韓一館 (已結業)

今晚去了杏花村的韓一館，雖然是平日的晚上8點幾，都也有不少人，但我們一行3人都不用等位^.^韓一館價錢不貴，而且很多特價小食，所以我們樣樣都叫來試試。前菜只可以選擇3款，我選擇了薯仔，泡菜同菠菜，3樣都好好味^.^B仔叫了燒雞肉定食，雞肉很嫩，味道也很不錯。韓式雜菜炒粉絲，沒有肉，但味道不錯，只是有點黏在一起。牛肋骨燉栗子，牛肋骨好淋，配菜有白蘿蔔，紅蘿蔔，冬菇及栗子都燉得很入味，味道不會太甜，不錯^.^韓式水冷麵，很細心的把辣椒醬另上，冷麵的配菜也很豐富，有很多塊很淋又好味的牛，蛋，青瓜及白蘿蔔，湯汁酸甜味道剛好，凍凍的十分醒胃。令叫了特價小食，炸粉絲紫菜卷配沙律，上枱時熱辣辣，十分香脆，但一點油膩也沒有，雖然內裡只有粉絲，比較素了點，但也是個不錯的小食^.^另一汆特價小食，原本我們叫通菜煲，但因沒有只改為矮瓜，但...味道很失望，不知佢放了什麼醬來炒，有d醒醒的，我只食了兩啖就放棄了=.="

 其實喺杏花新城食嘢的選擇真係幾多，今次試試韓一館。午市時間不用等位坐低就即刻叫嘢食，大部份的係介乎$50-$60 個人認為中午食韓國菜呢個值都算係咁。保守D叫了個炒雞肉飯。泡菜是韓國菜的指定食品吧，真的好辣，但唔辣又點過癮呢？湯尚算清，沒有太大特別。沒等多久主菜便到。雞肉同菜用鐵板上，而且炒得幾香，雞肉最緊要唔"鞋"，菜都有唔少。小弟出街食飯常常遇到的白飯問題包括飯太硬或太淋或唔夠熱基本上喺韓一館都遇唔倒。份量略嫌不夠多乃美中不足，但埋單發現唔駛加一都算值，但個餐應該唔包餐飲，咁唯有去老麥買杯細可樂頂一頂吧!

晚上到了杏花村，便順便在杏花新城的韓一館食晚飯。時間尚早，餐廳內很多空位，可以隨便入座。先來一碟韓國餐廳必備的泡菜。這泡菜味道很好，有別於其他韓國餐廳的，食下去時很香，最後我們發覺這獨特的香甜味道是來自當中的韮菜。然後是很少在其他韓國餐廳看到的豬手，我們便在好奇心的推動下叫了一碟試試。這菜色是要用一塊烚熟了的大白菜包着豬手同食，可夾着附碟的醃蘿蔔。豬手炆的好淋，膠質很重，沾上碟上的沙嗲醬及辣醬很香很惹味。不過為了健康著想，最後幾塊的豬手我沒有吃下它的脂肪呢！與豬手同上的另一道菜是海鮮豆腐辣湯。這個實在令人極為失望！所謂海鮮只有數粒急凍的蜆粒、青口、魷魚和蝦仁。完全沒有鮮味，而且附送的白飯很細碗，飯粒又硬，像未煮透般，不值$98呢！

買左景樂集團會藉好多間食肆都有85折，諗住逐間去試吓，今晚就試韓一館，可能杏花新城人流唔係咁多，到八點都坐唔滿。會藉除左85折外每間食肆都有一張食物卷，今晚係豆腐沙律，沙律撈左柚子汁同芝麻，甜甜地都幾清新 當然唔少得烤肉啦！我只係點左牛肉片$110，牛肋骨肉$145，雞肉$95，定食係跟湯，白飯，自選三個前菜，肉奄得唔會太咸點埋酱汁食就啱啱好，至於肉質當然唔可以同和牛比啦！比依個價錢佢都比到牛肋骨肉都算合格，肉質唔會鞋烚烚，又唔會咬唔開，當然唔會入口即溶啦！ 牛肉石頭飯$68，飯多餸就少左D，為有加多D辣醬 炆牛肋骨粟子煲就抵食得多喇！$110有七大舊肋骨炆得入味又夠淋再加埋D蘿蔔，粟子鮮甜野味，連汁都扲埋去撈飯呀！ 最近睇個套韓劇個女主角成日都食豬腳$88，所以都叫個試試！豬腳烤得香軟唔肥膩，仲有半隻咁多呀！再用焯過嘅大白菜加D泡菜，面醬，辣醬包嚟食，連少少肥膩嘅感覺都冇埋呀！食完之後，囡囡都話要再嚟食過！

