樂湯雞麵館 (登龍街)

營業中

休息中

登龍街美食選擇眾多，有一間養生麵館，低調地藏在小巷內，之前有聽聞，今次親身試試😊果然無令人失望，食完感覺refresh身體，帶點養生的感覺，喺鬧市當中算係一片清泉。XO醬招牌雙寶撈刀削麵：呢款係唯一感覺不太養生，但係味道搭夠，滿滿XO醬味，原來撈刀削麵係咁惹味！雙寶係兩款水餃🥟，唔使掙扎要邊款兩款一齊上☺️食完好又飽肚感。藥膳醉雞刀削麵+小棠菜藥膳湯底非常養生，原來可以單點藥膳湯飲，證明係非常足料，飲落去亦冇味精感覺，非常順滑易入口，唔會「確」喉嚨，刀削麵麵條口感順滑。醉雞入味，唯一美中不足係雞肉口感一般。涼拌萵筍蒜蓉涼拌萵筍爽口清新，喺熱食之前很開胃！淨花膠雞湯翅 + 淨雞湯翅呢度其中一個特色係部份湯麵的湯底可以單點當作熱湯飲用，我哋分別點咗兩款湯，湯頭鮮甜不帶味精，配料亦十足，但是花膠及翅已經非常有誠意，推介！

今日嚟到銅鑼灣呢排砂鍋雞湯店朝聖，聽就聽得多。係呢個酸辣當道的時代居然仲有餐廳堅持粵式風味。呢日星期六晚上嚟到，都幾爆。花膠雞湯翅米線招牌菜，雞湯飲落清甜，加錢要左雞髀同時菜。雞髀滑溜，啖啖肉，抵。尖椒皮蛋皮蛋份量幾多，夠辣！口水豬手撈刀削麵呢個口水汁不得了，夠香麻，豬手爽彈夠淋，必叫。魚皮呢個砂鍋用嚟碌魚皮一流，新鮮。杯裝豆漿豆味出，唔太甜。鋪頭坐位細細，不過侍應貼心，又提個煲好滾，又比籃擺袋。

今日晏晝同朋友經過銅鑼灣呢間樂湯雞，見個名咁得意就望多下，朋友就好有興趣，所以下晝深深就黎食個花膠雞煲。冇諗過原來都有埋翅食。最欣賞呢間舖佢主打健康為主，少糖少鹽，非常正。我地叫左個花膠雞煲翅，真係即叫即煲，黎到仲為勁滾緊，咁好火喉，真係好啱而家啲天氣食。我地要左半隻雞，都好多份量。首先真係擺滿晒雞，仲有花膠同少少排翅。佢既雞唔係好嫩滑個種，有啲雞味，而且唔會好肥。花膠夠大件，都煲軟身幾稔，翅都算ok, 夾等到食既。 真係幾真材實料。蟲草花杞子浸翡翠苗，豆苗好新鮮，配埋蟲草花好正氣既感覺，而佢既上湯都飲得，唔錯。仲有佢既醉豬手，出乎意外地好稔身又幾爽口，佢既酒味幾香，唔會好濃。而杞子我覺得煮過酒好似仲好味。今餐既健康膳食真係唔錯。

今日晏晝明明都係好熱，到咗夜晚就涼咗勁多。但係運動完之後已經成九點，冇理由去打邊爐架，喺銅鑼灣雖然都仲係好多人，但又唔想食咁晏，最後就去咗登龍街搵嘢食。呢邊有車仔麵、日本嘢、燒味、糖水。。。最後入咗一間比較好錯嘅砂鍋雞湯店。見佢九點都有九成滿。 🈵️店員都有推介一個個二人餐，都幾好嘅，唔使$300，又有前菜，一個鍋，跟兩碗飯。但係真係好想食麵類嘅嘢，而呢個餐要加錢先可以轉麵，所以我哋兩個都係分別叫咗一人一鍋麵。麵底有唔同選擇，有米線、米粉、刀削麵等等。我哋叫咗#1 砂鍋雲吞雞-跟米線#2 砂鍋雲吞魚翅餃-跟刀削麵#3 豆漿雞唔算太肥，個湯比較清，如果想要龍尾嘅話要自己再落鹽。而兩粒雲吞係好大粒㗎，而且好多肉添。雞翼都滑，有蛋白質，岩晒做完運動既我地。豆漿只有凍嘅無言嘅，所以我就嗌咗一杯。share都夠飲了。

今日難得放假所以同老公嚟到銅鑼灣食中午，經過見到呢間樂湯雞食冇味精嘅雞湯主食，凍凍地食幾唔錯所以就揀咗啦！我哋嗌咗一個花膠雞湯米線，雞湯真係冇味精，但係識落都好濃郁，雞件都幾滑而且份量都幾多！花膠煮得都唔會太淋，但係又有口感嘅，米線就真係好滑🥳另一款我就嗌咗椰子燕窩雞湯米線🍜另外再加左花膠，原來椰子雞湯係咁好飲🥰🥰仲有啲桃膠喺入面，其實就好似之前食過嘅甜品咁，不過係鹹同埋有雞味！原來都好夾好滋補的😗😗我哋仲叫咗蟲草花菜苗😆😆清清哋🥳份量都幾多!!小食就帶咗麻辣汁撈牛丸！個汁好香，牛丸夠彈！#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

