影片
港鐵銅鑼灣站 E 出口, 步行約1分鐘
繼續閱讀
電話號碼
36188230
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
「無骨海南雞配馬來肉骨茶午餐 」午餐有海南雞又有肉骨茶，一次過滿足兩個願望！啱晒心多多乜都想試嘅我。雞：覺得肉有少少雪味，要加啲薑蓉比較好。雞肉整得嫩滑，就算雞胸肉部份都嫩滑。皮好肥，有油香。雞油飯：飯有雞湯味，但就食唔到咩香茅味。肉骨茶：湯有濃郁嘅藥膳味。入邊有兩大嚿肉，仲有金菇腐竹冬菇、同埋豆腐卜、材料都算豐富。排骨嘅肉質地好硬！軟骨部份都好硬。環境：★★☆☆☆ 食物： ★★★☆☆ 推介指數： ★★★☆☆
繼續閱讀
下午茶時段，大件夾抵食。見今日咁凍，好想飲個熱湯嗌咗個海南雞飯餐跟餐有一個帶少少藥膳味嘅熱湯，暖胃一流。我最鐘意食海南雞飯，對個油飯都有少少講究。呢個油飯夠乾身，而食得出油香同香茅味，加分！連配菜果三條豆都唔馬虎，不但夠爽脆，又有麻油香如果多幾條配菜就更好雞肥瘦適中，但雞胸唔夠滑，如果鐘意食滑雞我會建議加$10轉雞脾位跟餐泰式奶茶唔洗加錢仲有呢個飯係酮友友好，因為油飯可以加錢轉椰菜花飯啊生酮人又多個選擇
繼續閱讀
好嘔心 束雞毛多到放左入口好似食緊菜咁有口感 仲要收左係雞翼入面 即刻反胃 🤮🤢🤢🤮🙄我係夜晚去食的 一個人叫左個海南雞飯$76埋單 完全唔掂 😣雞肉味都正常 你食到啲毛之前都一切正常食到之後所有嘢都想嘔返晒出嚟 唔建議去 好差
繼續閱讀
從來都沒有去金百利樓上的餐廳，因為沒有朋友介紹，可能果D餐廳唔可以坐太耐，所以一直冇留意。最近約朋友去銅鑼灣食飯，朋友話試吓去這間，我哋在平日2點後去，避過午餐繁忙時間，2點後唔多客人，所以我哋坐好耐都得，由於係非繁忙時間，所以我哋二人坐四人座位，好闊落。我們點咗兩個餐share 食：無骨海南雞飯拼馬來肉骨茶（$98）因為想食海南雞又想食肉骨茶，所以這味就有齊兩個味道，海南雞好滑，雖然雞的份量少咗啲，仲有肉骨茶，好濃味，都食到好飽😋。新加坡叻沙（$62）味道不辣，我哋食唔到太辣，所以辣嘅味道對我們來說剛剛好，蝦好新鮮，其他材料都好多。餐飲叫咗凍泰式奶茶及凍檸檬茶，朋友說泰式奶茶茶味夠濃，我就飲凍檸茶，都有茶味，檸檬都有三片。
繼續閱讀
因事上星期中午時間喺銅鑼灣出沒，之前留意到有間喺金百利上樓星馬菜，仲要好似幾抵食。但見其他人嘅食評有講話有味精，有少少猶疑，仲係到諗緊去唔去之際，聽到同𨋢有人話去食海南雞，一出到街就望下佢哋行去邊嗰方向。心諗連喺呢頭返工嘅朋友都去食，未必講到咁差丫，於是乎就跟咗上去金百利。海南雞飯點餐冇幾耐個海南雞飯就到，唔知係咪睇過其他人嘅食評，覺得雞飯上到檯第一眼覺得有啲hea嘅，可能係我先入爲主咗。先食件雞睇下點。又唔差喎，雞肉滑，味道都好。雞油飯有光澤，有淡淡嘅雞味。另外嗰雞湯幾又驚喜，除左應有嘅雞味之外，仲有幾重嘅藥材味，應該係黨參嗰啲。比較少係啲跟餐雞湯到飲到。喜愛度(5分為滿分): 4海南雞飯拼肉骨茶之後上檯嘅喺雞飯拼肉骨茶，碟雞個賣相好過淨海南雞飯嗰碟。味道亦都同上面一樣正路。可能係拼肉骨茶，嗰餐係配白飯而唔係雞油飯。肉骨茶喺馬來西亞嘅口味，藥材味夠，甘中帶甜。有齊油炸鬼，豆卜嗰啲。肉排有兩件，夠淋夠入味。整體唔錯👍🏻。喜愛度(5分為滿分): 4咖央多士最後就係咖央多，嗰片牛油好厚，好邪惡😈。加埋層咖央醬，味道平衡得幾好唔會太甜。唯獨多士本身唔夠熱令到份咖央多有少少扣分。喜愛度(5分為滿分): 4泰式奶茶、馬來咖啡跟餐飲品正常，無特別驚喜亦無古怪😅。喜愛度(5分為滿分): 3整體食後感就唔覺有食完好重味精口喝嘅感覺。味道中上，好過好多出名嘅星馬菜。仲可以配合生酮飲食，飯改成椰菜花飯，呢方面都幾貼心😍。服務都唔錯，價錢亦合理。留意到佢哋個下午茶好似仲抵食，如果下次下午喺嗰頭都會翻食。
繼續閱讀