陶源酒家

營業中

休息中

大閘蟹季節又到Lu～好多酒樓都推出咗大閘蟹放題！見Klook做緊陶源酒家酒家85折🦀大閘蟹放題優惠，而且有我最愛嘅🦆片皮鴨，即刻買黎同屋企人一齊試下。星期五19：45黎到，個場都幾滿。坐低一陣之後餐廳就送上每位都有嘅花雕熟醉蟹一隻、鮑汁原隻鮑魚伴百靈菇及蟹粉扒豆苗等。呢三款都係無得encore，限定每位客人一份嘅。鮑魚彈牙入味，蟹粉扒豆苗嫩口無渣，都不錯。而花雕熟醉蟹就比之後任叫嘅蟹大隻少少，唔錯但味道上同之後任叫嘅蟹分別不大，所以無得再叫都唔使驚。佢地食物選擇都唔少，主食例如有生炒糯米飯、上海菜肉包、鳳城雞包仔、朱古力駕鴦奶黃包、流沙芝麻包、蟠桃大壽包等等。當中個人最中意係由潤嘅生炒糯米飯同特色朱古力鴛鴦奶黃包。另外出面自助區有椒鹽豬小排、椒鹽海中蝦、麻香四季豆、避風塘雞中翼等等，全部質素都不過不失，不過提提大家係酒樓冷氣開得比較大，最好mon住廚房一出就去攞，因為擺耐咗會容易變凍。驚凍咗嘅話，亦可以同侍應講，佢哋可以喺廚房攞啲熱啲嘅俾你。今餐嘅重點3款大閘蟹（鹽焗大閘蟹、太雕蒸大閘蟹、清蒸大閘蟹），以及京式片皮鴨，基本上全部都無令人失望，大閘蟹雖然說不上好大隻，但蟹膏金黃，黏口軟滑

陶源酒家 2小時無限任食大閘蟹、片皮鴨放題喺Klook 買咗呢個package ，有幾間分店都可以用，好方便😎我哋喺平日過嚟，個場都算full，好彩事先訂咗位。一入座就會送上三款特盛三式，一人一份架！✨蟹粉扒豆苗蟹粉份量都算幾多，豆苗亦夠嫩。✨鮑汁扣原隻鮑魚伴翡翠鮑汁味鮮，配搭鮑魚，炆得又淋又入味👍🏻入口Juicy。✨金湯小米燴遼參湯羹入口有啲似小米粥，遼參粒增加口感，口味甘甘地，好養生！任食嘅大閘蟹大約有四両，三款口味可以選擇，分別係清蒸、花雕和鹽焗🦀，清蒸和鹽焗上到枱都係熱辣辣，出晒煙要等一陣先至可以開蟹，食落口味就差唔多，口感方面，覺得鹽焗會令蟹肉更加結實。花雕就係凍蟹，食落蟹膏Juicy，有淡淡酒香。每輪由落單計，大約要蒸15分鐘，都算準時冇漏單。我哋每次喺等候嘅時候，都會出去自助區攞嘢食，片皮鴨喺自助區都係即片，好新鮮！前菜拍青瓜、涼拌雲耳、椒鹽海中蝦、炸雞翼、炸豬扒，甜品楊枝甘露、杏仁茶、番薯糖水都有，成餐飯啲時間都過得好充實😄

呢間價錢唔算平除開都要六百幾蚊但係蟹黃嘅質素都ok，再加上上蟹嘅速度都上得快！平均每次上四隻時間就啱啱好！呢間都係任食大閘蟹放題，有四種嘅大閘蟹種類畀大家選擇；鹽焗，花雕醉蟹、原味蒸等等！都多種類！另外仲會配送一份鮑魚同埋海參燎粥！另外再配有片皮鴨任食！有京蔥青瓜絲同埋片皮鴨薄餅！配上片皮鴨醬香甜！都係任食回本位！出面仲有其他小食包括冷盤小食，炸物，蔬菜，糯米飯、仲有楊枝甘露，或者薑茶糖水，椰汁露等等！甜品食物方面；有紅棗糕，芒果布甸等等，食物種類都豐富，飲品方面我就選擇咗普洱茶，送大閘蟹一流！大閘蟹亦配上專用餐具同蟹醋！不過蟹黃都食足夠加番唔小分

