稻香超級漁港 (已結業)

見張優惠劵聽日到期...所以今晚約埋2位朋友出黎食飯聚一聚叫左咕嚕肉...蒜蓉蒸蟶子(呢個抵食呀! $18有12隻)、半隻燒雞同菩提素食除左咕嚕肉...其他幾樣都ok~咕嚕肉同上次食新港分店食既差好遠!!d咕嚕肉size好細件...無肉味(可能d鬆肉「那」得太勁) 顏色非常暗啞...睇到都唔多開胃燒雞幾好食!!皮脆肉嫩!!蟶子都唔錯~~size唔會太大($18黎講已經好抵!)粉絲索哂汁好好食!!!)菩提素食都好好味...不過個獻汁太多...埋單每人$40....因為用左3張優惠劵原價好似都只係$275...抵食...下次有機會都會再黎...不過唔會再叫咕嚕肉

一個朋友好想打邊爐。新正頭+稻香+沒有訂枱,這個「搭檔」足已可以令你「一整晚」的等待。由六點半,等到八點半(可能因為八點半是1st round交枱時間),才有位咋!唔餓都等到餓,即刻交order紙。雜菌湯底,一朕開稀罐頭蘑菇湯味。芝士墨魚丸,芝芯餡好似忌廉粟米湯味。松露蝦丸,蝦丸質地太腍,松露芯,其實同個湯底味差唔多。六個人,叫左好多野,駝鳥肉(正!)、滑牛、肥牛、雞肉、牛展(灼過後勁縮,所以一碟唔係多)、腐皮卷筒(第一次食,比腐皮波更好食!)、貢丸、珊瑚蚌(no good)、粉絲、金菇、鯪魚滑(勁多筦茜,大家都非常鐘意!)、牛栢葉、帶子、等等。我覺得主要揀啱湯底,樣樣野都好好食。菌湯烚烚吓,even後加水,兜湯仍然濃!好好食!

平時去開hipot食 諗住黎稻香一試 反正都係同一個集團 點知原來hipot 真係比唔上稻香多多聲! 尤其係份量~ 坐既環境~ 都差好遠星期日至四既 9點後 好平~ 我同老公兩個人叫左7樣 +埋湯底就8樣野 平時以hipot既份量一定唔只叫咁少 我地諗住佢無咁多 所以一開始已經叫左咁多 諗住叫住先 轉頭再叫多一轉 跟住再叫甜品 不過原來份量好鬼多 只係丸咋 hipot個邊叫個38蚊既丸 得個3-4粒 諗住應該都係咁上下 點知叫18蚊既丸 成十粒有多不過d包心丸真係要小心 佢裡有湯水架 所以會好熱 要小心!個價錢個d影晒架喇 不過唔夠位放上黎包心蟹粉雞肉丸 $12 (正價$18)芝士包心墨魚丸 $18 (正價$28)仲有個咖哩牛肉丸 $15 (正價$20) 叫左 不過佢漏單 所以都算數 反正食唔晒~佢有張 有紅色 黃色同綠色 3種色既菜單 代表3個唔同既價錢 有$28 $18 $12 佢$12以菜為主 所以我一個都冇叫叫左3樣18蚊既餸 再加 扎肉 兩個人真係食到無位再食 本來諗住試下d甜品都冇叫到 因為真係食唔落不過服務方面 我好認同樓下 佢地開茶真係會忘記 同加水都係會

我今晚家人到九龍灣分店吃火鍋, 職員分配左枱給我地後, 問我地要咩茶, 可惜, 轉個頭這位職員已經完全將開茶的事忘記. 催左職員多次但完全冇人理我地, 更過分的, 係到我地吃完晚飯11時左右, 仍未有給我他開茶!!! 問伙計點解到食完都冇水畀我地, 該伙計就將責任推卸到另一伙計身上, 話佢仲咩唔開茶, 點知男伙計就指住我地張枱上面的水(其實係d菜的水), 就話係茶壺流的水!! 但係當時枱面上一個茶壺都冇!! 咁即係咩意思?? 就算唔認錯, 都唔係咁既態度!! 實在太離譜了!! 仲唔止咁, 問佢地要火鍋加水, 答完一句"哦"就算! 甚至有d當聽唔到! 又係催左n次之後, 直至我地忍無可忍要自行加水!! 問佢地要咩, 冇咩, 催幾多次都係冇!! 難道呢d就係上市集團所謂的"優質服務"嗎?? 這次實在令我極之失望!!!!!!! 我地以後都唔會再幫襯!!

