正宗上海生煎皇 (已結業)

很久都沒有光顧生煎皇了, 這天剛好在附近經過, 就順道買一份外賣吧.要了一份生煎包(2個, $17), 配一份上海厚切炸排骨菜飯($42).在門外等了大概10分鐘就順利可取.生煎包仍然香脆, 包內仍有少量肉汁, 味道不變.上海厚切炸排骨菜飯, 與坊間的做法很不一樣, 不是上炸粉油炸的那種, 外貌與叉燒十分相像.菜飯有點硬, 如果多點菜香會更好.我還是比較喜歡上炸粉油炸的那種, 呵呵.最後, 希望加強前線員工的禮貌訓練, 因為短短幾分鐘的接觸可以毀掉一切！

前排同事提話想食生煎包！難得今日可以收早！就約埋去左行街食飯就選擇同佢去到旺角食呢一間想食左好耐的！因為老公麻麻地食上海野，所以一直都無食過！仲要之前成日門口都勁多人排隊，令到更加無機會食！今日難得又唔洗排隊又有人陪我！入到去地方不算大，坐位都比較迫！！我們兩條友就點左至想食的生煎包小籠包生煎包，一口咬落去，真係好多汁，好豐富，皮亦好香脆，唔會太厚，好味小籠包，皮薄餡靚，多汁夠juicy,好鮮味！韭菜豬肉水餃湯麵，呢個我就覺得麻麻地！無得特別！ 排骨菜飯，菜飯煮得挺清爽而不膩口，排骨整得剛剛好，不會太乾身！

今日係旺角行行下經過呢到，突然都比佢吸引住，但咁岩食飯時間，實在太多人，真係唔知要等幾耐先可以食到幾粒生煎包，所以最後我地選擇左外賣果然冇選擇錯，一落完單冇幾耐就收到4個熱辣辣既生煎包同一小盒醋，我地太為食，第一隻我就咁食冇加醋都已經好好食，因為真係好多汁，個包皮亦唔會好厚，入面舊肉又唔會太細，成件事係好豐富，而且好熱，會辣爆咀，證明係即煎即起即比我食，真係好值得再食，不過要排隊就咪搞，所以下次都會揀外賣

成日都覺得呢Ｄ包會有幾好食丫，咪又係咁，今次我錯鳥！呢個真係好好食！經過一條咁多野食既街其實呢個包真係一啲都唔起眼，就係企門口既食客一食爆晒汁果下吸引左我入去食！見到有小小人龍其實想唔排嫁啦，但係又好想試下佢有幾爆汁，就買左四粒黎食啦。呢個包睇落真係一Ｄ都唔討好，冇好靚好圓既外表，淨係覺得佢好由好膩，見到其他人一咬爆晒汁所以我都小心Ｄ咬左上面先，個皮勁薄，開左個窿見到入面Ｄ湯汁勁多，而且勁香，即刻啜左Ｄ汁唔好嘥左佢，係超香濃既肉汁啊！之後食埋個包連溜左出黎既湯汁都要飲埋佢，四粒係完全唔夠喉，礙於仲要食正餐所以冇再encore，下次經過一定會再買黎食！

今日中午食一點，周圍都好多學生，好彩呢間上海舖有一枱空位。我哋四個人各自點左一個主菜，再點四個小食share食。跟餐的凍豆漿好飲。雞絲粉皮，好多麻醬，夠凍，味道不錯。芝麻醬五彩冷麵，同事好鐘意食麻醬，所以他好快就食哂。上海厚切炸排骨菜飯，呢個我經常點，排骨份量好多，菜飯亦好味。白灼蠔油生菜川麻雞中翼，麻辣但唔算好辣，夠香口。同事話小食小籠包都好食，今次忘了嗌，下次要試試。不過餐廳座位的地下有d油。

呢間既同祥興記可以話係香港兩大生煎包巨頭，不過祥興記專做生煎包外賣，而上海生煎皇就多好多堂食滬菜選擇。- 鮮肉生煎包唔好睇佢其貌不揚，其實味道不錯。包入面有大量湯汁，食既時候要小心；而且包底煎到脆脆，好香口，確係不錯。不過相比之下，祥興記既生煎包係好食d。- 灌湯小籠包相比生煎包，小籠包真係失色好多。雖然都有湯汁係入面，不過餡既肉質有少少梅，完全無彈性。- 川麻雞中翼佢既外表同土匪雞翼差唔多，不過味道就唔一樣，而且完全無辣味，麻味亦都唔夠，就好似普通雞翼咁。- 燻魚湯麵燻魚一般，太甜太多汁。拉麵算唔錯，麵質彈牙爽口。呢度用餐環境一般，室內昏暗，座位狹窄。不過當快餐店咁食其實都唔錯既。

之前岩岩新開張有幫襯過，直至依家都幾年了，仲開左好多分店！每次見到咁多人，又唔係坐得好舒服，好迫咖，都唔係好想入去。但今日真係真係好想食小籠包同生煎包，所以再等一下啦！入到去朋友想食東坡肉菜飯，個飯唔熱，啲飯係勁硬，我哋仲以為係生米。啲肥豬肉係多肥少肉，完全唔入味，好睇到佢係一舊煮完切，都正常既，但完全無味，同豉油煮腩肉差不多。小籠包四粒，穿左一粒，本身都無乜湯，穿左就唔使講啦！無曬湯，肉唔多汁。收口位又硬，好似生麪粉未熟透既感覺。生煎包咁多人食都唔熱，仲有啲硬皮既感覺，油到爆，又無汁。我係未入座前，仲俾左$50做會員，好即刻後悔左。