又係食大閘蟹嘅季節🦀今晚約咗勁鐘意食大閘蟹姊妹😆去咗尖沙咀【陶源酒家】2小時無限任食大閘蟹🦀片皮鴨放題😍仲有其他小菜主食，糯米飯及甜品等。。🎈價錢逢星期一至四$528位🎈星期五、六、日 及公眾假期$588位(另收加一)另外仲有其他主食，坐低每人仲包一份🤩🔸️鮑汁扣原隻鮑魚伴百靈菇🔸️金湯小米燴遼參🔸️蟹粉扒豆苗蟹粉份量都幾多😋鮑魚都夠味口感彈牙雖然係任食🦀但質素一啲都唔差😋有3款味道🦀有花雕蒸、清蒸、鹽焗😋大部份都爆膏🤤色澤呈橙黄色我地就比較喜歡花雕及鹽焗🤩肉質仲好鮮，啖啖蟹膏超吸美味🦀另外都有好多甜品選擇自助區有三款糖水🔸️薑茶地瓜🔸️蛋白杏仁茶🔸️楊枝甘露落單紙點都有紅棗糕、奶黃千層糕、呂宋香芒布甸😋食咁多蟹我就咗好多碗薑茶驅寒其實仲有好多蒸包㗎😆蛋黃蓮蓉壽包，奶黃包，芝麻包，雞包仔，菜肉包🤩生炒糯米飯都有。。有咁多野食哩個價錢好值得去食👍

一到9月，又係食大閘嘅時候喇🦀想先嘆為快嘅朋友，可以去陶源酒家試下佢地嘅120分鐘大閘蟹放題，仲有三種唔同煮法嘅大閘蟹，分別係清蒸，太雕蒸同鹽焗！除咗大閘蟹，仲有其他熟食，包括片皮鴨同甜品，都係任叫任食😋食蟹之前會先上鮑汁扣原隻鮑魚伴百靈菇，再嚟就係金湯小米伴遼參，呢個羹食起嚟有南瓜味，好啱秋天食🥰另外有蟹粉扒豆苗，雖然份量唔算多，但係味道好好👍🏻呢度嘅任食大閘蟹大約四兩一隻，雖然唔大隻，不過有啲都有少少爆膏，我就鍾意清蒸大閘蟹，而老公就食鹽焗大閘蟹，都幾惹味！我哋都試咗其他熱食方面，有椒鹽海中蝦，炸雞翼，脆鹵炸豆腐，呢啲香口野啱晒老公同阿女。阿女仲話雞翼好好味食過不停😅除咗熱食，仲有幾味涼拌頭盤，包括麻辣土豆絲，麻香四季豆同黑木耳，大推土豆絲，麻麻辣辣，味道一流😍

又係品嚐大閘蟹嘅季節 🦀🤤我特別鍾意食大閘蟹放題，可以盡情滿足一番！陶源酒家嘅大閘蟹放題好值得推介！2小時任點任食，有多款主食同甜品。主角大閘蟹有三種製法選擇：清蒸、太雕蒸、油鹽焗，清蒸原汁原味；太雕蒸就連蟹肉都滲入酒香，更顯出蟹肉嘅鮮甜；油鹽焗最香口，蟹肉都更緊緻彈牙。原本以為9月中啲蟹仲未養肥，原來都隻隻爆膏嘅程度，非常滿意！蟹黃起沙又香口，蟹膏黏口綿密，每次打開蟹蓋都有中獎嘅感覺，啖啖回味😋除左大閘蟹，呢度嘅片皮鴨都好有質素，皮脆肉滑，油脂豐腴✨每客仲有一份特盛三式：～鮑汁扣原隻鮑魚伴百靈菇 - 肉厚彈牙，汁底調味濃郁～金湯小米燴遼參 - 湯底鮮味濃郁，小米吸收晒精華，而且牛肉好有口感，加埋遼參就更矜貴。～蟹粉扒豆苗 - 滿滿嘅蟹粉鋪滿幼嫩爽口豆苗，清新味蕾。另外仲有多款熱食(海蝦、雞翼、糯米飯)、薑茶、甜品任飲任食，不得不提上蟹上菜速度快，服務員好殷勤幫我哋倒蟹殼同落單，又唔限住每round最多落幾多隻蟹，一啲都唔小氣😚 最後我地一共食左27隻🦀!! 戰鬥力驚人🤣黎緊啲蟹越黎越肥，睇黎都要再食多round🤭✨

