PB Cafe (已結業) 查看

今日和同事來柴灣做嘢，到食晏時間都未諗到食什麼，所以就上網睇open rice, 見到原來有間許多好評嘅PB Cafe在地鐡站側邊，就腳就去試下。開頭都冇諗過是什麼形式嘅西餐，但原來佢有自助嘅沙律吧，同埋有多項主菜揀，最犀利嘅係任食自助沙律吧可以獨立選，而價錢亦都係非常之，平＄48再加一，所以非常抵食！今日我飲嘅餐湯是椰菜花忌廉湯，水準非常之高，湯亦煮得很熱，沙律吧除咗有蔬菜食，還有粟米、番茄仔，最特別的是有啫喱糖和新鮮生果，而麵包亦可以自行烘熱。柴灣區來說，如果同朋友傾吓計，想坐耐啲嘅，亦都不妨選擇這一間餐廳，下次會再嚟嘅，因為食材用料的確靚，廚師煮得好味，又坐得舒服

居住在柴灣區20多年，真係冇乜有水準同價錢合理嘅良心西餐，跟着佢張傳單入咗黎試，散叫每道菜已經包捨埋自助沙律吧，$48任食自助沙律吧的確係健康又驚喜，新鮮沙律菜嘅種類配料繁多，紅葉生菜，羽衣甘藍，火箭菜，芥茉水菜⋯等等都不定時提供，鴨胸肉涼拌長通粉，十分醒胃，餐湯蘑菇湯非常濃郁，粒粒蘑菇，口感十足，主菜方面薄餅有點油膩一件起兩件止，卡邦尼意粉份量好足，而燒安格斯西冷order 4成感覺好似over，西冷嘅份量比較少，意式蕃茄汁青口意大利麵，配搭唔錯，美國安格斯芝士漢堡，肉質鮮嫩多汁，心機之作，最後記得食返啲水果balance返，同埋希望主菜可以小油一啲，就更加健康，環境座位方面算係舒適，但唯一美中不足就係冷氣不足，一路食一路冒汗，服務方面稱心，服務員收碟幾有效率，不小心倒瀉飲品，迅速連忙清理，和主動詢問枱上嘅剩餘食物有冇需要幫你包起佢，相當貼心，還有定時增添沙津吧食材和清潔，值得一讚👍🏻

今日同媽媽黎食晏，本身見到宣傳單張話48蚊沙律吧，見又有湯又有麵包所以想試下。不過去到門口發覺其實都好細，款式好少，所以最後決定食lunch set 算。但原來lunch 套餐係包埋沙律吧😋咁又幾抵喎等食既時間出去沙律吧搵食，雜菜湯就一般正常味道，麵包軟身有香草味，有牛油，果jam提供。出面有幾款沙律菜，配埋薯仔沙律，車厘茄，青瓜，什果粒，芝士粉，千島醬其實幾好味。 另外仲有啫哩糖，生果供應. 雖然款式唔多，但係送嫁大佬，唔使錢仲想點😂食兩碟都抵番晒，買沙律菜都唔平啊。餐飲有果汁㨂，紅莓，蘋果，菠蘿😄主菜叫左西班牙黑豚鞍扒（$128)，個扒唔算好大但幾厚身。食落好爽好juicy，😙👍🏻個底鋪左啲粟米，甘荀粒，瓜，配埋蕃茄洋蔥碎整既汁幾開胃，另外有兜薯仔，不過味道帶酸怪怪地，所以食沙律吧啲薯仔沙薯好過。Pizza ($88), 份量都好大，超飽。 餡料好多，有牛肉，青紅椒，洋蔥，食落芝士味幾濃，一個人絕封對食唔晒。埋單都係每人百零蚊，餐廳人流唔多，其實幾舒服👍🏻

