石澗日本料理 (已結業)

難得今日放假，踩單車入左大埔，再同幾個朋友一齊出黎食放題放鬆下。聽說大埔有間放題價錢不算太貴，於是去左試下。我地叫左幾款刺身，菜來得不算太慢，但刺身不算太新鮮，選擇也不算太多。我們還叫了燒牛俐和蟹粥，燒牛俐味道還可以，不過有點燒多了。蟹粥也是不太新鮮，粥底看來是用冷飯來煮的，而且蟹肉味道不太好。唯一叫做不錯的是蒜香三文魚頭，味道不錯，聞落挺香的。總括而言，價錢計埋雜費，也不算是特別便宜，，方便大埔居民。

算一算，都有一年幾未有寫食評啦！原因某次睇到别人某些食評時，好似完全將事實顛倒咁，因我都曾經光顧，該店食物顯然價格超貴兼水平一般，但偏偏食評對其讚不絕口，頓然覺得好沮喪兼無乜意義再寫....但今日為咗食石澗食到一肚氣，不得不再執筆，將怨氣宣洩！由於睇到OpenRice食評，對大埔呢間石澗好評如潮，於是喺一月某晚九點曾到光顧，可能我哋當日單點每款食物，並唔係封頂價，所以每款食物都似樣，而且味道亦可，所以，一見到有放題團購，就冇考慮咁馬上買咗幾張券。我哋訂咗年初七食5:00-7:00pm，於是下午4:50pm已到達。可能時間尚早，當日連同我哋幾個及其他顧客到達，只係得兩張枱而已。雖然餐廳已開門，但仍然未開燈，只見一班侍應喺潻黑下睇緊電視，完全當外面嘅客人透明一樣...到咗5：05pm終於開著燈，但就冇人出嚟招呼？？？我哋仍然似透明人咁！於是一行成十人自己行入去，要叫D侍應生至識埋嚟呀！好啦，因團購寫明係限2小時放題，並訂明於結束半小時前係最後落單，所以馬上入紙落單。點知？等到5：43pm仲未有食物上枱，餓死我哋啦！望一望厨房？D師傅/侍應全部都係停哂手周圍望或睇電視，完全好似拖慢嚟咁...

本人因今次既經驗而第一次上openrice留comment! 如題!食過最差既日式放題!! 入場時段晚上9點聽朋友講石澗係唔錯既放題就帶埋女朋友黎食下啦 。坐低後就開始tick有咩食啦。款式都幾多，最後主要叫左刺身，燒物，炸物 。首先黎到既係天婦羅同燒帶子，味道都中規中矩，食完呢2樣野之後就係惡夢既開始…食左頭2樣野之後，等左勁耐 ，都未黎其他野，大約2個字之後終於黎左啲刺身。但係啲三文魚同帆立貝勁難食，完全冇味又干爭爭，勁似放左係室溫一段時間再拎出黎 。都算數，再黎燒物，雞軟骨同多春魚，真係要講粗口，食落去硬到一個點似成舊拎去炸完再攤凍拎出黎比我食 。心諗雖然唔好食但都要飽住走 。點知佢除左啲野唔好食外，啲野仲要黎得好唔齊!!! 自問平時食放題都唔會叫得過分多，叫完唔夠食再叫，第1round叫左10樣野，佢黎得5，6樣，仲要隔勁耐黎一次 都算數，再入紙，再等，再黎唔齊，再算數，再入紙，再等，今次係唔黎tim 。嬲到一個點，叫個staff黎跟跟佢，佢比左張list我問我邊樣野未黎，我睇落又好似都黎得好齊，跟住就發現原來有好多tick左既佢冇幫我落

今次真係好嬲！諗住新年食餐好既，去左依間到食個放題，見到d評價都幾好丫，200幾都ok ge. 咁就去食啦，點知就中左伏！！首先野食既種類又唔多，咁都算啦 ！好啦，我地叫左10幾樣野，等左勁耐先黎得個少少，餓死我地😭😭 d味道仲要好普通，雞翼好咸，刺身又一般，三文魚又唔好食😭仲有呀，d壽司又係mama地😭😭😭D野食等左真係好耐都唔黎，吹極都唔黎，d staffs 又好奶奶閒咁，真係食得好唔開心！諗住算啦咩都唔黎咁就食個雪糕算，點知連雪糕都話無！！有無搞錯 真係未試過食到咁嬲，就連埋單都埋左10幾分鐘先走得！！天啊，新年流流咁樣無左200幾蚊真係好唔抵！！老實講，真係唔會再黎依間食放題！