🇭🇰陶源酒家｜鮑魚專門店📍 LG1/F, East Ocean Centre, 98 Granville Road, Tsim Sha Tsui陶源酒家，一家專營鮑魚的餐廳。這家餐廳成立於 2002 年，以其使用高品質食材的招牌菜肴而聞名，如鮑魚、海參、鮮活海鮮和燕窩等。在中秋節期間，推出大閘蟹放題。可以在兩小時內盡情享用大閘蟹和片皮鴨，而且還附送特盛三式蟹粉小籠包和花雕熟醉蟹一隻。此外，每位客人還可以享受特盛三色菜，包括鮑汁扣原隻鮑魚、金湯小米燴遮蔘和蟹粉扒豆苗等。另外，餐廳還提供多款不同的小食供您選擇。至於蟹的烹飪方式，餐廳提供三種做法：清蒸、太雕和鹽焗。性價比相當高，適合想體驗大閘蟹嘅朋友。最後，陶源酒家的甜點選擇相當豐富，有楊枝甘露和紅棗糕(仲有壽包！）

大閘蟹放題($528)✨話咁快又到食大閘蟹嘅季節啦😝，繼上年之後又帶咗細佬去試另一間酒樓嘅大閘蟹放題🤓。今次除咗有大閘蟹之外仲有北京片皮鴨🦆同其他小菜甜品仼食🤤。另外每人仲有鮑汁扣原隻鮑魚伴百靈菇，金湯小米燴遼參同蟹粉扒豆苗各一份😎。我個人就最鍾意金湯小米燴遼參，有少少南瓜湯嘅感覺😂，幾好飲。首先講下大閘蟹🦀先啦，會有三款分別係清蒸、太鵰蒸同油鹽焗。太鵰蒸係凍食❄️嘅，開頭黎個陣都有d驚訝😮，不過凍都唔洗驚會腥。我地最鍾意就係清蒸，最食到大閘蟹嘅鮮味👍🏻，岩岩蒸出黎熱辣辣就最正🤓。另外片皮鴨🦆都係即切嘅，唔夠可以出去攞😙。少部份嘅小菜同甜品都放咗喺出面可以自己去拎，而其他就可以係紙到揀選📝，我自己都叫咗少少包點小菜同甜品🧁，咁就唔洗淨係食海鮮同肉咁dry啦haha🤪。

秋天又差唔多到（雖然仲係好熱），但係已經到咗大閘蟹當做嘅季節！所謂不時不食，為食嘅我當然唔可以錯過！呢間桃園酒家在旺角、觀塘、荃灣、尖沙咀都有分店，今次來到尖沙咀分店，一試兩小時任點大閘蟹放題套餐（$528，未計加一、茶介），聽到隔籬枱四個人食咗80隻🦀️！😨回本回本▫️▫️▫️▫️▫️▫️▫️▫️▫️▫️🦆片皮鴨（任點）🦆首先 上了一碟熱辣辣嘅片皮鴨，皮脆柔嫩，配上大蔥甜醬黃瓜🥒清新得很，只吃一輪意猶未盡，我們都refil了一次呢！🦀️大閘蟹🦀️·清蒸蟹·花雕蟹·油鹽蟹三種各有千秋！清蒸常吃到，蟹肉十分新鮮，實在是當做，簡簡單單清蒸亦不失色，一剝開，蟹膏立即溢出，相當吸引；花雕蟹第一次食，冰冰涼涼的吃法很特別，而花雕的味道滲透蟹肉，蟹膏則凝固成一塊塊，別有一番風味；油鹽蟹也相當惹味，很中式的煮法！🐟鮑魚每人一客、遼參羹粥、蟹粉扒豆苗 套餐已經包咗，不需要額外加錢！鮑魚好淋又入味，食得出用料上乘；遼參羹粥絕對叫人驚喜，南瓜味突出，入口滑溜，亦不乏遼參海鮮味！質素亮眼！🥒小食以及其他熟食（任點）🥒·乾扁四季豆·炸豆腐·椒鹽蝦·豬扒·手拍青瓜·奶黃包 、芝麻包選擇都幾多，質素都唔錯，例如炸豆腐，熱辣辣炸起，豆腐豆味

