永樂園餐廳

營業中

休息中

星期五本來係要帶飯既，但朋友話想出黎食個lunch, 咁ok lah, 始終日日食隔夜飯都會悶。原來大家都未食過永樂園喎，咁就不妨試下啦是日午餐應該每日都一樣既餐牌，有啲似讀小學果陣既手冊封面😂本人叫左A餐。湯就叫左白湯，啲麵包粒好脆丫，至於塊豬扒又係好硬....失望朋友就叫C餐。感覺佢個飯好似好食啲喎，但略嫌唔夠多汁，於是叫伙計加啲汁啦。加完汁之後既樣。點解好似成個飯都唔同左樣既🤔味道黎講，牛肉係幾淋既，但啲蛋又係有啲硬其實臨落order前都知有個熱狗餐，見到間餐廳門口貼左好多明星幫襯既相，就知呢間野確實唔簡單，不過怕食完唔夠飽haha, 咁惟有下次食tea果陣試下啦！

今日係同事嘅last day,佢請食下午茶,我懷著感激嘅心情叫咗個魚柳包加咸檸七.送貨嘅歌仔都算準時, 我等全部同事攞曬先至去攞自己嗰份,點知咁樣就出事啦.pantry裏面淨係得番豬扒包同埋熱奶茶,同我叫嘅嘢完全唔同.奇怪既係豬扒包嘅袋上面寫咗一個"芝"字,但係個包其實完全冇芝士嘅. 睇嚟應該係夥記落錯單喇.當然係照樣食啦,唔通叫人換包咩.個麵包本身真係幾香,豬扒嘅氣味竟然蓋唔過麵包味.但係個麵包硬咗啲,如果遠返少少就好啦.豬扒其實都幾細塊,完全冇任何一部分突出個麵包.打開麵包,見到豬扒只係佔麵包嘅8成面積. 豬扒炸得乾咗少少,好彩有大量嘅沙律醬補救.奶茶嘅茶味好香,但係少奶.一開始可以唔使落咁多糖,如果唔係會嘥晒啲茶味.到真係覺得唔夠先至再落.雖然今次食唔到魚柳包同埋咸檸七,但係豬扒包同埋奶茶都還可以,算係錯有錯著啦.多謝晒呀~我仲未記得個名既同事~

傳聞好多人讚的老店熱狗 (尤其係雙腸款)，特別之處在於佢入面的秘製白色醬汁。有機會一試，先叮 15 秒，搣開兩段，汁料都足夠；可能係叮熱關係，D汁變稀了，邊食邊滴。味道方面，醬汁唔酸，甜甜的與平時的熱狗醬唔同。(但又未至於大家所說的 “好味到爆炸 ”！) 而香腸方面，據說這店用荷蘭腸，故味道帶鹹香 ......鹹香味又唔太食得出，我反而覺得腸仔味道似超市 PACK 裝的小紅腸多 D。唔知點解，整體黎講 (即在包皮，餡料和醬汁方面)，我覺得大家樂的熱狗較好食。

還記得在初出道，在灣仔當暑假工時，最喜歡跑到修頓球場旁的快餐飯店買牛脷飯吃，後來在中環工作，發現永樂園有牛脷飯，便時常來光顧。至近十年才鮮有光顧。永樂園除了熱狗聞名外，在個人心目中，牛脷飯就是僅次其後。適逢到香港公園拍照，拍畢便刻意走到永樂園吃這個牛脷飯。所謂燴牛脷，質地與味道皆與日式的燒牛脷是兩碼子的事，燴的，我形容是港式，牛脷是有著一股非筆墨可形容的味道，是蠻吸引的，亦非燒牛脷可有的感受。至於汁，從前永樂園是蘑菇汁，現在是茄汁，也很好味，但不重要，重點還是牛脷吃到那股味道。再來一杯熱奶茶，是日的熱奶茶不錯，很滿足。不好的，就是食店內不妙的環境，一道橫檯三個位，很窄，但三十九元包一杯熱飲，在中環來說，實在是一道清泉。

一提起永樂園，就當然是熱狗包。然而，作為食肉獸的我，當然是選擇份量較為大的包類。最後選擇了雞排包。雞排包足料，雞排與包的表面積等同，堅係淡淡肉。因為咱喜歡吃香口麵包，所以叫了大火，麵包外脆內軟，並不乾。雞排是炸的，並有調味，不同別的快餐店是用鐵板煎的。醬料酸甜的，不同普遍茶記的沙律醬。檸檬茶沒有苦澀的味兒，應該是用lipton沖制的吧。

