泓一拉麵 (已結業)

同老竇行街想食拉麵，上網查到附近有間拉麵店就諗住嚟試下一開始見過菜單都冇咩問題，所以就行咗入去坐低叫嘢食，入到去間鋪氣氛都唔錯我同老竇都叫左豚骨拉麵一開始服務都幾好，好有禮貌，但係見到碗拉麵過嚟我O曬嘴碗拉麵太細碗，基本上食兩啖就冇曬，個湯又厚又淡叉燒又薄蛋又咸，啲醬油蓋過曬隻蛋味成碗麵嘅味道好唔融洽我同老竇，覺得唔夠食所以加咗一份面同埋叫做一份御好燒餃子餃子送到上到嚟嘅感覺就係，細細盒嘅包裝餃子加上大阪燒（又名御好燒）調味材料，餃子皮又硬肉又冇乜同等價錢可以喺葵芳食到更好嘅拉麵，呢一間嘢我永遠都唔會再幫襯

呢間真係不了!! 不只是不太好吃，而是衞生狀況有點令人懷疑。首先店裏燈光比較昏暗，而且還有一點不好聞的味道。我點的是北海道味噌拉麵($76)，有一分為二的溏心蛋和兩片日式叉燒，還有一些椰菜作配料。湯的味道挺濃的，口味還不錯，但肉的品質看起來不太新鮮，色澤比較暗淡。份量也不算多。我媽點的是野菜拉麵($69)，湯看起來比較淡，但吃過後我媽說很口渴，要不停喝水，看來是調味不宜。我爸點了滑蛋雞飯($59)，明明是最遲上菜的，可是蛋還煮得不好。我真看不懂這滑蛋，到底是隨便往蛋倒入一點芡汁拌好就算，還是雞蛋不夠熟？怎麼可能有某部分是透明狀的？雞的份量也少。我不是第一次來了，上次來的時候是一年多前吧，那時候並沒有那麽差勁。以這個份量和質素來說，這價錢相當不值。P.s.那天傍晚還突然嘔了一次，肚子不舒服，明明之前還好地地的😢 至於跟這裏的拉麵有沒有關係，實在不得而知，不敢一口咬定。反正，有不太好的經歷後，不想再去了。

一入到鋪頭店員態度可以周圍氣氛燈光唔錯有日本小店感覺上菜速度大約十分鐘左右價錢一般大約七十至九十幾一碗拉麵小食我無食到因為我淨係想試一試個度嘅拉麵 好重點黎啦我叫咗魚介豚骨拉麵黎到賣相可以但係細碗咗少少我食拉麵第一件事一定係飲湯佢嗰湯第一印象係厚同好淡可能係我本身食野重口個湯得少少魚味所以我覺得作為拉麵靈魂真係麻麻跟住我食咗隻半熟蛋我唔知點解其他人有一開二但係我無隻蛋都係一般可能有用汁浸過到個麵啦我用一句講得哂好食嘅公仔麵完到個叉燒係成碗麵最好食嘅野少少鹹應該都係有浸過汁反而個叉燒真係好食但係我唔會為咗個叉燒而再食(如果有得淨叫應該會)最後價錢92一碗真係唔扺我寧願去一蘭飲佢包翻熱湯好過

一段時間之前食過忘記寫，現在補回首先，嗰兩塊薄叉燒都幾好食但係面係似公仔麵，淋曬，湯底係溝粉出嚟，好淡，好水，我同我另一位朋友一邊食一邊乜乜... 我唔明點解收咁貴一碗拉麵，都要用啲噉嘅湯底？成碗麵嘅分量甚至唔夠飽？喺香港用心做一碗面真係咁難咩小食同樣伏，炸豬厚度得嗰兩三毫米，炸粉太硬，成件嘢都好柴，溝住啲淡淡地嘅湯底頂住先送得完。簡單啲嚟講即係路邊嘅質素。希望貴店可以改善出品，試食下自己整出嚟嘅嘢，起碼都過得良心個一關，否則都係聽執笠。祝貴店新年快樂

