韓屋 (已結業)

在Open Rice 見到呢間韓屋食評唔錯，於是和媽咪一起去韓屋吃lunch。中午12時左右到達，人客稀少，不用等位。我點了個烤牛內飯套餐，有前菜+餐湯(合掌瓜湯)+凍蜂蜜紅棗茶，媽咪點了個石頭鍋雞肉飯餐，前菜和餐湯都是一樣的。前菜一般，餐湯不夠熱，凍蜂蜜紅棗茶面頭是冰，喝杯底的紅棗茶是暖的，這杯不冷不熱的，古古怪怪。主菜烤牛內飯出奇地好食，牛肉很香口又不會韌，雖然唔夠熱，用鐵板上但無咩煙，後來見其他檯上的鐵板餐都是熱騰騰出晒煙的，值得一試。相比之下，另一主菜石頭鍋雞肉飯就失色了，鍋底全是飯焦，米飯份量不足，夠熱就是了。吃到一半停下來休息一下，侍應前來問是否不要了打算把東西收起，我表示尚未吃完。再過一會，主菜吃完了，但前菜尚未吃完，他又想一併收走，其實那時餐廳尚未滿座，還有吉位，犯不著趕著收東西吧，想趕客乎?

自從到過首爾之後，間中都會想食韓國野。屯門這間韓屋以前未試過，這次就試一下，也解解韓癮！先來前菜，是芝麻小白菜。雖然不是我最愛的芽菜，但也ok。韓式餃子辛辣麵 - 都幾辣，算是我能接受的範圍，餃子一口一隻幾得意，味道ok豬肉石頭窩飯 - 豬肉幾好味，醬汁不辣，偏甜，飯焦不少幾正~餐飲凍和熱柚子茶 - 不會過淡或過甜，味道剛剛好~ 最喜歡凍柚子茶的杯配冰塊，份量還剛剛好在滿在杯口，另整個飲品意外地精緻！

放暑假 相約好朋友見面聚一聚為求方便 又有朋友介紹所以揀左<<韓屋>>依間幾多人等位 不過叫得好快唔使15分鐘已經叫左差不多15張枱雞肉石鍋飯 賣相十分不錯有一碗湯同跟一小碟醬汁不過 雞肉略嫌鞋口左少少鍋入面重有D雜菜 幾好飯比較濕 唔乾食到最底有飯焦 脆卜卜順帶一提 醬汁味道有少少似日本照燒汁朋友食泡菜拌麵帶有少少酸 我覺得幾開胃不過朋友食唔慣 食左三分一就停口如果鍾意食韓國菜 我諗應該都okay 全日免收加一 價錢幾合理下次會再去

飲完齋茶幾小時後已經好鬼肚餓,忍不到六點吃晚飯,諗住吃少少.行來行去行來行去,間間餐廳都排長龍,再度在韓屋落腳,因為知道蹤使外面有好多人等位,其實是錯覺吧了.果然等了5分鐘就入得,還差十分鐘就是下午茶時段,但趕住看戲關係,拿拿聲落單,一個是泡菜豚肉炒年糕和三絲伴粉絲.午餐包有前菜,例湯和飲品.算起來黎午餐比tea更抵食的.前菜是大豆芽,豆芽爽脆,充滿麻油香,簡單得來不過好食.冬瓜湯味道很清甜,解渴,好似無下肉煲似的,和港式老火湯味有著濃厚肉味剛好相反.差不多等了十分鐘先有得食.泡菜豚肉炒年糕,全碟橙橙紅紅,好火辣辣似的,原來味道只是少少辣(好在).不過食到差不多辣只包住舌頭,並沒有傳播整個口腔,感覺很得意.用上的泡菜酸得來帶少少辣.很岩吃不得辣的人.而豚肉味道只得純甜一個味,肉質淋劈劈,韓屋出品的肉類都是這樣子的.年糕才是我想食的項目,勁煙韌,超好咬.配著酸辣汁真係令我吃到停不到口啊.三絲伴粉絲有蓮藕絲,蛋絲,青瓜絲,當然不少得泡菜啊.粉絲本身沾了些橙紅色的汁,還伴上一碗甜酸汁.如果無沾伴上的汁,粉絲是完全無味的,撈埋的話亦多了分甜味而已,這是一個清淡之選了.不過粉絲認真夠哂凍,吃完有

