糖明皇 (已結業)

好耐無寫食評，今次呢間甜品舖令我有心機寫返，話說有一次去聯和墟食晏，跟住行過呢間舖頭（舖面唔係好特別，但貼滿曬一啲雜誌訪問既剪報），老公竟然停低研究，佢話呢間野既甜品好似某高級酒店既款式，於是就入去坐低（剛剛剩下兩個位），裏面一張L形吧枱，最多坐6人，師傅就係吧枱前整甜品，我地叫左幾款，floating island, 玉桂蘋果批，芥末心太軟，仲有一個造型好特別，會淋啲野上去溶啲朱古力黎食，但唔記得個名。師傅好細心咁叫我地由淡味開始食，於是佢逐樣甜品即席整，雖然要等下先有得食，但睇得出佢既熱誠，同時間老公叫左咖啡，雖然係極簡單地係一個角落自己冲咖啡（亦可自己refill)，但老公話杯咖啡既香滑又濃郁，幾款甜品都好好味，尤其是芥末心太軟，超正！

好朋友熱烈推介呢度既芥茉心太軟, 雖然本來真係唔係好想黎, 山長水又遠咁入粉嶺, 仲要聽到芥茉心太軟呢個咁怪既配搭. 但由於朋友熱情到車埋我入黎, 盛情難郤, 就黎試一試啦!睇佢呢度店仔細細, 眼見只有5-6個BAR枱位, 咦? 冇人排隊既, 裡面都冇其他顧客既.... 奇怪, 去慣既甜品店都一定大排長龍, 真係靜得咁緊要, 定係太新未為人知呢? 不過一場黎到, 點都要試一試架喇! 我地3個人一人揀一款SHARE 食, 試下不同口味. 我首先揀左檸檬撻, 因為唔係好多甜品店有, 而且一見到檸檬撻响個MENU 度, 諗起檸檬的酸味, 我就已經開始流晒口水, 少少一件, 撻皮鬆化, 檸檬醬細滑, 味道甜酸適中, 非常非常清新可口. 肉桂蘋果批, 肉桂味濃, 批皮鬆化, 入口冇硬掘掘的感覺, 批皮入口就軟化, 加埋雲尼拿雪糕, 甜味剛剛好.芥茉心太軟是必試之選, 蛋糕不是一般的質地, 我唔知點形容, 應該係類似豆沙包既質地? 但朱古力味? 唔知道, 但質地有少少煙靱既感覺, 最期待一刻來了, 是否流心呢? yeah ! 成功流心, 仲要係好滑的朱古力醬, 不像坊間的一pat pat, 哈!

最近無聊㩒openrice，睇下自己住的粉嶺區有乜新食店，發現左糖明皇呢間新甜品鋪。雖然係聯和墟有d遠，不過食飽當散步行過去嘆個甜品，其實都唔錯，感覺燒返d卡路里。去到門口，感覺係估唔到間鋪咁細，坐得七個人，不過可能新開張，人流唔算旺，唔洗等就有位。坐低後，甜品師父就開始介紹佢地d特色甜品，今次我地點左Floating Island 同芥辣心太軟。首先上場的是Floating Island，中間有個用蛋白打成的浮島，師父提議我地先淋上大量呍喱嗱汁，再配以另上的朱古力粒，可能我們灑上的朱古力太少，第一啖感覺好味，但不特別。師父話重點係第二啖，叫我們配以碟邊炒過的榛子食用。果然，經炒的榛子帶少許咸味，配上甜甜的呍喱嗱蛋白，的確變得層次豐富，但係又食得出每種味道。由於甜品的味道較輕身，實在很適合女仔。呢個芥辣心太軟實在喜出望外！首先入口係濃濃的朱古力味；中段由芥辣混和朱古力接力，既不辣亦不甜，有香辛料的味道；最後朱古力味伴隨芥辣的刺激一齊攻返上個鼻。下個星期又要搵日行過來試其他~~

floating island︰一個字︰好味  香脆、幼滑、濃郁，入口即溶, 食完有飄浮感覺 wasabi 心太軟︰食識一定食呢個一來wasabi佔的比例唔算多,主要都係食到朱古力味....二來山葵刺激一下口鼻既味覺更能感受到朱古力原有的甘香。呢d細緻位 , 會令成個甜品既味道提升好多, 我諗亦都係值呢個價錢既原因

Tempted by the delicate pastries, i went into this little cafe randomly. not knowing what to eat as i just woke up, the friendly servers and chef introduced the special menu to me. The floating island caught my eyes so i decided to give it a try. The chef and the young pretty server prepared the dish before me. It was nice watching. when the dish came, i reli had no idea how to eat it coz it juz looked like a piece of art. seeing my puzzeled look, that pretty server with charming smile explained

大約兩個星期前 見到開左間新既甜品店 今日好奇心之下 終於去左試原本係想買件cake食 但幾位staff都好nice 話唔趕時間可以坐低慢慢食 入到去 咦 環境唔錯喎 因為我有選擇困難症 所以就問下師傅有咩推介拉一問之下 原來除左出面見到現成既甜品之外 仲有好多野食! 蘋果撻 心太軟 etc.(唔記得左)唔知大家有冇聽過wasabi心太軟呢? 未聽過又鍾意食甜品既你就要去試下喇!我冇唸過朱古力mix wasabi又幾啱key喎心太軟係用62*C既朱古力整 wasabi都係經過師傅調較食落有wasabi既味之餘又唔會搶曬味 恰到好處 ps. 心太軟既size相對一般既'糖水鋪'會比較細坐左一陣 飲啖水 又order左份greentea既焦糖燉蛋 好食既地方係好smooth 入面既奶係用大家都熟悉既北海道牛乳整整體而言環境舒服 食物值得一試 職員NICE 睇番服務 環境 食物 around$100埋單 抵唔抵見人見智啦! Go and try!

去完朋友屋企食飯，佢話附近開左新的甜品店，問我有無興趣試下，我當然無意見啦！因為每個女士都有為甜品預留一個胃，所以三個人又去食甜品！😆 去到門口，剛有客埋單，我地不用等就入去啦！香港人咩都要快，我menu都未睇就直接問｛有咩好介紹？｝個男仔就話wasabi 心太軟同玉桂蘋果撻都唔錯！好！就信你一次！先黎個玉桂蘋果撻，玉桂味正😄 好warm的香味！個賣樣都靚仔！當然相機要食先啦！個酥皮好好好味呀！酥皮夠香脆，最怕食酥皮食到跌到周身都係，佢又無喎！呢個撻唔錯！我同同行友人無耐就KO左佢！老實講對個wasabi心太軟都有d懷疑，因為我唔太食得辣，不過個男仔話只係少辣，好像幾得意咁，我就try 下啦！到左啦！同普通心太軟個樣唔太一樣！有d似麻薯但是又是蛋糕的樣子，先試下個皮先！比我想像中軟同滑，有濃濃既朱古力味，仲有好軟滑！食左啖皮後，就見到個wasabi朱古力流出黎啦……… 唔！同想像中唔同，唔係好辣，我平時譚仔食十小辣的，我都覺得唔太辣！反而好像辣辣地個朱古力味仲香！同行朋友大家都覺得唔個心太軟好夠朱古力味，辣反而今佢無咁膩！成日心太軟同雪糕加埋=好好味！食完呢間糖明皇我堅覺得好味有質數！