Neko 熊穴

營業中

休息中

【Neko 熊穴 】@nekobearcafe西貢日式和風茶室 🪐除咗pet friendly之外仲主打自家製無味精料理💁🏻‍♀️我地揀既卡座設有最低消費既 要至少消費💰$350先可以坐個corner位 如果剩係想飲杯野就要留意反啦~~🫣 魚白湯烏冬配瀨戶內牡蠣 💰$178呢款係限定菜式 牡蠣超肥美而且好濃味! 但個湯既味道真係偏淡 烏冬亦都偏幼 同唔算好彈牙🫣法式焦糖Pancake 💰$118班戟較薄身同好粉 一切就散開全靠焦糖煎到脆口為佢增添反小小口感佢仲配有提子 忌廉同埋百香果醬不過不得不提佢地自家製既百香果醬係幾出色😆 酸酸甜甜咁幾開胃 抺茶鮮奶 💰$55抺茶味幾濃 但唔係好夠滑同飲到小小粉唔算話好特別~培茶鮮奶💰$55Hojicha味都幾香幾濃 整體黎講成間荼室個vibe好好 但係野食味道普通同價錢偏貴~

早前，我跟兩位好姊妹，一行3人週末遊西貢！ 當日有煙霞，天氣又炎熱，實在熱到我都頭痛！在正中午時段 12:00~2:00 行完兩個鐘頭鹽田梓，我感到好口渴，所以，要點杯凍飲讓我消暑解渴先得！可惜，我們一行3人，大約 2:30 走到西貢海傍街的餐廳 <Neko 熊穴> 門口，卻是清潔中， 要 3:00 才開，我們只好在附近行街！店方以木系和風的裝潢，由未踏入門口到室內，四圍都是打卡位，可見盡花心思！我們掛住影相，連背囊及手挽袋跌了落地也不知道，靚女店員幫我們執起放上枱！店方選用日本食材，還取得認定証 Menu好姊妹 Birthday lunch 凍鮮奶抹茶 $48店方這款飲品，本身沒有加冰，由頭飲到尾，也不會變得稀薄！入口雖然不是透心涼，總算涼浸浸！ 味甘少甜，奶濃香滑，不錯喝！好姊妹點了精品茶 $68日式雞肉丸湯烏冬 $118幼身的烏冬完全不似是烏冬，質感帶煙韌！卡邦尼烏冬 $88相對較香口惹味！全日班戟薈 $138有3塊班戟，香軟溫熱，淋上糖漿，簡單而美味的！煙肉不會煎到好乾，夾雜些少脂肪，炒蛋混合蛋白及蛋汁，口感嫩滑！價錢略貴！

魚白湯烏冬配日式雞肉丸子 $108頓宮古紅茶 $78個魚白湯烏冬賣相一流雞肉丸子非常好食大大粒熱辣辣可惜個湯唔夠熱同太清鍾意食清淡魚白湯嘅朋友可以一試整體黎講都好食我個人就中意濃味少少頓宮古紅茶方面就有少少驚喜有甘甜味同口感好滑值得一試！其實佢地仲有甜品同唔同嘅飲品不過今次太飽冇叫到下次黎試下先！另外值得一讚係佢地店員嘅服務態度同用餐環境都係非常好店員對每枱客人都非常熱心介紹餐廳嘅食物及主動幫客人refill熱水落茶壺到環境方面其實勁多打卡位有3個榻榻米特色坐位仲有2個户外坐位係望到海添！

聖誕節前放咗幾日假，約埋男朋友去西貢行吓户外休息一下😮‍💨一早去左塔門行下小山丘，風景好靚☀️好舒服，果然西貢係香港嘅後花園～搭船返西貢市搵個地方食下坐下，原來新開咗好多小店，沿海傍行一條無咩人嘅街，見到呢間小店應該都新開，門面設計好有心思，我哋發現門口牆上面有8個人手寫嘅大字，好奇心下上網查下呢句點解，原來係來自佛經，心諗點解一間咁文青嘅小店竟然咁爆寫句佛經出嚟😂男朋友睇咗門前個menu介紹，發現原來全間店都無使用味精、人造色素，啱晒我啦！因為我如果一食到味棈野就會好唔舒服，一於試吓！我哋都揀咗店員推薦嘅「雞肉丸子拼魚湯烏冬」魚湯好滑好香，雞肉丸子好有肉汁，上面有兩種醬，襯埋好特別👍🏻👍🏻果然無味精👏🏻👏🏻因為我對味精好敏感，只要一食到有少少，就會口渴同心跳加速，好辛苦。不過呢間食完一d不良反應都無，我直情飲晒碗湯😂另外，店員推薦嘅「熱情果紅茶」男朋友好鐘意，好香熱情果味❤️我就叫咗一杯Matcha Latte，抹茶味香，奶打得好滑😋