本是新界人，平時好少去港島區，柴灣更是少之又少，印象中從未到訪過這區的餐廳。朋友在這附近工作，選了這間PB Cafe地點很方便，在柴灣站出，通過新翠商場再行條天橋便到。這裏好像只有這間餐廳和另一間中莱。餐廳裝修普通，門口外一角有沙律巴，跟餐任食，但選擇少，有D沙律菜、粟米、菠蘿、面包片等等，個椰菜忌廉湯杰撻撻，口感似漿糊，難食雖然話送的，但唔食都無損失，無一様好食。Set lunch 揀左：素菜意大利麵賣相唔錯，但那些蕃茄乾超咸，根本食唔到，全部剩番晒青口茄汁意大利飯Menu 本來是大蝦，但話賣晒轉左青口。個飯太乾太硬，青口細細隻又無乜味，又係唔掂。之前看食評話預早訂枱有九折，而家無左呢個優惠，仲要加一。有無折還是其次，食物差才是大問題。希望餐廳都檢討下作出改善啦。

PB Cafe 可算係柴灣入面比較體面既地方，所以公司見客都會簡依間餐廳今日有同事即將離開，Farewell 簡左依間Cafe, 貪依到可以傾下計，食物質素都唔錯😆主菜上之前例牌有蒜蓉包，今日既湯係菇湯，味道十分濃郁，食到有菇粒粒，口感十足海鮮菠菜天使麵（蕃茄湯），賣相有驚喜，第一次食依種西式既湯意粉。味道係清清淡淡既口味，蕃茄汁掛係天使麵上，唔油膩，清爽。海鮮有魚柳，蜆肉，8爪魚仔，整盤意粉都食得晒

有朋自遠方來住青年旅社，下午傾完計去食午餐，搵一搵openrice見最近就係4樓，一入到去間餐廳細細地靜靜地舒舒服服。午餐時段都有幾枱客，搵到位坐低後，原來住客有九折，但睇Menu D set都唔算平，期待食物好味又值得。前菜有脆脆的蒜蓉包同足料磨菇湯，我當日吃齋，叫左素菜扁意粉，份量睇落好少，但意外地食落個碟原來好深，好夠食好飽，味道亦唔錯，菇菜亦新鮮，意粉軟硬適中。朋友份五成熟和牛芝士漢堡都幾好，塊和牛味道真係值得一讚，粗薯條又脆又熱！若果朋友想搵個地方同親朋戚友靜靜地聚下，呢度係一個唔錯既選擇，但如果個廣場可以有D優惠比walk in客就仲好！

第一次來到柴灣青年廣場，與朋友揀了PB Cafe ,享用了一個下午茶。我們到達的時候大概下午三點，餐廳人並不多，我們坐在最角落的枱，非常清靜，很適合談天。因為不太肚餓，我們只點了一個下午茶餐配兩杯飲品。值得一提的是，下午茶餐的選擇並不多，只有四款，價錢在$50至＄80之間。選了白汁青口下午茶餐，青口數量頗多，起碼有二十隻，不算細隻，亦頗新鮮。白汁的調味也不錯，其中加了大量洋蔥，雜菇和西芹，令整個感覺清新了很多。

最近中午，我和同事都會到不同食肆用膳， 古語有云：「民以食為天。」 食對中國人而言尤為重要， 而且工作之後也要休息輕鬆下，那天我們選擇到青年廣場的西餐廳食飯。這間餐廳的食物水準不俗， 雖然價格在區內算貴，但如果以食物品質而論，絕對值得一試再試。首先說餐湯，是日餐湯是南瓜忌廉湯，忌廉湯味道很濃郁，口感極佳， 蒜蓉包香脆可口，配以忌廉湯，真是perfect match。至於主菜方面， 我選了香煎芽帶魚帶子配意大利飯燴忌廉汁，芽帶魚和帶子都煎得很香，兩者都能夠帶出鮮味，意大利飯亦不會似出面食到的那麼硬，比較迎合到香港人的口味， 而且忌廉汁和芝士味道甚為濃郁，唔需要再加芝士粉也夠味，意大利飯以香草伴碟，賣相十足，意想不到的是意大利飯的份量唔算多，但也十分飽肚。最後是餐飲，以往去很多餐廳叫餐飲都是要求少甜，但這間餐廳的餐飲糖槳和奶是分開上的，可以自行添加，唔會太淡或太甜，我點的檸檬茶檸檬的擺設也十分有心思，未飲已覺得賞心悅目。餐廳的環境幽靜，舒適寬敞，如果想傾公事或者喜歡寧靜的話，這是一個不錯的選擇。溫馨提示：如果選擇到這裏食飯，記得預先訂座，因為預訂有九折，由於每次我們都即興決定邊度食lunc