遠是遠了點 , 不過晚上由熱鬧的大埔走進寂靜的大埔 , 那段路都走得幾舒服。今晚食放題的地方是在二樓 , 進入大門口後 , 靠左沿樓梯走上。臨行前 , 見到一個大廣告 , 以它的意思應該是放題內的食品皆可以「逐件 / 客 點」, 最底價錢是 $ 3 , 最貴也不超過 $ 25 , 而且封頂價就是放題的那個價錢。 終於 , 爬樓梯走到上二樓 , 嘩 ... 食店範圍好大 (兼好 canteen look !)侍應生招待我們坐下後 , (為甚麼我會特別拍攝這嚿 「泥膠」?) 是有手指痕的 wasabi 嗎 ?點菜紙只有這五張 , 但內藏十二款項目 , 分別是前菜、刺身、 壽司、卷物、手卷、沙律、燒物、炸物、鐵板燒、麵飯、飲品 (飲品是可口可樂系罐裝汽水) , 但也有歡迎任取的康師傅。 剔過點菜紙後 , 就是等待 ......我們點的刺身要出場 , 雖然所有刺身食材都是放題店的常客 , 但是如何 / 有否將它們降雪味 , 倒考刺身師傅的功夫。 魚片切得厚薄適中 , 涼涼的肉質沒有夾雜碎冰 , 魚的鮮味也在口中漫延。 有頭甘海老多膏多籽 , 肥美彈牙 , 肉質起膠鮮甜。 好味到要二道 enco

食評標題為 "奇趣放題" .... 日式放題當然沒什麼新奇趣怪~  我自問食放題都算係食得多又密, 究竟這間放題又有何奇趣呢? 等一下, 大家就會知~奇趣一: 地點此店位於, 大埔汀角路.... 假設我告訴各位, 交通便利地點易找的話, 我就是個騙子! 人生嘛, 不妨行多步, 偶爾到一些偏少少的地區 (以非大埔區住戶來說), 去感受一下吧! 不過, 這店的老闆竟能想出在這地區開放題店, 我也真的佩服!由於不是地舖, 所以商場/大廈的牆身有大型廣告牌以作宣傳~步進大廈再沿著樓梯上二樓 .... 便到達食店~黑板上寫滿了有關放題的收費/優惠.... 可惜我眼殘, 懶得去睇, 一切交由太太解決 (笑)食店內在環境非常寬闊光猛, 裝修簡單, 沒有傳統日式的裝修, 但還是略帶和風的~奇趣二: 服務大多數的侍應生都是笑容滿臉, 使場內的氣氛十分輕鬆, 侍應生在上菜放碟時都十分小心~餐具都擺放得井然有序, 而且也頗潔淨, 豉油瓶也沒有漬/黏黏的~ 讚!點單紙也擺放得整整齊齊~雪糕, 凍飲 任食任喝... 請隨便! 自己動身去拿! Wow, 睇見開心! 刺身是大路貨式, 件件厚薄適中, 沒雪氣, 質素

有一段時間已經沒有食過自助餐，放題更加未曾食過。但是最近放題卻密密吃，似乎成為今期的焦點，亦因為多吃了日放題，也吃多了各款食材和其他日式食物，而且無論是放題也好，或自助餐也好，店方都會提醒請勿浪費食物，是否加收附加費，這是應有的原則吧。今晚來到大埔，實是已有一段時間沒有來過了。雖然如此，但依然約好了好友，到石澗日本料理吃放題，一來可以一邊吃一邊聊天，是何等的暢快呢！餐廳四正也偏向長方形，而且面積也較大，座位間也較闊落，主要以木枱木椅為主，餐廳也開辟了一間廂房，讓客官也以包房，讓一班朋友在內歡聚吃飯，可謂樂得其樂呢！餐廳的盡頭，可見一出品處，也是餐廳的靈魂所在，亦見廚師密密手製作食物。飲品方面，有一大的冰櫃，盛載了康師傳系列的飲品，可以自由地自取喜愛的飲品，當中有紅茶，水蜜桃和番石榴飲品。吃放題固然會有像點心紙般的點菜紙，從中可以勾選喜愛的食物，當中有一品料理，包括了枝豆，薯角，芝士雞，也有粥和三文魚頭；炸物就有天婦羅业粟餅餃子等等；刺身不用多說吧，當中也螺肉帶子裙邊呢！還有揚物手卷壽司，沙律燒物飯麵和食等應俱全，物種之多，也可以吃得飽飽呢！先來個刺身併盤吧，當中有甘海老，三文魚，油甘魚

