是我最愛去的ot飯堂，環境舒服不用等位不在話下，而且吃飽飽行落樓下便有巴士回家，如何教人不愛他？初期的Pepper lunch只進駐food court, 是第一家引入鐵板飯的餐廳，曾幾何時輪候時間必定超過三十分鐘以上，因此每次經過都只能望梅止渴。現在熱潮退了，便益了我們這班真食家Menu有多款鐵板飯選擇，最有名的是牛，不吃牛的朋友也可嘗其他食物。付款了便到相應位置坐下，等待店員拿來食物。飯餐加$15有汽水和沙律。沙律菜十分新鮮，還把汽水杯塞滿滿，非常足料，配上芝麻醬開胃一流黑椒牛肉飯加芝士 $74吃了這麼多年pepper lunch也只會吃黑椒牛肉飯。因為真的一試便愛上鐵板上枱時"嗞嗞"聲熱辣辣，香氣撲鼻！牛肉可跟據個人喜好自行處理生熟度，另外枱面上的醬油方便自行調配。本人喜歡7成熟，所以鐵板飯放下後大約兩三秒我便會把牛肉放在飯上，然後撈呀撈。當調味料均勻地包着每一粒飯便可開始吃，芝士的半溶狀態加上黑椒的惹味，簡直是完美的結合粟米大大粒卜卜脆，甜中帶點辣，越吃越好味。在pepper lunch從來沒有吃剩東西。

有個好朋友係同一區返工真係好永遠OT 又無飯食 問一問 朋友又同我一樣的話就可以即興食個飯我地今日去左pepper lunch 到食去到見到個餐牌又係令到我花多眼亂 諗左好耐唔知食咩好最後 我簡左 煎蛋照燒汁雞扒鐵板上除了有主角雞扒及煎蛋外仲有配角 芽菜及粟米雞扒很滑而很入味再加埋照燒汁一齊食，味道更好而雞蛋上既時候係生的，當煎完一段時間，鐵板凍左後 生蛋變為太陽蛋 唔會過分熟 蛋黃配埋佢既蒜汁拌飯，無得輸另外，加15蚊就可以跟餐飲同沙律價錢唔貴，分量又多低食！

以前曾經食過，都覺得ok的，但今次之後絕對無下次啦！d牛肉沒有一塊完整一片的，全部碎晒，每片約五蚊銀咁大到，仲要有一半件肥糕，服務唔得，本來想同佢地反映，最後食晒佢算，因為都唔會再幫襯！但真係嬲嬲🐷，食物水準其差！(平時只睇不留言，今次都忍唔住啦！）大家睇相啦！

同事成日嚟呢度食，讚出品好惦不過話午餐經常要排隊原因呢度係商業區，寫字樓人多提早了放工同同事到來試試五點正下午茶已經過了亦未到晚飯市，這時間唔洗排隊喎門外好多海報有好多相片，最後我食澳洲和牛西冷...雖然有點貴但話哂都叫做和牛，即管豪一次加15元跟餐 1個湯1 個飲品買咗飛坐一陣有店員送埋嚟個鐵板都算大塊扒同門口張照片很像鐵板拎ge時候要小心係熱辣辣，D煙升緊上黎上檯時面向我全部都是生的，我隨意在鐡板上撈幾下怕太熟吾好再接觸鐵板，放上粟米粒面再慢慢食塊扒質素好高，有咬口之餘亦不覺韌鐵板燒的方法保留牛肉的肉汁我個人喜歡不需任何醬汁，入口有牛的原味香食落去和牛肉有少少肉汁，最啱我嘅味道薯容熱辣辣軟綿綿且有口感同事成日嚟呢度食，仲話最喜歡黑椒牛肉飯試下同事黑椒牛肉飯，牛肉得幾片仲有啲D癡底D牛肉黑胡椒味好重，仲好重味，但係香口佢仲落咗好多乜乜蒜蓉醬有少少酸味仲有跟餐個薯蓉湯，十分稀得好少薯泥，吾講以為普通忌廉湯而且味道亦遍淡，勝在夠熱整體來說味道係吾錯，成日食就會好熱氣不過間唔中食一次可以，因為我都覺得咁食幾特別

又黎到lunch 四出搜尋美食時間，今次就試pepper lunch, 地方都算舒服，lunch time 好多人，終於等到，我叫左個咖哩黑椒芝士牛肉飯，黑椒真係好香味撲鼻，牛肉份量都几足，肉色好新鮮，仲有我最鍾意既韓國大粒米，肥肥圓圓，好有咬口，但人流多，好似食快餐，一食完就要走，但都值得既!

