I Love 戟 - 日式班戟專門店 (已搬遷) 新店位置

之前見到報導有介紹太安樓的班戟店，咁啱今日經過就去即試！班戟有好多種唔同嘅配料同味道選擇， 鹹或者甜嘅都有，但到最尾我都係忍唔住叫咗招牌的焦糖燉蛋雪糕班戟。雪糕有幾款可以揀，我就揀咗小店嘅豆腐味雪糕，之後等咗大約五分鐘就有得食。新鮮即製的班戟皮，加上香脆嘅焦糖燉蛋，我食咗第一啖之後已經停唔到口！豆腐雪糕嘅豆腐味香濃，亦唔會太甜，同焦糖燉蛋真係出奇地夾！食嘅時候，我會建議食一啖燉蛋，一啖雪糕，咁樣食到最下面的時候就冇咁單調。