紅樓 (已結業)

今日黎到紅樓,食大閘蟹大閘蟹膏都有既，但就真係冇肉食....係少少肉見下都冇嗰隻，隻隻都細細隻。我本身好少食蟹，食完呢次就對呢個大閘蟹一啲興趣都冇。服務方面，呢間真係冇乜。客唔算多，但阿姐們行嚟行去，勁忙咁。 每次叫佢幫我拎嘢都要叫好耐或者要叫幾次，阿姐話記得喎 或者敷衍我拎緊㗎啦，佢係我面前行過6,7次 我都 仲未見到我想要嘅嘢。埋單嘅時候，我見到茶位收足人頭錢，我就同佢講囡囡2歲都收茶錢？阿姐冇望過我，就話公司規定 90cm以上需要收費， 我補充囡囡只有兩歲未夠 90cm。阿姐堅持要收費，話高過張凳就要收費，跟住見我唔出聲，就叫我同個女出門口有個位度高。 咁我就費事麻煩，直接簽信用卡執嘢走。點知 一抱個女落地下，佢就走咗去阿姐隔離，阿姐即刻叫佢，妹妹你過嚟度下。最搞笑係已經見到阿女唔夠高，阿姐仲要捉我個女過去度多三次，佢先話妹妹唔夠高唔使收錢。我完全冇理阿姐，只係捉住自己個女返位拎袋走。阿姐自己走埋嚟話畀番一個茶位嘅現金我，話碌咗卡 可唔可以收現金？因為我趕住走，所以拎左錢就走左。可能佢以為我想呃佢一個茶位錢。但係 一個兩歲嘅小朋友，普通人都應該睇得出或者佢真係忙到連望一眼我囡囡都

上星期去紅樓飲茶見到佢做緊Promotion ,日本大閘蟹3両重$38/隻，於是今日同屋企人去試下，3個人叫左四隻蟹加一個$288套餐 但次次都係食食下先記得影相，希望大家唔好介意😂😂😂😝講下野食先 $288套餐先講$288套餐，有一大盅花膠螺頭燉雞湯+一條沙巴龍躉+一隻脆皮雞+一鍋北菇蠔皇扣花膠煲 花膠湯👍🏻👍🏻👍🏻👍🏻👍🏻一大盅，足8個細碗嘅湯，無咩味精，清清地，飲左3碗，正👍🏻 脆皮雞👍🏻👍🏻👍🏻👍🏻皮好脆，雞肉都好滑，唔係其他酒樓套餐個d bb 雞，重要滑得來熟哂嘅，唔似有d酒樓雞骨紅紅地咁，抵讚 沙巴龍躉👍🏻👍🏻👍🏻大大條，蒸行剛剛好，好滑 北菇蠔皇扣花膠煲👍🏻👍🏻👍🏻套餐來講都算足料，花膠都幾厚同埋唔係花膠碎，一人都有2至3片 大閘蟹👍🏻👍🏻👍🏻雖然唔係好大隻，但打開隻隻都好多膏，想過下口癮嘅話$38都算幾抵 食左咁多野都係$530幾，好飽好滿足！媽媽好滿意👍🏻佢仲有個羊腩煲套餐，等埋其他人先再試下，食完再報告

上網找到附近一間中式酒樓，但酒樓唔易找，要先經過旁邊另一家大型中式連鎖酒家才到。近來，好多酒家都没有冬瓜盅，因為紅樓有供應，坐下，馬上下單來一個冬瓜盅海皇白玉冬瓜盅:可能我地是晚上第一台客，冬瓜盅火喉未夠，但還是美味的晚市孖寶:咕噜肉+北菰扣花膠煲。咕噜肉:北菰扣花膠煲:

今日去食晚飯，點左一個$268嘅上湯龍蝦伊面孖寶。另外一味係4隻蒜蓉粉絲蒸扇貝。伊面嚟，到個面白曬曬我已經覺得奇怪。一食落口都唔係伊麵嚟嘅。冇伊面個種滑度，又冇嗰個蛋味。質地完全似上海麵，幼身扁扁地。叫到阿姐問佢，佢就話我哋啲伊面係咁，伊面一直都係咁個噃。完全呃人。阿姐你有冇食過伊麵？？？一碟龍蝦伊面，四隻蒜蓉粉絲蒸扇貝，再加一碟腐乳通菜，三個人埋單$460幾蚊。屋企冇飯開落去食飯就得，但係唔好有期望。

