東京の味

營業中

休息中

近年多咗好多一人餐廳，自己一個嘆燒烤，自己一個嘆火鍋，絕對是i人的福音！而新開張嘅長沙灣東京の味，除咗適合i人之外，亦能滿足e人，餐廳更分開燒烤區同火鍋區。我哋今次就先食火鍋，食材同價錢都相當吸引，所以下次要再嚟試埋燒烤啊！牛胸腹肉日本豚放題套餐同大部份90分鐘日式火鍋放題一樣，餐廳按牛肉等級分為不同價錢，我哋今次就揀咗牛胸腹肉日本豚放題套餐。至於湯底亦有六款選擇，昆布鰹魚鍋、櫻花蝦豚骨鍋、意式蕃茄芝士鍋、山椒味噌鍋、養顏美肌鍋，至於食shabu shabu，我哋就最鍾意日式壽喜燒鍋喇。熟食區落完order之後，肚餓嘅我哋先去熟食區。熟食區嘅選擇除咗天婦羅，亦有關東煮同麻辣燙。特別喜愛入晒味嘅麻辣雞腎，唔會太辣，但麻香十足，非常醒胃。美國牛胸腹肉呢個套餐嘅牛肉選擇有兩款，而牛胸腹肉就係呢個餐嘅重點。牛胸腹肉嘅賣點唔係雲石花紋嘅脂肪，反而係脂肪含量較少，肉味香濃，而且淥熟後嘅肉質收縮，反而帶有一種爽脆感。北海道夢之大地豚肉除咗牛肉之外，呢個餐嘅北海道夢之大地豚肉係另一焦點。油脂分布平均嘅豚肉同牛胸腹肉形成強烈對比，肉質嫩滑，油香豐富，一碟接一碟。自取區90分鐘嘅放題，除咗肉類任食之外，餐

一人一鍋適合一個人嚟食既火鍋放題～唔想食火鍋又可以選擇一人燒肉餐餐廳分開兩邊，入座前要先揀火鍋定燒肉，再安排坐位～阿婆見到放題自助吧既選擇都好多，今晚就決定試一試火鍋放題湯底有6款，係餐牌上每款都有小量說明，更方便選擇適合自己既湯底～我揀左山椒味噌鍋，因為見到可以驅寒同促進代謝十分啱我每個set唔同既地方就係包含既肉類品種，198放題既肉類包括：美國牛胸腹肉、北海道夢之大地豚肉、嚴選牛肉～牛胸腹肉味夠香～豚肉肉質都軟淋冇騷味韓國急凍蠔係自助吧可以任攞～每隻都肥嘟嘟雖然係急凍但每隻都肉質飽滿，爽滑又甘甜，算係小小既回本位黑松露豬肉入口黑松露香味撲鼻口感實在彈牙～麻辣牛丸滿滿的麻辣花椒香氣，不用加調味料都已經很好吃蔬菜菇菌種類繁多，眼見的都好新鮮，冇穿冇爛冇黑萵筍大大片，味道清甜～係阿婆最愛其次菇類又吸湯爽口，打邊爐必食除左部份肉類需要用QRcode落單之外，其他所有丸類、蔬菜、主食、小食、甜品等等都可以係自助吧任攞～飲品類需要每位加$35先可以任飲。調味料方面種類都十分之多選擇，仲有泡菜提供真係一應俱全

