Awakening意粉專門店 (已結業)

星期日, 因為明天要返工, 唔想出太遠食飯, 所以留左係元朗食...揀左去awakening食晚餐!!8點幾去到, 冇咩人, 好寧靜, 好舒服...個人認為好適合情侶去撐枱腳/朋友傾心事我地叫左2個意粉, 朋友點的是卡邦尼蘑菇天使麵...好多汁,  好入味, 天使麵都煮得岩岩好, 唔太林, 又唔太硬...而且份量都幾多...食一半已經feel到飽 我點的個是芝士焗松露醬蘑菇螺絲粉呢個好食呀, 顧住食唔記得影相, 廚師煮得好入味, d螺絲粉軟硬適中,而且都幾多蘑菇, 不過食到一半又係已經覺得好飽, 好彩坐下,傾下,又食得落, 因為個味道真係好好味, 唔捨得食剩其實我地仲加左$10 有前菜, 湯, 飲品我個人最喜歡前菜的沙律, 好fresh, 拌埋d 芝麻醬 簡直是一流呀而這個洋蔥忌廉湯幾好飲, 唔算好滑, 因為有d洋蔥粒粒, 好似沙咁細粒的, 口感都不錯其實我地仲加左$8, 有甜品今日甜品係泡芺...我就覺得普普通通啦... 下次都係問清楚係咩甜品先再決定, 叫唔叫~~~哈總括:環境清靜, 員工服務態度友善, 食物質素上尚...比得上連鎖式的意式餐廳

今日終於同朋友可以去食飯啦，我地一行6人去食元朗西餐。原來這店有2間，當然我行錯左路，要花多點時間才找到。去到位置都比較迫，但還可以。佢地叫左幾款而我再加個蟹棒扁意粉。 腸仔係一點味道都冇，清到同白滾水整冇分別， 薄餅$40個，話十分抵食吾太覺，因為一片都講緊十蚊同底厚身但幸好軟熟，材料都吾少。 三文魚意粉白汁好水又係少味。 西蘭花係意粉白汁濃版，反而覺得濃少少咸點味道不錯。 牛舌蕃茄意粉都係汁偏淡，牛舌硬難咬開。 檸檬汁忌廉蟹棒肉意粉係最好味，有少少檸檬香加上濃點白汁，蟹都叫吾少同吾梅。 叫飲品最激氣，叫綠茶鐵拿又話熱冇咁好味，到要3杯又話吾夠cream,我叫草莓蘋果又整錯草莓奶，吾想飲轉已經冇草莓...唯有轉蘋果橙，味道淡開太多水。朋友橙汁仲要係半透明添好明顯係太多水原因，鐵拿味道正常吾淡。講真收一杯橙汁18元（不是散叫價）左右同出面差吾多啦，質素高返少少會順點。 以138一餐吾叫貴，但進步空間一定有吾少。

之前有朋友帶過我黎Awakening,我記得當時撞倒附近中學lunch,餐9成都係學生但食物水準唔錯,一直都想帶男朋友再黎試試當然避開中學lunch time之後黎,仲有lunch set!um..唔知點解飲完杯凍朱古力即刻再無咩期待ge心情 <忌廉汁蜆肉扁意粉>男友點了這個忌廉汁蜆肉扁意粉,不過不失,都算幾多蜆肉..但個汁如果再creamy D,多返D會仲好!<燒汁牛扒伴薯蓉>記得上次又係食佢嘅扒,覺得好味先再黎,但佢今次塊扒真係好多筋同埋有d韌..有d失望 希望下次去食可以回復水準啦~

朋友們一行五人來到 差不多八點鐘 因為餐廳沒位 被帶到隔離轉角位 小分店?環境裝修簡約 勝在夠靜 但冷氣忽冷忽熱先講焗肉醬意粉   賣相不錯 肉醬夠不會乾 蕃茄味偏重 但可惜沒有特別好吃 卡邦尼醬夠creamy 賣相不行 蒜蓉味夠重 愛吃蒜者會覺得很香 辣肉腸其實是切片司華力腸雞翼夠入味  但煮得太耐 肉質太淋  甜品是巴芙 只要like餐廳的fb專業就有了  可選頭盤火腿沙律或甜品 總括而言 一家意粉專門店 意粉做得不夠出色 味道普通 價錢也不是便宜 差不多價錢在元朗有大把選擇 ！ 唯一做得好的是服務態度算好 店員笑容很多

