正宗上海生煎皇 (已結業)

上網見佢呢排好hit,一試就知出事。店內坐滿人，不過好快有位，但呢間分店樓面阿姐真係堅服務差。店內位置好逼，香港地租金貴，想d客食完就走，其實都明白。但店內位置細，呢個tb阿姐唔洗叫到咁大聲，其實唔洗扮到好似好忙咁！唔洗一陣，食物上齊，心知不是即叫即煮，生煎包堅硬，小籠包普通，以這樣的價錢真的不值。對面兩位仲慘，小籠包放左大大只蚊🙄🙄🙄🙄。食左未到十分鐘，已開始執我地張台，不停叫八二二，應該係員工間提催客走，執台的暗號😑😑😑😑埋單120蚊，食茶餐廳仲好，無第二次。靠名氣的店

之前一直都有食開呢一間，經常幫襯，因為覺得啲嘢都真係幾好食。今日再去叫個侍應抹枱，佢當初扮望唔到，叫多幾次先好唔願意咁過嚟抹，抹完等於冇抹，成張枱都係飯粒，再叫佢抹就將所有飯掃晒落我隻腳度。。。其實都有啲似係有心。。然後佢抹完張枱，啲味好臭，個餐牌架，同埋個筷子筒都好污糟生煎包，已經冇以前咁多汁，小籠包就咸咗好多。。。個水餃麵有啲似大家食的手搞面，其實都唔差嘅，但如果同樣質素，大家食會抵食啲囉以前老闆在鋪頭的時候，服務，環境，食物質素都好啲，現在真係差了很多很多。。

之前已經聽過呢度既生煎包出名好好味，所以今次午餐就嚟咗食。我同朋友分別叫咗兩個午餐，套餐配搭係一個主食同一個小食。我叫咗擔擔麵配雞絲粉皮，朋友就叫咗上海排骨菜飯配生煎包，價錢大約＄60。擔擔面係比較港式嘅味道，我喜歡花生醬較濃嘅湯底，但呢度嘅就比較浠， 但味道都OK。個雞絲粉皮就好重麻醬味，作為餐前小食唔錯。朋友個上海排骨係有少許糖醋嘅感覺，甜甜酸酸，配上菜飯減低油膩感。重頭戲三煎包的確冇令人失望，一咬就差啲俾佢嘅肉汁辣親嘴唇，都話裏面真係有好多汁，熱辣辣，非常好味。

說了很久來吃,終於來了,假日來這裡都預左好多人,下午荼時間黎到冇咩人,但見到侍應都落場,個個都食緊野,叫落單好耐都話等陣終於有個姐姐食完幫我地落單,叫左3樣野:生煎包,小籠包,紅油炒手好想食個粗炒…..但原來得好小野食,餐單就得細細張紙寫咁多既野食生煎包:好快就到,食前有四部曲,要用誠懇敬畏的心,先可以開始食,要吹下外面脆卜卜,先食裡面既肉唔太肥真係好食小籠包:必定熱辣辣,皮好薄但唔易穿,一啖咬係好熱,當湯充滿成個口就好滿足紅油炒手:等左差不多半個鐘,就係小小辣油係面.,加餃子咁……真係好普通服務態度都差到爆,真係唔會黎食,想食都外賣算了

哩間上海正宗生煎皇我之前已經試過嫁啦。因為佢近我返工地方，最近老闆同江若琳公開左，令我突然間好食再去食午餐時段真係抵食過平時好多嫁！一個主食、加一個小食，仲會送野飲添我地一人order左一個set，都係飲健康既豆漿，杯豆漿好似大杯過之前添。五彩冷麵我想食左好耐，今次終於叫左！青瓜絲、火腿絲、雞肉絲、冷麵加胡麻醬，講真，真係好難唔好食！個冷麵係彈牙既，唔會好軟，係我中意既口感。加埋青瓜絲一齊食既話，成件事清新左好多，可惜青瓜絲份量唔多。唯一令我有意見既地方係胡麻醬好似倒左一樽落去咁，太過甜，雖然好食，但食完濟到不得了⋯雞絲粉皮不嬲係我見到就會叫既小食，今次梗係都唔會例外！雞絲粉皮都係撈胡麻醬同雞絲，同冷麵有異曲同工之妙，都好食。粉皮係爽既，不足之處但係太碎啦。上海厚切炸排骨湯麵炸排骨我之前食過，整到好似叉燒咁，但有少少脂肪，算係可以接受既。食落脆脆地，唔會好油，同埋佢好大份，抵左啦！雖然我中意食上海麵，但係菜飯好食過麵喎。湯麵會比冷麵淋，冇咬口、可以講係過軟，而且個湯底真係好咸，淡口味既我食兩啖已經唔想食。下次都係食返菜飯好啦！川味無骨鳳爪哩個係朋友叫既，食左兩舊。有少少辣，係幾惹味既，