趁着過年前冇咁多人，諗住星期日入西貢行吓，點知都係好多人🥲塞車塞到入去已經成2:00，諗住快啲搵地方食嘢啦，餓到就嚟死😓點知間間餐廳都好多人，行吓行吓越行越入，發現咗一條未去過嘅街，見到呢間Cafe好靚，就即刻入去睇吓有冇位啦，好彩仲有兩個位，職員即刻走過來同我講叫我睇一睇餐牌先入坐，因為佢哋同其他Cafe唔同，佢哋專賣烏冬同埋茶，我心諗乜嘢都好啦，就咁樣好快坐低咗。我哋好快就決定咗食乜嘢，叫咗一份蠔烏冬，一份魚湯烏冬，之後要多一個pancake share, 本身我係蠔控，只係想講呢個蠔真係好好食，好入味，但係好滑，一啲腥味都冇。如果有得散叫我會叫多份蠔。朋友都表示佢個魚湯烏冬好正，食完正餐冇幾耐，甜品就自動上咗嚟啦，時間啱啱好。食完坐喺度慢慢嘆茶，好彩今日有行到入呢條街，如果唔係都發掘唔到呢間小店☺️

今日下晝約咗朋友一齊入西貢行吓，行到攰攰地諗住搵地方食lunch, 朋友話book mark左呢間嘢好耐，但係次次都要排隊，今日諗住行去碰吓運氣啦，點知真係唔使排喎，9秒9衝咗入去先算，店員喺門口見我哋行得咁急，叫我哋睇吓Menu先，因為佢話 佢哋同西貢其他店唔同冇咖啡，冇意粉，冇蛋糕😅我喺度諗有咩食啊…..原來佢哋係做烏冬同pancake，飲品專門係做茶類，我個friend喺隔離猛咁同我講自己整㗎佢哋，咁好啦，佢咁想試就試吓啦之後店員介紹佢哋烏冬都係自家製，冇味精冇添加劑，推薦我哋食魚湯雞肉丸烏冬😋 pancake就有好多口味 pancake就有好多口味，而家專做茶裏pancake，我哋就聽佢介紹叫咗個魚湯烏冬同埋焙茶朱古力pancake。午餐包咗兩杯Tea latte類飲品,佢哋有玄米茶latte我覺得都好特別，之前都冇地方見過有，朋友就加錢轉左個熱情果茶，都等咗一陣，因為全部話係即叫即製，一路等一路都聞到啲雞肉丸燒得好香，越聞越肚餓🥲終於等到，其實原來大概過得10分鐘，個魚湯好好味，之前都擔心會腥，因為自己唔鍾意飲魚湯，點知真係好好味，我仲同我個friend搶住飲。雞肉丸都食得出