晚餐gathering成班朋友唔想在蕃滿門等位食西北風，走咗去對面食放題。大埔其實是一個福地，民以食為天，你要食世界各地的菜式都有，先有紅van華輝雞批 再到三小姐大排檔粵式風味，再有das gute的正宗德國豬手，東南亞代表就有廣福道的莎士亞咖哩（跟米芝蓮一星的筲箕灣「恆河咖喱屋」味道是一樣的，但莎士亞屹立大埔廿載），法國菜就到火車博物館哪邊去吧，而超級城新開泰菜so thai so good都大受歡迎！兔兔貓知道大埔友飲食消費力太太太太强了，不過面對近年大埔的飲食板圖擴展到太和區，I mean芒果大王那一邊，看到蕃滿門天天大排長龍，唔想排不如同自己講食好的，食餐放題吧！大埔友要食放題，永遠要出旺角尖沙咀，煩死人！最近知道大埔有放題了，嗯，這個消息應該跟大埔有戲院開張一樣令人期待。石澗放題在明星酒家後面，斜對面是芒果大王，對面是八妹雞煲，地段算是不錯。門面易找，不過要上樓梯。到石澗放題進餐比較特別之處是，這裡可以有散叫到一定數量便有封頂價，細食的可以和朋友來散叫過口疕，心血來潮又可以來個大吃特吃，超貼心的！有時候，港女會唔明白為甚麼拎住舊生勾勾魚生喺度食，講笑啫，生勾勾的魚生不知幾鮮

一向對自助餐並不狂熱，因為重質多重量，日式放題如是，上乘刺身怎可能任吃呢？要知道人家是有成本的！但細心想一想，放題各式其式，串燒一品鍋飯麵皆有，如果廚藝能幫補，材料不必名貴也可以煮成美食，總不可能天天豪吃，總要找些花費不高而又吃得開心的放題，偶爾放縱一下！見食評，石澗口啤不俗，剛好走到大埔，順道一試。不同時段放題，每位價錢不一，定價亦合理，周五晚旺場有附加費，即是＄218+$20 =$238/位。估計市場上所有日式食品都已經包括在菜單內，點心紙形式，五款單張包括12類食物。胃納有限，挑選精彩的來吃。開始少不了前菜及刺身。 前菜5款，思考了一會兒，選了帶子裙邊及和風柚子沙律，意想不到的水準，帶子裙邊異常爽脆，醬汁滋味且有回甘悠韻 ；後者柚子汁濃郁 ，清新可口。各款刺身皆新鮮，但一般貨式，並不油潤，無鮮甜滿足之感，唯有甘海老，肚含綠色蝦子，不詳出處，也許知道有限，以為只有來了北海道的牡丹蝦方有綠色蝦子，後者卻價錢不菲！希靈魚特色，魚身黃色並疑似，但質感有些奇怪 ，試一次已經足夠。 壽司賣相有心思，創意配搭並把配料放在中央增加視覺美感。右起火炙松露三文魚、火炙明太子帶子、比目魚

