前幾日去荃灣愉景新城見完客, 就順便係到食個快lunch~ 同事同我都想食d濕濕地既野, 經過見到喫麵既menu 就岩曬我地喇!!喫麵位於愉景新城1樓1016-1018號舖, 即是地下近中庭位置 店舖既裝修給人簡約既感覺, 外面望入去好光猛 門口既menu有多款東南亞麵類 真係聯合國menu, 望落去都幾吸引！ 入店內先去點餐叫食物, 落完單記住拎埋左面部取餐提示機 因為呢度係要自己取餐架
每台有足夠距離,  完全沒有焗促感新加坡海鮮喇沙 $88 濃郁既喇沙湯底配上我最愛既米線, 吃第一啖已經感覺到有好濃既花生醬味道，一試難忘!!
入面既配料有大大隻青口, 蝦, 豆卜,魚蛋, 芽菜同蛋等等....
對女仔泥講都幾大碗~~  朋友叫的海南雞便當  大大份雞飯便當, 仲有沙拉菜同炸雲吞, 一次滿足曬幾個願望 海南雞皮亂肉厚，雞味香濃, 咬下肉質還有少許彈牙感 炸雲吞 $38 新鮮熱辣辣炸起, 咬落去脆卜卜非常可口香脆! 蒜香蜜糖雞翼 $42 雞翼永遠係我點小食既首選，仲要加埋炸蒜真係不得了 坐得舒服又食到飽飽，每人都係大約100$, 一個字 “抵‘!!

令和，可以話已經變成我嘅其中一個飯堂 今日老友生日，一於同佢去令和慶祝！ 平時去開旺角嘅令和，今日就試試尖沙咀既令和 尖沙咀既令和都幾多打卡位，一入門口條樓梯已經可以慢慢影喇 清酒櫃裡有大量清酒，都係做緊半價優惠 甫坐下，店員便送上前菜 鮮檸檬燒灼梳打 $58 每次去令和都一定會叫既飲品，燒灼愛好者必試！ 鹽味枝豆 $28 佐酒必備食品，不用多介紹 明太子醬免治雞肉棒 x2 $56 鹽燒牛舌 $48 加了明太子的免治雞肉棒十分惹味，咸咸地送酒都一流 燒牛舌又是食串燒必點燒物之一，牛舌咬下口感彈牙 野菜天婦羅 $58 入面有南瓜、秋葵、蕃薯、冬菇等等， 天婦羅是剛炸好的，真正的外脆內軟 石燒澳洲M6和牛 200G $188 店員會幫忙燒，仲問我地想食幾成熟， 我地就揀左食7成熟 7成熟既和牛真係岩岩好，咬落口仲有肉汁溢出 鍋燒烏冬 $78 石窩上既烏冬熱辣辣，入面仲有天婦羅蝦、冬菇、魚蛋、金菇等等 食完個人當堂暖曬 埋單每人大約$300，每次去令都飽到捧住個肚走

銅鑼灣永光中心樓上一向多餐廳， 上星期聽同事講上面有間食日式燒肉既餐廳好划算 今日就一於同老友去試下位於10樓既燒肉酒場🍻 一開lift門，餐廳既佈置已經充滿日本既味道 當晚平日7點幾上到去，餐廳都坐了8成人~~ 餐廳坐位不多，想食記得要book位 甫坐下，店員便把贈送的蔬菜擺滿在燒烤爐的旁邊 燒洋蔥既香氣完全引起食慾 椰菜絲沙律 $20 配上沙律汁的椰菜絲爽甜又惹味，作為前菜真心一流 檸檬燒灼 $58 燒肉一定要配酒精！ 今日就唔飲啤酒，試下個檸檬燒灼 酒味唔算好濃，幾易入口 唐揚雞軟骨 $58 雞軟骨炸得金黃鬆脆，咬入口卜卜脆！ 伊比利亞梅頭 $88 梅頭肉質鮮嫩，烤完後完全唔同平時食開既豬扒！ 壺漬牛肋條 $98 壺漬牛肋條充滿住醬油嘅香味~~ 烤完唔洗點鼓油都夠晒味道啊 柚子雞腿肉 $78 烤後的雞腿肉帶有輕輕的柚子味 估唔到呢個組合又幾夾 梅頭剪細塊少少，烤到肉邊脆口就最prefect 燒紅豆鯛魚燒 $28 甜品可以試下燒紅豆鯛魚燒，細細條既魚仔好得意 份量少少岩曬女仔