最近長沙灣新開咗呢間日本料理 餐廳有提供日式燒肉同火鍋放題 呢晚我同友人嚟咗呢度食火鍋放題🍲 最平$148就可以任食90分鐘 非常抵食 我就揀咗高一級嘅牛胸腹肉日本豚放題套餐湯底呢度係一人一鍋嘅 我同友人各自揀咗個自己喜歡嘅湯底口味😚 日式壽喜燒鍋同櫻花蝦豚骨鍋 壽喜燒鍋唔會太鹹 有淡淡嘅甜味 豚骨鍋就有少少櫻花蝦嘅鹹香肉類呢個餐嘅肉類有三款 美國牛胸腹肉 北海道夢之大地豚肉同嚴選牛肉🥩 係可以任叫嘅 用QR code落單就可以啦 牛胸腹肉油脂感幾豐富 食落牛味重啲 豚肉淥完都唔會好韌 值得食多幾碟☺️自助區有多種丸類同埋蔬菜可以自己夾 我就幾鍾意佢嘅雪櫃冷氣夠凍 啲食材先可以保持新鮮🥬 芝心獅子狗 麻辣牛丸幾特別 仲有豬五花可以自己夾🐷 蔬菜方面整體都洗得好乾淨 又好新鮮 整個自助吧仲好企理添⭐️熟食自助吧仲有炸物同埋關東煮拎嘅🍢 我地試咗炸物 面頭有啲椒鹽幾香口 雖然有盞射燈照住 但係始終冇即炸嘅熱辣辣 溫度微暖 有茄子 番薯 南瓜等等嘅食材🍆甜品除咗有雪條任食之外 呢度仲有日式蕨餅同埋泡芙🍦 泡芙好Creamy 忍唔住食咗好多嚿🫢飲品除咗常見嘅汽水同埋無糖茶之外 呢度仲有日本嘅梳打水

🌟東京之味一人鍋🌟放工食自己唔知揀咩好，黎左呢間一人鍋店，食完行出去就有車搭番屋企😃➡️店舖分火鍋/燒肉店，而火鍋會因牛肉級數分唔到價格的放題💁🏻‍♀️🥘揀左特選美國牛胸腹肉，第一輪會先上美國牛胸腹肉、嚴選牛肉、北海道夢之大地豚肉各一碟，隨後透過QR code落單追加肉類，另有自助吧揀選蔬菜、丸類、飲品等食材😋😋湯底亦有唔少選擇，我就揀左個最清既鰹魚湯喇～食到飽飽，決定行前2條街口消化下先再搭車😂

哩間邊爐已經係我第二次嚟食🤤佢係可以選擇食燒肉定打邊爐🫕因為我個人鐘意打邊爐所以兩次都嚟打邊爐😆佢係一人一鍋打邊爐放題嚟而且可以每個人都簡唔同湯底唔洗加錢🤘🏻因為覺得好抵而且牛肉新鮮所以嚟食第二次✌🏻上次就食最平個餐$168 已經可以任食嚴選牛肉今次就試吓佢個貴少少$198仲多咗任食美國牛胸腹肉同北海道夢之大地豚肉添🤣除咗可以任食牛/豬之外，佢出面有自助吧任拎都好多野食😮熟食區有炸物、泡菜仲有關東煮添！海鮮肉類都有好多選擇😮除咗有豬腩肉同雞肉🤔特別係有蠔、長腳蟹柳、八爪魚仔等😮仲有菜類款式多同新鮮😆飲品仲有唔同嘅日本同韓國飲品🥤同埋我覺得好細心佢竟然有支裝嘅韓國水拎！（因為我成日都覺得食個放題就會飲咗好多糖落肚🥹 所以我好感動有水可以飲😂）仲有多咗勁多款雪條可以任食呀🤤💬今次第二次嚟見到放題嘅款式多咗，無論係丸類、甜品、蔬菜都比第一次嚟多咗，見到佢哋係一直改良😮（其實本身都多選擇依家更多）仲有員工服務好好勁有禮貌，記得當時隔離枱出去拎野食無熄火搞到成枱成地都係湯，隔離枱翻到嚟就同職員講，個職員第一時間竟然係問個客人有無整親，話最緊要人無事，之後即刻拎地拖拖地👏🏻📍長沙灣東京街31號恆邦

呢間長沙灣火鍋店提供6款特色火鍋湯底，人氣之選有日式壽喜燒、櫻花蝦豚骨鍋、昆布鰹魚湯、山椒味噌鍋等等。店內環境都幾大，座位好多，而且好乾淨！店員服務態度好好添！今次揀左壽喜燒湯底！幾特別嘅係有得食關東煮~ 飲品同雪條都有啲日本牌子,同平時外面嘅放題都幾唔同！仲有生蠔，八爪魚等等！90分鐘牛胸腹肉日本豚放題套餐 $198牛肉同豬肉質厚實肥瘦均勻，而且每次加單都上菜極快，瘋狂任食肥牛超滿足🤤❣️❣️❣️

