影片
更多
2017-07-18
942 瀏覽
今日係同事嘅last day,佢請食下午茶,我懷著感激嘅心情叫咗個魚柳包加咸檸七.送貨嘅歌仔都算準時, 我等全部同事攞曬先至去攞自己嗰份,點知咁樣就出事啦.pantry裏面淨係得番豬扒包同埋熱奶茶,同我叫嘅嘢完全唔同.奇怪既係豬扒包嘅袋上面寫咗一個"芝"字,但係個包其實完全冇芝士嘅. 睇嚟應該係夥記落錯單喇.當然係照樣食啦,唔通叫人換包咩.個麵包本身真係幾香,豬扒嘅氣味竟然蓋唔過麵包味.但係個麵包硬咗啲,如果遠返少少就好啦.豬扒其實都幾細塊,完全冇任何一部分突出個麵包.打開麵包,見到豬扒只係佔麵包嘅8成面積. 豬扒炸得乾咗少少,好彩有大量嘅沙律醬補救.奶茶嘅茶味好香,但係少奶.一開始可以唔使落咁多糖,如果唔係會嘥晒啲茶味.到真係覺得唔夠先至再落.雖然今次食唔到魚柳包同埋咸檸七,但係豬扒包同埋奶茶都還可以,算係錯有錯著啦.多謝晒呀~我仲未記得個名既同事~
豬扒包
31 瀏覽
0 讚好
0 留言
張貼