元朗出名多野食但好多都係麻麻地但呢間意粉專門店真係有D吸引係香港地 間間都係賣多元化 又意粉又飯又通粉咁但終於有間係專門賣一樣野講番位置先其實好難搵因為唔熟元朗路 跟住地圖都搵左好耐先睇到原來係呢度加上夜晚 搵路就更難但唔緊要 問下問下人就搵到鋪頭其實較細同裝修簡單大約20個位左右但有3,4 個侍應所以唔驚冇人serve係門口見到個餐牌成板都係意粉最少都有20款嘩 真係好少見一間小餐廳會做咁多意粉叫左個忌廉汁煙肉洋蔥粒意粉同carbonara 呢兩個SET加埋湯同野飲都唔過90價錢可以接受個湯都幾得意 好似係菠菜忌廉湯初頭見佢綠色以為好難飲飲落都幾甜幾好飲跟住意粉泥啦Carbonara 同出面餐廳比都算大碟但呢個係我朋友食既 所以無乜點試而忌廉汁煙肉洋蔥粒意粉一食落去好多蒜 好香 好好味忌廉汁唔算太油食曬都唔會太滯食完之後好滿足坐多陣就走左

朋友發現呢條街…原來係有好幾間食肆既…見呢間環境幾有feel…就即管試下…由於我地趕時間…好快睇完board就order 左c同d...朋友既c餐仲可以轉燒汁同意粉添…之後先發現…原來仲有其他menu…散叫或加$轉set...好多款式…真係花多眼亂…外賣仲有折架…湯送來時…有少少surprise…就係廚師用忌廉寫畫左d圖案字係度…可能係因為臨近x'mas...感覺好warm...呢個湯用西蘭花製成…無好重既菜味…唔鍾意食菜既人都應該飲得落口…蒜蓉包要加$2先有一小塊…暖暖地…ok啦…牛x好大件…薯蓉都好多…最重要係好多汁…夠哂味…waitress無刻意問牛x要幾成熟…佢話唔講就7成wor...但我地order左6成…都唔覺有紅血水…我呢件尚算ok唔“kun”...但朋友果件就話好多渣咬唔到…另一個餐係豬x意粉…大致上差唔多…朋友話無咩特別…但我見隔離枱散叫既野食…賣相好得…可能lunch set始終係講求快…所以比較一般…相信會有下次…乳酸特飲要加$3…只得一種味…都係益力多黎…冰稍為多了一點…

仲記得以前中學既時候 雖然學枚附近有唔少好野食 有中式點心 日式SUSHI 港式車仔面 真係想食乜就有乜～但我地一班同學最鐘意既都係呢間～ 西式既AWAKENING！簡約既設計 坐到入去好舒服 夜晚黎更加係幾有情調我同朋友一人嗌左一個SET DINNER 我就嗌左個 忌廉汁煙肉雞柳螺絲粉 加朱古力雖然呢度既意粉稱唔上話好好食 好高級 但就係一個平民化既學生食堂平時LUNCH用30蚊就可以有個LUNCH 有埋野飲又有湯 都幾抵食講番個螺絲粉先！ 我真係好鐘意佢既忌廉汁 味道岩岩好 我次次黎都係食佢！！不過記得記得！ 要嗌多粉 如果唔係就唔夠飽架啦佢個湯都好正！ 今次黎食係南瓜湯～ 好特別好好飲架！至於野飲 首選一定係朱古力！ 好香濃 好有朱古力味 正呀！不過順帶一提 夜晚黎食個價錢就有D貴 唔係太抵但係LUNCH就真係一流！

今日心情麻麻，剛巧屋企無飯食，就約阿妹行街兼Dinner。問阿妹想食什麼，日本菜？No...泰國菜？No...又說不要太貴，看來都要食她鍾愛的意粉! 突然就想起Awakening，幾年前都食過lunch， 仲記得都幾多人幫襯，反而dinner就未試過，就行去碰碰運氣。竟然無人？就二話不說入去了。我挺喜歡這類的環境，小小的白色小屋，簡約的裝潢，田園感覺的擺設，還有屬於我年代耳熟能詳的歌曲，多好。店中亦有些打卡或讚好的promotion，但我倆沒有參加 =P紅色餐牌中是二人餐等等，對我倆來說好似太多了，還是一人一意粉好了。單點意粉的選擇超多，這裡只是一半而已，相信有選擇困難症就大件事了，但相信總會揀到心水的一道。我倆一人叫一個，其中一個加10蚊轉了餐，有餐湯，蒜容包及飲品。最欣賞這裡的意粉是即叫即整，不是整定番熱就算，即整才品嚐到意粉的口感。同時間繼續欣賞各角的細節。。。店員很快就遞上跟餐的蒜蓉包及餐湯，餐湯是南瓜湯，味道不錯，可是有點稀，水滴滴的。反而蒜蓉包香脆而不會太硬，加上份量剛好的蒜蓉，還好。先上的是我揀的3號，忌廉汁蜆肉天使麵 HK$55，上檯有陣陣的忌廉香，超多的蜆肉，炒香了的

