耀東號 (已結業)

食咗耀東號十幾廿年，由拍拖食到結婚到有小朋友，最近經過先知道原來已經結業，非常非常之唔捨得，好唔開心自己而家先知道呢個消息，冇得食最後一次🥲希望老闆同老闆娘生活愉快，身體健康，有機會再見🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲

在上星期從網上知道，柴灣「耀東號」豬扒大王因業主加租而要暫別粉絲了😱。事出突然，所以，連續幾天本人也去光顧，只因恐怕很難再食到老闆的廚藝和煮到的美食😢。昨晚就是「耀東號」光榮結業的日子，真很不捨得！未知老闆幾時再重出江湖？等各位食客再有口福了🤔昨夜到了傍晚時份，已經有一班顧客坐滿所有座位，每位客人都是耐心的等候老闆煮出來的餸菜👏👏👏。本人在店外從晚上七點半左右，等到晚上九點半才有機會進入店內，好彩仲可以比我再嚐多一次老闆的廚藝雖然今次等了稍為耐了一些，但是實在太多粉絲回來品嚐，但係都是值得的今次本人首先點了一碟沙嗲豬扒飯，沙嗲汁與別不同，本人就是較喜歡老闆煮出來的沙嗲汁而豬扒方面一直都很有水準了，不用多說。意猶未盡下，再點多一碟招牌豬扒炒河，材料十足，芽菜也是本人最喜歡的配菜！老闆炒得很有鑊氣最終食飽後已差不多晚上十一點了，歡樂時光過得特別快！曲終人散，唯有寄望將來再有豬扒大王「耀東號」再出現啦！💪💪💪👍

。O小姐。出名已久嘅豬扒大王。日常。一路都知道耀東號係出名食豬扒嘅，做完嘢，見有時間，亦都聽到話佢就嚟執笠嘅消息😳所以就過嚟幫襯一下，喺消失之前睇吓佢嘅豬扒係咪真係咁好食。喺門口已經見到好多人排隊，好多人都係買外賣，咁我見堂食冇人，咁梗係堂食啦，嗌咗個咖喱豬扒飯，另外再叫咗個豬扒炒公仔麵。份量係正常嘅，不過佢冇餐，一個飯或者面都要成50幾蚊，如果要嘢飲嘅話，加加埋埋都成70🙈。豬扒呢，佢就薄切嘅，不過個面就炸得好脆，食落去係可以嘅，唔會成啖都係油，依豬扒都係即叫即炸嘅，所以我哋都要等一等一段時間先有得食。公仔麵都炒得好乾身，上枱嘅時候仲出緊煙，熱辣辣嘅，三兩啖已經食晒。😳佢嘅豬扒可以嘅，味道同埋有份都係中上嘅，但係又未至於去到非常出色🫣可能係每個人嘅口味唔同啦。至於咖喱豬扒飯，佢嘅咖喱就係有椰汁係入面嘅，都幾香口，不過個汁就稀咗少少，呢個咖喱要攞嚟送飯，又係幾啖就食晒😀食完之後，再落去新翠天仁買杯肥仔水🙈

【東區】【耀東號】唔知大家仲記唔記得，上次我咪食過一間叫澤記嘅巨型魚柳包嘅，咁同一班柴灣好兄弟其實喺嗰陣時都有提及呢間耀東號。不過嗰次我係想食啲嘢，唔想食正餐，所以以粉麵飯為主嘅耀東號就進入咗 waiting list。難得得閒，我就食埋呢間了咗件事吖。間嘢以我呢啲沙田柚嚟講都幾難去，雖然搭 682 或者搭地鐵去到都唔係話要行好遠，不過嗰個位置真係好日都唔會去一次，都要跟 Google Map 以免兜路。去到見到佢全名係「耀東號餐廳」，自稱「豬扒大王」，好呀，「我要進來了」。入到去，冇餐牌又冇人理，原來係要自己行埋去買嘢食，不過我估個個都係叫差唔多嘅嘢，所以唔多用 menu 咁解。我叫咗個「豬扒撈出前一丁」加煎蛋，嘩，個撈丁好似浸過豉油咁，勁濃味，要打定電話約期洗腎先得，真係好濃。而豬扒方面，我覺得佢係整得唔錯嘅，難怪得到大家推薦。不過以市面上好食嘅豬扒嚟講，佢唔算極為突出，無需要特登入去柴灣食咁解。麵上面加 $6 要嘅煎蛋幾好，整得唔錯。加 $13 要咗杯「凍檸茶」走甜係用嚟解個濃味為主，咁就 $67。我係未飽嘅，即場睇資料，有報導話佢哋啲牛脷係即日喺街市親自揀，而且我都見到其他客人