中午時間搵食確係難 , 因為周圍都無位 平時食開 food court 今次想試新野諗起 3樓有野食係門口見到餐牌午餐平均 40 不用加一 又唔使等位 order 左一個牛肉飯同雞肉飯套餐 ! 飲柚子蜜 1涷1熱10分鐘後有得食 ! 牛肉味道太甜喇 ! 而雞肉就mm好有d 乾身 !白飯軟硬適中 ok 湯就 好似蘿白水咁 no good 埋單 $81 ???? 雞飯(好似) $36 牛肉飯(好似) $ 42 又話唔使加一既 ?? 點解會 $81 ?? 可能涷飲要加 $$$$下次要去試吓炆牛肋骨套餐先 環境舒服~見到有卡位.......(位於店舖另一邊私人空間極高)

起身因為好想食韓國野就叫朋友陪我食去左最近既韓屋一早知e度吾係好好味 但都要紜就下 因為好想食一d韓國風味既野去到叫左個炒年糕同埋石頭鍋飯個炒年糕d年糕切到吾知咩咁 一片片我係韓國未食過d咁既樣既先不再話下問佢有冇辣醬你話有 有辣椒粉同埋豆辨醬.我問 有冇韓式辣醬佢又話我地有辣椒粉同埋豆辨醬.點解一間韓國餐廳可以冇韓式辣醬= =!!個石頭鍋飯黎左 一碟仔醬黑黑地色我食下 冇味既好拌完 再食 都係冇味既...心諗 咩黎既之後食左一半都冇 食到一d胃口都冇.埋單果時問佢 石頭鍋飯個醬係咩黎佢竟然可以答我 石頭鍋飯既醬我以後吾會再黎e間野到食囉 不知所謂既韓屋 .佢係中國菜就差吾多

配菜：泡蘿蔔沒有風味的，些微味道，鮮艷顏色，還吃得下去。凍柚子茶夠味，好喝，但可以更好。烤牛肉飯鐵板夠熱，牛肉有牛味，肉質不錯，就是一般韓式任燒任食的水準啦，份量是足料，但稍嫌過熟。配牛肉的醬汁非常好味，令牛肉和白飯都生色不少！鰻魚石頭鍋飯只吃了兩口，感覺也不錯。免收加一，賬目分明，這樣最好！比想像中好吃（因為很多韓式做得很差），也比想像中平宜，值得一個笑臉！

4月29日，是我第三次來到韓屋食晚飯，今次要等位雖然侍應安排坐外面，我還是看見其他客人走了，就即時要求侍應安排轉入房哈...今次點了五式前菜，有泡菜、雞蛋捲、青瓜、豆腐及魚仔 另外是套餐前菜，椰菜花 烤雜肉，雞牛豬， 好味...真係韓燒味道 個牛肉飯外型好，食就一般 試一次就夠... 而且有湯附送，真係好當然少不了...很喜愛這裏免一...讓喜愛韓式菜的我無數光顧

上次嘗試左晚餐，今次輪到下午茶又是坐房間，因為太舒服朋友說韓國餐具很特別 3人，點了3個下午茶套餐 個麵一來到，我第1感覺很像撈麵 不過食落唔錯...而且有個蛋配..忘記了名朋友點的煎三文魚，加上檸檬汁 ，起碼有番味... 辛辣麵食落辣，但很野味...泡菜豚肉炒烏冬 好食呀，加左泡菜好野味， 雖然有辣，但又唔算太辣下午去食，冇晚上咁多人要等位

同朋友一早很想去呢間試，但未有時間，終於有機會了去到時候，等一陣，原來給我們座位不是房裏但見到房間沒有人，就叫侍應給房間我們比較靜一些點了三式前菜及兩個套餐包兩杯飲品三式前菜包括有雞蛋卷、泡菜及青瓜泡菜‧辣少少，不過很昱胃雞蛋卷‧好味青瓜酸酸甜甜辣豆腐雜錦，料很足，而且辣辣地，幾正...辣豆腐，雖然都是辣，不過較辣豆腐雜錦豐富飲品，甘桔蜂蜜，甜甜地甘甘地最愛這裏免一，最終結帳百二左右

