陶源酒家

營業中

休息中

今日同爸媽去了尖東陶源酒家食飯，好耐冇同屋企人去咁遠食😁今日請返佢哋食餐好嘅，老人家梗係食中餐啦！呢度環境算幾寬敞，又光猛，啲枱唔會擺到太密密麻麻，感覺舒適。我哋嗌咗特價$188嘅芝士龍蝦伊麵，個龍蝦令我好驚喜，因為開頭以為咁平，驚伏🤔但點知龍蝦份量係比足，又啖啖肉，芝士汁亦好濃厚，伊麵份量都好多😍😍值得一讚，推薦大家一定要叫呢個❤️❤️我哋另外嗌咗個雜菜煲，安格斯燒牛肉，仲有薑蔥頭腩，都係水準以上😝最鍾意安格斯牛肉附上嗰個蜜糖汁，好惹味👍🏻👍🏻總括嚟講呢一餐性價比高，非常抵食，以後尖東又有一個食晚餐嘅好地方😙😙

問世間，有冇見過一個$568嘅宮廷雞煲翅係無雞髀嘅？以為可以如廁撈飯，雞髀打人，睇清楚啲，一舊舊雞件加幾粒螺頭衝曬出嚟，大家嘩然！問個經理隻雞去咗邊，支吾其詞，居然話剛好冇曬「半邊雞」！見到我哋唔受「騙」，先死死氣抬走個煲，仲嗱嗱聲收曬已經上咗枱果幾碗翅入廚房…離遠見到佢哋幾個包括陶源老闆係廚房門口「研究」呢個「雞件翅」，唔知係咪覺得無問題，反正就除咗取消張單之外就sorry都冇多句，莫講送甜品糖水！除咗個龍蝦伊麵之外，其他餸完全不知所謂，也許同跑馬夜有啲關係！番到屋企，食碗蝦子麵先冇咁嬲！請我食飯，千祈唔好去呢間！

母親大人朋友吃過「陶源酒家」的乾撈翅龍蝦宴一直讚不絕口，有見及此，我亦沒有多想便帶母親大人到此品嚐一下。這裏地方相當寬敞又舒適，設計上與一般酒家無異，一家人或與朋友在此用膳亦相當適合！既然今次是為了乾撈翅龍蝦宴而來，那當然我們亦沒有多看其他餐牌便直接點了它。這個乾撈翅龍蝦宴總共有八道菜，分別為炭燒鰻魚拼冰燒五層肉、鮑汁扣極品花膠扒、蟹肉乾撈翅、卡邦尼焗龍蝦、魚子醬蛋白蒸龍蝦鉗、桃膠榆耳泡菜苗、龍蝦湯泡飯和葛仙米杏仁茶。炭燒鰻魚拼冰燒五層肉鰻魚外皮香脆之餘，肉質彈牙又鮮甜，而冰燒五層肉同樣皮脆，又富濃郁的肉香味，一層肥肉一層瘦肉剛剛好，吃上去毫無油膩感！鮑汁扣極品花膠扒厚厚又大塊的花膠扒，口感又軟腍，配上鹹香的鮑汁，濃郁得來又匹配討好！蟹肉乾撈翅魚翅的份量相當多，配上鮮甜的蟹肉，已經非常美味，加上這道菜式用了乾撈的做法，吃起來就更為香口，吃一口蟹肉乾撈翅，再呷一口鮮甜的湯頭，幸福得令人回味！卡邦尼焗龍蝦龍蝦本身已經爽口彈牙又鮮甜，配上濃郁而creamy的卡邦尼醬汁後，吃起來都特別滋味！魚子醬蛋白蒸龍蝦鉗龍蝦鉗的肉質爽彈，味道又鮮甜，配上蛋香味濃的蛋和鹹香的魚子醬，配搭得宜又美味！桃膠榆耳