自從已離開港島區之後，就已經很少到東區用膳，但又由於好友搬到柴灣那邊，朋友聚會有時候會約到柴灣。原來柴灣有一個青年商場是新的社區設施，在筆者的眼中的確是新的，是為年青人而設，在這星期六很多年輕人都躲在這裡，其實年輕人除了考試溫習外，真的很需要不同的活動調節壓力。最近的青年問題引起社會關注，壓力直迫已投入社會工作的朋友，筆者也是過來人讀書不成考試不合格亦不在下話，家裡也有不少的問題阻礙筆者發展，筆者常跟媽說自己到了這個年紀一事無成，但筆者媽總會安慰筆者說：「你最少能養家，最少能養活自己，那就足夠了。」其實每位父母的心裡是到底都是希望子女健康快樂成長，最重要是做一個善良的人就夠。當筆者出來工作，發覺很多事情都很複雜，環境不好的時候筆者總會大聲說撐過後自己就是無敵。回看現今教肓制度實令人吃不消，吃不消的是很多家長為了考入名校而要求子女報不同的興趣班，這樣就可以得到額外加分，但卻對學生及家長帶來不同種類壓力，令筆者想起那個財務廣告，學習已變得本末倒置，年輕人應從自己興趣去選擇學習及思考，喜歡踢球打球的為什麼不能成為波牛？喜歡音樂的為什麼要不能成為周杰倫？喜歡下棋的為什麼不能當上棋王，只要是興趣

今日同事帶左我去青年廣場食lunch，估唔到呢度都有餐廳。裝修都唔錯，而且地方都算大。叫左個7成熟牛扒。 牛扒算幾大件，網紋清晰可見，而且色水唔錯，外觀拎晒分。切開都易切，姐係牛排唔韌。表面雖然整得夠火喉，但裡面唔會過份熟，反而仲見到有少少紅色既肉。雖然呢個唔係高級牛扒，但係外觀，味道同口感我絕對收貨，起碼對得住個價錢。同事果然無介紹錯。

現在身為柴灣的午餐常客，但環看柴灣鐵路站一帶，想找點特式的餐廳都沒有甚麼好選擇，覓食到青年廣場，找到了這家觀塘搬來的西餐廳，難得一間像樣的，就吃豪一點，午餐就來嘆一客牛扒。一份牛扒午餐，坐落柴灣，作價148大元，實在不是便宜。膽粗粗就點了這客平民地區中的不平民午餐。隨餐還有附上蒜蓉包及蘑菇湯，忘了拍照，味道不俗，菌味香濃，可惜份量略少，蒜蓉包味道香濃，麵包鬆軟，不錯。主菜外觀已甚有驚喜，牛扒為窄身厚切，好處為控制重量不大但同時可以保留厚切效果，對口感有莫大影響。配菜用上烤蔬菜，豆角，椰菜花，紅蘿蔔等。別忘了大配角"薯"，薯菜怎能沒有薯。這裡薯用上忌廉焗薯片，這實在是大驚喜！既清新開胃亦能大大減低傳統薯條薯角的熱氣油膩感，牛扒隨個人喜好可以醮點黑椒汁，但個人覺得不用黑椒汁也可以。