平時真係好少嚟開呢頭，而且餐開門時間又夾唔到週六日，所以一直都只係聽過人講豬扒好食。今日難我嚟開做野，終於有機會比我試下佢既出名豬扒喇！！揀咁門口位疊坐，天氣涼涼地好舒服我揀咗豬扒炒公仔麵聽落好似好普通，但佢啲豬扒的確唔錯，我仲一心諗住會係同豬扒一齊炒，原來佢係炸過既自家醃製豬扒，放係麵上面唔會令佢收得冧咗。而且炒公仔麵味道好濃好香，絕對襯得起出名既豬扒味道。下次要試埋其他嘅配搭先得！！

其實要等20-30分鐘嘅外賣，落單時唔該問聲，唔係個個閒日返工可以企喺度等半個鐘，最後lunch都食唔到。真係第一次，亦係最後一次。打返去同佢講我等唔到，個外賣唔要喇，佢聽完隨即cut線，可能真係好忙啦⋯但成個體驗真係好差。註：餐廳唔算坐滿，叫咗最簡單嘅豬扒米線，飲品都無叫。$50買了一個經驗🥲 好無食唔知，但大家真係好得閒先去啦，後悔無一早睇OpenRice 嘅食評。餓住個肚去返工再打緊呢篇「食評」。

嚟左柴灣一排，開始睇下附近有咩名物，知道左有呢間豬扒大王，所以趁lunch走去買個外賣＄50一個飯，連凍檸茶＄64, 貴過一般茶記，不過唔緊要，名物點都要試下。落完單，等左啱啱好30分鐘，行返去office, 仲有成十分鐘可以慢慢嘆。食落，飯太淋，汁就正常味，塊豬排炸過係好味啲嘅，但一來薄切二來太油，令到成個飯都好一般，而杯檸茶又冇乜茶味。 ＄64蚊，真係唔值呢個價。算啦，一生人一次，都係一個經歷嚟嘅大家可以去試下

默默做的小店，呢間店開到凌晨1:15，係宵夜嘅好選擇.咖喱豬扒飯 $47豬扒好脆口得來唔會好熱氣，咖喱汁有別於坊間嘅味道，唔太辣而帶點酸味好味指數：8/10(不含服務費)小提示：設有室內室外位置.耀東號 (柴灣)柴灣柴灣道111號高威廣場87號地舖

柴灣隱世美食 ❤️人稱豬扒大王 🐽一間聞名已久的小店 [ 耀東號 ] 😎聽說之前歌星 孫耀威 亦因為你哋嘅豬扒做得非常出色，所以特意多次光臨，等我今日又過嚟體驗吓先。🧐終於嚟到餐廳，格局比我想像中細，只得數張枱，但環境都尚算整潔的。👍細看餐牌發覺以豬扒配搭的款式，選擇都不少，今次我就試吓 豬扒粗炒 + 凍飲 啦 ! 🤤哇！味道果然係名不虛傳，一塊普通不過的豬扒，經過醃製後變得絕不平凡。🤪外皮香脆可口，肉質非常鬆軟 及 juice，醃得好入味，又係一款不得了的美食。😋另外感覺個 上海粗炒 應該落佐唔少油去炒，但卻出奇地肥而不腻，非常香口，yummy 持續上昇中。😉味道 Taste : 🏅🏅🏅🏅/5環境 Ambience : 🏅🏅🏅/5消費 Spending : $69/人 Person推介度 Recommendation : 🏅🏅🏅🏅/5