又來到大閘蟹季節，同朋友嚟試下大閘蟹放題先🫶🏻🦀大閘蟹放題每位$528起，記得預先book啊，每位一份鮑汁吉原隻鮑魚伴百靈菇、金湯小米燴遼參、蟹粉扒豆苗。另外，有得無限追加大閘蟹(試到三種唔同嘅煮法：清蒸、太雕蒸、油鹽焗)、北京片皮鴨😍<鮑汁吉原隻鮑魚伴百靈菇>鮑魚煮得好軟淋，好鍾意佢個鮑魚汁，每啖都充滿鮮味🫶🏻<蟹粉扒豆苗>好邪惡😈啖啖都係蟹粉😍<蟹粉小籠包>小籠包皮薄餡滿，推介！<金湯小米燴遼參>唔會好”漿口”，充滿鮮味。<大閘蟹: 清蒸、太雕蒸、油鹽焗>大閘蟹肥美，蟹肉厚實，蟹膏鮮甜，三種煮法入面，我最鍾意油鹽焗，蟹味非常濃郁！<北京片皮鴨>有得任食片皮鴨😍鴨片脆卜卜嘅口感，鴨肉充滿油香，唔覺唔覺食咗好多塊🤪

秋風起又是吃大閘蟹的季節🥳蟹控出動～去了陶源酒家吃大閘蟹放題(星期一至四$528/每位），而OpenRice訂座有優惠啊。時限2小時，除了有大閘蟹任吃💗還有片皮鴨和多款小菜丶糖水甜品任吃。🔶 大閘蟹大閘蟹有三款製法，包括清蒸、太雕蒸和油鹽焗。落單畫紙仔寫上數目，不用等很久大閘蟹就來了🥳蟹雖然不太大，但蟹膏豐富，入口甘香味濃🫶🏻清蒸夠曬原汁原味👏🏻而太雕蒸多了份酒香，味道有層次。油鹽焗帶點咸香也很有風味。前後點了幾轉🥳吃得超happy 。🔶 特盛三式另外每人有一份特盛三式，包括鲍汁扣原隻鮑魚伴百靈菇丶蟹粉扒豆苗丶金湯小米燴遼參。個人最喜歡原隻鮑魚，彈牙入味，鮑汁香濃。🔶自助區有專員在場即片北京片皮鴨，給客人任取。另外自助區還有多款小菜，包括椒鹽蝦丶避風塘雞翼等等。因為忙着吃蟹，小菜我們幾乎都沒有多吃🤪當日還有三款糖水，包括薑茶地瓜丶楊枝甘露和杏仁露。三款都正🥳另外還可以畫紙仔點芒果布甸，果肉豐富，香甜美味。原來兩小時任吃都可以食到好多隻大閘蟹🤩肚皮大滿足！