以往都曾經光顧此餐廳的set lunch，因為價錢比散叫menu經濟，而且也有好幾款選擇。今天來到，時間大約十二時，只得一兩枱客人，看了看放在門口的set lunch menu，也有可以選擇的，就向侍應示意進去了。但到下單旳時候，侍應才告知今天沒有豬肋骨了，同時pizza本來是鴨胸，又被告知今天改為辣肉腸。但是，明明餐廳才剛剛開始營業，很明顯是當天根本沒有這兩種食材，但又沒有另一樣選擇取代，同時亦沒有在門口的餐牌列出。一個set lunch menu只有6項選擇，就已經有2項是要修改而沒有做的，這種安排實在需要改進。終放改為選擇了羊扒及pizza，羊扒味道很好，做得很香。至於pizza，味道還可以，只是不知為何，總覺得這裡的pizza決少了一點香味，好像淡了一點點。另外，留意到餐廳會定期upload set lunch/set dinner menu，這是很不錯的做法，因餐廳本身位置有點遠，確實如果看到想吃的，才會專程走來。但好像近期，upload變得有點飄忽，像是這個星期又好像不見最新的update了。

Book嘅時候係因為見到張9拆coupon,但去到先知原來間餐廳都貴貴地，比想像中貴。坐低後叫左一個set,一個唔係set!Set係3號餐個burger,唔係set就叫左羊架。個雜菜湯冇咩味，但好足料。啲麵包好新鮮好脆，好好味。個炸蠔又係好味，但喺底啲沙律好酸:＜個burger set啲配菜新鮮，個burger 應該係用靚肉，但係唔夠汁(我指喺係調味汁,唔係件肉唔夠肉汁),有點兒美中不足!羊架我好推介，有四條骨，佢一啲so味都冇，好夠juicy啲野食份量都超足。喺邊邊啲洋蔥圈放左一段時間都唔淋，夠甜，唔spicy亦唔油膩;＞!但最尾個chocolate cake我好唔鐘意，唔夠朱古力味，mouse cake 有核桃粒好怪…執邊啲士多啤梨汁都好唔夾…餐廳環境一般，冇咩景呀、設計可言，但staff好有禮貌!

喺附近攪完新電話換咭事宜, 亞仔帶我嚟青年廣場"參觀"下, 開咗咁耐都冇嚟過 見呢間冇咩人, burger 又係亞仔至愛, 就試下喇椰菜花忌廉湯: 好味! 好大舊蒜蓉包, 而且重好好味, 好唔捨得咁比埋亞仔食, 因為想試埋黑忟忟嗰片, 雖然唔知係咩包, 睇落好似好硬, 食落唔硬不特止, 重係烤過, 脆脆地, 好味!焗芝士意大利雲吞: 好味! 有三件, 如果細食D, 食完佢都飽哂安格斯芝士漢堡: 嘩! D 薯條好味到, 個人覺得好多高級餐廳都冇咁好食, 漢堡牛肉味好香濃, 証明係真正喺安格斯牛肉, 仔仔叫了七成熟, 做出嚟恰到好處, 抵讚!三文魚意大利飯: 雖然唔係好餓, 不過好想試下佢哋做成點, 好大份, 女仔我諗好難食得哂, 雖然知道係橄欖油, 但真係好似多咗少少油, 好油膩咁, 不過魚肉唔過熟, 唔會有"鞋"感甜品: Oreo Cheese Cake: 仔仔覺得麻麻哋, 可能係因為佢唔係幾鐘意 moose cake 嘅質地, 我覺得偏甜甜品: 蜜桃奶涷: 好香蜜桃味, 不過唔夠滑(定係唔應該係滑呢? 唔清楚 ), 食落幾OK, 都成個食哂架!因為太夜, 唔敢飲咖啡, 自己覺得咖啡對