如果你工作累了, 黎pepper lunch食個dinner其實就會好滿足嫁啦!珍寶黑椒牛肉飯加芝士同隻蛋簡直無得輸!不過為左費事俾人話肥, 我放棄了芝士...唔知係咪太晏佢地趕住收工, 個飯整得有少少hea, 牛肉唔係咁珍寶, 鐵板亦沒有很熱的感覺。不過唔需要牛肉太熟既我地就覺得都Ok既, 起碼我隻蛋都唔會痴哂底先啦! 其實成個飯有埋粟米先係精髓, 撈埋一齊食先有咬口, 實在諗唔明點解有人會唔食粟米, 然後俾哂我食^^牛肉雖然係普通肥牛, 但就咁熱熟佢加埋黑椒同佢既蜜糖汁已經好好味, 肥牛最緊要有少少肥咁先唔會軔, 每一啖飯都有粟米同牛肉好滿足!

20150611夜晚又係一個人嘅晚餐~去左pepper lunch食...叫左個芝士雞肉飯, 轉左做set可以有埋薯容同野飲~個飯水準一如以往都幾ok~不過冇咩味, 要自己加汁先有味~薯容好食, 野飲太甜!

記得Pepper lunch 剛登陸香港時，掀起一場旋風，每次去親pepper lunch都起碼要等一個鐘，記得係旺角朗豪坊 food court係差不多每張枱都係食pepper lunch，鐵板既支支聲響遍整個food court。而家有自己舖頭啦，不用再係food court 同人share，食物款式亦愈出愈多了。而家食pepper lunch可以揀食唔食套餐，我通常都愈揀食壽喜燒牛扒套餐。套餐包一杯野飲，沙律或雪糕，吃雪糕我覺得是必須的。壽喜燒包括牛肉、鮮菇、蛋、豆腐及白飯一碗，侍應將食物端上，你可以趁鐵板仲係「支支」聲時倒壽喜燒汁，讓熱汁浸熟鍋中食物。我喜歡呢個套餐，因為我喜歡吃菇，而呢個係唯一有齊菇、牛、蛋（不用加錢！），甜甜的壽喜燒汁，牛肉入哂味，我仲愈趁啲蛋未熟時將蛋黃同白飯拌匀，每食一啖都有濃濃蛋醬，好味！最後必提係一定要吃雪糕！雪糕有香濃奶味，仲有一個字：滑！可自選口味，個人推介抹茶或朱古力！

Pepper Lunch雖然係快餐，但做得好味其實唔易。間唔中食，覺得佢唔同分店的水準一如以往，令人滿意。今晚我一支公食飯，叫左做緊promotion的黑椒和牛飯加蛋，雖然唔係好食得出佢係和牛，但味道仍然唔錯，好香。晚飯黎講如此價錢，我覺得都OK。雖然係好食，但希望Pepper Lunch可以改善下服務流程，事關叫完野食後想去洗手間都去唔到，否則個飯到先，飯就變飯焦了。

假日來到 Pepper Lunch 吃過豐富的午餐，其實我是第一次來的！這裡主要提供鐵板的套餐，還記得當年鐵板飯的大熱，連快餐店也要分一杯羹，不過始終是限時推出。不是朋友告知也不知道這裡有 Pepper Lunch 的店，而且不是 Food Court，環境不錯，雖說是自助排隊購票的形式，但設計時尚，整潔和寬敞。大概是位置不是連接著隔離的商場，人流比較少，在這裡和朋友閒聊也不錯的。點了純黑安格斯西冷牛扒，復活節期間至4月9日期間更會限定加蛋。(價格: $128)熱呼呼的，很吸引！而且份量還有 8 安士呢！看看那黃油，店員提示要將黃油塗在牛扒的表面之後要快手反轉牛扒，可能第一次處理，加上要拍照，時間不夠快，始乎過熟了，哈哈！純黑安格斯西冷牛扒肉味濃，而且肉汁豐富，剛巧吃了肥脂部份，油脂豐腴，最啱喜愛吃肥膏的我。幸好朋友夠快手，借來拍照，肉仍很嫩，呈粉紅色！另外店舖提供了醬汁，可按個人喜好加上蒜蓉豉油等調味。除了湯和飲品，跟餐有飯，將蛋加粟米混在一起吃，特別美味！這個套餐不論是份量和價錢也很合理，而且水準不錯，很滿足！

