翠河餐廳 (已結業)

今朝早約咗人喺旺角上海街傾嘢，因為唔係好熟地方，所以決定早少少去搵路，然後再搵地方食早餐，所以就嚟咗呢間上海街嘅翠河。餐牌上邊A、B、C、D餐，望落都好抵食。最後都係決定食返我嘅至愛，火腿通粉配西煎雙蛋，蒜蓉多士，飲熱咖啡，盛惠$30。碗通粉火腿及通粉嘅數量都好足，而且湯底味道唔錯，通粉軟硬度適中，唔錯。西煎雙蛋有蛋味，蒜蓉多士，蒜蓉味足，十分香口，脆身好食。熱咖啡香濃質感滑溜。總括嚟講，喺香港仲可以以$30嘅價錢食到早餐，而且味道唔錯，真係超值抵食。

本人食過好多間「翠」字頭嘅餐廳, 印象中都係唔太好受嘅。經過旺角亞皆老街上海街交界嘅「翠河餐廳」門口個下午茶餐牌見到有「讚岐烏冬」呢幾個字, 好吸引, 咁就吸咗我入去食。呢度餐廳環境其實幾舒適嘅, 玻璃窗可以望到出面街景, 見到好多遊客, 喺朗豪坊行嚟行去, 熙來攘往。餐廳服務員態度幾好, 服務到位、有禮貌。我叫咗個<豬軟骨讚岐烏冬> 湯底應該係一般「潮州粉麵湯底」, 但食落都唔錯, 配襯得到。作為烏冬嘅湯底, 幾特別。烏冬質地煙煙靭靭, 我估佢就算唔係真正嘅讚岐烏冬, 都扮得好似, 好接近嘅貨色, 唔係一般好平好平嗰啲「噹噹」貨。豬軟骨份量充足, 炆得好好味(柱侯味), 肉的部分淋, 軟骨嘅部分爽脆。<熱奶茶> 亦都出色, 茶味香濃, 茶身幼滑, 厚薄適中。呢間餐廳有個缺點: 就係上去一樓條樓梯又斜、又窄、又唔乾淨。

Green River Restaurant is located in the upper floor in Mongkok. Even during lunch, you don’t have to wait for a table. It’s a good place to chat with friends if you don’t want people to disturb. Just like other Cha Chaan Teng, Chinese food restaurant, and we ordered Tomatoes rice with pork chop and Tofu eggplant rice.Tomatoes rice with pork chop is not that attractive as eating in other restaurants. Honestly tomatoes pork chop is easily to be cooked well. But here the tomatoes sauce is so dilut

今日出旺角有野買，有Ｄ趕時間，就同朋友隨便去順路既茶記快食。見倒常餐幾吸引，比普通茶記特別Ｄ。有沙律有多士，咁就試下啦。健康火腿沙律菜&奶油多配五香肉丁蕃茄薯仔螺絲粉薯仔粟米沙律配沙律菜，好奇特既港式西式FUSION，味道都正常既，不過沙律菜唔太新鮮，可能因為茶記選擇多，無咩人叫常餐啦。多士反而幾正，烘得暖又脆，配煉奶牛油穩陣幾好味。五香肉丁配蕃茄薯仔螺絲粉勁夾，變左辣蕃茄湯底，仲惹味左，肉丁都幾多，岩哂我重口味。不過份量超大，女仔完全食唔哂，攪到又浪費食物了。

波士陪食早餐好想食好豐富好豐富嘅早餐，翠河多選擇過翠華，所以都唔洗點諗就去翠河！波士個意大利蕃茄濃湯螺絲粉個湯真係好濃郁我個全餐真係好豐富，咩都有，好似西餐嘅all day breakfast 咁

每次做完gym，就會想食啲超級肥嘅嘢黎補償番自己，晏晝流流最好就係食返個下午茶啦！一坐低就叫左西多加椒鹽雞翼，再加杯凍奶茶，就成為咗一個完美嘅港式下午茶！件西多落咗一塊厚厚嘅牛油，再加埋滿到瀉嘅糖漿，實在係有講唔出嘅滿足！去買凍奶茶，感覺成個人嘅靈魂都返晒你值得一讚嘅係呢間翠河環境十分闊落，慢慢食都唔會有人趕你走

意粉。洋蒽生嫁。。。食緊又有牙姐。開住廁所門口。係度拖地。好臭。。係廁所食緊野甘痴線。。咖哩雞反。。好重椰汁味好嬲。。只係食個消夜姐。。本身好肚餓。。無哂胃口。。埋單。。無俾單我地。。可能距地趕收工啦收銀就黑口黑面。12點50分。走了永不回頭。。！

真的未食過一間這麼劣質的餐廳，一間茶餐廳可以連最基本的沙嗲牛肉公仔麵都整到沒有味道，麵有色但一點味道也沒有。這都是其次，最重要是我剛剛坐底一名侍應企在我隔離可以掛住同坐底食飯既員工聊天完全唔理會我們，等到我等不及想自己起身去拿餐牌佢先行過來理會我們。到個牛肉麵來了我叫另一位侍應幫手拿對筷子給我，但她拿完後手持筷子在另一邊忙於同另一台正在食飯的員工聊天。直至我朋友看不過眼發脾氣大叫妳俾左筷子我們先聊啦。佢才肯拿來⋯⋯一間本來食物水準都不怎麼樣的茶餐廳，為什麼老闆可以如此放縱員工聊天聯到完全不理會客人？我食左半個鐘基本上聽到員工聊天的聲音多於客人聊天的聲音⋯⋯*我不會再來這餐廳