今日中午在此飲茶, 順便book埋今晚打邊爐. 但門口個女侍應態度已有點寸, 佢話得6:30 同7:30, 我問7:30其實要唔要等, 佢話7:30其實係等之前d人走左先有位, 咁我怕book 左都要等就選了6:30. 佢又叫我一定要準時.6:30到達, 全場已滿, 但我都有"卡位"坐. 點了: 醉雞湯底, 雲吞, 水餃, 皇帝菜, 手切肥牛, 黑豚肉, 脆腐皮等. 湯底都算足料 (有當歸, 圓肉, 杞子等), 及一碟雞肉 (估計是已解凍的冰鮮雞). 湯及雞肉都好味. 可以一試.跟住一路等, 再於15分鐘後上雲吞, 水餃, 又10分鐘上皇帝菜, 又等再上脆腐皮. 這些食物的味道ok (其實係無咩特別), 但續碟續碟等上, 慢到離譜. 最重要的肥牛及豚肉等了成個鐘都未有, 我先叫了侍應追單2次, 但個個侍應都無追 (其實係人手唔夠, 個個都忙, 個個都話幫我追, 轉頭又做其他野). 最後其他食物都食完, 唯有再追一個女部長. 再等15分鐘才到. 我想問切肉及執料要幾耐? 事先唔係執定咩? 唔好話比我知是即叫即執囉, 我係唔會信的. 其實我都好想快d食完快d交位, 點解慢成咁?

九龍灣德福一向食飯都很多人。尤其是稻香，人龍真係唔可以講少。今日就特登六時都未到就到佢門口取票等位，人依舊多，但食物就差到真以為入錯門口，這間是稻香嗎?首先，個燉湯就鹹到飲了一半就比噃佢。紅燒豆腐 - 豆腐好似直接上枱，加數件翠玉瓜就算。真菇雞煲，只覺自己在吃骨頭。古法班片，一般無特別，其實不算好吃啦。芋頭糯米飯，很失望，根本是炒定的。大閘蟹還算可以啦。最後是芒果布甸，妹妹還是很愛吃。上市公司還是要照顧我們食客的要求掛?

原本諗住稻香質素有番咁上下，價錢又似乎大眾化，於是就帶啲初到港的親戚去食晚飯，估唔到而家由服務以至食物的質素差到不得了 ...1. 服務訂位時己強調食晚飯小菜（相信她應該明白我們不是火煱吧！），去到酒樓，比張係打邊爐的檯我們，我們以為冇其他檯，ok啦，睇睇下嗰一張daily轉的menu，就問下侍應姐姐有冇套餐menu，她面色一轉，好似好艱辛才找到一張有可以叫一席or半席的set menu比我們。睇緊之際，另一個侍應姐姐走埋嚟問我們喺咪食小菜，跟住就冇聲冇色地揸住張檯布過嚟，她自己把我們的火煱食具好唔滿意咁“扔”到檯中間，鏗鏘有聲地收走，張檯布由檯邊自己“sip”開去，我們唯有自己拿拿林攞住自己酒杯、碟、碗、筷子等用具，還要有多余的手幫她“揚”開張檯布。記住，成個過程她無唔該我們，反之她表演得我們好麻煩。攪咗一輪，我們問有冇例湯之際，侍應姐姐互相之間又變多張特價menu: 優惠孖寶之類的東西。我於是問還有冇d menu 係我們未問而又未找到出來!!!!Anyway, 啲小菜以極速9秒9的速度出來，檯面冇位放之余我叫侍應姐姐不如把某一碟小菜轉細碟而同時我老公叫她不如d菜出慢d。她好似明

話說呢日，係早上book左張13人既台，食壽宴既到左8:00P.m，我地各人到齊，入到房，張台坐得11人，都算，迫d坐之後有個阿姐入黎講，無壽包wo！我班親威就火火地我地明明book左，你同我講無，咁算喇到08:30叫上菜啦，等到08:45，阿姐再入黎同我地講無炸子雞，換沙疆雞比你(大家知佢地既分別啦)，我地都算，換啦之後再話：花支抄XX(我唔記得XX係咩= =")，無花支wo，轉墨魚比你啦我地成班人火都起，花支，同墨魚丸，原完兩回事囉！！！之後叫佢嗌經理黎，佢出左去，之後入返黎話：我叫左喇，等佢入黎等到09:00p.m，無人黎，同佢話：經理呢？佢：黎架喇等多幾分鐘，我地就起身走人，呢刻經理先出黎，佢就話乜都有比你仲食唔食= =，我地同佢講，以家唔食喇，埋單之後要去隔離個間食，隔離個間仲好食，又大台，又平我地唔係第一次去呢間食之前都試過，但上次係無包今次三樣送都無，係未有點過份