壽司，特別是握壽司的大小非常講究，要以一口可吃下為標準，壽司飯不能過鬆或過實，捏製相當考功夫，不能進口像石頭，也不能筷子一夾就散，而且醋香和飯香必須同時兼備，方能稱得上極上壽司! 所以比起刺身，做壽司更加考功夫，所以雖然刺身比較貴，但是刺身可以自己買來吃，而壽司就真的需要有師傅去製作，難得出來放題，當然不能只看著價錢來點餐，而是應該點一些自己難弄的料理來吃，加上一般人放題都不會太著重壽司，所以個人認為透過較少人點而又考功夫的壽司可以看出餐廳的誠意，而且也很少人會在放題餐廳專門為壽司寫一篇食評，但我覺得壽司也是放題的重要一環，所以就專門寫寫這裡的壽司。不論是握壽司或是卷壽司都好，除了用料之外，好不好吃很需要看師傅的功架。除了常見的握壽司，這裡還有頗多非傳統的卷壽司，當然是不能錯過。這個芥末海老握壽司，上面塗上了少量芥末醬，蝦肉晶瑩彈牙，鮮味之餘略帶微甘，而芥末醬並不非常刺鼻，帶出了蝦的鮮味之餘亦能讓壽司變得不平凡。飯粒飽滿，不散於筷子而散於口中，雖然醋香略嫌不足，但亦能稱得上是上品的壽司。軍艦壽司除了對飯有要求之外，更加需要看紫菜的質素。紫菜要香脆之餘亦需要把米飯緊緊包住，而且上面的餡料

老遠去大埔食放題,當遊車河啦!廚房開放式,一眼就知係香港人開,大包圍嘅食品,沙律刺身壽司炸物燒物鐵板燒一品料理,就連汽水,康師傅同埋雪糕都有,每人$238.咁就樣樣試少少,兩個人差不多試哂所有嘢.三文魚肥美,希靈魚刺身幾特別,身係黃色嘅!查wiki都搵唔到係咪!?啲味道唔錯.壽司似樣,放d醬係中央,幾好睇!夾起飯無散,手卷紫菜乾脆.試咗幾款都滿意! 燒物有心機慢慢燒,醃得入味,燒至香口,試咗雞翼,牛舌,一口牛,帶子,日式燒餅,最欣賞圖中嘅豬軟骨,硬硬地幾好咬,夠香脆.仲有必食燒甜粟米,燒菠蘿,炸蠔.仲食咗好多一品料理,全部炆得入味,例如冲繩苦瓜,炆豬軟骨,地獄汁炒蜆,地獄拉麵夠刺激,蟹粥清甜.再講就將個餐牌抄哂出黎,啲嘢得,抵食,可以再幫襯.

因為有事想請教友人, 所以便相約友人到大埔晚飯聚一聚, 雖然自己最愛「捐窿捐罅」周圍吃, 但也未及友人對大埔的了解,而友人得知大埔區有間放題店,店名是石澗日本料理, 便提議不如一路食放題, 一路交流下大家的意見, 而對刺身極之喜愛的我, 當然想也不用想, 即時接受友人的提議。石澗日本料理位於榮暉花園的商場內, 由大埔港鐵站步行過來大約要十分鐘時間, 地下入口是舊墟茶座小食館, 由樓梯直上來到一樓才是石澗日本料理。店子佔一樓全層，餐廳面積敞大，全場約有一百五十個座位，裝潢簡單企理，地方整潔而檯也擺得不算密，設有散座及卡位, 餐廳的盡頭是壽司吧及廚房位置。我們是晚上7:30pm到達, 所以價錢方面便是19:00-21:00的時段，星期一至四是$218，星期五六日及公眾假期要加多$20, 即是 $238, 同一般放題一樣是限時兩小時; 而比較特別的是餐廳在放題時段, 提供多一種收費方法給客户, 就是用單點食物來計，食物價格由$4起，最低消費每人$50，重點係有個封頂價，即是話就算客户每人點選的食物總收費高過封頂價, 也不用擔心, 因為餐廳也只會收封頂價, 對於細食的人來講就比較化算，對於大食