考完試,周圍搵野食醫肚~同學推介呢間都唔錯...就入去試試~同學仔又再次推介石鍋飯,有飯焦,好正!!於是4個人都叫左...不過我同另一個同學食牛肉,另外2個同學食雞肉~其實黎到果陣都幾香..但一食,D牛肉味怪怪地,我都唔識點講,唔似我平時食開D味,如果下次再食,我估我會試海鮮果個~但冇我想像中咁好味,就有D失望~不過佢D飯焦又真係幾正既!!!值得一試既,但唔好食牛肉囉~BTW,服務幾好~幾NICE!!!56蚊食左個DINNER,有湯有野飲,算係咁啦~

本身自己都鍾意食韓國菜，見佢門面裝修咁正，於是就走人去試下！點知就咁中左計！自己叫了一個黑豚肉粒炒飯set lunch，老公叫了一個烤牛肉飯set lunch。 隨餐附送既配菜係一碟粉紅色既幼條醃蘿蔔。好彩佢call 自己做配菜唔係泡菜，因為佢既味，酸到你會以為自己食緊一碟中式酸薑！我既黑豚肉粒炒飯上時，係一個心形，上面加隻旦…造形已經有d 騎呢！用匙拆散佢，完全有困難，實到爆，心諗今鋪大鑊！食入口時，真係想即刻叫經理！個飯既溫度係微暖，接近凍，煙都唔煙下！我又唔係尋晚落order，使唔使凍成咁！ 佢地刀法超好，d 黑豚肉粒細到，唔知有無5mm！又凍又淡，我唯有用佢碟「酸薑」送飯！老公suggest 我問佢要辣醬，點知佢比碟中式豆辨醬，而唔係韓式辣醬！我估我心中團火，應該熱過佢碟抄飯！老公既烤牛肉，由於有鐵板上，所以夠熱。但d 牛肉…老到爆！我食左一件，即收手！總括而言，門面同室內裝修一流，服務態度okay，食物就不敢恭維！絕對唔會再去！佢完全係我食過既韓國餐廳當中既benchmark ，希望唔會咁黑仔，食到一間可以差得過佢！

唔知我有無誤會, 但係呢間嘢好似係鴻*集團架喎,如果真係的話,我好失望呀!鐵板牛肋骨,都唔熱ge...石頭鍋飯: 超熱, 撈咗幾分鐘都仲'之之'聲... 焦咗,d飯好硬泡菜: 就係最令我失望ge地方... 開間韓國餐廳, 竟然連泡菜都唔好食,唉! 真係祝佢好運啦!如果你好鍾意飲柚子茶就可以去飲下ge, 成餐飯最正就係杯柚子茶, 同埋d枱好大又有張枱仔比人放嘢,幾好

服務態度好好，門面靚，有氣氛，好有食韓國嘅嘅感覺。可惜食物質素非常唔掂。兩個人點咗一個海鮮砂鍋飯，另外一個唔係好記得，應該係白飯配咩肉。但啲肉味道口感都非常普通，至於個砂鍋飯真係連美心嘅都不如，完全無味，根本唔想食。後來嗌左個豆瓣醬用嚟送飯，先叫做食得入口。飲品應該係叫左個薑茶，都 OK 啦。

昨天約了多年好友飯聚，因她快生BB，所以想找間坐得舒服些的餐廳食飯；在我們閒逛時見這家餐廳好像座得很舒服，所以便入內準備試下。入內時他們見我的朋友是孕婦便服務很細心地在入座的途中都沿途提醒我朋友有些高低級位要小心，一入座就立刻先為她送上一杯暖水，當然還有基本的熱茶讓她選擇。在用餐的過程中又不時會留意她的水杯如沒暖水便立刻為她再添水，還有其它服務都很細心；我們點了泡菜牛肉粉絲飯及豚肉石頭鍋飯，食物的味道都很好。所以是次晚餐因他們細心都令我們相當愉快，很久沒試過在食巿內有這種服務態度，令我認不住要讚賞一下他們。我和朋友還約定待她產後要再去吃飯。