銀杏館 (已結業)

再去中環銀杏館，上次食花饌之後，對哩間分店印象都唔錯，早排見到佢地facebook宣傳新出左個懷舊砵仔飯，今日lunch決定過嚟試下新野～！入到去見到牆上貼左新豬肉嘅海報，成日都聽到哩個名，原來係d素食野，喜歡試新野ge我表示都想搵日食下！但今日就試左砵仔飯先啦！佢一共有四款～ＸＯ醬牛肝菌蝦干銀魚干($118)、鮑魚冬菇腩肉($108)、臘味($108)同家鄉鹹雞($98)！跟飯仲有個素湯同前菜～幾番掙扎之後，揀左家鄉鹹雞砵仔飯～今日ge素湯係老黃瓜祛濕湯！好甜～估唔到素湯都可以咁夠味！入面仲有大大舊老黃瓜，就知佢幾咁足料！侍應話佢地d湯係每日自家煲～夠哂火候！本人表示好想要多盅！鹹雞飯一上枱就心心眼～因為俾左靚脾位！啖啖肉！側邊仲搭左兩條菜心～菜心唔知係咪有機～但食落都好爽脆同清甜～不得不說～簡單兩氣菜都可以令主菜加分！鹹雞亦醃得十分入味，雞肉食落夠嫩滑，個種鹹味又唔係鹽焗雞個種，可能係婆婆鄉下秘方，哈哈！不過真心欣賞佢地保持到水準，上次花饌個道桂花雞又係好嫩滑！睇嚟雞係佢地ge招牌菜～當然不可不提佢個懷舊元素～醬油！佢有三款揀－古洞醬油、豬油豉油同麻辣豉油，我就一於揀最懷舊feel

銀杏館既小菜原來都唔錯👍🏻lunch time去仲要唔洗排隊😍原來有2層⋯環境清靜👍🏻👍🏻·🐟鹹魚煎肉餅（$98）好好味！係媽媽煮唔到但又有住家飯既感覺😂配埋泰式辣醬，個人覺得唔點醬已經好夠味！煎完既肉餅唔油膩⋯愛上左😋·🐽古法咕嚕肉（$98）未有太大驚喜，不過送飯一流😋·🥬慢炒有機時菜（$98）👍🏻·🥣老火湯係送既😍好足料啊！大大件蓮藕·📍銀杏館中環歌賦街44號地下

一年之計在於春，最近見好多餐廳都用花做主題整D特色套餐，最常見係日式，但今次就見到銀杏館出花饌，中菜加花會係點呢？一於抓住春天的尾巴去試下！花饌套餐有兩款可以揀，分別在於多個"養生海參花炒飯"，今次我地就揀左每位$368個隻，都有成5樣餸1款湯1款甜品+花茶，好豐富～一坐低就送上花茶，茶壺入面放滿七彩顏色嘅花，原來係烏龍茶，正中我的最愛！望住個茶壺，好似一個迷你花園！有留意開銀杏館facebook，知道中環店出名婆婆靚湯，所以見到佢有蟲草花懷杞水鴨湯都幾期待，滋補靚湯一向係我心頭好！水鴨湯好清甜，飲落就知夠哂火侯～唔係溝水！不過個個口味唔同，朋友就覺得可以再咸d，但我就覺得岩岩好！飲完湯就到主菜上場，首先係桂花雞！真係有桂花味！！婆婆話真係用秘製嘅醬汁加入桂花去煮，令到d桂花味滲透入d雞肉道，陣陣桂花清香，不錯不錯！雞肉亦十分嫩滑，似係以浸雞方法去烹調，所以咁鮮嫩入味！翡翠菊花魚卷－伴碟一樣用了新鮮食用花，我都係第一次食花，感覺好得意，翡翠菊花魚卷上面仲鋪左蟹籽，入面亦卷左d紅蘿蔔同冬菇等等，令到食落有唔同層次，加上魚塊係無骨，食得好安心～哈哈！翠塘菊花扒有機豆腐同茉莉花京蔥孜然牛柳，