七一午餐自己一個在旺角搵食，旺角區公眾假期午餐時間都唔洗等就知有問題，但既然到左就試下啦，叫左個雞絲粉皮加一客小籠包。雞絲粉皮：差！本身是無可能出錯的菜式，衰在佢用左日式的沙律麻醬，令人超失望。明明係上海菜的店，正正經經用芝麻醬調個汁都懶，唉。小籠包：不過不失。上台夠熱應該即蒸的，皮不算厚亦算有肉汁，但又唔可以講叫皮薄餡靚，好似$3X，雖然唔算好貴，但賣差不多$8一隻小籠包，應該要更好的。,水一杯：免費的，自己睇↓水雖然唔收錢，但隻杯污糟到咁阿姐都可以當睇唔到照比人！？阿媽教落出街食野唔好叫人換野，所以最後我無飲到(佢一來就半滿了)食的期間聽到搭台的情侶食生煎包一邊食一邊大讚好好食，可能到出名生煎包的店唔叫生煎包係我的錯。最後，當日三十幾度天氣，間店冷氣唔夠我又坐近門口。餐廳的衛生同環境都差，食物亦唔見得好，應該不會回頭了。

久仰正宗上海生煎皇的大名，早前不少明星推介此店，這次也是慕名而來。我和家人很喜歡吃上海菜，特別是一些地區的上海小店，總會帶給我們滿足的驚喜。不知是否懷著對正宗上海生煎皇的過份期待，今次的午餐我們是蠻失望的！食物談不上是好吃，價錢中規中矩，有點名過其實的感覺。這店的翻枱速度很快，即使是星期六下午，店舖裡滿是食客，我們也不用等位。二話不說點了些我們慣常會吃的，食物上枱速度一般，幸好我們不太餓。先吃雞絲粉皮，份量很多，看來很抵吃，但吃一口已感覺到有伏味，竟然用了日式麻醬作調味醬料，而不是中式的．．．有點欺場的感覺。雖然是比較開胃而且有新鮮感，但並不是我們想要的。此店最出名的是生煎包，我們當然要試試！枱面上貼了生煎包的正確吃法，很有心思呢。此店的生煎包的賣相一般，以為它作為招牌菜會是比較受重視的。上枱是包只有微熱，一啖咬下去沒有爆汁感，感覺只是一個頗普通的肉餡包子，不明白為什麼這會受吹捧。反而，我們對沒有特別期待的灌湯小籠包有好感。上枱時是熱騰騰的，外皮非常薄，有通透感，一不小心就會刺穿外皮，便會浪費了裡面的上湯。我們先小心翼翼的把外皮咬開才吸吮上湯，再慢慢品嚐肉餡，味道不錯，非常抵食

一個平日的星期二，下班後去做facial。 Facial前一人前來想吃生煎又想嚐小籠包，但最終只是點了個好像太貴$39的麻醬冷麵。我想貴價在於它的足料飽肚，青瓜雞肉火腿蟹柳絲，配上麻醬跟本沒可能不好吃。雖然有點貴，但我還是想再來認真嚐嚐它的招牌生煎包。Btw 見到老闆Oscar真人係高大型棍子嘅！

話說早前經過旺角想搵一間小店輕食就算就比我經過到呢一間食上海野嘅小店心入邊好想飲酸辣湯嘅我就拉咗我朋友一齊去食啦場內應該有10多張枱左右我去到嘅時候全場爆滿等左一陣就同其他人搭枱食品款式都多而價錢合理我哋就叫咗兩個生煎包我自己就覺得山煎包既皮厚左少少但入邊係好juicy雞絲粉皮好多醬😁酸辣湯 味道唔差夠酸夠辣而且入邊亦非常足料但呢個上海好厚炸排骨味道好入味 亦炸到好腍係好食既但係就唔似係上海嘅感覺反而覺得佢似有啲泰式嘅感覺今晚去到佢哋嘅明星老細蕭先生黎左我相信佢係一個好老細唔知點解每個員工見到佢都有開心又緊張蕭生都好和善咁同我地打左個招呼

今晚去左旺角上海生煎王晚餐,去到果時滿座,需要等位,但之後眼見好多客人埋單出黎,又一直未叫飛,以為執緊枱,點知有客人(未取飛)入去,佢地即刻叫人坐低,無諗過出面有幾枱拿左飛...最後當然上前同佢講,門口男人終於都比我地入去,入到去眼見好多枱,但如果我地唔出聲,無人會記得有人拿過位...坐低叫野食,到一路食,叫既食物其實幾好,又抵食...但員工既態度真係唔得，成個場其實都幾靜,只有果幾個員工不斷大大聲嗌，啲說話唔係關於工作,例如有個高高瘦瘦帶眼鏡既女仔員工同另一個同事閒談時講粗口,轉頭又一路飲住汽水一路拿餸出黎比客人,另外啲同事又不停大聲講返大陸同埋放工去飲野,直情無枉管,其實佢地真係搞爛晒個場!希望佢地老闆睇到呢篇野!

