更多
2015-09-01
7161 瀏覽
今晚姨甥生日聚餐,揀左泊車方便的 emax 入面的豐膳西餐廳,我第一次黎食平日對emax 無咩好感,又遠又無野好食!8月30日咁o岩遇上同人祭 ,成個場有好多 cosplay 打扮的男女,部份造型堅出色!講返個自助餐 ,因為個商場真係無野好行,所以早入黎都無用,因為6:30先開始,餐廳經理真係要讚,佢好好咁俾我地坐係出面等,唔夠椅仲搬多幾張黎俾我地一家大細添!6:15左右可以入去,但要sharp 6:30先可以開始,但可以飲住野先,服務真係算唔話得!到6:30正式開始,梗係去拎長腳蟹啦!職員不斷 refill,個個黎到都夾到十隻八隻,算幾大隻,不過唔知點解 ,有幾隻鹹到好似浸左鹽水咁,但整體黎講係好味o既其他食品仲有魚生、壽司,味道正常沙律我無食,但望落新鮮有麵檔,但我無試食左蒸魚、串燒雞、西冷同黑森林肉批,黑森林肉批係肉碎&磨菇整 的,我自己好喜歡,食左3件甜品一般 ,但韓國酸乳酪雪糕同豆腐花係好好味的!每人仲有半隻波士頓龍蝦,味道一般,我覺得長腳蟹仲好味!其實以面價$318 (好似仲有折,因為唔駛夾錢,所以唔係好知實際幾錢)黎講,有長腳蟹、青口、凍蝦 、刺身、熱𦾥同咁多款甜品,真
今晚姨甥生日聚餐,揀左泊車方便的 emax 入面的豐膳西餐廳,我第一次黎食
平日對emax 無咩好感,又遠又無野好食!
8月30日咁o岩遇上同人祭 ,成個場有好多 cosplay 打扮的男女,部份造型堅出色!
講返個自助餐 ,因為個商場真係無野好行,所以早入黎都無用,因為6:30先開始,餐廳經理真係要讚,佢好好咁俾我地坐係出面等,唔夠椅仲搬多幾張黎俾我地一家大細添!
6:15左右可以入去,但要sharp 6:30先可以開始,但可以飲住野先,服務真係算唔話得!
到6:30正式開始,梗係去拎長腳蟹啦!職員不斷 refill,個個黎到都夾到十隻八隻,算幾大隻,不過唔知點解 ,有幾隻鹹到好似浸左鹽水咁,但整體黎講係好味o既
其他食品仲有魚生、壽司,味道正常
沙律我無食,但望落新鮮
有麵檔,但我無試
食左蒸魚、串燒雞、西冷同黑森林肉批,黑森林肉批係肉碎&磨菇整 的,我自己好喜歡,食左3件
甜品一般 ,但韓國酸乳酪雪糕同豆腐花係好好味的!
每人仲有半隻波士頓龍蝦,味道一般,我覺得長腳蟹仲好味!
其實以面價$318 (好似仲有折,因為唔駛夾錢,所以唔係好知實際幾錢)黎講,有長腳蟹、青口、凍蝦 、刺身、熱𦾥同咁多款甜品,真係算係咁,如果人多黎食,應該會好抵,同埋解決定有d人呢樣又唔o岩、o個樣又唔鍾意o既問題 ⋯
只不過,我未必再來,除左食品一般外,主要係啲客好怪,覺得黎食野係大晒:1)話自己十幾廿人黎、一個星期前已訂位,嫌人地安排得佢地坐得唔夠近個buffet 檯位。 2)一家四口,男人懷疑撞聾,講野超級大聲同無禮貌。3)一大班細路係間餐廳入面大叫、狂奔,仲要有個死𡃁妹用脷 lam 完粒棉花糖又走去放落個朱古力噴泉度!又邊行邊咬住枝竹籤,我真係驚整到佢俾枝籤刺穿塊面!
張貼