之前我去食過越南菜同西餐，對於佢地食物嘅水準我100％安心～哈哈！今次大長征去到中環店！聽講佢係銀杏館第一間鋪～位置起歌賦街，附近有PMQ，遠少少有新打卡點－大館，其實幾岩同朋友去行下影下相，之後上去食野～起鴨巴甸街轉入去，右轉歌賦街直行到近街尾位置就到，其實離遠都會見到佢有一個易拉架放左出門口，中環店有兩層，唔知係咪因為中環本身都係個中西匯集嘅地方，哩間鋪外型都幾中西融合，用左霓虹燈整左個Gingko House，無錯～就係銀杏館嘅英文名！今次訂咗個「花饌套餐」~同朋友一行兩人所以就揀左無飯個款～入面我最期待嘅係桂花雞同香酥骨！桂花雞真係雞又有雞味～桂花有桂花味～唔係講笑，啖啖嫩滑雞肉，滲出清香桂花味！而有機洛神花冰梅香酥骨～係我同朋友一致好評！本身我就好鐘意洛神花嘅製品，加入去香酥骨道煮，真係無得頂！香脆！酸甜！開胃！肉骨比例平均～鐘意"吮"骨頭嘅朋友一定讚！另外仲有翡翠菊花魚卷同翠塘菊花扒有機豆腐。兩款都揀咗以菊花入饌，菊花清香，配清淡菜式就唔怕搶味，魚卷上面放咗蟹籽呀，加埋個蛋白茨汁，魚肉嫩滑唔腥！翠塘豆腐就好多料～有蝦粒菇粒元貝粒！其實配飯真係一流，但套餐本身已經好多款菜，為

作為一個香港人，在冬天吃蛇似乎已成習慣，我也不例外。剛好有同事升級，可以借此藉囗吃餐貴D。發現中環的銀杏館有款5人蛇宴套餐，所以大家都同意試試。歌賦街44號是九龍人不容易找的，從地鐵站A2出囗，要找到鴨巴甸街再向上走才能找到歌賦街。舖子也不是大舖，地下有概最多20多個位，閣仔也只有十多個位，地方的確比較窄。這個蛇宴是每人贈送特飲一枝，我選了桔蜜，也可選洛神花茶，第一道來必然是太史鮑魚五蛇羹，用料非常充足。跟著是炸蛇丸，蛇汁白切雞，再來古法三豉蒸方利，肉嫩味鮮，有水準。可惜生炒蛇絲卻有點硬，相信牙齒不好便很難吃下，但還有雙冬燜鱷魚肉和糯米飯，人人一定會吃得飽。最後糖水是湯丸西米露。整個套餐是5人份量，1688元免加人，價錢在中區晚餐算很適中。

幾位朋友相約食飯，想找一個便利嘅地點，最終選擇左中環嘅銀杏館。雖然地點不太方便，但勝在星期日人不太多，所以沒有時限，那麼我們便可以一邊享用食物，一邊暢所欲言。不知是否新年過後嘅關係，菜式價格約100多元一碟，以份量較少，但味道也可以。店內每一個店員都是長者，他們卻非常勤奮工作，很專業盡責，也很顧及顧客的需要，也非常健談。幫襯社企或小型食店，很有親切感。

媽媽係面書看到銀杏館推出團年新春宴，便提議一家人去試試看，做女兒的當然不會托手踭，即時訂檯兼落訂。銀杏館是社企，店內的服務員大部分都年過六十，我們一行十人被安排坐樓上，同場還有另一檯同樣坐滿十人。兩檯均是點選了這個新春宴，老人家捧著餸菜跑上跑落，上氣不接下氣，幸好每碟菜都相隔頗長時間才上檯，好讓他們有喘息的時間😅這些餐宴通常只有一個湯品，但這裡卻有兩個，首先上檯的是烏雞藥材煲山瑞。驟眼一看，材料豐富，喝下一口，味道鮮甜，內裡有一大舊啫喱裝的山瑞部件，但我不敢食，不過家人話超正😖之後便上素鮑參翅發財羹，每人一盅，真的是一開始就飲到一肚水😂這湯羹材料同樣豐富，但味道較淡。之後到蒸龍躉，我還是第一次見這麼細條的龍躉，成日以為條條都好似海洋公園裡面嗰啲大大條😂這條魚肉質比較稔，可能我唔太鍾意食魚，覺得有少少腥味。乳鴿鬆就不同了，好惹味，配上新鮮生菜包著食，更覺青香。乳鴿鬆炒得乾身不油，鹹味剛好，連小朋友都喜歡😊之後的金華玉樹雞也很好味，雞與雞之間都夾著一片金華火腿加冬菇，所以會有點鹹，但雞好滑，好鮮，沒有雪藏味，雞皮竟然是脆口的，好勁👍🏼金華火腿雖鹹，但絕不是死鹹的，像Parma ham，帶點