耀東號以豬扒大王自居, 但其豬扒水準比起我心目中的豬扒大王——新景園, 相差了十萬九千里, 先不說它處理豬扒的手法, 單從其偏薄的厚面皮度, 以及件頭甚細已見到不少差異. 炸豬扒雖然炸得乾脆, 但肉質死實而缺乏脂感, 肉汁也偏以, 我覺得和一般茶餐廳和小食店的炸豬扒分別不大, 餐廳這樣的稱呼實在有點Overrated了.撈出前一丁麵的口感夠爽, 做得不錯, 但份量很少, 只有一包麵的份量, 不知是否通貨膨脹的問題, 令到這間店的豬扒和麵份量也有點強差人意. 撈丁麵的汁醬是豉油汁, 味道甜中帶甘, 味道特別, 但和豬扒味道有點格格不入.Yiu Tong Restaurant is famous for her pork chop but the thickness and taste are not as good as my expectation. The portion is quite small and cannot fulfill my tummy. The pork chop is crispy but dry inside. Without any meat juice,

😡已有好多年無寫食評，今次真係好過份！🤬🤬放工夜，久唔久都幫襯外賣！🤬今次真係好離譜！🤬豬扒粗炒，打開💥好明顯💥豬扒比人切咗一半！🤬豬扒又薄，仲要偷減一半！🤬厭賺得少😡有本事可以加價！😡偷工減料就係欺騙！😡一次過講埋！🤬之前買過鮮茄牛肉飯，啲飯又淋哂！牛肉又少又咸！蕃茄又得兩粒仲難食過叮叮飯！🤬依間質素越嚟越差，🤬真係仲衰過自己煮！🤬好多時都唔夠熱😡最多返屋企都可以叮返熱吖！

選1.環境企理 執得幾乾淨2.豬扒係好味，鬆化入味，煎得唔過乾，切埋一件件仲有晒擺盤咁，好跌眼鏡地企理，個鼓油汁唔係一味死鹹咁，係煮過有少少甜既味，同豬扒幾夾彈1.白飯夾生呢

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻 /5耀東號雖然屬於前者，但憑老闆夫婦二人多年努力，每天花心機花時間預備的拳頭產品 - 豬扒 🐷 努力打拼出來的屋村小店，現時不但做到街知巷聞，亦已成為我每隔一段時間就會記掛着的comfort food 😍 新店面積不大，茶餐廳格局，菜式亦全由老闆夫婦二人逐一炮製，所以注意候餐時間有時稍長；餐廳還提供其他咖喱和牛脷系列菜式，大家不妨一試～ ☝🏻💋 豬扒撈出前一丁 ($48)其實餐廳打正旗號的招牌菜是「豉油汁豬扒飯」，但我卻一向心繫豬扒撈丁！🍝 先講豬扒，薄身豬扒全經人手錘鬆，絕不加鬆肉粉，炸起來很入味，也很新鮮，每一件豬扒已悉心為客人剪成幼條，方便懶人進食 😛 至於那個撈丁，是每一條都掛上秘製醬汁的，最成功之處莫過於整個麵完全不油膩，吃下去還有些咬口，絕對是高手的表現～ 👍🏻

雖然餐廳名隔離寫住豬扒大王，但其實除咗豬扒，餐廳都有供應一般嘅碟頭飯，選擇頗多。但係一場嚟到就當然叫佢最出名嘅豬扒試吓啦。等餐時間都頗長，好在先上咗杯嘢飲可以飲住等。我哋分別叫咗粟米豬扒飯同埋洋蔥豬扒飯，雖然兩碟嘅汁都比較稀，但係味道都好足；豬扒唔會韌，口感鬆軟，亦都切到細細舊，一啖一舊，好方便埋單每人大概$50，性價比都OK

好耐冇來耀東號食嘢，今晚就特別過來這店子了。門面與上年沒有任何大分別，內面可能疫情關係，只有一兩個食客🤔坐低之後，第一時間睇餐牌，望望有什麼選擇？想了一會，未試過這店的馬來炒貴刁，於是便點了這款炒粉了。等了10分鐘左右，熱辣辣即炒的馬來炒貴刁，便送到枱前了。香噴噴，熱辣辣，可是今次的分量十分縮水，可與下午茶餐相比細份一些了。材料一般，咖喱炒得很香不到10分鐘已經把整碟吃完了味道雖好，但分量太少了，希望下次再來不會這麼少啦