韓國料理好似比較少食  所以見到有這家就衝入去了XD！不記得是點了那款主食，所以有湯+泡菜(不過為什麼不是紫菜湯呢><)韓國料理中~我最喜歡吃的就是炒年糕！！！這個很辣 -口-!　不過不辣的話～年糕就會沒有味道。（但雜菜有點多...可以多點年糕嗎? T^T)另外一個主食是 - 韓式傳統石頭飯(海鮮)$68附上的辣醬沒有炒年糕那個那麼辣~ 所以味道來說剛剛好。因為很辣~ 所以要點飲品，都是點了乳酸。

鐵板雞肉定食D雞肉非常好味又嫩滑, 定食碗湯也好好飲, 但本人對泡菜不感興趣, 所以不喜歡泡菜.牛肉什菜面豉湯定食非常足料, D牛肉又香又嫩, D粉絲好入味, 面豉湯夠晒濃!對於一位女士來講實在食唔晒.

今天與奧莉花到港島東上半天培訓課程特和她到杏花商場吃午飯杏花商場最下層其實集中了很多餐廳由於平日不太多機會吃韓國菜最後我們選了韓一館午餐都不算太貴約$50〜$80水太太點了牛肋骨蘿蔔濃湯手打湯烏冬($55)湯底略嫌偏淡而牛肋骨不算煮得腍烏冬普通這個湯烏冬其實不太推薦奧莉花的是燒豬肉配白配和牛肋骨湯這個一上桌已經傳來香味以鐵板形式上桌很驚喜而豬肉炒很超入味味道又香又咸又有蔬菜的甜味菇和菜也炒得超香水太太不停偷食大讚﹗牛肋骨湯也有牛肉味不算太多味精算合格午市套餐可配一杯凍綠茶清涼~~

晚上開餐·近的好選擇只有杏花新城或太古城food court.選了杏花新城這間韓式食店·裝修精美·是飲食集團旗下的一間餐廳·招呼普通·點了鐵板牛肉定食和牛肉石窩飯·定食包中式湯·飯和小碟泡菜·泡菜好味·鐵板牛肉肉質可以惜味調得過鹹了·石窩飯有牛肉·芽菜·紅蘿蔔絲·波菜·中間有隻蛋·拌以韓式辣醬·很是美味·最愛是有脆卜卜的飯焦·正不正宗不去考究·最緊要好味及價錢不貴·

在港島東區想食韓燒,也唔想咁貴,又係無咩選擇,手持住KINGPARROT會員卡的我,在其下的餐廳找到偉大的杏花村有一間韓一館,於是約了朋友便去食下啦由於會員於有85折,咁朋友又鐘意海鮮,咁就叫了1客SQUID和1客蝦套餐包前菜3客(都係泡菜,芽菜之類,但可以自選)湯和白飯前菜,白飯和湯也是一般貨仔,無咩特色,好難定論其味道,因此唔評論但係佢地個主菜就真係唔錯,一客蝦得6隻定8隻唔記得,但係隻隻都爽口彈牙,蝦肉完全新鮮,十分美味,只係份量不多,SQUID也是十分爽口新鮮,但係味道不濃,這就是SQUID的特性.SQUID一定要在SEASONING度做功夫,因此本身無咩名,但係材料絕對滿意環境十分清靜,也沒有大型屋苑的人流(杏花村少人D呵呵,爽呢),因此很合適我呢種唔想煩既人去食.

本人是韓國菜愛好者,,愛到最近更去了韓國,,而這家店是我回香港第一頓韓國菜,,,一切只是偶然,,我和友人在非常飢餓的情況下誤打誤撞進去的這家店,,我們點了2道菜:餐前必備的kimchi,,,滿爽的可是沒有很深刻的感覺,,而隔壁的南瓜湯就是定食包含的,,友人的反應還不錯...這個是我點的海鮮豆腐湯,,,辣度市香港人可以接受的,,雖然味道沒有很突出,,可是海鮮滿多,,吃起來也是能飽的...這個好像是鐵板牛肉定食之類的,,我吃了一塊,,雖然牛肉質感不賴,,但是醬汁偏咸,,友人只能自我安慰的說能夠下飯....其實兩個女孩子,,不是能吃的那種,,每次去餐廳可以嘗到的菜色不多,,一兩道菜不太能夠判斷好與壞,,不過豆腐湯是韓國基本的料理,,我在韓國吃到的經驗來說,,這裡的菜沒有非常正宗的感覺,,不過對於想嘗試韓國菜的香港人來說應該會合他們的口味,,至於我這個韓國狂熱粉絲,,對於這家店我只能say sorry,,,那不是我的菜~~

lee間食過好多次韓光,今次淨係食佢既午餐先.我叫左韓式牛肉河粉, 個醬我略嫌太濃味, 好多麻醬加醬油,杰杰地, 好飽, 椰菜同carrot非常爽口,但係d牛肉非常無味. d粉真係少少粉,同埋一食就sok埋d勁咸既汁. 成碗野都係被個汁主導晒, 可以平衡反d. 至於前菜的泡菜也有水準,少少spicy, 野飲係提子乳酸特飲. 好人工,似來自珍珠奶茶店, 一d都吾酸, quite disappointing.dad的豬肉粉絲湯較好, 湯非常清甜,可以飲下去, 好好. 粉絲比一般粗同滑, 豬肉比較唔肥,總之個湯底加左好多分!一負一正,這間還可以再試.