今日同一家人去稻香食九點後的特價晚飯，等位的時候，我不知道是那位知客忙中出錯或是有心出錯，我們拿著的號碼好像永遠都不會被叫出來先，但是知客向那些比較熟的客人打招呼的 ，號碼會被先叫出來。我忍不住拿著我那張比較前的號碼問那個知客 , 她立即安排我們入座認真地說真食物不算太差，但是那個收錢的服務員真的提供很好的服務給我們，我們向她order 左兩個甜品，但是等了半個小時，甜品還未上桌。那時候那位剛落單的服務員在附近，我們便再問她，她祇顧繼續向前行，然後敷衍地說"落左啦"。然後再等了15 分鐘 ， 我們向令一位服務員問我們的甜品還未上菒，我們想取消，但她回應等等我立即去廚房睇睇，我不知道是我的廣東話有問題 ，還是那位員工聽力有問題，不消三分鍾，立即送上甜品兩客。但是好明顯地是叫別人入廚房拿來的，一個是得半碗滿的而且邊身是沾滿甜湯這個也算了，食完甜品立即埋單，一等又要多等30 分鐘，我不知道是人手短缺還是甚麼，那個前面提及的收錢服務員，又再次進來，我們問她，我們等了很久我們的單，都是黑著臉不答, 祇顧幫其他枱埋單，我們看著一枱比我們更遲埋單的客人，比我們還要先付款，而且當我們再追問的時候，繼續

都好耐冇同朋友飲過茶. 尋日就同朋友去稻香飲下午茶. 2:00 入座其實我都係第一次o係稻香食點心. menu 都幾多野食!雞絲粉皮, 個賣相真係差左d, d 花生醬咁杰. 粉皮雪得好硬, 好似硬得過份得濟, 好似雪左好耐咁煎腸粉, 個寬度好似牛肉腸蝦腸咁. 真係大到... 唔係好想食. 我都係鍾意返d 正常圓形size. 容易食d 又冇咁飽, 同埋都煎得唔脆. 早知叫蒸腸粉算.皮蛋瘦肉粥, 杰度岩岩好. 又夠味又夠料. 個底好多皮蛋. 真係好味. 不過好可惜冇脆脆.碗仔翅, 又唔錯喎. 不過料比出面$10 碗既較少 箭豬, 其實係芋角黎. 我唔食芋頭既, 不過d 刺好脆!咸水角, 有4 小隻, 第一次見有酒樓一碟咸水角有4隻, 雖然係細隻.一放入口好熱. 燙口的! 超脆! 個皮又夠厚!蘿蔔糕, 又有4 件, 味道麻麻, 同其他酒樓冇乜特別蝦餃, 細隻左d. 不過都幾多蝦同埋夠爽奶皇包, 鳳爪都有幾多隻, 同埋隻隻都算幾大.燒賣王, 大大粒, 成粒都係蝦炸豆付, 真係掂喎, 外面炸得好鬆脆, 一咬, 入面勁熱, 然後d 豆付勁滑咁o係個口度朗朗下!XO醬炒蘿蔔糕. 講真d 味道唔係好平

上星期五晚 Book 了 8:00，7:50 去到才發現他們根本沒位，是等你去到了，他們才安排非常多人聚在門口鼓譟我帶著老人家，站了半小時才有位本來想吃火鍋的，見小菜有檯就算了，實在不想再等一坐下，侍應就 sell 個 4 人套餐 $598散叫餐牌只得一頁紙，而且叫 8 樣有 3 樣話賣晒8 點幾咋喎？如果我 9 點後來，是否會只剩白飯？一蚊雞很細小，而且肉很鞋燻蹄有股怪味，很難吃其他東西不過不失，反正沒吃到好東西就是了服務也不大好，不過這倒無所謂，知道佢地忙7 個人吃了六百多元不貴，但比這個好的選擇，絕對多的是

