PB Cafe (已結業) 查看

今日同事帶左我去青年廣場食lunch，估唔到呢度都有餐廳。裝修都唔錯，而且地方都算大。叫左個7成熟牛扒。 牛扒算幾大件，網紋清晰可見，而且色水唔錯，外觀拎晒分。切開都易切，姐係牛排唔韌。表面雖然整得夠火喉，但裡面唔會過份熟，反而仲見到有少少紅色既肉。雖然呢個唔係高級牛扒，但係外觀，味道同口感我絕對收貨，起碼對得住個價錢。同事果然無介紹錯。