本想去隔離食海南雞飯，剛截單，路過見都多人食，所以試一試。小籠包，一叫即到，心知不妙，微暖，唔得。豬扒麵， 這是煎雪藏豬栁，唔係豬寸1c，完全沒有上海風味，麵太林， 個湯又大鹹……，食左1/3就算……生煎包，見好多人叫， 檯面上仲有張紙，話提醒人食生煎包小心熱， 又要先吹下 才吃，所以叫2隻試吓， 點知又係一叫即到 又係微暖， 得少少肉汁，普普通通……詳興好好多。舖内貼了很多藝人合照相，唔知係唔係藝人開？？ps, 最有趣的是上海舖竟然冇豆漿賣， 還有收碗碟勁快，好有趕客feel.

經常入來打算吃點小吃。兩個人叫左一碟4隻生煎包、一籠4件小龍包、同一碟雞絲粉皮。呢3樣野，可以話係我食過最難食既上海野。麻醬，雞絲唔夠、粉皮太多、好似食梗齋河咁。生煎包個皮超厚，入面有少量肉汁但無乜肉! 淨係食個硬包皮咁!小龍包我係未食過完全無肉味既小龍包架! 連d肉汁都係完全無味，得個水字。樓面個呀姐態度又唔係咁好，唔會再來。無諗過要寫食評，難食到第一次開acc想寫。食之前無諗過咁伏！所以一張相都無影! 只係影到張單! (算唔平唔貴啦!)

路過豉油街被正宗上海生煎飽吸引，終於入去試左個下午茶餐！呢個係下午茶餐menu，包埋飲品，價錢都ok！話明正宗上海生煎包，當然要試下佢地嘅招牌菜 — 生煎包，我依住佢地嘅生煎包四步曲食！賣面一般，食落發現生煎飽冇想像中甘熱辣辣，飽既外皮酥脆但稍為有少少乾，但都食到入面既肉汁，但不得不讚既係 — 餡料好香！（*ps 每次食生煎飽都小心，唔好比入面嘅湯燙親）呢個土匪雞翼菜飯入面，土匪雞翼有驚喜！平時食譚仔食得多，呢個土匪雞蛋外皮望落唔同d，但又唔乾身，好juicy之餘，而且佢既香料幾入味！整體而言係惹味既菜飯中既飯係我最中意既珍珠米！口感岩岩好，每粒飯都清晰可見！

同屋企人行完街諗唔到食咩好，之前食過呢間幾好味，就去左食。首先有個生煎包，熱辣辣，一咬開勁多汁，好好味。韮菜餃非常好味，啲韮菜同肉非常新鮮，食完仲想再嗌多個淨韮菜餃。個湯都不錯。唯獨是個麵整得比較唸，但係食落都唔錯，都幾好味。酸辣湯麵又係勁好味，連平時唔鐘意飲酸辣湯嘅我都覺得好正。佢嘅酸同辣配合得恰到好處。不過又係唯獨是個麵太腍。🙈小籠包皮薄餡靚，入面都好多汁，好好味。呢個我就覺得麻麻，因為太多肉，不過屋企人覺得幾好味。土匪雞翼都整得幾好味，唔會整得好乾。整體而言呢間上海餐廳幾好味，絕對值得去試，雖然位置比較逼，不過啲食物質素好高。

經常經過這裡卻沒有好好試過這條街的餐廳，今次終於選了這一家入去食，門面都貼滿餐廳訪問稿件，oscar老闆果真厲害～當要叫風雲一時的生煎包，肉汁真的會標出來，要襯熱食但真的要小心燙口，皮不算厚而且肉湯鮮甜，不錯不錯！皮蛋豆腐個汁好好味！甜甜的又不會太膩，完全停不了口，豆腐亦很滑，這個再來一次也會再叫。麵食相對沒小食好吃，但都不錯，水餃皮薄餡多，湯頭雖然看上去很清但有鮮味，麵不會太稔。擔擔麵可以多點花生醬，而且感覺用幼麵會比較易吸湯，會比較好食。