叫了一個軍人鍋. 有一段介紹是韓戰傳統云云,....其實只是腸仔+餐肉+肥牛+年糕+菇+菜的即食面.宣傳單張顯示的是打邊爐式食法. 不過來到的是一盆已煮好的即食面. 即食面份量為一人, 再加埋餸, 都有1.5人份量. 但係打邊爐食法和食一盆公仔面根本就係兩回事. ORDER 時佢又唔講, 之後就話咁樣好食D.....應該ORDER 前講聲麻...同佢地投訴, 佢地講極都唔明個問題係乜....160蚊個即食面, 真係好唔抵...

杏花新城其實有好多間食肆, 不過都係第一次食呢間, 佢係一間食韓國野ge餐廳, d野都唔係好貴, 40幾 到60幾不等, 學生餐仲平呀, 差不多有半價tim。6個人, 叫左6個前菜, 因為20蚊3個, 佢d前菜都幾好食, 而且又唔會太spicy, 尤其好食ge係豆腐, 薯仔同芽菜呀, 記得試下。我就叫左個豬肉炒粉絲飯, 佢d粉絲已經入晒味, 加上豬肉應該本身都已經調左味, 所以真係幾唔錯架。仲有蔥同洋蔥一齊炒, 味道的確好好。可惜佢太油喇, 食到底果d已經係比油浸住咁, 食唔到lu。我果個已經唔係鐵板架喇wo, 都咁油。朋友叫果d鐵板真係仲油呀, 所以最底果d都係食唔到。佢個炸醬飯, d炸醬勁dark, 好"傑", 味道都ok。同埋佢特別ge係佢係炒飯底, 真係未食過係咁。雖然唔係好正統, 不過都好食。

從來不寫食評，是次不吐不快。這天是我們第二次幫襯，其實食物味道太咸，待應生應慢及只顧談笑，價錢和食物份量及味道比較之下，這算是一間徧貴的餐館。我們再次光顧。我們一家三口叫三個餐，女經理游說下多叫了半價壽司連餃子一份(千萬不要試，難吃得很)，半價炒菜及半價飲品。相信這"半價"乃坊間韓燒的正價連加一。最後我們都把食物吃完，炒菜卻遲遲未到，我們叫那位女經理把炒菜取消，因為我們己經吃不下。最令人憤怒的是，女經理對我們"好，我去睇睇!" 竟然在廚房門口向廚房叫了一句：’ｘ號枱漏咗個炒菜呀，即刻正啦！”我們立刻叫回那女經理，她没有把我們的說話聽進耳朵，不停說：’正緊架喇正緊架喇！”我們不是為省回金錢，而是怕教導同桌６歲小朋友浪費食物，最後，菜一到，我們叫她來把菜打包，此時她的臉部表情比那塊鉄板還要黑。埋單連加一差點五百個大洋，從此以後這間餐廳再不能多賺我們一塊。

今晚第一次與家人來這裡吃晚飯。四個人，叫了四款食物及三杯飲品：傳統石頭飯($50)：可選豬／牛／雞，我們選了雞肉。雞肉ok，不鞋口，至少沒雪味。那個醬只有少許辣味，不夠香。配料還算多，整體味道ok。鹽燒秋刀魚($50)：味道沒什麼特別，肉質一般。很細條，不值$50。海鮮拉麵($50)：〔沒試〕很大碗。家人說味道還可以。咖喱吉列豬扒炒飯($45)：〔沒試〕略為細碟，份量少。咖喱汁是凍的。家人說味道一般。凍檸檬薏米水($18)x2：薏米少，檸檬味淡，像喝很淡的檸水。荔枝綠茶($22)：〔沒試〕家人說難喝。埋單連加一$278.3。這裡沒有套餐，飲品要分開叫而且選擇不多又難喝，更加沒有正宗韓菜館必會贈送的各式前菜（要吃燒烤才有三碟），所以十分不抵食；而食物的味道及質素亦只是一般，總括來說是價錢與食物份量及質素不成正比，亦不算是正宗的韓菜館。