過開黎中環睇醫生, 尚有半個鐘, 食個下午茶先黎到中環食少少野的話, 第一時間諗起就係熱狗永樂園既熱狗係小時候細細隻果啲佢個飽係嘉頓既熱狗包, 細細條腸仔堂食出到黎熱辣辣, 超好味, 下午茶無得輸, 不過個凍咖啡差少少, 下次都係試下佢既Lipton奶茶好啲

近幾個月，我去中環多了。可以去幫親這間老店。食熱狗包食得多，這次試下魚柳包。魚柳包都可以，但我下次都是食番熱狗包。哈哈老實說，我對她們的熱狗包有情義結，幾乎每次也吃熱狗包，因為充滿童年回憶

港式茶餐廳依家買少見少。永樂園都可以話係中環茶餐廳嘅表表者啦。係中環做過野嘅，冇乜理由未食個永樂園架啦。今日晏晝食一個蔥豉油王雞髀意粉。薑蔥係香港人必食架啦。好味道，如果撈飯可以食晒成碗飯。估唔到撈意粉都比我食晒成碟意粉。雞髀大大隻又唔算好滑，但係又唔可以話係鞋啦。加埋係啲豉油王其實算係唔錯喎。意粉就梗係港式意粉啦。唔好expect係意大利嗰啲好有咬口嘅靚意粉呀。不過都算唔錯。唔係林啤啤冇咬口嗰種。羅宋湯都算唔錯有好多蔬菜喺裏面幾足料嘅。酸得來呢都偏辣。其實幾開胃嘢味。之後梗係加一杯跟餐嘅凍鴛鴦。其實個人認為茶餐廳飲咖啡就等於自殺。多數呢啲茶餐廳咖啡都唔好飲，有啲隔夜嘅話仲會係酸嘅。喺茶餐廳港式奶茶呢就多數好飲喎。想飲咖啡攞個感覺呢我就會揀鴛鴦。呢度嘅凍飲大大杯好抵飲，而且感覺都幾滑。中午提吓神都幾唔錯。間中都鍾意呢度打下躉。點餐姐姐又唔算好有禮貌，但又唔會冇禮貌。要讚係做嘢好有速度。喺香港全世界都趕時間架啦。所以都OK啦。

前二天，我到中環睇皮膚科醫生。之後，我到我最愛快餐店永樂園，其實我無食過佢其他野，但每次經過見到佢部轉轉下烤麵包機，香噴噴都忍不住買個雙腸熱狗王一路行一路滋味說實話，二十三元一個熱狗包真係有d 貴，但佢獨有自家製青瓜熱9醬真係魔力沒法擋，酸酸甜甜仲有清新青瓜咬口真好吸引。🌭因為掛住食無影熱九真身，希望下次有機會食埋佢另一好買鮮奶油豬。

我係收銀機買飛已經講明要'干炒黑椒牛意，熱奶茶'到交單個時我跟那個男的強調多次'干炒黑椒牛意，熱奶茶'到最後聽到'干炒黑椒豬扒意，熱奶茶' 之後一直無人拿，我就諗會唔會係我既，落錯單？問個女既佢話係我，話寫左豬扒，仲問我豬扒要唔要，我覺得落錯單唔緊要，最起碼應該問我再炒過等唔等態度有待改善。

在中環工作了很長時間，若問我中午要買飯盒首選還是昭隆街永樂園。不是因爲價錢或服務，而是那滿到瀉的粟米肉柆飯炒㡳+凍鴛鴦😋😋😋份量十足嘅飯盒一打開已令人食慾大增😋。炒飯底乾身不油膩，粟米獻汁香甜肉粒不會靭。平時只吃簡單午餐嘅我每次必定把整個飯盒幹掉😅。加上凍鴛鴦茶味同咖啡味比例恰到好處，本人覺得是絕配🤗特別一提是大家不可對此快餐店之服務有任何要求，只求快快落單，買完後快快走人就算十分順利了😉