夜晚突然想食西餐所以去左馬田果邊覓食...之前經過awakening都入唔到去, 次次滿座..琴日終於有一張空台...打開門女店員好有禮貌...可惜佢地只收現金...我地又只好去對面間7-11攞錢~之後返返去好彩都仲有空台...like左佢地facebook page就有野送...前菜: 帶子群邊沙律 (免費)帶子群邊好爽口...沙律菜都好crispy...可惜sesame dressing落得太多, 搞到太濃味...主菜: (1) 煙三文魚caesar沙律因為天氣太熱, 原本想食意粉的我都要食下salad~其實冇咩comment, 煙三文魚中等standard (好明顯唔係自己smoke, 應該係煙三文魚來貨)沙律菜一直係好crispy...同前菜一樣既~唔難食, 冇咩驚喜, 肚餓實可以食哂~(2) 鴨胸芝士螺絲粉呢個dish食讚一讚, 呢間話哂係意粉專門店~一定要order個意粉試下d水準~鴨胸好一般,略嫌太細塊, 不過價錢唔貴所以接受啦~螺絲粉煮得over左, 有d淋...但係個味真係好好好正!!如果係芝士fans一定要試下...佢個味道冇得輸...總之味道比texture好好多

今日係母親節，好多餐廳已經無得訂位，但姐姐講過呢間餐廳食物質素都唔錯，所以一家六口決定一試^^~~~~小食方面：由於我們七點前入座，所以送了瑞士雞翼俾我地品嚐，個汁好香濃唔錯我地仲點左以下二人套餐：西蘭花忌廉湯： 味道好香濃，正~~~ 帶子裙邊沙律：味道一般香燒豬頸肉：豬頸肉醃得好入味，個面淋了一層泰式雞醬，味道唔錯忌廉汁野菌鮮蝦意大利粉：隻蝦好爽口，配埋個忌廉汁都幾香，唔錯BBQ汁燒豬仔骨配黑松露薯茸：個汁好香，豬仔骨燒完後仍保留肉汁，好好食 香煎燒汁西冷牛扒：牛扒煎得太韌，麻麻地 意式香辣蕃茄雞柳螺絲粉：味道唔錯檸檬牛油忌廉汁蟹肉棒扁意粉：一定要食，忌廉汁內有檸檬香味，味道好新鮮，值得推介 海鮮薄餅：麻麻地，因為個皮太硬了整體黎講，以每人平均$150價錢黎講，其實都好抵食，所以大家不妨一試^^~~~

           同姊妹一個月一次既聚會又到了，今次就揀左好耐有食過既Awakening，咁耐冇黎過，間舖擴張了營業，而所擴張的位置位於後巷位置，相信一般較難察覺到位置，但店內的環境卻較為寧靜，感覺私隱度較高，對於一啲餐聚來說，位置的確較為理想，只係真係好似有人理咁，要叫野食都要按鐘再等店員由主店行走過來，所以感覺有點奇怪。          我地五個人叫左三個餐，另外加個pizza，前菜係帶子群邊沙律，帶子群邊煙韌，菜新鮮，但略嫌醬汁較酸；湯及蒜蓉包一般；白汁蝦球意粉味道不錯，千島汁pizza既餅皮係中等厚度，食完唔會有過飽既感覺；千層肉醬意粉味道偏酸，而且麵條煮得過淋，味道一般；雜扒珍寶腸配薯蓉，豬扒及雞扒較為厚身，而且肉質有彈性，感覺不俗，薯蓉則為本身係本人摯愛，沾上汁一同食真係一流！          如果以聚餐為主要目的，這間餐廳是可取的，但對於店員服務較高要求的人則可能不太適合了，因為店員相對較少，不會主動提供服務的。