聖誕節前諗住同朋友仔聚下，點知太趕book唔切酒店，所以入西貢行下，西貢區一向都多特色既Cafe，試左呢間近海邊既日式Cafe，店舖裝修清簡，用木傢俬原野風，擺設都好有心思，成個環境好Chill同好Warm，一入門口就見到有個聖誕花圈裝飾，格黎棵（唔知真定假）樹都掛滿聖誕公仔裝飾，未見過有一間cafe咁特別，我諗店主都好有童心，嘻嘻！入去坐低，店員主動介紹menu，有一張紙都係日本茶，同店員小姐傾談後先知道，原來佢地既獨家茶園係近江市，同我以前係日本工作都幾近，睇嚟我地都幾有緣，哈哈！我哋試左一壺"近江玉露"同"上焙茶"，兩種分別好唔同，一個凍一個熱，一個色清一個色濃，一個清香一個烘焙味濃，好岩我同朋友，因為我哋兩個性格相反但係又好夾另外我地試左班㦸，叫"熊之班㦸"，係店員小姐介紹班㦸用左日本紅茶粉，好襯飲茶，會拼埋店家自製糖漬蘋果同cream，果然未食聞落已經好香茶味，糖漬蘋果酸酸甜甜，但唔係好甜，好好味！好襯pancake！其實想試埋烏冬，聽佢講係新鮮做既烏冬，我之前係日本食過新鮮烏冬，返黎之後都無見到有，下次一定要留肚食烏冬！-------最後，店員知道我哋想下次試烏冬，佢笑笑口

今日路過，發現呢間小店，睇落好舒服，所以想入去試下，見到竟然有Chai Latte飲，店員熱情介紹，係用店家獨特調嘅massala chai茶葉再用奶慢慢煲出味，佢仲俾我先聞一下茶葉，見都幾香所以心郁郁試下先之前去開半山果間飲開，但係間野無做之後我再搵唔返有第2間都係用奶煲茶葉整成既，今次抱住希望餐牌上都寫左要等20分鐘，咁就慢慢坐低影下相等下啦，小店好寧靜，其他客人都無靜靜地睇下書，好岩我呢d平日生活繁忙既中環人唔覺唔覺杯野飲整好左，同之前係上環飲開有少少唔同，但係都好好飲，呢杯SPICE味重d，襯埋上面灑面既cinnamon味道岩岩好👌，同今日有少少雨既天氣好夾！雖然寫坐繁忙時間有限坐，不過店員都話其實只要出面無人排隊，都可以坐耐d，呢度同西貢出面街嗰啲cafe感覺好唔同，無晒果d叫賣聲嘈雜聲，下次有機會返黎再試下野食

Christmas Eve, 假期第一天，到西貢享受冬天溫暖陽光。路過這兒，見到了久違的新鮮手製烏冬，加上很多特式茶，就去試試！熊穴很明淨、清潔。很多大大小小的植物，佈置很適雅，店後還有海景，坐係backyard,為身體加添vitamin D, 最啱我這個城市人。叫左個廚師推介：瀨戶內海汁煮蠔烏冬set lunch, 加一杯玄米綠茶Latte 。蠔非常鮮嫩，清碟！ 老公叫左個熊之pancake set lunch,。 這個pancake 真不一樣，伯爵茶加埋蘋果粒， 又清碟！原來用心做、用心煮，可以咁好味😋加上環境很舒服、過了一個好好舒適的中午…….還有還有，同兩隻貓貓一齊懶洋洋歎茶。

今日大蛇灣之行，竟然未夠5點就完成到，時間尚早，難得入西貢，當然要係西貢搵下食，入西貢一定要食海鮮喇，但晚飯時間又未到，我地已經攰到雙腳好似唔屬於自己咁，求其搵間coffee shop 休息下，係勝記海鮮隔離見到間細細間cafe ，裝修有d日系，仲有tatami 坐，感覺好chill ，menu 都冇睇就被吸引左入去。一坐低睇menu ，中伏，竟然係冇咖啡飲㗎，嗰刻勁想起身走人，但已經除鞋坐咗喺度，走好似有啲尷尬，唯有照食喇，好彩誤打誤撞都有啲小驚喜。我地點左法式焦糖pancake，同埋我最愛嘅和風抹茶pancake，兩個pancake 賣相都好ok 個抹茶pancake ，入口冇乜抹茶味，口感都ok ，可能我係抹茶控，所以有少少失望，如果我唔當佢係抹茶pancake 🤣，整體係ok 嘅另一個法式焦糖pancake ，估唔到有驚喜，入口有脆脆口感，跟碟仲有個肉桂蘋果粒同埋熱情果醬，夾埋一齊食，真係好好味，真心有驚喜，值得encore。飲品方面，我哋點左熱嘅熱情果茶同埋焙茶鮮奶（我地request 改豆奶） 兩杯飲品都出奇地好飲，熱情果茶勁香熱情果味，唔太甜，暖暖地，行完山，攰到暈嘅情況