記得第一次食Pepper Lunch 是在 Food Court, 次次都好多人,等到天然呆,APM 個 Pepper Lunch 無左,原來o係隔離商場開左實體店!實體店同 Food Court 的自然不一樣!食物選擇多了,有意粉也有打邊爐,又有舒服梳化坐!自助買票後,店員送上食物!!不用等到呆......今次試試 極量8oz純黑安格斯西冷牛扒($128)復活節特別限定,免費加蛋喔!套餐另包白飯及麵豉湯...上台時,見到 8oz厚身的嚴選美國安格斯西冷牛扒,雪花分佈平均,好吸引喔!上面的秘製的黃油 (牛油), 侍應說塗勻後就要反轉了~去Pepper Lunch 最開心就是可以落手落腳整,就算只是"翻肉"都是很高興!!!鐵板燒得火熱,不消一會,就可以品嚐了..... 落手落腳試過,秘訣就是要快,弄至 5成熟就是最適合了!!黑安格斯西冷牛扒,牛味比一般的牛肉香濃,厚身令肉質更加有咬口,下層仲有少少焦香,豐富肉汁都鎖住在裡面!仲可以加我最愛的三大 Signature 醬汁,三個都喜歡,一次混合也不錯~

Pepper Lunch這個源自日本的快餐式西餐廳，來港好幾年了，店舖多位於商業區內的商廈或大型商場內，對上班族來說，可以較便宜地吃到鐵板扒餐，也不失為快靚之選。今天首次來到位於觀塘亞太中心的分店，環境頗為整潔。今天來這裡是吃該店全新推出「純黑安格斯西冷牛扒」。平時這店的套餐賣大約六、七十元，但這新品卻賣$128，究竟貴在哪裡呢？據講，食材是用美國純黑安格斯牛扒，特點是油花分佈均勻，所以相對肉汁豐富。而牛扒份量為8安士，套餐還附送白飯、栗米粒和豆。再加上一項，送雞蛋一隻（限時至2015年4月9日），我相信就是定這價錢的原因卦?套餐附送汽水或果汁。建議在落單時講明要五成熟，在Counter落單後，幾分鐘內，牛扒餐便送到座位上，熱辣辣得來有吱吱聲，吃鐵板的趣味就在此。牛扒送來時是剛好半熟的，來個溫馨提示，切勿花太多時間拍照，應立即把上面的牛油均勻地塗在牛扒上，然後將之返轉，便立即起動，吃! 至於半熟蛋，可用來沾牛肉，或作撈飯。亦可隨個人喜好淋上蒜蓉豉油。牛扒確很Juicy，黑椒的份量也充足，令人吃得很滿足，如果多一些野菜更多，亦會較為健康。$128一個牛扒餐，比起大餐廳，仍然是較為便宜的，

下午來到觀塘Pepper Lunch Resturant店舖果然跟在foodcourt的Pepper Lunch Express有所不同點餐都要自己排隊去購票 之後有專人送餐而且餐廳地方清潔 梳化亦坐得舒服每張枱面都有醬汁和黑椒大家喜歡食Pepper Lunch喜歡鐵板外最主要原因是可以自由加入喜愛的醬汁Aminn最愛蒜蓉汁+蜜糖汁+黑椒 再把所有配料撈勻平常Aminn最喜歡點黑椒牛肉飯+芝士+蛋今次試試8oz純黑安格斯西冷牛扒套餐有飯也有麵豉湯侍應把熱辣辣的鐵板拿來幾乎有半塊鐵板的安格斯西冷牛扒面頭放了黃油(牛油) 侍應提點要即時塗滿牛扒再翻轉一邊翻轉 一邊相機先食有一點過熟了(幾乎9成) 中間還見到一點粉紅食落也不硬 是好有咬口的肉感牛扒旁邊的朋友卻控制得好好都是一樣的步驟 牛扒煎到5成熟就可以吃的時候就剛好!!