澳門逸園中心有林林總總嘅日本餐廳。 今次就同老友去試試地庫嘅蟹慶🦀 雖然蟹慶主要係食蟹，但最近食得大閘蟹多要停一停先 今次去蟹慶主要食其他野為主啦 一入到餐廳門口就見到長腳蟹 🦀 呢到都有最近hit爆既自助清酒機呢 白蟹 $88 係以荔枝、檸檬汁、伏特加、清酒同梳打水混合而成嘅Cocktail 飲落酒味唔算濃，反而荔枝味好出，果味濃郁，啱晒女仔 海之幸沙律 $98 入面有呑拿魚、三文魚、白身魚同蟹子等等… 加埋沙律汁食入口十分fresh！ 芥辣八爪魚 $48 感覺呢度既芥辣八爪魚比起其他餐廳既辣 無辣不歡既我就非常喜歡喇！ 五點刺身 $498 分別有海膽、三六魚、赤蝦同章紅魚。 全部都好新鮮好好味 吞拿魚腩壽司 $116 赤蝦壽司 $56 松葉蟹腳壽司 $76 赤貝壽司 $116 深海池魚壽司 $76 各款壽司都好有水準，價錢合理 鹽燒喜之次 $880 燒得皮脆肉嫩的喜之次。 魚皮咬下脆卜卜非常香口，喜之次出名係燒物魚皇，燒完既佢仲有非常多魚油 松葉蟹肉蟹膏炒飯 $188 每一粒米飯也沾滿了蟹膏的味道，加上超多的松葉蟹肉，咸咸香香非常滋味 叫埋個炒飯食，兩個女生食唔晒要打包走先得

講開打邊爐放題，有邊個唔識一鍋堂？ 今晚同老友係荃灣行完街，想食打邊爐就自自然然上咗去一鍋堂 荃灣一鍋堂位於大鴻輝中心19樓 入座前先要選湯底，新推出嘅金寶湯湯底又幾有創意bor! 飲品櫃有多款自家製飲品比人拎，誠意推介洛神花茶 蔬菜類都係自己出去拎，唔洗等夠曬方便 另外出面仲有唔少種類既熟食，等唔切就食住先啦 有林林總總嘅熟食 仲有打邊爐必備既丸類 餐廳採用QR Code自助落餐，一班人打邊爐想食乜就自己點返 上菜速度都幾快，所以每次Order唔洗落太多 牛肉點了封門柳、牛板腱同埋安格斯牛肉 望落去個樣都幾新鮮 即使係任飲任食，但一鍋堂既食物全部都好新鮮同乾淨，完全無得挑剔 最驚喜係有得任叫田雞同鱔 回本必食 任食質素來說，一鍋堂簡直無得輸！ 唔講咁多，開餐先喇

