稻．拉麵 (已結業)

可能因為價錢唔平嘅關係，所以每次嚟食都唔洗等位，可以同同伴好好享受用餐空間~呢度嘅食物選擇唔算好多，拉麵方面主要都係揀唔同嘅湯底，無論麵質、湯底同叉燒都算合格，但就唔會令人好難忘囉~反而d串燒就幾好味，豚肉、雞翼都係值得試嘅，不過由於食完個麵都已經好飽下，所以建議大家都係share串燒食比較好~

今晚和朋友到位於觀塘工業區內的稻拉麵試試，夜晚七點幾，唔使等位，餐廳裝修幾靚，坐低後我就點左個豬軟骨拉面，麵很彈牙，質感同一蘭差不多，但比較好，湯底似乎沒有味精，食完後不口渴👍🏻。另外點左個中拖羅，新鮮好味，可以一試。

今日來到觀塘區, 與70 ~ 80年代的觀塘區完全不同, 以前都是工業大夏為主, 但今天卻多了商業大樓, 酒店…當中有很多特色的食肆更應運而生, 今天選擇了拉麵, 雖然店名是主打拉麵, 但各式各樣的日式美食應有盡有.備長炭燒, 這個炭燒特色是煙較少, 炭味較淡, 火不太大, 較適合用黎燒秋葵, 南瓜, 茄子, 但真是要耐心少少.蒸和牛, 和牛用來蒸感覺比較新鮮, 用了15-20分鐘時間, 食出來同用燒的方法一樣: 入口即溶, 不過蒸的方法要用點醬汁去帶出和牛的味道.下面的是蔬菜層, 其實蒸的方法不是主打美味可口, 而是食得健康, 沒鹽沒油, 原汁原味.吉列白金豚, 這個日本入口白金豚同一般街市買的所謂有機豬肉都是無得比, 入口彈牙無比, 肉汁豐富.Sake cocktail, 朋友相聚, 梗係用番杯, 不過記住易入口的酒, 唔好大啖大啖飲, 唔係要call 定taxi 啦.

今日在觀塘做完公司宣傳活動，天氣熱辣辣，大家都想快d揾個地方醫肚。揾咗間日本野，入去去反而比餐廳推介的牛牛吸引咗。蒸籠和牛$488/200g和牛A4級數，一籠計落有8塊，可惜上枱後要等佢蒸。好在係等等等其間有杯Sake cocktail $38，摸下杯底吹吹水。呢杯真係好抵，38蚊有杯Sake, 飲落口好香薄荷味。等咗3個幾字，終於可以起筷。第一層肥牛真係好嫩口，一塊放落口，嫩嫩的溶他在口中，加埋芝麻醬就更加激讚。第二層有蔬菜，蔬菜好鮮味，食落仲有啖啖牛香。原來蒸籠設計係想蒸的同時令牛肉汁，可以走到下層比蔬菜吸收。之後再來多個串燒。每一樣燒起上來都好鮮甜。南瓜$24蕃薯$24青椒$21冬菇$19整體來講，鋪頭環境好好，好闊落，野食又一流，真係一班朋友食飯吹水好地方。

舊同事聚會, 我地揀返當年認識的地點, "觀塘"去地鐵站附近商場一定會好多人, 而又聽聞最近觀塘工業區中有好多水準餐廳進駐, 最後我地決定食稻‧拉麵望望Menu, 都好多選擇, 晚市除拉麵外, 仲有壽司, 刺身, 串燒等等最後我地決定食推廣中的二人餐, $398有機蕃茄田園沙律內有蕃茄, 豆腐, 沙律菜配黑醋汁, 最出色係d豆腐, 好滑, 黑醋份量剛好, 賣相都好精緻極上雜錦刺身, 兩個二人餐的份量雜錦包括三文魚, 吞拿魚, 油甘魚, 全部都係厚切, 每款每人一件, 份量岩岩好串燒, 白金豚肉串, 露筍串白金豚肉串, 燒完後既豬肉好爽口, 塊肉係一層肉一層膏, 加少少檸檬汁後就唔覺得油膩, 仲好香口露筍串, 食完肉, 配返d菜, 感覺好舒服, 建議食左肉先食露筍吉列一級岩手縣白金豬扒睇返資料, 原來白金豬係日本係身價最高既豬, 唔怪得肉質同一般食既唔同, 炸完後仍然爽口, 仲唔會覺得成口油, 配上醬汁更好味白金豚肉拉麵配豬骨湯肉有白金豚肉, 芽菜, 木耳同葱, 拉麵係幼麵, 豬骨湯好濃精美甜品我地仲一路估有咩甜品, 原來係奶凍, 由左至右既味道係 芒果, 芋頭及原味, 芒果及芋頭都食到