大閘蟹🦀季節開始喇🤩🤩好多餐廳，酒店或者酒樓都會陸續有大閘蟹放題套餐，陶源酒家就率先推出呢個120分鐘大閘蟹放題😎 仲可以任食三種唔同煮法嘅大閘蟹，分別係清蒸，太雕蒸同鹽焗🥰 除咗蟹之外仲送＜特盛三式＞，北京填鴨同埋任點主食同甜品🤩＜特盛三式＞🌟鮑汁扣完隻鮑魚伴百靈菇老字號嘅餐廳做扣鮑魚一直都係特別出色，好欣賞佢個鮑汁，鮑魚煮得夠淋，好味😋🌟金湯小米半遼參入口好溫和唔會有糊嘅感覺，小米同遼參增加咗個口感，不俗👏🌟蟹粉扒豆苗豆苗好好食， 配上蟹粉更加係錦上添花😃原來每人仲會有一隻醉熟蟹，喺凍食嘅，帶少少酒香，唔錯。🦀陶源酒家嘅任食大閘蟹大約四兩一隻，雖然唔大隻，但係啲膏都頂角，啱啱開始有呢個質素有啲驚喜🤩🦀清蒸大閘蟹，太雕大閘蟹，鹽焗大閘蟹，雖然係任食但係款款質素都有保證，個人推介鹽焗，幾惹味😍另外我哋都試咗椒鹽海中蝦，麻辣土豆絲，麻香四季豆同脆鹵炸豆腐， 估唔到又幾好喎，推介椒鹽海中蝦😋😎另外等我俾貼士大家啦，記得每一次要叫多啲，因為唔同煮法需要嘅時間都唔同，大家就可以趁新鮮，一上枱就食到美味既大閘蟹啦😋😋

單計價錢，長腳蟹就真係賣得幾平。$238 斤，仲平過街市。但係同我食開嘅長腳蟹真係差好遠，明明佢都係喺魚缸嗰度拎出嚟，生生猛猛的。首先佢係有五斤，出嚟個樣就一啲都唔似我買開5斤的蟹，好似四斤咁上下樣。大細都未係重點，重點係蒸元出嚟啲肉係縮水的。我唔係廚師，我就唔知點解，感覺就係唔新鮮，定係蒸過龍？呢隻超過一千元的蟹，大家都很失望。而且唔知道點解佢剪開隻蟹嘅時候，要倒走晒啲蟹汁，見佢用另外一個碗裝住拎走咗，二次創作其他餸？之前喺其他地方食係會有蟹汁喺個碟嗰度，唔會咁樣乾爭爭。片皮鴨就更加差，乾爭爭，嚡十十，仲要等咗半個鐘以上。又比唔夠餅皮，不過間嘢冇咩服務可言，所以都費事問佢，應該都係又要收錢。碟菜正常嘅，不過呢碟菜要$108 值唔值？我就覺得唔值。參菇海味炆伊麵 $108 唔知啲菇喺邊，亦都唔覺得有海參，主要都係得麵。壽包，我冇食，朋友食，好似話唔好食嘅。只可以講，性價比好低，仲要夥計喺隔離倒瀉嘢，整到朋友一褲都係。 總結：絕對冇下次。

陶源酒家：上週末同屋企人飲早茶，搵個中間點，交通便利，方便大家。坐低開茶之後，即刻睇點心紙，早茶有很多特價孖寶，分別是$38.8 & $33.8， 另外仲有一啲特價點心。$38.8可以揀蝦餃和鮮竹卷，超級抵食。叫咗雞包仔，紅米腸粉，爆漿奶皇包，牛肉球，鮮蝦燒賣，鹹水角等等…..蝦餃皮很薄，蝦肉彈牙；紅米腸粉好味，裏面包着春卷；奶皇包真的很爆漿，吃的時候要很小心，否則裏面的奶黃流晒落出來；牛肉球和燒賣都很鮮味。下次會再嚟試這間酒樓的小菜。

約左朋友去尖沙咀食野，佢推薦去東海中心basement 既淘源酒家，話佢上星期食過，好抵，我心唸你上個星期先食完，而家又嚟，真係咁好，抱住一試無妨心態，就去試下。三個人埋單$251，叫左總共9個點心，非常抵，有下次，朋友話佢上次人多，酒樓重比左間VIP房佢，好正！