25號(星期三)獨自去左九龍灣稻香叫一蚊雞,今次隻雞一般九龍灣稻香既一蚊雞係做"貴妃穗香雞" 是晚叫了以下菜式:1. 貴妃穗香雞,隻雞冇咩雞味,雞肉亦略為粗鞋,不過一蚊雞,算啦2. 魚湯花膠雜菇浸白菜,魚湯幾有鮮味,味道剛好,花膠不腥,雜菌同菜都幾入味,唔錯3. 海哲拚青瓜,清瓜好清甜,海哲亦爽脆,配埋個有麻香,微辣,酸甜既汁,有一種清新解膩既感覺呀貴妃穗香雞一隻 $1 魚湯花膠雜菇浸白菜 $55 海哲拚青瓜 $23 白飯一碗 $10 茶,芥,加一 合共 $100 用DBS信用卡簽賬有八八折優惠 總結食物味道過得去啦,服務幾好,環境同衛生亦可以,有機會會再黎既

12月31晚同朋友呢左打邊爐!9點之後入座有9折!!仲有$1 豬骨煲同$12碟肥牛tim!我地大約叫左11碟野!都係d丸呀雲吞普通野.但真係幾好食呀!!!最鍾意佢個豬骨煲!都有4大舊豬骨嫁!咁先$1 ! 抵到爆! psssss. 本來諗住1邊打邊爐1邊等到12點迎接1月1..點知佢地11點幾到off哂電視...想趕我地走.....呢樣要扣分....!!!!但我地都食到12點幾...野食係好嫁!我地3個人咁食, 再飲左6支cola ! ($10/3支)先係70幾到...咁ga價錢好過係任食....任食1來d野食質素差好遠..同埋都唔係食到太多......無咩抵唔抵之分..... -v-

新年流流, 公司開年飯, 梗係要預早找一間心水食肆, 預先book定枱,在新年前已book定枱了, 年初八12時半兩張大枱, 公司開工飯, 12點15分懷著愉快心情去攞位.未到達門口, 已感到萬馬千軍的氣勢, 心想: "哇, 咁多人o係門口o既?"仍未知自己大禍臨頭, 諗住自己book左位好穩陣, 去攞位時竟要排隊, 知客小姐話我要輪候第九張大枱, 仲要兩張枱分開坐. "唔係嘛????!!!!"原來這家酒樓係booking都接, 任何人打來也會接受booking, booking list我諗超過一百個客(係同一時段喎), 跟住叫book枱的客排隊慢慢等..."哇, 有冇攪錯呀! 唔通要成間公司o的人o黎晒, 等半粒鐘至一個鐘食飯咩!"但知客小姐唔理, 繼續收客, 叫book枱的客人慢慢等位... "係冇位的了, 要等!"就係因為濫收booking, 所以門口聚集了過百人, 所以做左booking的公司的人齊齊來了這家酒樓等位... 看似好好生意, 其實係佢地行政失當...明知唔會有咁多位, 就唔好接受booking, 咁客人有得揀, 唔駛o黎到先知冇位...臨急臨忙, 叫人地每間公司

今日難得全家一家四口人齊 媽媽就提議去稻香飲早茶我同家姐都冇咩所謂 反正好耐冇去稻香飲茶香煎菜肉包落order 等咗十零分鐘 第一碟送黎既係香煎菜肉包一碟有三舊 爸爸好慷慨咁比咗媽媽食咬落去 微暖 唔脆 似乎係整定好耐料就普通菜肉包味 味道唔差 但冇預期咁好奶皇馬拉卷冇咗原個既馬拉糕 有少少失望 雖然都幾好味 但始終鍾意深啡色既馬拉糕翡翠帶子餃$18.8好貴既一道點心 但味道完全唔特別入便食唔到有帶子 反而有蝦仁 重有莞茜味我唔係太鍾意 其實唔差 但唔值呢個價錢日式煎餃子味道不過不失鮮肉菠菜餃(中點)呢個反而有驚喜 皮薄 菜多過肉 清清地 唔錯不過爸爸就對呢類菜餃冇興趣 所以冇食潮州蒸粉果(小點)我覺得都幾好味 可能因為冇我憎既莞茜味啦入便有花生 沙葛等等 爽口 好味家姐一向唔鍾意食粉果 所以三粒剛好夠分雞蛋豬腳薑(特點)好耐冇食過豬腳薑 味道相當唔錯 雞蛋入晒味好正豉汁蒸鳳爪(大點)又係不過不失既一道點心家鄉咸水角(中點)稻香既咸水角不嬲好好味熱辣辣 外脆內軟 食得出係即整可惜家姐不嬲好憎食咸水角 都好 益我時蔬牛肉球(中點)我至憎既點心 都唔明有咩好食黑椒牛仔骨(特點)味道唔錯 帶