外觀黎講算不錯，感覺很温暖的一間餐廳!我地一行四人，妹叫左蒜蓉香草豬扒，細佬叫左美式雜扒，朋友則叫了海鮮白汁意粉蒜蓉香草豬扒一黎到，嚇親我，好大件，king size黎，肉身不太硬，剛好，但個汁真係麻麻地!美式雜扒係豬扒同雞扒，都ok，但個汁又係蒜蓉汁，一般海鮮白汁意粉好食，意粉煮得入味，海鮮有蝦蜆肉等，好食我叫左個燒汁牛肉眼扒，個扒已經唔掂，我叫七成，佢比九成我，硬到我咬唔到，個汁佢話係日本燒汁，但難食到我頂唔順，食淨大半塊，其實佢個燒汁同我個妹同細佬個蒜蓉汁味道差唔多，顏色仲係一樣，我仲問細佬，你話呢間好食既，佢話係意粉，暈了，希望佢改善下個汁，味道真係唔得!佢杯奶茶都好飲，好滑呢!希望下次再去，不會這樣啦!

之前我都去過呢度食左幾次, 隔左一排,今日突然記起就打去問定有冇位,就帶媽咪去Try try啦. 點講呢間野都叫做唔貴卦.. 幾十蚊成個餐.. 簡簡單單,我請得起我同媽咪各自叫左一個餐, 我食既天使麵我覺得多油左小小. 至愛個餐湯,今日係"耶菜花湯" 好好味喎^^ 餐包都夠熱.. we like我地冇加$8要前菜+甜品,反而我地叫左個$60既鮮蝦沙拉(有西芹,蘋果,雞肉,提子),估佢唔到有幾有份糧,幾多蝦,我本人怕酸,但係佢係唔酸架喎,, 好好味.. 媽咪都話$60 呢碟野真係值啦..

兩位老朋友外國歸來，原先想去安娜餐廳晚餐，不過安娜魅力驚人，起碼要等1HR才可入座，我們志在聊天，故去到之前中學午餐常來的AWAKENING。真幸運。來的時間剛好有一桌空了，不用等位首先是每人一份蒜蓉包，蒜蓉包金黃香脆，不過包身略嫌硬了點，不夠鬆軟。是日餐湯是南瓜忌廉湯，很CREAMY，南瓜蓉十分幼滑，完全沒有渣，喝得出南瓜天然的甜及豐富的忌廉味，很好喝，是足料的心機之作　如果加一點香草，相信會更帶出南瓜的香甜CARBONARA ：份量很多！忌廉汁的TEXTURE較THICK和CREAMY，吃落有點HEAVY。PASTA本身質感不俗，尚算AL DENTE，能夠吸收到個SAUCE， 頗為入味。煙肉鹹度尚算適中，只是不夠咸香，蛋味亦不夠豐富，反倒像白汁。哈，CARBONARA雖然看來是最簡單的意大利PASTA，但弄過才知道它其實是最考功夫呢！ AWAKENING的CARBONARA，還算不過不失的！！餐飲點了凍檸茶，普普通通。雖然比這兒好吃的食物有更多，但以環境、服務和價錢來說，這兒仍是值得再來開飯的！不但環境清靜，而且老闆娘十分友善，服務甚優，這兒更是不收加一！而讓我最欣賞的是客人能夠吃

去完荔枝山莊出返元朗搵野食醫肚想食西式, 朋友仔突然諗返之前食過幾好既白色小店就入去了唔知係咪weekend 無下午茶明明已經係4點幾都仲係serve 緊lunch set.. @.@算吧, 肚餓咩都唔緊要了所有lunch set 送餐湯、蒜蓉包同飲品似是豐富到極都只係around hk$50-70 是日餐湯係磨姑粒忌廉湯, 磨姑應該係採用新鮮的, 因為食到好濃既草腥味, 仲食到少量既金姑tim蒜蓉包香噴噴兼濃厚牛油香微暖既法國包就烘得唔香口重茄汁既意式海鮮意粉就不是太好雖然海鮮份量絕對無將價就貨, 相對其他店舖的確一讚但味道卻普通到極, 只食得出係茄汁煮意粉, 淡而無味另一個主菜則要了燒汁牛扒伴薯蓉, 一d味都無既薯蓉簡直令人髮止牛扒又厚又大塊, 基本上可以share 兩個人食不過可能過分用了鬆肉粉, 肉質林得有點過火餐飲分別係咖啡同齋啡, 乃同曲異工之妙唔苦但唔濃、唔rich可以放棄