I Love 戟 - 日式班戟專門店 (已搬遷) 新店位置

見到做到十四號就結業，諗住去試一試出名既焦糖布甸班戟，見到個樣幾靚就想去試下，話係原個布甸倒落去好有趣。黎到見到超級多人圍住，去到見到個餐牌整到成個IG樣咁好有心思，但係我地六點去到，可能大家見到報道佢就黎結業都湧去食，三隻特別款都已經賣哂。諗住就結業都試下普通款《水蜜桃雪糕班戟》($26)，揀左芒果雪糕放中間，都幾香芒果味，上面放滿水蜜桃，不過班戟皮太淋身，真係可能得三隻特別款可能較出色。店名：I Love 戟 - 日式班戟專門店地址：西灣河筲箕灣道57-87號太安樓地下55A號舖餐牌:

The Tai On Building in  Sai Wan Ho is a rather hidden foodie area. Popular with the residents of Sai Wan Ho, adventurous foodies head here for a lot of interesting eats. Many of these places are strictly take away only. You basically stand there with your food. One such place is I Love 戟 - 日式班戟專門店. A small take away shop specializing in Japanese style crepes. You know, the ones in a cone shape topped with cream and fruit. Though it's popular, it unfortunately is closing it's doors. I decided to

焦糖燉蛋雪糕班戟HK $32焦糖燉蛋雪糕班戟 hit 左一段時間，最近終於試左。面頭嘅焦糖好香脆，燉蛋亦滑。 焦糖燉蛋下面有層木糠粉同忌廉隔住雪糕。雪糕可以自選口味，有朱古力、雲呢嗱、曲奇、薄荷曲奇、綠茶、芒果、豆腐、極酸檸檬八款可以揀。雪糕我就揀左綠茶味。綠茶味淡，而且五知點解我食到薄荷味。班戟皮幾煙韌。焦糖燉蛋雪糕班戟依個組合都幾特別。如果想試嘅朋友要快啦，事關佢地就黎結業啦！

終於‼️‼️‼️係夢寐以求既焦糖燉蛋班戟😭因租約期滿3月14日就結業啦😭大家要捉緊食班戟既尾巴😢呢個燉蛋班戟好有份量有雪糕有木糠粉有忌廉仲有燉蛋🤤面頭焦糖好脆好香燉蛋質感厚實不失雲呢嗱籽既香氣另外雪糕同忌廉味道好夾食落夠哂軟滑配埋煙韌既班戟皮一個班戟滿足哂幾個願望😍不過真係幾膩下一個人食哂真心飽死🙈同人分享就最好☺️Btw一到放工時間勁多人排隊我前幾日已經要等45分鐘😣仲要好快賣哂😣有興趣既朋友快啲去試啦

今日岩岩行完山，出返黎又肚餓，於是行去太安樓睇下有乜食先行左一個圈，最後揀左呢間賣班㦸試一試先芒果雪糕班㦸，雪糕我就選左綠茶味啲芒果食落都算甜至於個綠茶雪糕真係唔話得，大大球，而且真係綠茶味夠濃但個班㦸皮略嫌唔夠熱原來佢地仲有個焦糖班戟好出名，下次真係要試下先

這間店舖是專賣日式班戟的鋪頭，有咸的有甜的，在晚上九點後，便會有很多人前來食甜品，所以我經過這間店舖時，已經有大約10個人在等候攞美味的班戟。這次我便叫了焦糖燉蛋雪糕班戟，一次過食盡多層的甜品配搭，這款甜品是店舖裏的招牌甜品。大約等到10分鐘，這個賣相一流的焦糖燉蛋雪糕班戟便送到手上來，這個甜品賣相一流，必定是要相機食先。試了第一口，焦糖燉蛋上有一層薄薄的焦糖，暖暖地而且很脆，燉蛋的蛋味很香和很滑，底下可自選雪糕，我就叫了曲奇味的雪糕，這個甜品可以話由暖食到冷，味道不錯， 真的吃了一次便會愛上的班戟。

我隻仔示範 除左焦糖布丁🍮班戟外，士多啤梨班戟都係好野嚟。足料士多啤梨（面至底都有）+芒果雪糕🍦（有其它味道選擇）+ 外皮煙韌，其實都幾大份小朋友都可以嚟太安樓搵好野食！

當雞蛋仔都可以索價二十，$32嘅燉蛋crepe比起嚟又唔算太貴嘅。太安樓相信都唔洗多介紹，但網上嘅宣傳多數都誇張咗，見熱潮過咗舖頭未執笠，就可以試試喇👻即叫即製，但可能手腳唔快加天氣凍，crepe 上手都唔多暖。諗住天氣凍先叫燉蛋唔叫抹茶奶凍，點知燉蛋都唔係熱嘅。蛋味唔錯，不過好奇怪咁分上下兩層，上層奶白比較重忌廉味，似panna cotta, 下層似蛋塔餡，應該係放太耐先燉，沉澱咗。焦糖太厚有啲苦。整體味道唔錯，但溫度令我有少少失望。中層係whipping cream加瑪莉餅碎，木糠布甸咁，幾正。日本一味加cream, 呢度較有層次稍勝一籌。可以自選雪糕，味道選擇多。薄荷曲奇冰涼清新，但oreo味唔出。餅皮比較厚，唔係日本嗰種黃色皮，呢隻蛋味重啲同飽肚，但冇咁黏韌，各有千秋。雖然冇網上講到咁冰火交融，但可以喺附近食到crepe都仲係好開心～

