譚仔三哥米線

營業中

休息中

鴨胸鴨腎花酸菜米線係我最近最愛。記得上次見到搭台姨姨叫，聞到新款式米線嘅香氣，今次即刻叫左。鴨胸肉肥瘦相間，口感嫩滑，配上鴨腎嘅獨特風味，味道非常美味。花酸菜的酸爽調味，為整個菜式增添左一層清新的風味。非常滿足，絕對係值得推薦嘅一道美食。

呢日阿仔家長晚會，兩公婆嗱嗱臨食個晚餐，老婆揀來揀去，最後都係去食米線🤣呢間三哥米線地方夠寬敞，唔會迫迫夾夾，坐得都算舒服。魚片頭炸醬米線，麻辣10小辣魚片頭夠彈牙，炸醬辣辣地甜甜地，食落好開胃，米線夠爽口，湯底係我哋最愛，有小小麻感，又不太辣。腩肉魚腐米線，麻辣10小辣腩肉夠多，肥瘦均勻，有口感，魚腐嫩滑，吸哂湯底嘅麻辣味，正。米線夠爽口，湯底唔太辣，有麻感。

今次落牛頭角德寶商場呢一間譚仔三哥米線～我應該都係呢間舖頭嘅常客～我以為佢改咗裝修之後，如果單獨過黎坐既話，一個人係可以坐近窗邊嘅自閉位～ 有呢個好處～不被影響今次去試咗呢一個軟殼蟹鴨血米線個人覺得都幾好食～ 非常鍾意呢一個湯底同埋有鴨血 ！ 強烈建議三哥係可以加入配料係有鴨血選擇！ 如果一個total 加埋杯特飲 = $77 元米線嚟講都唔算太平😂🤤 但係呢一個軟殼蟹鴨血水煮湯米線，我覺得係值得推薦的～ （我係食二小辣的）

【譚仔三哥米線】今日經過三哥 好肚餓 感覺好耐無食過米線 所以決定入去～*酸菜 竹笙 雞肉🐔普通酸辣湯底米線🍜（少米線）$45唔知係咪我肚餓 感覺好好食 好食過三哥酸辣湯底 似綠色譚仔嘅酸辣湯底 夠酸 微辣 適合我呢d想食辣 但唔係好食得辣嘅人 米線配埋個湯 送上黎果陣 溫度岩岩好 熱辣辣💨💨💨碗米線又有好多芽菜 韭菜 平時感覺d雞肉咬落有d老 縮水 或者唔係好嫩滑 但今次d雞肉好唔同 新鮮 熱氣騰騰 🌬🌬又好嫩滑 咬落香滑 配埋好酸嘅酸菜（我份人鍾意食d鹹鹹答答嘅嘢）同咬落煙韌 又滑嘅竹笙 米線又唔會好多（嗌咗少米）適合下就食tea嘅份量 又唔會太飽 或者好似平時d米線太多 食無耐就發漲曬 呢個係我最愛嘅譚仔三哥組合🤣😚凍檸檬茶🥤（少甜少冰）+$10埋完單先發現嘢飲竟然唔係加$2/3蚊 而係加$10蚊 好貴啊！呢杯檸檬茶 感覺係正常茶餐廳水平 有足夠檸檬🍋片可以篤 配埋紅茶 夠晒澀 正常發揮 但真係貴…整體評分⭐️： 4/5 地址📍：譚仔三哥米線 （牛頭角牛頭角道3號得寶花園商場地下A3及A5號舖）

以前成日食譚仔，但係自從食得多三哥覺得三哥好食d,味道重d,比較好味。新出呢個滋補姬松茸鴨3寶米線，湯底好重雜菌味，夠曬濃味，不過鴨腎花就比較淋，一啲咬口都無，鴨血好入味好滑。

📍 anywhere 譚仔三哥米線記得係profile㩒入條link睇下附近有咩好西啊😉冇錯，我一開返堂食就去試新嘅老油條鴨血米線🫰🏻 叫咗水煮湯老油條鴨血米線（$42）同埋蒜辣雞翼尖（$15）👍🏻：鴨血都係一貫水準，今次可以係老油條真係太好，因為我麻麻地豆卜🤤🤤蒜辣雞翼尖都ok，似蒜泥白肉個醬+少少辣+少少麻油咁，$15仲有咩好強求👎🏻：雖然老油條都脆同好食，但係同米線一齊食就好似怪怪地咁😅總結：可以一試

好想記錄番😂終於試到三哥推出嘅情人節套餐！已經唔係第一年有啦🤣🤣今年仲搵埋Sunny & Creamy嘅icon做主題！所以就去試咗～😆..（粉紅色嘅餐牌，成件事Design得好好🤣）套餐有一碗過橋米線🍜我哋加咗糊辣，因為🐗唔食得好辣嘛～個人覺好重口味，must要配凍飲先得🍹！.小食有齊青瓜、土匪雞翼、雲耳，三款都係我平時點開嘅小食～.特飲係平時唔係成日有嘅～咸檸梳打&葡萄烏龍茶。我嘅葡萄烏龍茶好好飲！甜得黎又飲得番些少茶味，中和糊辣湯剛好。..套餐仲有送souvenir，係張刮刮咭&辣椒形狀朱古力。刮刮咭有兩張，可以自己寫野，再俾對方刮黎睇，幾得意😆至於辣椒形狀朱古力….真係麻麻地🤢同想像有出入，花椒味超重…似”金幣朱古力”果隻奶味有點fail…而佢嘅辣係後勁嘅。呢個試一次就好😆。