點解有兩張吉枱，分別兩人位同四人位我諗住一個人坐兩人枱，點知侍應喝止我叫搭枱，首先出面冇人等位，都要搭枱令人廢解。間舖原本已經迫，有吉枱都要搭枱，侍應語氣又差。

Boxing day瞓醒要搵食喇，老公話要食完lunch先可以返屋企拆禮物，所以揀屋企附近食，哈哈又係唔知食乜好，上海老公又提議食上海野，所以一經過又入去喇。其實呢間上海野之前都食過，老實講味道係不俗嘅，不過都係食得出有味精，菜飯比較軟左小小，但糖醋排骨係非常惹味，而且D汁撈飯好開胃而擔擔麵都係惹味，可惜有D辢我只食左小小其實係好味嘅，而生煎包呢，都係好味道嘅如果你未試過上海小掦生煎包食過小揚其他都不再好味😆😆😆個包底硬左DDD，有肉汁小心咬出彈到人不過環境係麻麻，好似暗喑沈沈咁，坐得不舒服

點了生煎飽，光速上菜，果然有問題。飽上枱時已經唔熱。 按建議輕輕咬開面頭吸飲湯汁，點知連裡頭湯汁都唔熱! 再食飽底，寄望脆厚脆皮的生煎飽; 可惜，連飽底唔脆。 最可惜的是，皮仲好似有啲唔熟的口感。失敗中的失敗。好彩只點了兩隻，否則肯定做大嘥鬼。上海生煎飽講求的熱度，多汁，脆皮......一一欠奉。其他食品:酸辣湯$20 , 不過不失。鴨舌問題就大了。先唔講滷水汁毫無味道個性; 鴨舌根都未清好! 點食?? 詳情請自己睇圖。枉稱正宗! 唔使再嚟。

no matter whether the food is good or what! I won't come here again due to the very rude servicethis is my first time to here and I was keep saying I wanna order. at least 3 different person heard me, but they just black face and totally ignore me . what the hell is this kind of service towards customer.

上海生煎皇貴為明星食店，一直都好想試。今日突登六點半就黎到了，好在唔使等位，但都有好多人食緊。鋪頭細細，無乜特別裝修，坐得有點迫，而且燈光感覺總是暗暗的，坐得不太舒服。一場黎到一定要叫佢既人氣生煎包，小籠包。生煎包仲出左新口味：咖哩芝士牛肉， 墨魚汁麻辣豚肉。 不過因為唔食辣，所以都係食番最基本既口味吧。食上海野梗係要叫番杯豆漿（$10), 甜度啱啱好都ok。✨生煎包2個（$17): 樣子不太討好，感覺扁塌塌咁。仲以為無咩汁，不過咬落去果下d 汁湧出黎好辣咀。個包都算多汁，皮也不算厚，可惜個底果種脆係好厚好硬。 個包可能比較少芝麻同埋無蔥，所以感覺唔夠香口。味道不過不失，無咩特別驚喜。（ps. 不過我見人食果d 相，有d 又好多芝麻，好多蔥，似乎質量有點隨心。）食之前記得睇下溫馨提示，唔係會好容易辣親咀✨灌湯小籠包（4個）$33: 賣相同樣一般，不夠飽滿圓潤，個皮不算薄也不算厚，湯汁都有半個湯匙，不過老實講生煎皇賣點都是比較多汁而已，但味道還是普普通通。✨蟹粉小籠包（2個）$33: 呢個完全食唔到有蟹粉味，味道怪怪地，食番原味好過.....價錢一樣仲要係多兩粒。✨糖醋排骨（$31)

一直知道這餐廳，難得經過旺角門外並不算很多人等候便試試我不知道何謂正宗也不知道上海原味是怎樣就本著好不好吃來評評青瓜就一般般吧生煎包點了原味的皮厚，肉汁多小龍包也是汁多肉味濃，而不易穿皮炸排骨拉麵。。這個真的一頭霧水來了一碟叉燒，本來以為出錯了什麼看了幾篇餐牌，其實根本沒有賣叉燒的食物名所以，我想排骨就是這樣吧？！雖然如此，但味道還是ok的服務未有網上說的糟我覺得還可以只是坐位非常窄，坐得有點辛苦以這個價錢overall來說還是值得一試

我好鐘意食上海菜，上海生煎皇算係價錢合理，而且食物質素又可以接受嘅餐廳～食物選擇幾多元化：每次黎都會點生煎包或者小籠包：上海生煎包（$32）生煎包同小籠包都即叫即蒸，所以每次都熱辣辣，多人嘅話有機會等成20分鐘🙈個底比較硬，但覺得幾好味👍🏻.灌湯小籠包（$33）最梗要係個皮唔厚唔硬～呢度嘅小籠包都唔差，間唔中會食到啲冇湯嘅，不過好彩唔係成日發生。其實冇加一又有位坐都算幾抵～呢個價錢黎講，我對食物質素都好滿意。

從來都未寫過食評，第一次嬲到要寫。午市五個人入去食，強迫我哋坐四人枱，多出嚟嗰一個人連枱都用唔到，要求左幾次先肯擺我哋去六人枱。落Order,店員脾氣奇差咁講一句:「你等等啦」問佢哋啲嘢，語氣都好差。嘢食黎得幾快，滷水雞翼唔入味，排骨菜飯好似食緊叉燒咁，總之就唔可以話佢難食但係就唔會再想去食食物唔係特別好食，服務就係俾錢貼難受。真係接受唔到呢間野嘅服務。知道個鋪頭係明星開，店面亦都貼左好多訪問。理論上應該會唔差，始終都要有個聲響係度。真係冇諗過最後會咁。