呢間鋪系好多地方都見到佢嘅廣告嫁啦不過小編就住得太遠 難少少山長水遠黎食咁囉焦糖燩蛋雪糕pancake 超人氣無諗其他就叫左呢個!!!!賣相幾靚 打卡唔錯heehee食落去暖暖地 焦糖脆脆地幾好食😍😍不過!!!佢嘅底系有雪糕我地叫左曲卡味 口感好一般好痴口咁 好奇怪咁........👀👀👀👀

之前見到報導有介紹太安樓的班戟店，咁啱今日經過就去即試！班戟有好多種唔同嘅配料同味道選擇， 鹹或者甜嘅都有，但到最尾我都係忍唔住叫咗招牌的焦糖燉蛋雪糕班戟。雪糕有幾款可以揀，我就揀咗小店嘅豆腐味雪糕，之後等咗大約五分鐘就有得食。新鮮即製的班戟皮，加上香脆嘅焦糖燉蛋，我食咗第一啖之後已經停唔到口！豆腐雪糕嘅豆腐味香濃，亦唔會太甜，同焦糖燉蛋真係出奇地夾！食嘅時候，我會建議食一啖燉蛋，一啖雪糕，咁樣食到最下面的時候就冇咁單調。

今日放工時，見到有那麼多好評，抱著一試無訪的心態去試焦糖燉蛋班戟，並未售罄，所以今次選左新口味雪糕，榴槤，但是試完後冇想像中那麼好味，班戟皮並無香味只是咬落去有點彈性，另外，焦糖燉蛋是凍的，除左面頭的糖是脆的，另外很快便是雪糕層，並無特別。所以可以一試無訪，不要抱太大期望。

今日去咗龍脊行山、下山嘅時候聽朋友講話太安樓有一間好好食嘅pancake店！見佢講到咁重點推介！又話個面係cream Brûlée ! 未食過喎梗係去試吓啦⋯⋯講到咁好食⋯⋯唔去試吓都對唔住自己啦⋯⋯咦又真係幾好食喎⋯⋯上面係凍嘅 cream brûlée 👍🏻👍🏻👍🏻👍🏻中間係木糠布甸👍🏻👍🏻👍🏻最底係雪糕可以自己揀揀咗榴槤味加＄3元、都係＄35幾好食喎＄35真係好平除咗果皮質素可以改善一下、同埋個榴槤雪糕可以再creamy d 就更好啦呢一個價錢已經算係非常之高質！我一定會再返去食囉😋😋😋😋😋😋

行完山出番去市區已經趕住去搵嘢食啦，難得今次去到港島，我個friend就帶我去太安樓填番飽個肚啦成日都係facebook見太安樓有好多好西，最想試既係呢個班戟，終於都比我食到啦！五點幾去到又冇咩人排隊，即叫即做，等左大約5分鐘就有得食啦個班戟既topping係焦糖燉蛋，不得不說店主好creative，甘既配搭都唸到出黎！個味道就偏甜，焦糖既效果都算做得唔錯，薄薄一層點綴個班戟。食既時候係會唔方便，因為都唔知咬唔咬個皮好，好驚咬左又會整跌個焦糖燉蛋喔……大家趕時間就唔推介啦，呢個真係要企定定慢慢食。雪糕揀左綠茶味，甘甘地 中和番個甜度唔錯xd塊皮就偏厚，雖然蛋味係濃郁既：）整體而言，會比3.5/5佢既，如果下次再有機會黎太安樓都會想試下佢其他味既！

👫行完柏架山，好餓嘅👱🏽‍♂️👱🏻‍♀️就搭兩個站嚟到西灣河嘅太安樓掃街，點知想食嘅地方好多都無開，最後淨係食左呢間出名嘅班戟🤨 鋪頭裝修都幾特別，係用Facebook同Instagram做主題㗎👾#焦糖燉蛋雪糕班戟 <$32>等左大約5-10分鐘就整好啦，拎上手暖笠笠，而且好靚，啱曬影相打卡🤤 店員比左個🥄，方便客人食🤯 食第一啖已經食到表層嘅脆焦糖，仲有嫩滑嘅燉蛋，口感分明，但份量唔算太多，食左幾啖就食到雪糕，而雪糕係可以自選口味（雲呢拿、曲奇、薄荷曲奇、芒果、椰子），👱🏻‍♀️就揀左曲奇味，由於班戟皮即叫即整比較熱，雪糕會唔太凍，同埋溶得比較快，所以要食快啲😲 整體嚟講呢個配搭都幾特別，價錢又唔算太貴，係值得一試嘅🤩👍🏻🗣：雪糕溶得比較快，所以最好食快啲，而且食到最低會有啲cream，要小心啲食，唔係就會整到成件衫都係㗎啦🤪

焦糖燉蛋班戟（HKD32）-其實係想試佢隻綠茶燉蛋pancake不過原來佢係限量發售😢黎到已經4點幾已經賣曬😭😭-呢次應該係繼上次東京之旅之後第二次食呢類型嘅pancake記得對上一次係日本食入面全部都係cream今次食呢個反而like過上次-上面係焦糖燉蛋下面係雪糕 雪糕有唔同嘅口味可以選擇我就揀左薄荷曲奇🍪中間有木糠 感覺都幾特別🤔pancake質感煙煙韌韌咁 口感都唔錯下次要早d黎試下佢隻綠茶焦糖燉蛋pancake🐣