以前店舖有一人餐，現在已經改為最少二人餐，想念一人餐有鮑魚海參花膠，好像一個迷你的佛跳牆。現在叫了一個花膠雞米線，值得讚許的事，可以叫少鹽少糖，在外食飯都可以清淡一點。而且湯的味道不會令人口渴，雞很幼嫩。

砂鍋花膠雞湯翅配米線：這道料理絕對是樂湯雞麵館的招牌之一。首先，雞湯非常鮮美，濃郁而不膩口。砂鍋內的花膠和雞翅肉軟嫩多汁，入口即化。米線則是煮得剛剛好，有著適中的口感。整體而言，這道料理帶來滿滿的滿足感，是一道值得推薦的美食。豆漿：樂湯雞麵館的豆漿非常新鮮美味。它擁有濃郁的豆香味，口感順滑，並且沒有過於甜膩的味道。這是一杯非常適合作為早餐或輕食的飲品，絕對能為你帶來一個美好的開始。涼拌萵荀：這道涼拌萵荀是一道清爽的小菜，非常適合作為開胃菜或者搭配主菜。萵荀的口感脆嫩，搭配著醬汁，酸甜適中，帶來了一種清新的風味。這道涼拌菜色彩鮮豔，給人食慾大增的感覺。

今日同朋友去咗時代廣場附近買嘢同埋shopping, 想食個下午茶，就去咗附近嘅登龍街搵食，咁啱就見到呢一間有花膠雞做招牌嘅餐廳，同朋友就決定入去試吓，朋友話呢一間餐廳喺旺角都有連鎖嘅分店，而且口碑都非常好，下午茶時間都幾多人！✨醉豬手 ！ 豬手非常入味，而且充滿花雕嘅味道，非常濃郁嘅味道，呢一個味道亦都非常襯，作為一個前菜嚟講分量都非常多，而且絕對有驚喜，非常推薦大家叫呢一個前菜！✨砂鍋花膠雞湯翅，花膠雞湯次嚟到嘅時候熱辣辣係用石鍋上嘅，湯底亦都非常濃郁，食得出冇任何味精，而且係用老雞去做嘅上湯，食得出餐廳喺湯底嘅心機花咗好多，呢一個菜絕對非常好食，而且呢一個價錢嚟講CP值非常高，喺銅鑼灣嚟講算平，我哋就加咗刀削麵，湯底亦都同刀削麵非常配搭，下次嚟嘅話我會加飯，應該會同飯嘅配搭亦都唔錯！花膠亦都大大件，正！✨杞子蟲草花配翡翠苗，我哋再叫多個菜，都幾好食，上湯豆苗味道一流，分量亦大！我同朋友亦加左個魚皮小食！脆卜卜好味！最後加左杯豆漿！大滿足！

每次經過登龍街都見到呢間樂湯雞麵館大排長龍，今日可以親身體驗餐廳既魅力，餐廳既二人套餐只係$278，非常抵食。- 鮑汁瑤柱冬菇飯一上菜已經聞到香噴噴😍。鮑汁非常濃郁，加左冬菇碎可以提升香味，同時令口感更加豐富。- 麻辣海蜇手撕雞海蛰清涼爽口，蘿蔔同青瓜切成一絲絲，而手撕雞辣度非常強勁。- 雲腿浸娃娃菜娃娃菜份量比想像中多．味道清淡，嫌海蛰手撕雞太辣可以將海蛰手撕雞浸落娃娃菜上湯入面🤣- 砂鍋龍皇雲吞雞湯底清澈鮮甜，雞件肉質普通但數量幾多，另外有小棠菜同雲吞，非常豐富抵食。

星期日約咗同學傾功課，去銅鑼灣食個lunch 本住行過路過試新野嘅精神，係登龍街揀咗呢間樂湯雞試吓，因為見到有藥膳湯底，唸住應諳正常掛，點知…醉雞·藥膳湯拌麵雞肉好「鞋拾拾」，湯底被紅棗味掩蓋，拌麵還可以。加配杯豆漿係最正常。砂窩雲吞雞 （細）雞肉係韌嘅，湯底一般，雲吞麻麻地。入到去舖頭有陣奇怪味，先生話係酸菜味。侍應姐姐好努力推銷二人餐，但因為太早食唔落，我哋揀咗單點，亦好彩無點二人餐，如果唔係我會更加後悔。