下午剪完頭髮肚餓，經過呢間拉麵鋪，呢間鋪頭睇落平平無奇，但香味吸引左我入去，坐低叫左個黑蒜油豬骨湯沾麵，等左大概十五分鐘就上枱，夠熱夠香，先似一啖湯，豬骨味超濃厚加埋黑蒜油香令我食慾大增，再試下啲拉麵，彈牙爽口，煮得岩岩好，極推！

事隔半年再黎到呢間係大圍既拉麵鋪。記得呢到既沾麵同叉燒都有一定水準，估唔到今次既食物質素同服務態度都令人大失所望、怒火中燒。我地6點開鋪入去做第一批客人，女待應掛住玩電話落單過左10分鐘先記得比兩杯杯水我地，等左20分鐘終於有野食，今次叫左黑蒜沾麵。本來滿心期待，但食落真係同想像有好大落差，比之前退步左好多。個湯得個鹹字，一啲魚介/豚骨既香味都無，鳴門卷依舊難食，只有蛋同叉燒保持到水準。難食都唔係問題，當我同侍應提出話個湯好咸，可唔可以加啲魚湯既時候，佢竟然一面驚訝話：「沾麵黎架啵？唔鹹點叫做沾麵啊？」對唔住，其實全港既沾麵我都食過曬，再難食既我都試過，但咁唔尊重客人既鋪頭真係第一次見。沾麵係要濃，但唔係得個鹹字，如果呢個係你地既新特色，希望你既客人之後唔會腎衰竭。

這天來大圍打算踩單車前來醫醫肚，一直聽到朋友們都有聊起這家拉麵店，我個人來說是很欣賞這些拉麵或日式小店，即使菜色不是頂級，但至少在香港這個競爭大的市場，特別是飲食業中求存並不是一件容易的事，對他們的堅持不得不表示一份敬意。店面比我想像中少，穿過一條小走廊，只有大約七至八張枱，可能是位置不太就腳的關係，假日午飯時段也不算多人。牆上貼滿了林林種種的菜式，但店內寫著沾麵每日每款只限售十多碗，當天售完即止，趁著還是開店頭數小時，當然要一試招牌。近幾年不知是否麻辣風氣盛行，出街吃飯總是會心癢癢想吃辣，便點了個豚骨辣味沾麵。不消五分鐘便端了上來，看上去並沒有像拉麵般散出熱鰧騰的蒸氣，最初也覺有點奇怪，畢竟也是打著日式拉麵的旗號，熱湯是基本，不會犯這種低級錯誤吧? 用匙羹舀一勺，一股熱氣撲面而來，原來是湯底濃厚得在表面凝固了一層油脂，即使過了一陣子才吃也能保持溫度。重點要說說他們湯底的濃厚度，湯流下來的濃稠感有點像碗仔翅，以沾麵來說，也是少數將湯底做到這種厚度，我個人偏好沾麵的湯底濃一點，不然總覺得自己在吃拉麵湯另上。湯頭是豬骨為主，調味上有點酸酸甜甜的味道，令我想起沾麵始祖東池袋大勝軒的影子，很喜

唸住食返碗有質素的拉麵點知令我非常失望細碗,賣相差,麵煮得生生地求其,賣得又貴連隻蛋都細左唯一可讚係塊肉維持水準以前成日幫趁覺得係大圍唯一一間有水準的拉麵以後唔會再幫趁

本人一直喜歡食拉麵，亦一直支持小店。今次係朋友介紹去左食呢間泓一拉麵。位置算易搵，就起大圍火車站A出口行5-10分鐘左右。入到去有18-20個位左右(果然係小店)。今次店了個＂特製豚骨墨魚汁黑蒜拉麵＂。落單大約10分鐘就有得食一直覺得拉麵靈魂在於湯底，而泓一湯底總算沒令人失望。先說湯底：口係濃濃豚骨味，不過就沒有墨魚汁味道。可能墨魚汁就純粹令到個湯有顏色？麵底：係好幼身既拉麵，對比起其他拉麵店，泓一沒有提供可以選擇的硬度／湯濃度，但好彩個麵口感適中，不太硬不太軟，配一口湯特別滿足豚肉：泓一強調佢地既＂真空慢煮豚肉＂一咬落去非常軟身，味道有點似炙燒過，好香口附送流心蛋，本人最愛人均：$70-$100