好久沒有吃過放題了，是夜來到了大埔的一所設有著「封頂價」（最高消費額）的日式放題餐店。門口還真好不起眼的……店鋪不是位於地下而是樓上。地下是同公司的茶餐廳，走了幾級樓梯到達上一層便會看見這塊大黑板，價格同樣根據時間及日期而變，詳細的話可以放大這圖片來看。店鋪面積都還真頗大，至少我去過好幾間放題店都是很狹窄擠逼，這裡卻空間感十足。最後方是廚房位置，一旁轉角是洗手間。這裡的選擇真的不多，只有五張紙。繼先前所提及過的這裡有封頂價，目的就是方便一些胃口小吃不多的人能夠不需硬性規定收取放題價而根據食量而決定收費，而胃口大的又能直接以放題價結帳。先上一大盆雜錦刺身，三文魚、帶子、半熟蝦、甘海老、海螺、赤貝、北寄貝、油甘魚，全部都尚算新鮮味道還可以。因為叫了頗多食物，就說幾種推介的吧！牛油燒粟米除了燒得香口，粟米都非常爽甜。我很少吃炸物，這客紫芋甘粟餅卻意外地不錯吃，炸得鬆脆不厚粉，餡料又多味道帶絲絲甜。串燒海蝦不過鹹，味道上還可肉質也沒有好軟爛。這個冷豆腐份量還真令人無言……不過算嫩滑吧。很欣賞餐廳設封頂價的做法，不單感覺更有人情味亦更令人容易記得。

大埔雖然大，但是說到放題好像就只有這間應該算是新開的石澗，雖然說沒有競爭的地方通常質素都不怎麼樣，但是這間石澗暫時看來又不是這種情況~ 食物質素相當不俗，特別是這裡的天婦羅!刺身、天婦羅、燒物等等當然是第一輪必點的東西~ 刺身種類沒特別多，但亦足夠，比較可惜的是沒有吞拿魚；天婦羅方面亦沒有軟殼蟹，整體來說食物款式略嫌少了一點不過刺身雖然種類上不突出，但是這裡的刺身卻有一個特點是外面沒有的，就是它的刺身上用了松露來裝飾&調味，有別於其他放題或日本餐廳~ 松露味道非常濃郁，在口腔內久久不散，所以配刺身吃的時候不能配太多，否則會蓋過刺身的味道，但若份量剛剛好的話，刺身的鮮味不但不會被覆蓋，反而會更上一層樓! 刺身新鮮是作為日本餐廳的基本要求，但要做到更高層次，除了在賣相等等多花心思之外，就得像石澗一樣發揮點創意了!這裡給我們的第二個驚喜是松葉蟹棒天婦羅。雖然沒有軟殼蟹可點，而且天婦羅的款式極少，但是這裡的蟹棒天婦羅是以鮮味極濃的蟹腳棒來製造，外層炸粉薄薄一層，鬆脆香口，裡面的蟹肉鮮甜多汁，極為出色! 唯蝦天婦羅就沒有像蟹棒一樣驚喜，雖然蝦還算大隻，但是相對之下就平平無奇~炸物選擇不多，比較有

好多時食放題，重頭戲九成都系刺身又或者貴價可以極速歸本既食物，例如蠔呀，帆立貝之類，但系食甘多次放題，唯獨石澗，系會令我不斷不斷甘食天婦羅!! 天婦羅或者炸物通常都系點到即止，因為始終都系油炸既食物，熱氣又易肥，但系，呢度既天婦羅真系令我愛不釋口!!雖然佢地既天婦羅(其實基本上所有種類…)既款式都比較少，天婦羅基本上系得4款，但系就已經有最重要既蝦同埋蟹棒~ 天婦羅蝦雖然唔系好金黃色，但系色澤都算靚，外皮鬆脆，裡面鮮嫩，炸完既蝦就算縮咗水都仍然好長好大隻~~ 蝦肉味道新鮮，亦好彈牙，點埋佢地既天婦羅汁，中和咗部份既油膩，同時提升咗蝦既鮮味，正!! 不過最正既並不是蝦，而系蟹棒! 佢地既蟹棒並唔系普通既料，而系用咗松葉蟹棒來整天婦羅，肉質一絲一絲，食落非常多汁，蟹既鮮香同醬汁混為一體，加上脆脆外皮，真系非常出色，完全滿足咗好食同快歸本既兩個要求!!其他既刺身呀、壽司、串燒等等味道都相當不錯，但系就欠缺好似佢地天婦羅甘樣既亮點，因為以呢個價錢來講，食物要新鮮要好食都系基本野，去到呢種級數一定要有特別突出既食物先正夠吸引，真心覺得如果能夠有多D款式得來可以keep到目前既質素，(唔計環境既話