好耐之前已經聽過銀杏館，好有心思的餐廳，中環呢間仲要係第一間！但係一直冇機會食，呢日行到附近，搵左幾間都冇咩興趣食，於是入左呢間餐廳。入到去先知係銀杏館，店員非常之有禮貌，仲推薦我地食邊個送咁，話沙拉骨好多人叫，黎到又真係幾好食，另外仲有湯飲，整人非常喜歡個湯，好足料！飯就任裝既，另外d素菜有好多款菇，好好食呀！

今次黎到中環呢間銀行館，支持一下長者同時支持一下社企嘛。我朋友一直以為社企經營既餐廳會唔太好（可能因為資金唔夠，難經營，所以覺得啲環境，食物嗰啲會一般般），但帶完佢黎，佢就改觀啦。環境幽靜，充滿懷舊感之餘，有種warm心既感覺。有啲似私房菜既餐廳😯呢個叉燒飯，望到嗰時都流晒口水。食落同一般我中意食既半肥瘦叉有啲唔同。淋得黎又有少少咬口，不錯吃。隻咸蛋唔使講啦，加上蜜汁，我仲可以扒多一碗飯。但算，哼，會肥，我忍。仲點左個有秋葵，有木耳，有菇之類既素菜。我好中意食秋葵，朋友就好中意食木耳。我地傾傾下計，好快就清左成碟菜。間唔中一兩餐，支持下社企都幾好啊。我見有位婆婆侍應見我地食得咁開心，佢都好開心，唔通係好似見到仔仔女女食得足食得好而有欣慰既感覺？講到未，我會再光臨既，下次試下銀杏館其他餐廳。冇記錯油塘好似最近開左一間？

今日聽同事介紹銀杏館，説這裡是一間社企，專幫助一班長者們就業，那裡的店長還是七十多歲的精靈婆婆。所以Lunch既時候就黎試一下呢~餐廳內都以銀杏葉風格作裝飾，配合暗暗地既燈光同古木枱櫈，感覺輕鬆又典雅聽講呢到近期推岀了很多新菜式當中最吸引同想試下就係系尚膳孖寶套餐，系「蜜汁烤鱔併义燒飯」，隨餐附送「花膠黨參豬腱湯」滋補燉湯。花膠一聽就知道是好野呀，這碗湯仲好足料，真材實料、無添加味精，係一碗窩心既靚湯。簡直係養血美顏既恩物，好岩系秋冬這個時間滋補一下。叉燒飯聽落可能好普通既款式，但用黎配鱔我就係第一次試呢～仲係好大碟又好足料!!呢個蜜汁鱔好好食，一來叉燒肥瘦比例岩岩好、二來佢唔會腥、三來個汁同個鱔幾夾，呢道菜要控制到火候好好先得，條鱔又肥美又好味呢!中環上班一族有福啦！可以一邊支持社企，另一邊又可以食到好野，兩全其美呢。遲下要再試下其他新菜式先得呀

我個人最鍾意食糖醋魚塊 ，所以一嚟到就叫左碟糖醋菊花斑塊。雖然係得兩塊，但就係原塊連皮石斑，非常大件，而且係用刀工界花做裝飾，炸完再上糖醋汁。 個粉一啲都唔厚，唔乾又好脆。我覺得係幾特別同幾出色。另外一樣係南瓜甘筍湯。入面啲南瓜已經煲到溶開曬，融曬入個湯度所以好清甜。而且因為係素湯，佢唔似啲用豬骨或雞腳煲嘅湯咁油膩，幾健康。最後我仲買左枝洛神花特飲。有淡淡既甜味，唔似我飲過既洛神花蜜嗰種假甜，呢種感覺係自然多好。具體啲嚟講佢似係一種淡淡地自然甜嘅利賓納味道。雖然價格算係中上，但諗到係一間支持長者就業嘅餐廳，而且服務態度同菜色都好好，我覺得係值得欣賞，應該多多支持。