香港出名的拉麵店，大部分都在九龍新界，一位在日式餐廳工作的朋友，卻介紹這家大圍泓一給我，說這裡的湯底很好，而且午餐價錢更抵，我見今天下午沒事幹，就一個人來了嘆拉麵。嗜辣的我選了豚肉拉麵(赤)，午市價真的相宜，盛惠43元。拉麵上有一團辣肉醬很香，辣肉加上香濃豬骨湯，湯頭的味道隨即變得豐富，香滑增添香辣，很不錯。配料很多，很足料，溫泉蛋火候也掌握得很好，咬下去有流心。拉麵方面則沒有特別，可能是用了包裝拉麵，但還能夠接受，聽說晚上採用的拉麵是不同的。特別想說說豚肉，餐廳採用了慢煮方法處理豚肉，因此肉質比一般造法更幼嫩，口感更滑，入口即溶。我很滿意泓一的豚肉和湯底，這個價錢可以吃到這個級數的拉麵，大滿足！

拉麵。每一次去到日本都係必食，亦係我咁鐘意去日本既原因！本人覺得，拉麵係包括左幾樣元素，綜合左以下元素，先係一碗好既拉麵：1）湯底2）麵質3）豚肉4）配菜而今次，我試左向大圍一間叫［泓一］既拉麵長話短說1）湯底非常出色，食得出真係用豬骨湯底2）麵質一般，係用獨立包裝拉麵，不過都合格3）豚肉不錯，豚肉係肥瘦均勻，肉感鮮明，4）配菜足料，足料既配菜令人覺得豐富！餃子方面，我覺得有，如果餃肉肉汁再多點就一流！整體食物方面出色店內環境雖細，但算坐得舒服唯獨服務可以學下真.日本拉麵店店員可能輸左波，好唔開心！又係既，英格蘭輸波！不過唔好浪費大廚咁有心機既食物！

Fatple去文化博物館參觀之前 係大圍覓食經過見到依間拉麵店都幾吸引 就決定入去試試啦～我地兩個都叫左叉燒拉麵賣點係低溫慢煮嘅叉燒 好嫩好腍👍🏻👍🏻麵比較幼 麵質好彈牙🤓湯底勁重黑蒜味 非常濃郁第一次食哂啲麵仲飲埋湯😋 好滿足呀！推薦推薦！

本身今日係去另一家拉麵店，可惜去到門口發現休息，唯有去別處。路經見到這家拉麵店，跟友人商量過後就不如一試啦。入到鋪頭，可能時間尚早，只得幾位客人。研究完餐牌，就點了墨汁黑蒜叉燒拉麵同咖哩豬扒飯。低溫叉燒好好食，就連溏心蛋都處理得很好，湯底不過不失，夠蒜也夠香，唯一要彈的是份量比較少，男生要加底才能飽足。反而豬扒就炸得有點乾，咖哩汁也不太夠。下次有機會會試下每日限定的沾麵，這家店我覺得值得再次光顧。

閒日晚上六點半到，不用等位。舖位好細但都尚算好坐。叫左兩個拉面，湯底係好味嘅，最出色係件叉燒，好淋！份量比較適合女士。叫多個芥末汁餃子，個汁唔錯好醒胃，又唔會煎到‘’肥淋淋‘’可再幫襯嘅小店！

隔了一段時間(為了低温煮义燒再來)肉質好鲜嫩(全無肥膏)再次食~豚骨墨魚汁黑蒜拉麵好香黑蒜味，湯好濃麵質有口感(不會太淋身)，流心蛋(好正)有圖(低温烹法)好味的一人晚餐