一群人去紅樓到飲茶，三點去都唔使等位就有得入，叫咗好多嘢食，有馬拉糕、叉燒瀨粉、油菜、雞扎、鮮蝦腸粉。其中我覺得最特別嘅係芝麻金箔流沙包，淨係個樣已經好吸引，食落去佢似奶皇包，只係個餡變咗做芝麻😆🤩。其餘食物質素都唔錯， good good👍🏻六個人食咗$300

Popcorn 酒店二樓兩家酒樓，一間多人排隊到店外，另一家就侍應等你來。以為正正常常的酒樓，想不到食客果真用腳投票。門口無人，當真慎防中伏... 《紅樓》色香俱備，獨欠味，繼續努力吧！《紅樓》的裝潢都算是豪華，大廳算是坐得滿滿的。但我倆卻要坐在旁邊同集團放題店中飲茶在帶著日韓風的店子喝茶、吃點心，別有一番風味。如果兩人吃不多，其實午市套餐都不錯貴妃雞米線貴妃雞啖啖肉，米線夠彈牙，湯則吸了雞味，很香口的。燒腩仔米線重點是燒腩仔，條皮不脆也罷，而是韌力十足，怎能吃呢？況且芥末醬太稀了，似水狀般，太大落差吧上素餃外表正常，松子仁和餡料滿滿在餃子內，惜皮太厚和「癡牙」。蟹籽燒賣皇相貌平平，皮夠乾而不「癡牙」，唯略多肥膏。黑金流沙包色香俱全，味則大失所望，因奶皇在包子內凝住了。煎腐皮卷 其實吃了幾份點心，《紅樓》的問題所在如腐皮卷般，色香俱備唯欠味！該店應多加注意這點心會否用了過量油呢？蒜蓉蒸排骨其實每棵排骨都吸收了蒜香味， 十分可口，加上骨又不多，啖啖肉，值得加分。可惜芋頭與蒜香味不相襯，難免失色最後一道菜是脆皮金磚豆腐老實說，這道菜是合格的，起碼將豆腐炸得金黃香脆。可惜如略加多少鹽花，必更

老爺奶奶上星期返咗嚟，咁兄弟姊妹就吹雞食母親節飯啦，因為太遲book位，所以6:00pm食飯枱已經滿咗， 8:00pm食對我老爺奶奶來講又實在太夜啦! 終於打去紅樓話6:00pm有位，咁就book咗呢間啦！我哋叫咗一個四人餐加咗兩個餸就係咕嚕肉同埋上湯腐皮時菜。等左唔使10分鐘就有得食，母親節算係咁啦，咕嚕肉整得好好食，外脆內軟，炒龍躉同埋蒸頭腩都係啖啖肉，好好味，個湯係用烏雞，仲有響螺添呀！碟碟餸都有返咁上下量份，我哋個個都食到攬住個肚，埋單先至係$1400唔使，母親節你都算係好抵㗎啦。唔記得咗仲有六個大壽包添啊。

第一次去，因為上星期日下午二時多了，popcorn好多人。用餐後感想是價錢平，正宗傳統好味點心，淸潔環境，街坊服務。雖然個接待員服務態度真的差(不看我們一眼，問佢兩位枱，佢叫我們自己入去找，佢自己只顧同同事傾計，硏究手中從別人手上拿來的玉。）我們即時被她態度嚇一嚇。但其他服務員姐姐都好勤力服務和有禮貌，廚師做的菜有水準。如果不是我們有勇氣去嚐試新東西，我們一定被前台服務員的劣質態度attitude 嚇走了。