鄰近母親節要去慶祝一下，普遍的母親也喜歡吃中菜，所以吃中菜吃個挺好的選擇😎。這次去到陶源酒家吃，有兩個套餐選擇，就吃了一個較經濟的套餐🙈。-這次去了位於尖沙咀的店，位於東海商業中心地庫，店舖分為兩邊環境挺大的☺️。燈光柔和環境舒適，入座時選擇好套餐，再做我們廣東人最愛“浪碗”洗餐具😎，嘆著茶談天等待挺舒適的。-▪︎鮑魚遼參宴 HKD$688/位-冰燒五層肉拼黑醋高山木耳五層肉即時脆皮豬腩仔，這個有皮脆肉嫰的口感，肥瘦均勻挺香油脂味☺️。木耳口感爽脆，酸中帶微微芥末香味，感覺挺惹味的🤤。-蠔皇鮑魚伴百靈菇這個是餐中的重頭戲吧，鮑魚大隻肉質厚身，口感彈牙有嚼感🥰。醬汁味道濃厚，感覺入味但不會太咸，調味是適中的。百靈菇是厚身版本，也感覺入味的😚。-金湯小米燴遼參打開後聞到很香的味道，金湯賣相吸引，熱辣辣味道香濃😍。遼參質感爽脆，拌湯一起味可以的，湯裡有小米所以口感豐富😎。-魚子醬香煎魚扒雪白的魚扒肉質厚身，這個是趁熱吃的，熱辣辣吃的質感較好的☺️。拌魚子醬味道微咸，另有野菌拌著，提升了魚扒的鮮味。-秘製妙齡乳鴿平常去酒家也會點來吃，因為是喜歡吃的食物之一😍。乳鴿色澤深色，味道香濃帶點肉汁。做到皮脆肉

中伏報紙出哂有特價、特登過嚟試。冬瓜盅冇、蟶子冇、7:00 pm 話賣哂。唔好玩啦、成個場都坐得幾圍，賣哂！服務夠哂中国化 、地方環境一般、收費還算可以冇下次😡😡😓😓

預訂了這家酒樓和朋友們歡聚，部分食物有特價，相當超值，當晚享用的美食如下: 京式片皮鴨(一食) ($88)因為有陶源會員的關係，可以這個震撼的價錢惠顧一客片皮鴨。鴨件🦆切得整齊，每一片泛起油光，使人垂涎。鴨肉肥瘦度適中，表皮燒得紅潤脆身。用麵粉皮夾著醬汁和青瓜一起吃，可感受這種傳統的美味。 蟶子一斤 ($168)這是使用報紙優惠券的價錢，蟶子加上蒜蓉和粉絲清蒸，帶出蟶子的鮮味並保留，而肉質仍然爽滑。 金獎松露燒雞 ($398/隻)一隻巨型肥美的燒雞，未入口已可嗅到陣陣松露的芳香。燒雞🐔🍗外皮香脆，雞肉鮮嫰亦很有油香。 黑蒜鮮菌和牛粒 ($138) 充滿鑊氣，野菌粒及和牛🐮粒切得大小均勻，易於咀嚼，和牛粒軟腍可口，多汁並肉味濃郁。 XO醬雙蔥珍珠蠔 ($168) 剛送上來時蒸氣不斷升起，XO醬惹味開胃，珍珠蠔有鮮味及鹹香。 鮮茄雲耳勝瓜泡魚肚 ($98) 這是一道清新健康的餸菜，顏色亦豐富鮮艷，魚肚軟棉而吸收了清湯，蕃茄🍅鮮甜味美，而雲耳及勝瓜🥒爽口。 蜜桃士多啤梨咕嚕肉 ($138) 咕嚕肉份量算多，煮得軟腍入味，醬汁加入蜜桃🍑及士多啤梨🍓增添清新及夏日的感覺。

原來兩點入座係下午茶時段，我一點半入座係正價時段。高湯花膠瑤柱湯餃，啲湯好淡，花膠好細粒，入邊冇乜料，好普通，有啲失望。秘製妙齡王子鴿，一開二，都幾入味，見到好多枱都有叫。如果下午茶時段仲要再平啲。蝦餃，皮薄，有原隻蝦在入面，蝦爽，不過唔算大粒。但幾好食。豉蒜蒸排骨，完全見唔到有”豉”，裝到滿滿的，好大碟，冇偷工減料，味道唔錯，可惜有好多件都係肥膏。煎得唔夠金黃，唔夠香脆。石鍋鮑魚雞粒飯，熱辣辣，好大鍋，仲有少少飯焦添，有好多料，味道好味。總括來講，午餐時段唔係特別平，味道不過不失。