超勞氣, 叫個下午茶歺等十五分鐘檸茶都沖唔到一杯, 然後收銀同侍應扯貓尾各話各唔記得落單, 真係激到拍枱走. 叫個意粉俾兩支叉我, D伙記瞓醒未呀? 😡😡一層得十個八個客個阿姐好似唔想做咁, 座位如不坐梳化那邊竟然係圓櫈, 咁差嘅服務咁差嘅環境收40$一個歺, 漏單連一句唔好意思都無, 以後罷吃翠河!! 😡😠😡😠😤😤

好耐未試過食一間連我都食唔晒嘅茶餐廳....因為一般來講....就算我好唔好食都會食得晒....因為我唔想浪費任何一樣嘅食物.....不過我今次同樣地食晒啲飯....兩碟餸當中淨係食淨少少生炒骨...如果你話計食物種類又真係幾多選擇最後我同朋友叫咗一個是日精選二人套餐羅宋湯尚算可以....不過箇中湯就麻麻地啲油仲肥過我呢個生炒骨係我食過當中比較最遜色既...因為佢完全得個粉字...根本都冇乜肉...食落去乾爭爭至於呢個翠河小炒王一般般啦

翠河早餐@ 旺角匆匆忙忙趕得切喺 1200 之前嚟到食早餐價錢 around $30 左右唔係話特別平，只係剛好想食呢啲嘢蒜蓉多士整得好食，蒜蓉味幾出，好過平時搽牛油火腿正常味道，個炒蛋好滑好好食五香肉丁公仔麵個五香肉丁係好食嘅，但係得嗰少少唔夠食公仔麵一般

朋友生日，要去旺角揀生日禮物，返屋企要去朗豪坊小巴站撘小巴返屋企，呢間翠河餐廳正正喺小巴站入口隔離，所以有好多時要出旺角買野都會順便喺呢間食埋野先返屋企之前一直都淨係食呢度嘅鐵板餐，一來好味又比起“公園餐廳”平，所以今日撘小巴前又行左入去坐低～點知侍應俾左個新餐牌我⋯⋯oh~My God，我平時食開個西冷鐵板餐無左得返加拿大A5，睇相吸引唔到我去試佢⋯⋯所以再睇睇Menu，揀左一輪，就想試下個海南雞飯，Memu寫住仲係配香茅黃油飯另外再叫左杯大話7，即係咸檸7唔係咸柑吉而係話梅，所以叫大話7等左5分鐘就有野飲大話7嚟到，一開始淨係見到杯冰底有啲應該係話梅汁，撩撩下先見到有粒好細粒嘅話梅喺入面，飲落都ok嘅，但唔夠酸，最後半罐7-up就直晴只有7-Up海南雞飯，嚟到睇落好豐富咁，但飲第一啖湯就知“令”嘢，係冬瓜味精湯，但一般茶餐廳味精湯係正常，咁算啦，飲左2啖就無飲試個飯，睇落好白下，食落就真係有小小香茅味，但有啲飯粒係硬嘅到個雞，一夾起就知係白切雞，跟本就唔係海南雞，仲要鞋口，只不過係多左碟點海南雞用嘅甜酸汁就話係海南雞飯，真係好失望😣仲要$62一個白切雞飯，好貴！

今晚我們去咗旺角上海街嘅「翠河餐廳」食晚飯！我們叫咗馬來咖哩烤鷄飯嘅咖哩汁味道調教得相當出色，有好濃郁嘅咖哩香味，食落有種齒頰留香同想再添飯嚟撈咖哩汁食嘅感覺，而鷄肉嘅肉質都幾鬆軟！柱侯牛腩湯米線嘅牛腩肉質都幾鬆化軟滑，米線嘅麵質就極之腍身，而湯底嘅味道就非常淡！龍袍福建炒飯嘅材料都算豐富，炒飯都炒得幾香口，但就略嫌芡汁嘅味道都比較淡！公司三文治嘅餡料都幾足料豐富，鷄蛋都幾厚身，蕃茄同生菜亦幾新鮮！中式老火例湯嘅味道就比較淡，但都算清甜！而西湯羅宋湯就相對比較出色，味道超鮮味濃郁！

諗住近近地食個tea,點知選左間中伏野，下次記得blacklist左佢，杯奶茶異常難飲，連普通茶記都好飲過佢囉…服務差唔在講，差勁，係個茶餐西多好少少，但對於我呢個奶茶控飲杯咁既野真係超不快，d伙計又成日講是講非，態度未至於差，但唔nice囉，冇下次就算

美好的沙薑雞@翠河是咁的！我們這一家差不多每星期都會吃兩次雞。哈!!哈!!哈!!哈!!!!!翠河是我們這一家都愛吃的茶記!!!!!!!!!!!!!!!!!翠河的沙薑雞又是出了名的好吃...........作為愛雞之人，點可以唔「叫雞」??????於是..........出街食飯，又叫雞了!!!!!!!!!沙薑雞：先說那美好又邪惡的沙薑!!!!又油又肥卻是LOAD飯的好拍擋!!!!!!!!!!用盡見底又要多碟!!!!!!!主角：沙薑雞雞有雞味既是常識，卻又不是間間有這裡的雞是香是滑是嫩是深得我心!!!!!!!!!!!!!!!!!!入口的雞汁香到暈雞肉嫩口，小朋友最愛!!!!!白飯多多，是伴以沙薑又可以自己一人掃光一整碟!!!!!!!!!!!!!!!!熱飯飽肚又有油香沙薑~~~WAWA~~~正呀!!!!!!!!!!!!!!!