以前係觀塘返工，來來去去都係食開幾間餐廳無d新意。 前幾日返去同舊同事食飯，佢哋介紹附近有間新餐廳新開，抵食夾大件，仲好靚可以影相打卡！ 有得打卡咁大件事。當然唔使問要去試吓啦 合十位於觀塘港貿中心2樓，直頭就係APM隔離方便到一個點！ 一入到裏面當堂”哇”左一聲。 餐廳好空曠而且天花裝晒LED燈，影相簡直靚到爆炸啊 入面仲有個盪鞦椅比人打卡影相📸️ 紅都面哂 $58 綠帽子 $68 甫坐下先點兩杯飲品🍸 紅都面晒入面有西柚、檸檬、梳打同雪碧。酸酸甜甜喝下非常解渴，同埋賣相外型好靚，打卡一流！ 綠帽子入面有哈蜜瓜蜜、檸檬汁、菠蘿、梳打水同哈密瓜雪糕，飲上去好清新，適合夏天飲用 燒牛肉紫洋蔥沙律 $158 這個沙律份量是非常的大，當正餐食一定夠飽。 裏面有燒牛肉、紫洋蔥、燒菠蘿、雜菜等等 燒菠蘿同燒牛肉味道好夾，好有夏威夷風情🌴 小食拼盤 $128 小食拼盤有炸洋蔥圈、炸薯條、燒菠蘿、炸雞、炸魚餅。 全部都係即叫即炸，上枱時香噴噴脆卜卜，送埋啤酒一流 另外想講返餐廳係有紅酒白酒啤酒供應架 巨型豬扒配薯菜 $188 這塊巨型豬扒我覺得可以三至四個人Share，兩個女生吃起上來有點吃力 豬扒雖然大，但肉質出奇地嫩滑，咬下有肉汁淺出，很有口感 巨型豬扒果然名不虛傳，塊扒仲大過我塊面！ 本身餐廳有數款甜品供應，但係我哋食完塊豬扒都飽到上心口了，咁留返下次再試啦 兩個大胃王女仔食左6百幾蚊，注意返我地叫既份量絕對係可以3-4個女仔Share 埋單果時已經book定位下星期再同朋友泥合十gathering❤️

泰國菜相信大家一定成日食，但最近興起食fusion泰國菜大家又試過未？ 早幾日同老友去K11 Art mall行街，行到餓餓地見到阿閒泰環境幾好，Menu d食物又幾岩食就入去試試 阿閒泰位於K11 Art mall 2樓 餐廳採用綠色裝潢，有點文青feel🌱 青檸特飲有酒精 $62 呷下有很香的薄荷葉味道，配上青檸的酸味解膩一流 椰青沙冰 $68 一上枱被這個份量嚇親，飲落口好清涼解渴！ 份量大到走果陣都未飲完 酸辣柚子沙律 $88 柚子新鮮爽脆，口感酸辣，加上炸蒜香料等等好適合作前菜享用 泰式香葉炒肉碎配炸米餅 $98 每次食泰國菜我都一定會點肉碎生菜包。 而阿閒泰有這個肉碎配炸米餅，當然要試試 米餅炸到脆卜卜好香口，夾埋有小小辣既肉碎一齊食非常惹味啊❤️ 虎蝦卜卜蜆冬蔭米飯 $158 平時成日食西式risotto，但今次係第一次食泰式冬蔭功味既，估唔到泰式risotto又幾特別。 配埋虎蝦同卜卜蜆，海鮮 X 冬蔭功永遠是prefect match的組合 兩個女仔叫三個餸加兩杯飲品綽綽有餘

今日係打第二針既日子~~~ 老友話打針前一定要食好啲，最好仲要食到飽飽！
網上見到只要like 八木橋社交平台專頁同埋留言”買一送一”就可享有買一送一優惠。
入座三天前訂座仲有刺身任食，仲要係120分鐘可以慢慢食呢，唔洗諗咁多一於去八木橋擦餐勁啦lol




八木橋位於旺角T.O.P商場4樓，鄰近旺中
午市有幾款放題套餐，”霞”套餐就最抵食，因為佢做緊買一送一



即使係午市，放題食物款式都超多！ 采用QR code落單，想食啲咩就自己撳機落單啦lol
餐廳內環境寬敞整潔，光猛企理star 最緊要係無乜油煙味！燒烤餐廳既通風設備真係十萬個重要架