價錢貴，比起以前嘅陶源食物差太遠！可以話太普通！大排擋好食啲！好耐冇過既陶源，今日竟然好差，台布又穿窿，非常差！碗碟好邋遢！因為只係，茶杯都有三款，好唔一致，碗碟底都菌晒邊⋯⋯😡😡招乎麻麻地！😡😡唔會再去第二次😡😡😡😡😡👎🏻👎🏻👎🏻👎🏻👎🏻

#🎊團年開年飯🎊準備過年🧨 老媽子好忙吓 團年飯要買乜嘢做餸 佢諗到頭都大埋 既然係咁 不如去酒家食😁-🧧發財好市 $168過年食意頭菜 係指定動作 金蠔件頭大而軟身 蠔鮮味突出 另一主角髮菜 索滿鮑汁 撈飯食最啱 多食髮菜 可以防脫髮 添潤澤 日本花菇得壹隻 尚算腍身入味 -🦆京式片皮鴨 $298米鴨外皮烤得香脆 一客大概有廿片 鴨片酥脆鬆化 油份適中 用略帶煙韌薄餅皮包住佢 配京蔥提香 青瓜條爽脆 份外滋味 特色甜麵醬 有助平衡油膩感-📍陶源酒家尖沙咀加連威老道98號東海商業中心地庫一樓

今日早咗收工，咁就嚟到尖東呢附近搵嘢食 ， 朋友有好介紹話原來陶源啲片皮鴨幾好食同抵食，咁佢就請我嚟試下， 因為之前疫情較為緊張，所以都好少落嚟尖東，今次有呢個機會，咁就梗係試下。京式片皮鴨： 自己一向都好鍾意食片皮鴨，不過想喺香港食好嘅片皮鴨真係不多，笫一時間即刻點個嘅填鴨先，上檯嘅時候個餅皮熱辣辣地 ，加上甜醬、黃梅醬及砂糖襯熱食，兩個字滋味。 大家可以參考我啲相。發財好市： 呢個其實係發菜蠔豉再加豆苗，咁其實佢整得都幾好食 食完啲鴨係肥肥地，所以食番個菜調劑下，呢個菜唔錯都幾新鮮。最後大家可以叫埋啲朋友試下呢隻鴨，因為都算幾抵嘅， 而且又將近新年 ，大家可以試下。

今日同朋友去咗尖沙咀食嘢因為呢我哋諗住由天星小輪一直行海邊行到去尖東。然後去咗呢間陶源餐廳因為呢餐廳我曾經喺灣仔食過都真係唔錯。呢間酒樓地下一坐入去就見到一個好大嘅魚缸入邊有好多龍蝦同埋東星班，我哋嗌咗佢哋最熱門嘅片皮鴨同埋因為就嚟過年所以食呢個發財好市煲，希望真係會有好多好事同埋會發財㗎。最鍾意佢嘅片皮鴨就係嗰啲皮係有蒸籠蓋住所以就唔會凍得咁快，另外嗰條東星班都係一月見到佢喺魚缸度鬧完之後出嚟火候啱啱好，至於好事髮菜煲下面係豆苗啦當然亦都好好食，下次可以再去。

新年前有咩必食？發財好市，要拎個好意頭咩係發財好市？食完會發財🤪🤪其實就係必備髮菜蠔豉燜冬菇，燜左既髮菜蠔豉好吸汁，好入味髮菜，菠菜，蠔豉，加埋仲唔係發財好市🥰健康又好意頭，上網睇防脫髮添潤澤岩曬我京式片皮鴨黎到既時候有驚喜，因為賣相唔錯，而且見到厚薄均勻，唔會太薄太厚，仲平均咁擺盤，每件都有被有皮有肉，賣相加分而且唔會好油膩，兩件肉加青瓜京蔥同醬料用皮包住一啖一件好滿足如果皮，青瓜，京蔥同上了唔夠仲可以添加佢個鴨唔係得個樣，色香味俱全架，值得一食

