翠河餐廳 (已結業)

坐下後一個胖女侍應不斷在右耳高聲說話，知道她工作需要要求換位。居然說這是餐廳當然吵，本打算快吃快走。她竟然大聲說我不可以大聲說話，怕吵就去酒店吃。吃東西當然不包括受氣，要求取消單離開，居然拿對講機大聲說我不合胃口，環境不合喎～太吵喎～待客態度劣！劣！劣！

今日下午我們去咗旺角上海街嘅「翠河餐廳」食下午茶！我們叫咗常餐：香脆奶油豬仔包「半隻」相當酥脆，加上香甜嘅奶油一齊食，真係好正，所以我們再另外單點多一個嚟食！嫩滑炒蛋拼火腿嘅滑蛋炒非常滑溜，蛋味都幾香濃，沙嗲牛肉公仔麵嘅牛肉肉質好嫩滑，沙嗲醬嘅味道唔會好鹹！辣鮮露豬扒炒公仔麵炒得好乾身，而且鑊氣十足，麵質亦好爽口彈牙，豬扒吸收晒辣鮮露嘅味道，肉質亦好鬆軟，唔會好「嚡」！

是日想吃翠華作早餐, 奈何人龍不絕, 等到座位也沒有早餐B了, 隨意地來到翠河. 早餐供應至十二時, 點選了炒蛋, 午餐肉, 沙爹牛肉公仔麵+蒜香牛油多士+熱華田(HK$30). 店內有兩層, 地方算大, 全是卡位格局. 不消一會侍應送上食物. 炒蛋, 午餐肉, 沙爹牛肉公仔麵, 所有食物也浸在湯麵上, 全都變淋了, 少了一點誠意. 試一口, 炒蛋過了火, 帶點老. 午餐肉正常, 沙爹牛肉夠淋, 但味道很淡, 湯底又不夠香, 水準的確差太遠了. 蒜香牛油多士, 烘烤過, 微微的香脆, 中間帶軟熟, 蒜香味濃, 可以的. 熱華田, 正常, 不特別評了.

服務態度超級差，東西又難吃，一些服務人員，讓她拿點東西就說沒空，黑口黑面，今時今日仲有這樣的服務態度．以後都不用再去本來以為翠河都幾好的，就是因為有些這樣子的服務人員把鋪頭的名字搞壞搞臭了，

行完太子搵裝修物料，行到腳仔軟，天氣又熱，又倦又口乾，17:20應該仲有tea食掛，行去翠河睇下先！下午茶餐牌未收，價錢又$3x到$40，價錢睇落去唔算平～坐到卡位仲可以坐窗口位添！室內環境光猛～我叫凍好立克，佢自動升級黎左柸芽好立克！Tea set 係豬扒包配瑞士雞翼（$38/1客）凍飲+$3豬扒包雖然有d偏油，但幾好食，有d豬扒包乾爭爭乜都冇，佢就好在有生菜絲有蕃茄仲有美味嘅沙律醬，豬扒少少肥肉，好嫩滑，好食！瑞士雞翼色澤好靚，算大隻多肉，雞肉夠林，雞翼仲連尖添，正！俾你地睇下豬扒包有幾juicy!埋單2人$82！價錢唔算平，但佢幾豐富，食到好飽飽，我晚餐都唔駛食喇！

服務態度超差，想趕客，食物幾好都冇用……去過咁多間，呢間最差，集團式係唔係應該管理餐廳運作及員工態度，茶餐廳都冇佢地態度咁差，我一定會投訴，問一個員工拎餐牌，我点咗一個餐，員工態度話亞姐呢個係下午餐，語氣非常差

想快快食完就走,就去咗附近間翠河.叫咗菠蘿豬扒焗飯同熱奶茶,個焗飯拎嚟時啲汁仲晌度冒緊熱氣泡,證明係即叫即焗.上面啲芝士碎數量都唔少,底下就係蛋炒飯,飯炒得幾乾身.豬扒就預先切咗幾件,食得方便啲.而個醬汁入面就有紅蘿蔔,西芹,薯仔同洋蔥,不過就唔多覺有番茄肉或番茄皮,食落冇咩酸味同甜味，係一般茶餐廳常見嗰種港式茄汁嘅感覺.