之前社交平台見到佢賣咗呢款新煳麻湯魚爽肚米線好耐，終於有機會試下。我叫咗中辣，一開始食個陣都覺得唔算好辣，但食食下就feel到隻辣慢慢滲出黎。個魚肚好爽好好食，芥末魚籽鱈魚滑豆卜都ok。有機會可以試下。

譚仔三哥 尖椒皮蛋肉醬米線 辣油分開上今日路經3哥未食飯,拿拿聲食碗粉止餓先新口味唔岩食,還原基本步叫返個肉醬米線加尖椒皮蛋呢度最好就係可以分開上,自己食皮蛋個陣先沾粘辣油,唔會成件都係油皮蛋份量都非常多,滿滿一碟中間加椒碎同蒜頭 皮蛋幾香幾彈牙 點少少辣油已經非常好食米線我會當沾麵食,將湯入面既麵條撈肉醬食,咁樣就最濃味同埋每條都食到肉醬既味道平均消費$70評分8/10 九龍九龍灣德福廣場II期6樓613號舖

同朋友行完街想食D簡簡單單的食物。於是想起IAN 和花姐拍的譚仔三哥糊麻湯魚爽肚米線。一於去試一試。由於我地兩個以吹水為目的，所以要求坐卡位為主，結果等左勁耐。職員差D 仲唔記得我地等梗😠糊麻湯魚爽肚米線$42內有芥末魚籽鱈魚滑豆卜和魚爽肚湯底係好飲既，原本唔知粒丸係咩黎，一食落去嚇親，點解有芥末味，再望望MENU 先知係咩。個人覺得同芥末同糊麻湯唔太夾，下次唔會再叫，但會叫糊麻湯底。鹹檸梳打$11夠鹹，夠酸，正

次次食呢間得寶三哥都係耐性大挑戰d野食例牌要等半個鐘 唔催嘅話可能要到第二日先有得食 所以我覺得喺限聚令底下 夜晚9點之後仲入呢間得寶三哥堂食嘅人真係勇士黎 絕對唔怕無盡嘅等待同可能9點55分先有野食嘅大挑戰店入面d人手分配好有問題廚房d人忙到踢曬腳 但樓面某d員工(唔講邊個啦)就淨係識企係度 唔催唔叫就唔識去攞d外賣出去或者執下檯仲有d經理完全唔識分配工作俾d同事 掛住整d外賣又顧唔到堂食嘅客人 成班姐姐就好似中國足球隊咁完全控制唔到成場賽事 四個字：一塌糊塗！真心不如考慮下顧掂d堂食單再接外賣單成間店未坐滿一半人 都搞到冧曬檔咁 唔好搞到堂食顧客好似永遠係被忽視嘅一群咁！作為三哥迷 一直覺得三哥米線世界第一希望三哥高層夜晚可以扮神秘顧客 睇下得寶間三哥幾咁唔掂 希望三哥唔好俾一間分店影響曬個形象！

相信大家都有食過譚仔三哥啦，我一個星期起碼食幾次首先環境方便，裝修完之後係大左好多，不過啲譚仔阿姨都仲係咁，態度一般。另外我覺得質素越嚟越差，啲湯底冇以前咁好飲，蕃茄湯底質素下降好幾次外賣，阿姨都比漏嘢，有時struggle落返去拎好定唔落去，唉。但豬耳土匪雞翼，仍然係我嘅fav！希望快啲出返酸辣撈薯粉，我覺得真係好jeng！

第4波疫情真係開始殺到了🦠🦠🦠今日正式開始work from home👩🏻‍💻係屋企就想食得簡單d🧘🏻‍♀️於是就突然諗到米線🍜就即刻諗到譚仔‼️👈🏻此處指三哥👨🏻‍🍳叫左嗰番茄湯小辣炸醬米線🍅一邊食一邊睇YouTube🎞食完之後小休左一段時間😴係悠閒而又充實的一天呢☺️

食晚餐，個位對正風口位（中央幾勁建議帶外套同長褲）店員超忙，無乜點理人，無論落單，想幫手未之野都叫幾廿次 都無乜反應同朋友商量過後叫原來+$3個番茄湯底係最後一鶴仔學茄料（？）問佢有無大少少既碗:無啦得咁細想浸水發覺壺無熱水無人理會⋯⋯然後食嘢分碗個度，店員企係餐具隔離工作，想叫佢幫手拎多份餐具當公用:呢度，自己拎。然後我心想算了⋯⋯佢後尾先幫手拎拎⋯⋯這米線本身配一個小吃的，好像是酸菜同肉醬？但拎過來一望酸菜多，肉醬只有正常的2分1，叫她再加返平時咁份量，她勁無奈咁夾多少少落去。。。。但明明給我們識不是平時的量（？）總結是好冷非必要都不太想再吃

叫咗4碗唔同湯唔同餸既米線，4換啲湯同餸調轉晒！明明張單入啱，都可以全部錯晒，離晒譜！最慘系大家食既辣度都唔同，得1換可以自己換返啱嘅餸食..... 啲湯同炸醬又整得難食