【一人燒肉、火鍋，單身福音】 與友人探店，到訪長沙灣東京の味試試一人燒肉。餐廳地方頗大，感覺寬敞乾淨，樓上上一層，見到很多人捧場。場內分燒肉區和火鍋區。 我們剛吃過下午茶不太餓，故此點了一個餐另加肉。牛小排、牛肩肉套餐200g $155，另加$35 50g牛肩肉，有白飯、沙律、和風湯，和風湯是羅宋湯，另有加一收費。肉質如平常日式火鍋放題般，自助開爐，熟度自行決定，還有調味醬料供客人自由配搭。枱中間的櫃有餐具。另有水機可以自行斟出，有熱水、溫水提供，很是方便。 東京の味 (長沙灣)長沙灣東京街31號恆邦商業大廈地下3號舖及1樓

好少去街坊食肆食飯，今次去到長沙灣地鐵站附近的東京之味試一人燒肉(最近愛上左周圍搵一人燒肉食)餐廳其實都有一人火鍋，係比較少有的平價燒肉火鍋餐廳套餐由$50起，其實就咁嗌一人餐就可以，牛五花套餐有白飯一碗+牛肉+泡菜+泡菜牛肉湯，其實都足夠我另外加的雞肉和豬五花好平，最好係可以50g咁加燒肉都係差唔多咁既味道，豬五花係薄切，相對我更喜歡雞肉。如果我屋企樓下都有咁既燒肉火鍋餐廳就好了，勢必成為我的飯堂🤗

👨🏻‍🍳東京の味 (長沙灣)📍長沙灣東京街31號恆邦商業大廈地下3號舖及1樓 「探店👨🏻‍🍳一人燒肉」 長沙灣樓上呢間主打一人燒肉/火鍋，今日同朋友2人試試燒肉。一人燒肉，但系可以二人一齊燒🤤爐都算大。 🍽️牛小排、牛肩肉套餐 200g $155+50g 牛肩肉 $35有加一服務費🫶🏻 配有白飯、泡菜或沙律（揀咗沙律）、和風湯（羅宋湯）。醬汁方面，有燒肉汁、蘿蔔蓉牛扒汁仲有岩鹽、鹽、黑胡椒 有水機，自助斟水👍🏻環境幾大，分開火鍋同燒肉。 #東京之味 #香港一人燒肉 #一人燒肉 #arigato不了 #香港燒肉關注組

長沙灣有間有燒肉又有火鍋嘅鋪頭，地面入口不算大，原來上面一整層都係佢地，一邊燒肉，一邊火鍋，最平五十幾蚊就有交易。🔥東京の味套餐 150g $102🔸牛肩肉大塊，牛味香濃，唔鐘意肥叫呢個啱晒🔸牛五花不算太肥，肉質可以🔸牛舌薄切爽口，好食👍🏻套餐組合：珍珠米飯，和風湯，沙律🔥牛五花 & 豬五花套餐 300g $112🔸牛五花不算太肥，肉質可以🔸豬五花較肥，切得好薄，可以燒得十分香脆套餐組合：珍珠米飯，和風湯，沙律💬晚市收加一，燒肉區好寬敞。起初怕一人150g唔夠食，所以其中一個點300g。原來300g肉都幾多，兩人分享食都夠。走時望下個火鍋好唔錯咁，下次試下先。

好少嚟長沙灣搵食，喺大街見到呢一間好乾淨招牌清晰嘅店又有一人燒肉食。由於店舖面積大，就算分開火鍋或燒肉區，7點前仍然好多位。今日同朋友都體力勞動所以揀食燒肉，價錢都係非常相宜。我地叫左「東京之味150g, 牛豬五花300g」東京之味嘅肉都係級數靚，豬五花幾特別，佢雖然肥，但簿切之下可以燒得好透徹，入口感覺又甘又脆，一啲都唔肥膩。醬汁方面，呢個蒜蓉牛扒汁，襯咩肉都咁好食。俾錢時順到睇吓火鍋區，都係好吸引，飲品選擇多，仲有關東煮，生蠔添。