久唔久會經過呢間餐廳， 知道佢係一間社企餐廳， 主要聘請長者， 讓他們感到對社會繼續有付出， 一間有意義嘅餐廳， 今次決定同朋友去試下。其實佢幫襯之前期望都很大， 除咗食評唔錯之外， 之前有些雜誌都有報導過呢間餐廳， 廚師是一位有50多年經驗的大廚。 但係， 在我們叫幾個的小菜當中， 除了手工叉燒之外(唔記得影相)， 其他小菜都沒有特別出色， 有機菜苗有少少苦， 最失望嘅係豆豉蒸石斑， 石斑食得出唔係太新鮮， 件數亦都唔多， 呢碟小菜嘅價錢大約要$138， 唔係太抵但係有一點我喜歡呢間餐廳嘅地方， 係叫任何一款小菜都可以加18蚊跟湯和飯， 所以成餐飯食得飽每個人都只係一百多塊， 以中環夜晚嘅價錢都唔太貴我仲有一樣好"得意"嘅感受， 就係由於呢間餐廳有啲侍應係長者， 佢過嚟幫我收碗碟嘅時候， 我有點覺得不好意思

今日去左位於中環歌賦街，充滿懷舊中式既餐廳 -- 銀杏館。雖然佢唔似附近某啲排晒長龍既餐廳咁受人歡迎，但我反而覺得佢係滄海遺珠。未入去可以見到用霓虹燈整成既Gingko House餐廳名，同貼滿懷舊中菜照片既玻璃牆。一入到去，就有一幅好配合主題既銀杏畫作，配合暗暗地既燈光同古木枱櫈，感覺輕鬆又自在。今次我同愛人❤️食左一道經典既「手工烤蜜汁叉燒配鹹蛋」😍。可能因為佢係用豬面肉製成叉燒，所以食落去冧得黎又有啲彈牙，好特別。而且個汁好好味，成碟夠我地兩個人送各一碗大白飯！可惜我食完先醒起拍照，未能比你地睇下呢個叉燒既真面目😂😂另一道我地叫左素菜「有機薄荷芥香杏鮑菇」。本身我喺其他餐廳食過芥末炒菇，但因為陣芥末味太重，完全遮左菇既味道又唔夾，所以我唔太喜歡。對今次叫既呢道菜都冇抱有太大既期望。點知，呢道菜顛覆左我對芥末菇既睇法。佢有杏鮑菇原有既菇味，當中有一陣陣芥末既味道，同時有少少既薄荷味，所可以中和到芥末既味道，避免芥末味過重。 兩道菜加白飯同素湯，我地最後離開時都撐住個大肚腩，不過呢餐晚飯好滿足。相信我地好快又會再黎食過。如果係想食懷舊式既中菜，去銀杏館就可以滿足到你既要求。

第一次食依間社企，整體黎講都ok。今日叫左蔥爆豬仔骨同埋大良炒鮮奶，首先menu蔥爆豬仔骨有2個價錢，呀姐答唔到點解，此乃一小毛病。食物黎講味道唔錯，炒鮮奶都夠香，個中湯幾好味冇乜味精。服務態度正常，冇乜特別。環境同普通餐廳一樣，不過不失。最後餐廳食物既價錢偏貴，略嫌唔抵食，所以都係可以食一次就可以，可一不可再。評分:食物:6.5/10態度:6/10環境:5/10性價比:3/10總分: 20.5/40 (合格)

呢間社企主要僱用老人家，廚師是擁有50年經驗的老師傅（根據場內海報），店員非常非常禮貌。非常推介阿爺羊扒，少少辣，肉質鬆軟，味道香口。調味配菜方面有五六個迷你小洋蔥同辣椒仔，風味十足。酥鴨就有啲乾，有可能係我地係當天最後一枱，廚房要翻熱⋯⋯不過其實味道係幾好嘅，我覺得可以畀多一次機會，呵～雲耳好脆口，汁料調味也剛好不太酸，有少少辣，雲耳的表面全被薄薄一層汁料覆蓋，沒有遺留，不會乾，撈得好好啊。樓上有閣樓，八個人訂枱已經包咗場😆