Horrible service, the food looked like it was decent but we walked out without eating it as one of the staff members was too rude.We were instructed not to close the patio door even if the wind was very strong and giving us a headache and we were cold.Relocating inside, the staff said we MUST sit at the one table right in front of the main door, basically right back in the wind. While waiting for that exact table to be cleared (only one table was occupied in the whole cafe), we told our kids to

星期六，接近10:00去到西貢碼頭散步，見到呢間嘢11:00開，朝早9:48分就打個電話去book兩大一小，佢覆我11點開，話真係11am 嚟到，唔洗訂位，直接嚟就得。我準時10:58am 到，短髮姨姨好無禮貌咁話：未開呀！咁我再等到11:02am 我主動行入去問唔係11點開？短髮姨姨話：唔係呀！未準備好呀！長髮女人話：起碼半個鐘呀！有圖有真相。我一個鐘之前打嚟話11點開，嚟到第一下只係交代未開，仲要唔話我知要等半個鐘～之後上嚟睇之前嘅食評。哦，原來唔招呼小朋友😅難怪啦，係呀，我係帶住個兩歲細路仔嚟，所以不受歡迎😂唔招呼小朋友夠膽咪寫出嚟囉，又或者唔好整啲岩小朋友嘅食物，賣得小學雞食物（熟食、非辣、非生）自然就係吸引小朋友嚟架，希望短髮姨姨你知道呢個事實啦。但好興幸自己無嚟過，因為睇之前食評，你敢罵我小朋友，我一定同你嘈過☺️香港後花園無恥餐廳！

待客態度及服務真係要改改!!我地一家四口下午茶時段入坐, 好多枱未坐滿, 太太見角落有榻榻米枱, 問服務員可唔可以坐, 但服務員表示因為係玻璃枱, 小朋友會唔小心打爛而受傷,  不過如果想, 可以坐低影相打卡, 原本以為服務員好好, 真係顧及小朋友而拒絕, 咁好啦, 我地就坐普遍枱, 之後同小朋友去榻榻米影相, 太太已經幫小朋友除鞋先上去影相, 不過竟然換來既係服務員大聲叫小朋友落返嚟!!!!因為攪到佢要重新清潔消毒品!!!成餐飯都成到一肚氣, 小朋友都食得唔開心, 一開始講明唔坐得咪算囉, 唔好呃左人入嚟先呢樣唔得, 個樣唔得.最後仲有小插曲, 有一對情人入嚟, 見到榻榻米想坐, 然後服務員話要minimum pay 先可以坐.........其實呢間餐廳係咪想做生意定玩客........

呢個星期六，見到呢間好似好日式，諗住試下，一行三人，兩個大人，一個小朋友，叫完野食，咁同小朋友玩左一陣，點知有個短頭髮既人話叫我地唔好嘈，佢做唔到野，跟住我地全程都唔敢再講野，怕嘈到佢又係廚房發脾氣，掉野，跟住d野食黎左，普通野，唔值呢個價錢，呢間野真係一次都唔駛再食，冇下次，臨走時，有另一pair帶住小朋友既都比佢叫佢小朋友唔好嘈，短髮個個人話佢唔嘈得，我提議下次係門口可以寫明幾歲樓下不招待會好d

嗰日四點幾去到可能因為就嚟收檔，好多嘢都賣晒。基本上都冇得揀剩返兩種：卡邦尼烏冬同埋一個茄汁。我覺得可能烏冬唔似意粉，始終唔吸味….食落去嘅感覺就好似醬汁還醬汁，意粉還意粉。可能烏冬都係比較適合放湯，係結構上嘅錯誤。另外叫咗一杯熱嘅印度奶茶，佢係即場煲熱，好重印度嘅香料味，算係幾好。如果有機會嚟食建議揀湯烏冬。 環境方面，其實都幾細，嗰陣時明明冇人，佢哋都安排我哋喺最近門嗰張枱，我哋等其他客人走自己要求先可以坐入面…又話出邊冇開放，其實可以俾我哋坐中間張枱… 應該都唔會再返嚟