我與老公喜歡探店，尤其是陪老公去品嚐新開的食店，今次就去試下長沙灣「東京の味」。室內裝修企理，上了樓梯到一樓飲食區，我們選了兩份每位$198的牛胸腹肉和豬豚火鍋放題套餐。湯底選了意式蕃茄芝士窩。套餐的牛胸腹肉和豬豚聲稱來自美國和北海道，肉質尚算鮮嫩。餐廳以自助形式還提供各種類型的肉丸、菇菌類和新鮮蔬菜，你可以根據個人的口味選擇喜歡的食材和調味醬料。如果你喜歡炸物，餐廳也有提供少量款式的炸物供你選擇。除了食物，餐廳還提供無限量的汽水飲品和雪條。這些清涼的飲品可以讓你在享用火鍋的同時，解渴消暑。由於我們被安排坐到餐廳的尾端角落位置，當餐廳稍為擁擠時，空氣中的熱量無法有效散去，使得某些位置的溫度變得相對較高。就在這種情況下，我們真的是流著汗享用火鍋。

我與太太喜歡探店，尤其是抱冒險精神去品嚐新開的食店，今次就去試下長沙灣「東京の味」。我們選了兩份每位$198的牛胸腹肉和豬豚火鍋放題套餐。湯底選了意式蕃茄芝士窩。套餐的牛胸腹肉和豬豚聲稱來自美國和北海道，肉品尚算質鮮嫩。此外，餐廳還提供各種類型的肉丸和新鮮蔬菜，讓你可以根據個人的口味選擇喜歡的食材。如果你喜歡炸物，餐廳也有提供少量款式的炸物供你選擇。除了食物，餐廳還提供無限量的汽水飲品和雪條。這些清涼的飲品可以讓你在享用火鍋的同時，解渴消暑。然而，有一點大家需要注意的就是空調冷氣量不足。當餐廳擁擠時，空氣中的熱量無法有效散去，使得餐廳內的溫度變得相對較高。在這種情況下，食客們可能會感到不舒適，流著汗享用火鍋。因此，當你到訪這家餐廳時，建議你在選擇座位時要特別留意，選擇靠近通風口或空調出風口的座位，以確保在享受美食的同時能夠保持舒適的環境。總體而言，雖然餐廳的過別位置有空調冷氣量不足情況，但只要在選擇座位時留意或以不放棄的決心向店員求助下，你仍然可以在這裡度過一個難忘的用餐體驗。

長沙灣難得有一間放題打邊爐+燒肉餐廳，而且又一個人都食得，所以搵咗日無飯開嘅日子去試吓。餐廳面積都幾大，燒肉同打邊爐分開咗兩邊，上到去店員會問你想打邊爐定燒肉再安排入座。我就揀咗90分鐘放題任飲任食打邊爐。放題有四個套餐可以揀，我就揀咗個中價位$198 牛胸腹肉日本豚肉，入面包咗三款肉，分別係嚴選牛肉、美國牛胸腹肉、北海道夢之大地豚肉。火鍋係一人一個小窩，所以可以揀自己鍾意嘅湯底唔使同人夾😆湯底都有六款選擇，我就揀咗山椒味噌鍋，呢個比較少食，所以想試吓，食落就辣辣地，同埋比較重口味。湯底入邊有油揚豆皮，索哂湯底精華非常入味好食。牛肉要用QR code落單，落完之後已經好快送到上黎，唔洗等好耐。美國牛胸腹肉，油花比較重，食落就夠香口。嚴選牛肉脂肪較少，肉味較濃。北海道豚肉肥瘦均勻。自助區有熟食關東煮、天婦羅，火鍋配料選擇都幾多，有丸、腸仔、小雲吞、蟹柳、豆皮福袋、八爪魚、韓國生蠔、烏冬。另一邊蔬菜櫃，有唔同蔬菜、菇菌、芋絲等等。飲品有汽水、紙包茶飲品多達17種選擇。甜品方面，雪條都有5款選擇，另外亦有泡芙、黑糖蕨餅。📍 東京の味 (長沙灣)長沙灣東京街31號恆邦商業大廈地下3號舖及1樓

午餐唔值得去食………………………. 肉少、蔬菜選擇少…. 點解唔收多少少錢，俾多D嘢人食，不值得再來.. 差差差差差差差差差差差差差差差差差差差差差差差差…. 不知所謂