本身今日又要去挑戰裕興大排檔。再一次失敗。。裕興這東西，不是你要吃就有機會吃啊！忽然醒起，以前朋友介紹中環蘭桂坊附近有一家熱狗王，快速打個電話，喂！個個熱狗係邊咖？永樂街。頂你咩，永樂街喺上環呀！永樂園唔係響永樂街咩？。。。。。平時食subway 條街。哦。。然後就一支箭衝到呢一度，樓上外買樓下坐食，我呢啲懶人為咗一路食一路寫文，當然就係坐低慢慢食。點左雙腸熱狗凍奶茶，腸梗係兩條打孖上最正啦！港式熱狗風味十足，重點唔係佢個包，亦都未必係佢嗰醬，而係佢條腸，呢個牌子唔係美國廚師牌，亦都唔係超級市場見到另外一隻平少少的雞肉腸，係另外一隻我由細食到大，現在都仲買到嘅小香腸，呢一刻講唔出個名，但我認得佢。呢隻腸肉味很香，配上鬆軟麵包同醬汁。$23 扺比嘅。奶茶水準之上，夠大杯茶味香濃，奶味亦都充足，見到隔離枱煲劇嘅靚女，邊煲邊飲，分外滿足。係咪熱狗王呢？我就喜歡丹麥的。不過在中環這個商業重地，能夠找到一個美味的劣食，都已經值得高興！埋單＄40，地都有好味。今晚我就會落超市買腸，聽朝自家整返個王牌熱狗！

咁多年係中環返工，真係食到悶，有時想食個快飯，不過周圍都要排隊等位，不過永樂園12點半前一般好少要等位，就算等位都好快。今日同幾個同事都趕住返公司，話求其食個快飯就去咗永樂園，其中一個極力推薦芙蓉蛋飯，我就死跟大圍一齊叫，哎，其實都幾難食，我另一個同事食到一半都放棄咗，個蛋放幾條芽菜，無乜料，煎到好乾。另一個同事叫咗吉列豬扒飯，佢一邊食一邊話難食，因為係時日午餐，d豬扒一早炸定晒，已經凍晒，又乾又硬，上面加個熱汁。全日最精彩就係個奶茶，真係好滑好濃，真正茶餐廳奶茶，攞翻唔少分，所以去永樂園最穩陣都係叫茶餐廳嘅嘢食，佢哋個廚超唔得☠️

下午來到中環，友人帶我到這間頗出名的茶餐廳，品嚐一下馳名的熱狗王。店舖位於一條小巷裡，進入店後，再沿一條小小的樓梯下樓才到達餐廳。店舖的面積很大，可同時容納三四十枱食客，有傳統的茶餐廳裝修佈置。餐牌上的選擇繁多，價錢由十多元至數十元不等，set lunch 是扒餐，大約五十元，價目在這個地段算是合理。我們當然要試餐廳主打的熱狗王，可選單腸或雙腸，由於我們另點了公司三文治的關係，還是只嚐單腸好了，怕會太飽。熱狗王加入了秘製沙律醬，香甜而帶微酸，味道其實頗普通，並沒有傳聞中那麼滋味。烘過的麵包依然保持鬆軟，夾了雞肉腸，妥何雞肉腸份量較少，吃得不滿足，看來吃雙腸的會比較好。吃過熱狗後立即嚐嚐公司三文治，三文治經過烘底，十分香脆，而且層次非常豐富，蛋，肉碎，火腿，芝士，牛油，蕃茄，生菜，雞扒，用料算新鮮，比起熱狗王好吃。

永樂園是少數能迄立數十載的舊式冰室，單從裝潢設計已可感受到那份歷史。 同行好友是永樂園常客，筆者還未坐下已寫好菜。熱狗皇是餐廳的招牌菜，好友也不忘點了一客給筆者品嚐。送上的熱狗沒有任何花巧的裝飾，食溫微暖。在長長的熱狗包中，只有一條短短的腸仔份外礙眼，腸仔口感腍身，不似常見的廚師腸。醬汁方面，是秘製蛋黃沙律醬，味道普通喇！這隻熱狗皇能成為招牌菜之一，相信感情評分佔了不少份額！吃畢熱狗，我們的主飯餐也緊接送上。這窩雪菜火鴨絲窩米，份量十足。鴨絲肉嫩鴨皮香口，配合雪菜湯底味道不俗。隨窩米送上熱飲一杯。這杯熱奶茶頗有水準，茶香奶滑，喝奶茶還是到老店夠味道！