去麗港城探朋友，不過工人姐姐放假，無住家飯食，但係朋友c話無問題，佢帶我地去搵好野食，我地一行4人，去左觀塘工廠區個邊，估佢唔到有間外觀好靚既拉麵店。室內裝修都好靚，我地6點去到，一個客都未有。除左主餐牌，仲有岩手縣白金豚肉定食$398/2人前，為左唔駛傷腦筋，我地叫左兩客，即係四人份量。諗左好耐，咩係白金豬，係等食既時候都忍唔住Google 一下: 岩手縣直送既白金豚，係日本身價最高，等級最高的豬種。堪稱極品豚肉！飼料為有機玉米，飲用山上湧泉泉水。豚肉既油脂分布平均，肉質鮮嫩有彈性，入口溶化。聽落真係好勁，要試試佢先得有機蕃茄田園沙律，蕃茄好鮮甜，仲有香滑豆腐，同埋新鮮沙律菜，感覺好清新。極上雜錦刺身三款（三文魚，呑拿魚，油甘魚），刺身係厚切既，而且仲非常肥美，特別係個油甘魚，食落好甘香，每樣一人得一塊，唔係好夠喉。日式秘制串燒（味噌白金豚肉串，鮮蘆筍串），白金豬個肉好嫩，油脂分布好平均，感覺有少少似食梗和牛，個蘆筍燒完仲好嫩好爽口多汁，配上個白金豬黎食簡直一流。香濃味噌湯，飲落唔會太咸，味道適中。吉列一級岩手縣白金豬扒，炸到金黃香脆，咬落去除左有肉汁，仲有油脂，層次好豐富，好好味！

有同事話lunch想食拉麵，所以今日就陪左佢黎稻拉麵。入到舖面，見到裝修都幾用心，比一般拉麵店要寬敞，完全唔似係工廠區所開既拉麵店之後望埋Menu更覺驚喜，拉麵款式都好清新，同埋唔只得拉麵，仲有好多日式料理，以後可以黎多幾次，而今次我同同事就分別叫左大蜆拉麵同埋豬骨湯拉麵。我碗大蜆拉麵既湯底好正，調味恰到好處，冇蓋過海鮮原本既鮮甜味，而蜆肉亦新鮮爽口，所用麵底同配料都好夾而我同事都話佢碗豬骨湯拉麵好好味，冇一般拉麵舖咁油，口味好岩女仔食。

一直以來都很喜歡吃拉麵，但豚骨湯雖然香濃，卻感覺太油膩，只能偶爾一吃。昨天第一次去稻拉麵，發現有雞白湯魚介叉燒拉麵，湯底較為清爽，但仍舊帶有濃郁的香氣，食落別有一番風味，而麵既粗幼度適中，輕易掛湯，店家自製既叉燒肉質亦不錯，整碗份量亦剛剛好，食完麵飲埋湯都冇咩負擔感，非常滿足肯定會再次惠顧，下次要試豚骨拉麵