純粹洩憤，如果唔係連打都廢事好地地去飲茶帶我地去韓燒嗰邊坐坐到埋去所有杯碟筷子全部都係污糟換完都係污糟，自己用滾水淥完都覺得污糟所有服務員十問九唔應，態度差到出奇可以見你舉手要野直行直過當睇唔到茶沖出嚟係有啲朦朦地，我懷疑飲完會肚痛服務員擺低食物順便叫佢哋收碟，可以完全當聽唔到走咗去一路食一路打忍唔住打食評都係第一次嬲到炸裂！！！送俾我食我都唔會再嚟，垃圾之中嘅垃圾服務又差食物又差環境又差，唔明點解會有人忍受到！！！

飲茶係每個週末嘅指定活動，平時九點幾十點就飲，但係有啲點心要過11點先開始供應，今次特登飲個晏茶。叉燒米粉湯底好入味，米粉爽口，但係啲叉燒就好麻麻，唔夠香椒鹽魷魚酥炸粉實在太多，不過魷魚就好好味，記得以前每次飲茶都會叫，呢道點心算係係兒時回憶椒鹽豆腐粒以前又係經常叫，通常細細粒、一啖一個，呢一間就太大件，不過都食到豆香，不錯福建炒飯好足料，有雞粒、蝦仁、菜梗、冬菇，但係全部野煮埋一齊就好似冇乜味咁，純粹為飽肚都OK嘅

服務態度真心超級超級差！我哋本身三個人，後來其中一個唔得閒，改翻兩位啦，然後短頭髮嘅所謂經理，就只係識得係咁叫人入黎搭我哋張檯，叫完一次又一次！但係我哋洗杯嘅水，幾十個人行過都唔倒，叫到過黎都唔倒！真係以後都唔會再黎！差到爆！

平時間唔時都會去下呢間到飲茶如果平日去既話 就有平價既早茶飲我地主要都係食排骨飯 腸粉 燒賣 等等食物質素唔算係超好但係呢個價錢下算係幾抵食我去個時 甘岩做緊$1粒燒賣 每人限一粒都幾抵腸粉就還好啦啲粉有啲啲硬 唔夠軟滑

服務態度差到爆！啲姐姐有選擇性失聰，或者你同某一個講嘢佢聽唔到嘅時候，另一個企你隔離嘅姐姐聽到你要叫服務員佢都唔會主動上前serve你！終於有人理你嘅時候，叫佢跟下單，佢會一邊行過一邊講:等等啦！但佢哋無咩嘢做時就會企埋一齊傾下偈～哈同埋啲阿姨係上菜嘅時候會將手指插落啲菜入面，幫你加味^_^冷氣機又會滴水永遠都唔會再嚟受氣！

爸b成日嗌冇人陪佢飲茶，今日專登早啲起身做孝女陪佢去去到紅樓雖然多人但二丁友點都有位既～入到去9:30仲可以嗌特價點心～叫左$1燒賣 係最好食太肚餓既關係，冇影到相，大大粒，有蝦有蟹籽，肉質夠un,味道夠濃郁，唔錯唔錯！腸粉送到黎既時候已經凍凍地真可惜！啲皮厚厚地，不過凍晒就一定冇咁好食架啦鮮竹卷油左啲，餡料份量都適中鳳爪排骨飯啲飯就濕左啲，但唔係難食既Total 5樣野連茶介都係100蚊多啲，overall 都係抵食既

食過幾次紅樓，其實每次都好講彩數，首先最好係好似今次禁平日去，唔使等位，早d去，可以坐到較入面的卡位，比較靜，不過呀姐放碗碟都係勁大聲，有d吵！紅樓平日飲茶係幾抵食，推介鹹水角，$8.8有三個，外酥內軟，鹹香味夠，平時好識飲識食的細佬都要再encore叫多碟，但第二次果碟無第一次禁好味，禁金黃酥脆。優惠時段一蚊一粒燒賣，每人限叫一粒，味道都ok！以前最好食的係鬼馬腸粉，但宜家無左，有d失望。我地4個人，叫左4粒燒賣、雞札、粉果、棉花雞、蘿蔔蓉腸粉、鳳爪、鹹水角2碟、鮮蝦菜苗餃2碟、魚肚鮮竹卷2碟，加一加茶位，都係$16x，今次d野食都幾好，真係幾好彩，算係幾抵食！