飲品正正常常，該有的都有


雪糕甜品櫃，都係大路款式


第一輪餐廳會先安排食物。 分別有刺身拼盤、海鮮、M5和牛西冷和小量肉類


海鮮其實仲有好多款呢，用QR再點埋其他泥試chopstick 蝦好大隻好新鮮，帆立貝夠厚肉，螺肉鮮甜

天婦羅品種都好多，最特別係有金菇天婦羅smileheart 金菇炸到金黃鬆脆，好有口感！

呢度有個特點就係用錫紙兜裝住d蔬菜去燒烤，無咁易烤焦


非常值得推介既燒飽魚！




埋單有買一送一優惠，每人都係二百幾蚊！
一個字抵！

同大胃朋友食飯，首選一定係食放題
今日約左小學同學去荃灣食lunch，由細到大佢都出曬名大食，咁一於去市中心鴻輝上面滿屋食放題啦！



滿屋位於荃灣大鴻輝中心10樓






平日中午入座率都有8成，來之前最好先預約啦


餐廳是採用QR code落單


飲品櫃都算多選擇，正正常常應有的都會有


用apps點既食物未到，可以係出面拎住海鮮冷盤先



外面仲有少許炸物同沙律菜


剌身都係大路既款式，例如三文魚，呑拿魚，蟹柳，甜蝦等等。
款款都很新鮮，仲有我最愛既赤貝！


壽司細細件可以一啖過，放題來講size非常好唔怕食唔晒會浪費~~~
另外不得不讚滿屋既燒物同炸物！
上枱仲係熱辣辣又好有火喉🔥
芝麻雞翼呷下還有肉汁溢出




回本必食 : 花膠炆冬菇
味道好濃郁，encord左幾次

野菜肥牛煲同清酒煮蜆都好有水準，同外面日本餐廳食既無分別
而避風塘魷魚仔又好惹味！襯埋啤酒就最正


去到尾聲，每人可選一款雪糕啊🍦
有名牌子Movenpick或者Haagen-Dazs

在香港，講起食浜燒就自自然然會諗起漁獲浜燒 上星期同老友提起想食浜燒，擇日不如撞日一於就去漁獲浜燒捧場一下 漁獲浜燒位於銅鑼灣澳門逸園中心18樓 鈴鹿川 $338 甫坐下先開一枝清酒cheers🍶 鈴鹿川帶有微微的果香，淡雅清麗的味道非常容易入口 金目鯛活貝浜燒組合 $1308 包含: 金木鯛、平貝、北寄貝、大蜆 餐廳有數款浜燒組合~~ 朋友想食剌身魚又想食燒貝，叫金目鯛活貝浜燒組合就fit曬喇 沖繩風沙律 $138 唔知點解女仔去親餐廳食飯都有個習慣，就係會叫沙律🥗 來到漁獲浜燒當然是叫有魚生係入既沖繩風沙律啦 入面既剌身有三文魚、八爪魚、章紅魚、吞拿魚等等，最重要當然是有沖繩名產苦瓜 來自靜崗的金目鯛 🐟 食完沙律無耐，組合既剌身魚就到喇。 呢條金目鯛好大條呢！份量來說兩個女仔的話感覺會有點多 之後就到浜燒料理 (清酒煮大蜆) 呷下有微微的清酒香氣，與大蜆非常夾，蜆肉脹卜卜好有𡁻口 昆布燒北寄貝 濃郁的昆布味道配上口感極佳的北寄貝令人齒頰留香 牛油香草汁燒平貝 牛油香草汁燒貝類永遠係我最愛既燒海鮮 大大隻既平貝上枱已經被切細，每一口都沾上濃厚的牛油蒜蓉香，食到停唔到口！ 炸金目鯛魚骨 食完剌身，餐廳說魚骨可以拿去炸， 這樣便不會浪費可以把整條魚食掉 炸後既魚骨送酒一流 生燒鰻魚飯 $168 過幾日跑馬拉松，始終要食d澱粉質儲碳。 鰻魚燒得皮脆肉嫩，配上餐廳秘製的鰻魚汁簡直冇得頂 因為是即叫即燒，所以要有心理準備這個飯要等耐一些啊 芒果雪芭$68 無論吃得多飽，女生來說飯後吃甜品就是第2個胃啦 芒果雪芭像真度高，一口吃下去還以為在吃真的芒果！