同老友去左間走高檔粵式菜餚路線的傳統酒家食晚飯. 酒家設計和裝修風格豪華, 配以大型燈飾, 好有氣派. 首先來個北京填鴨, 上枱時都好有排場, 上層是切得薄薄的鴨皮連鴨肉, 一片片排成圓形, 好有心機. 下層是伴菜和伴醬, 分別有傳統京醬、黃梅醬、青瓜條、京蔥條和砂糖. 未食已經被賣相吸引. 鴨皮切得夠薄身香脆鬆化, 鴨肉肉質嫩滑, 難得油份適中無肥膏, 食完唔會有油膩飽滯感覺. 餅皮厚薄適中略帶煙韌, 唯略嫌唔夠熱, 配以醬料及再加入爽脆青瓜條及京蔥條，簡直令人吃不停口。跟住加個發財好市賀新年, 豆苗香口, 冬菇和蠔豉都炆得好焾好入味, 開心有髮菜食, 唯豆粉似乎太多, 醬汁有點混濁. 朋友慶之所至叫左兩個壽飽同我提早慶生, 咁我都贈慶叫左碗蛋白杏仁茶.我鐘意佢唔太甜, 伴以一絲絲的蛋白, 口感不錯. 另朋友叫左芒果布甸, 佢就話味道一般, 芒果味唔太出.整體上食物水準是配合高檔路線的, 而且空間感強, 令人坐得舒服. 題外話, 食完第一道菜北京填鴨, 足足等了超過一個鐘才食到發財好市, 慶幸我同老友都唔趕時間可以傾住等, 自問係心急人的食客就要有一定的心理準備啦

尖沙咀食片皮鴨話說超級耐冇食片皮鴨，事隔幾個月，今日放工又想食片皮鴨，見到尖沙咀有得食即刻去食餐廳環境寬敞舒適，裝修傳統茶樓風格，中國風音樂。比較多人食，上菜製作需時，侍應收碟快，茶位$14@位，另收+1服務費金陵片皮鴨 $298鴨卷餅皮薄得來堅韌，而且份量足夠。肥美的鴨皮充滿鴨油脂➴ෆ⃛中間仲有啲鴨肉，另有青瓜、京蔥、秘製的甜醬和京醬等片皮鴨拼盤配料，份量唔多，岩2個人食，煙韌的餅皮包裹燒鴨爽口的配料，味道似燒鴨，非常之邪惡 發財好市 $168新鮮滾熱辣，製作需時。髮菜蠔豉好足料，有好多鮮綠色菜苗，芡汁唔會好鹹，味道適中，啲菜幾好味，又健康。另外仲有大大隻、蠔豉、鴨腎、冬菇等。服務質素：7/10環境舒適度：7/10ᶘ ᵒᴥᵒᶅ個人口味評分：6/10

⭐【尖沙咀】滋補鮑魚和牛餐⭐很久沒有吃中菜，天氣轉冷，吃中菜滋補一下就最正，今次去品嚐〔鮑魚和牛餐〕，每一款菜份量都很足，吃了身體暖笠笠，感覺很滋補。*〔鮑魚和牛餐〕($588/位) *【六頭鮑魚伴百靈菇】鮑魚入口很軟腍，芡汁煮得夠鮮味，配上厚切的百靈菇，很滋味【堂煎和牛】(四安士)和牛煎得香口，一上檯已經聞到很香和牛味道，店員即場煎，很有新鮮感。【上湯大虎蝦配天使麵】上湯大虎蝦啖啖肉，天使麵炸得香口，影完相麵質還是很脆身。【玉乳杉斑球】 班球有兩大塊，碗內的蒸蛋白很滑。【濃湯遼參翅】濃湯是雞湯湯頭，入口濃郁很好喝，湯裡面還有遼參、花膠及魚翅，喝完身體暖笠笠，很滋補。【鮮拆蟹粉豆苗】豆苗很足料大碟，豆苗鮮嫩，上面鋪了很多一粒粒蟹肉及蟹粉。【可可鴛鴦包】蒸得熱騰騰的流心奶黃包，包身軟綿，記得要趁熱吃。【養顏棗皇糕】棗皇糕味道是很濃郁的棗味，口感香糯柔潤，煙煙韌韌很有咬口。【蛋白杏仁茶】蛋白杏仁茶味道偏甜，杏仁茶味道不算濃，比較容易入口，很滋潤。*茶位每位$12*另有加一服務費〔陶源酒家〕@sportfulgardenhk香港九龍尖沙咀加連威老道98號東海商業中心LG1樓LG1/F, Ea