下午茶翠河，難得早放工。食個下午茶當晚飯。翠河好處是價錢平的連鎖茶餐廳，下午茶至到六點半！點個炒公仔面，麵質算是夠彈性，可惜味道太咸了，咸了過龍，看到色水的確很上，可能是水放得少，比例不合，加上有點乾身，雖然是簡單的一餐，不能那麼多要求，但作為大型連鎖茶餐廳，煮個簡單炒面也可以有少少水準的吧？ 

晨早流流出旺角做野, 唔可以空住個肚, 所以是但搵間茶記食早餐.要左A餐火腿麵, 因為有多士滑蛋, 滑蛋都幾大份, 而且幾滑有流心. 多士有烘過, 但唔夠熱, 唔算太隔夜麵包, 可以接受.火腿絲正常無咩特別, 麵唔會太腍, 高質大光面, 唔會太膠. 個湯幾濃且夠味, 唔會太淡.跟餐凍0茶少甜, 真係幾少甜, 茶味多D, 而且夠多冰夠凍.

之前去開旺角嗰頭 隨便係附近搵嘢食 七點幾八點 周圍餐廳都多人等位 去到翠河算比較少人 只係等左五分鐘左右坐低揀左碟魚香茄子飯 大約四十蚊 肉碎幾多幾足料 個汁少少辣 幾惹味 不過好鹹好多味精 汁量都足 夠撈曬啲飯 只係啲飯量都比較少 對男仔嚟講唔太夠食 連鎖茶記一般水準 無咩要求

出開旺角買野, 行到攰攰地就搵個地方食個下午茶, 見到附近有翠河, 食過好幾次, 價錢同質素都較正常, 一於就食佢.要左個五香肉丁麵+奶油豬仔包半個$29, 五香肉丁分量不算多, 唔太辣, 不過多數係瘦既肉. 麵質軟硬適中, 稍為無咁膠質既大光面.奶油豬仔包反而唔錯, 豬仔包焗過外表夠香脆, 面包則夠軟熟, 索晒牛油同奶油更加之香.跟餐凍奶茶+$3

下午茶食茶餐廳就最飽肚！又抵多選擇，麵款黎有米線、烏冬、意粉！雞翼又有瑞士汁、椒鹽！想輕盈d，又可以選擇沙律！炒飯乾身爽口，蝦同菜粒都夠份量，唔會係食幾啖飯都食唔到配料果種！份量對於女仔黎講岩岩好！ 炒飯必須美極醬汁，多加幾分鮮味！餐跟野飲可選擇，我點了熱檸蜜、唔甜潤喉！

今曰假期唔洗返工,去左旺角行街,行到餓餓o地,又唔知食乜好,即上openrice睇下,就近有邊個餐廳先!我見翠河就係隔離街,就入去食晚餐,拎起餐牌左睇又睇,就揀左西檸雞試下!1見碟西檸雞黎到,嘩..洗唔洗甘大碟呀!而且重感受到d熱力漂過黎,心諗有無甘勁呀d獲氣!好..食1件先,1口咬落嘩好正wor,外皮超趣口,入口夠香,肉質味濃香,好有雞味,真正做到外脆內敕ga感覺!西檸味酸酸,但又不太酸剛剛好,依碟西檸雞真係超好食!

去完旺角做野, 是但搵個地方食飯, 就響搭車附近間茶記搞掂.睇睇餐牌唔想食碟頭飯, 要左個叫餸餐, 有餸, 有白飯, 有飲品.蝦球花枝片西蘭花 ($62), 蝦同花枝片都有數舊, 蝦食落爽口, 花枝片煙韌得黎唔會咬唔爛. 西蘭花可能恰得淋左少少, 不過都仲有少少咬口.跟餐白飯幾大碗, 食完夠飽. 凍奶茶都幾夠茶味, 唔會淡戊戊.

每次係旺角想坐得舒服d 又唔洗同人迫，都會諗起依間翠河。可能位置剛偏離彌敦道，又係上樓舖，次次嚟到都一定有位。今日叫左個海南雞飯，有湯、花生小食、同油飯。 湯味香濃，溫度夠熱，但香濃既程度令人懷疑應該落左好多味精。 雞肉大大件，色澤鮮明， 肉質亦嫩滑。香飯粒粒分明，唔算太油。全單連服務費要$66，唔算抵食， 只可以話不過不失吧。