呢幾日天氣轉涼，夜晚同朋友去銅鑼灣食飯，周圍凍冰冰，見到有間舖招牌係熱辣辣嘅雞湯，就入左食。店員推介二人餐，我哋睇過餐牌的確係抵啲，就叫左個二人餐，再另外加個椰子雞湯。涼拌海蜇手撕雞呢個前菜一啲都唔馬虎，新鮮紅蘿蔔、青瓜切成幼長絲，配埋清涼爽口海蜇，以及手撕雞食好開胃。雲腿浸娃娃菜娃娃菜份量比想像中多，煮得啱啱好，調味適中，食落唔會好咸。砂鍋花膠雞湯翅重點嘅招牌菜用砂鍋上，半隻雞嘅表面舖滿大片花膠，花膠爽口彈牙，雞肉食落鮮嫩香滑，肉汁豐富，嗰湯亦都係精華所在，有翅入口之餘，亦唔會好油膩，非常好喝。鮑汁瑤柱冬菇飯呢個飯非常足料又夠香，加埋雞場食非常夾。藥膳湯刀削麵刀削麵麵質滑身，唔會煮得太淋，藥膳湯香濃，喝得出用足料。椰子雞湯椰子雞湯充滿椰香，而且有好多湯料，飲落好清香，感覺輕盈。餐廳嘅湯全部都真材實料，喝完完全唔會有口渴或者重味精嘅感覺，的確係絕無添加，我下次有機會一定會再去。

天氣開始涼涼地，最適合飲返碗熱辣辣嘅湯暖下身，今日去咗銅鑼灣嘅「樂湯雞」食返餐平民版嘅鮑參翅肚，店家主打真材實料，無味精嘅雞湯，清清地夠晒健康🙂店員介紹我地食2人餐，只係$278，非常抵食👍🏻砂鍋花膠雞湯翅（半隻）砂鍋上枱時仲係滾到卜卜聲，超足料，有成6、7舊白雪雪又厚身嘅花膠、翅裙邊、咸香嘅雲腿綠、足足半隻雞嘅份量，湯底香濃鮮味，十足十家的味道，飲完亦唔會口渴，健康又養顏🤩醉豬手爽口又Q彈，滿滿嘅骨膠原，除咗指尖嘅部份，店家亦好貼心咁去咗骨，食起上黎非常方便，入口煙煙韌韌帶淡淡嘅黃酒味，加上蟲草花同杞子，真材實料👍🏻雲腿浸娃娃菜唔會有過多嘅調味，突出娃娃菜原有清甜嘅味道鮑汁瑤柱飯推介👍🏻飽汁燴飯味道濃郁，加入香菇絲令口感更加豐富，咸鮮嘅味道一啖接一啖食唔停口紅油花膠魚翅餃大大粒又足料嘅花膠魚翅餃，皮夠薄餡料多，粒粒都勁飽滿，有蝦肉、豬肉、花膠、魚翅，以多種矜貴嘅材料製成，配上辣油更惹味😋📍樂湯雞麵館 (登龍街) (銅鑼灣)銅鑼灣登龍街41-51號地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

樂湯雞麵館 (登龍街) 地址: 銅鑼灣登龍街41-51號地舖電話: =====================食養生湯底米線呢幾年都流行呀，我都深信病從口入這道理，且食物本身有唔同營養，均衡才是皇道。$278 2人餐好抵食，點了半入花膠雞，麻辣海蜇手撕雞，鮑汁瑶柱冬菇飯，雲腿上湯娃娃菜。花膠雞個湯好飲，鹹鹹香香，半隻雞好多肉。手撕雞夠惹味，因個湯底兩個菜都是同出一徹，食到一半會有點單調，有麻辣味沖擊一下。個飯比想像中好食，每粒米都吸了汁又上色。娃娃菜煮到好腍身。

今天約了朋友去銅鑼灣登龍街嘅樂湯雞麵館吃晚飯，這間店強調少糖少鹽，而且所有湯都係原汁原味係唔會落味精嘅，所以去試吓。呢度嘅招牌菜係砂鍋花膠雞湯翅，湯好濃稠，有好多軟滑的花膠，喝的時候感到好有營養價值。煲裡面有半隻雞🐓雞肉煙煙韌韌，鮮甜有雞味，係原汁原味嘅。還有一些群翅，絕不欺場。鮑汁花膠花菇撈公仔麵味道好，公仔麵嘅硬度剛剛好唔會好淋，因為標榜少鹽少糖，雖然花膠冬菇有鮑汁，但係唔會太鹹，好健康。冬菇大而厚，花膠都好o正呀！蟲草花杞子浸翡翠苗健康有益味道清。翡翠苗嫩綠爽口，蟲草花杞子嘅配搭好合適👍🏻👍🏻👍🏻冰凍嘅豆漿口味非常濃郁，微甜，好合我哋嘅口味。今日雖然係星期一，晚上樂湯雞坐滿了客人，證明係一間好受街坊歡迎的飯店。

其實一入到餐廳聞到有浸臭味，已經覺得奶奶地嘢。但以為係間餐廳清潔做得唔好，啲食物應該正常掛。叫咗碗口水雞米線同藥膳雞米線藥膳雞米線：一嚟到發現原來係碗湯傳出異味，浸味好似有狗仔喺側邊屙尿但冇抹咁。碗湯飲落正常，但真係好臭好似嘔吐物。而雞就好鞋。食咗幾啖完全食唔落。口水雞米線：碗湯味道非常淡，而口水雞味道正常，但冇乜肉，雞皮亦都好厚。唯一要讚就係啲姐姐好有禮貌。成餐飯食咗$150，當買個教訓，以後都唔會食。