之前十月睇到報紙推薦，已經去左試食，印象都幾好。前幾日，約左朋友一齊黎食野，舊地重遊，今次門口擺左一本餐牌俾人望，第一眼望落去發現冇左我之前食的大蜆拉麵，反而推出左6款全新的拉麵；九州拉麵，赤拉麵，黑拉麵，野菜拉麵，元氣之源拉麵，豬骨湯擔擔麵。等左5分鐘左右就有位，入到去店員就推薦用黑蒜油做的黑拉麵同用日本辣醬做的赤拉麵，店員特別推薦赤拉麵，即使唔食開辣都OK的，唔食辣的我決定試食赤拉麵。今次拉麵可以選擇味道濃度，油份濃度，蒜蓉，麵的軟硬度，赤拉麵湯底係豬骨湯底，配料有蔥，芽菜，木耳同豚肉。拉麵同芽菜的配搭一流，麵質爽加上芽菜更加爽口。辣度OK，對於我唔食辣的都可以接受到。朋友就食壽司定食，賣相都可以，有三文魚沙律，五件壽司，價錢都OK的，如果多多一兩件壽司就正。店員驚我唔食得辣，特登俾左杯冰水我，以防萬一。

行開Apm,唸住apm d舖頭都食過哂,又多人,就揾下有冇其他特別野食下,咁啱友人話想食日本野,後來就揾到呢間。 地方唔難揾,一睇門面,好高級,門口有幾張高櫈俾人坐係度飲啖酒,吹下水,幾好. 好好彩,等佐幾分鐘就有人帶我地入去坐,我地坐佐係吧台度,咁啱有個師傅係度切緊魚生,見佢擺到條刺身魚好靚,搞到我地都忍唔住叫佐條 (本來影佐相,俾人唔小心del佐 )後來我叫佐猪軟骨拉面友人叫佐個壽司定食!两人消費共300幾!物超所值!下次過開觀塘再去.

朋友介紹到位於觀塘的稻拉麵，名字好熟悉，有人排隊，立即跟隊去試。先來一個义燒拉面，麵很彈牙，而且义燒很香，果然是名不虛傳。再來幾客串燒，包括括雞肉及牛肉，同樣拍案叫絕。最後發現原來有酒精飲品供應，下次一定約埋朋友到此一聚。

尋日睇見報紙報導，觀塘啱啱開左間拉麵店，所以今日專誠去試一試！鋪頭地點較難找，由地鐵站行去，差唔多要行15分鐘先到，呢個比較唔方便！今日大約七點去到，可能係係工廠區，所以呢個時間冇咩客人！不過呢個唔係重點，先睇下餐牌，就一間拉麵店黎講，真係十分豐富，其它嘅拉麵店只有三，四款選擇，冇其他食物可以選擇，但係呢間稻麵面除左拉麵外，仲有刺身，串燒，炸物等等可以選擇，比較多元化！首先黎一盤秋刀魚刺身，賣相非常有心機，肉質鮮甜，呢個季節嘅秋刀魚果然係好食，店員的介紹果然冇錯！刺身食完就試下串燒，宮崎A4和牛一定要食，肉質非常鬆軟，另外羊架及燒帶子都係一個唔錯嘅選擇。最后當然係試食拉麵，叫左個大蜆拉面，湯底有一般日式拉麵濃，較清甜，唔會飲兩啖湯已經飽肚，蜆肉連殼出，蜆肉亦有相當份量！總括黎講，係工廠區有咁出色嘅食店同有禮貌嘅員工，實在難得！

近年工廠區食肆越開越多，質素更有所上升。記得前日睇新聞，知道稻菊喺觀塘開咗稻.拉麵，決定今日出去做完嘢就去一試。呢度位置比較偏離apm，正常都要行15分鐘左右先到，不太方便。黑色門面，入面以素色裝修為主，加咗少少日式酒桶裝飾，感覺頗grand。首先自己叫咗角切魚生飯連味噌湯。首要問題係碗太細，想拌wasabi及豉油都有困難。一碗飯的份量適合女仔胃口，上面舖有吞拿魚、三文魚、帶子、蝦。全部無雪味幾新鮮，吞拿魚呈鮮紅色無筋，帶子得2小粒，蝦有4粒左右但腸未挑乾淨。不過不失，相對拉麵失色。另外有雞白湯魚介叉燒拉麵。雞湯比豬骨湯來得清淡，湯頭幾好飲。叉燒數埋有6至7塊，厚切，用醬油煮過，半肥瘦幾好味，而且相對普通拉麵舖嚟講份量算多。假如下次再試，必定係叫拉麵!