彪哥海鮮菜館

營業中

休息中

屋企人出外旅行，而我吔呢啲「無飯煮婦」最好梗係出街食啦。突然想食下大排擋嘅風味小炒，search 一下就搵到呢間喺附近嘅菜館，叫左兩個餸，一個Wasabi 牛柳另一個係香脆花生苗。牛柳粒好香而且冧，雖然我唔好wasabi, 但味道又幾好喎而且又唔會太辣，有肉喇咁就叫個菜啦，老闆娘推薦花生苗，平時花生就食得多啫，苗真係未試過，而且老闆娘話好爽口，咁就試下啦，估唔到又幾驚喜喎，好香鑊氣，再加埋惹味爽脆，搞到另一位煮婦話返屋企要試下整呢個菜式總評價來講，份量OK，味道好OK 價錢OK，係晚飯時間要排隊等位耐咗少少，建議打電話Book 枱

老豆話聽講幾好食就試一試佢見到一牆都係獎牌以為好得點知未食已經一肚氣樓面完全唔掂諗好菜想叫落單叫左幾次都無人理 被人當透明終於有個阿姐黎到佢一輪咀係咁推介啲海鮮乳鴨唔比我講我話已經諗好 唔想食佢介紹果啲 佢即刻走左招乎第二枱🤦🏻‍♂️⋯⋯🤷🏻‍♂️最後老闆娘好禮貌過黎比支筆我自己剔叫左支啤酒叫左四個菜椒鹽鴨舌金沙茶樹菇沙拉骨得獎名菜香港炒飯上左兩個餸酒小菜之後坐左幾個字都未上到菜隔離有好幾枱都係咁名過於實....除左個鴨舌幾好食個炒飯真係得啖笑味道一啲都唔特別埋單 $385雖然老闆娘好客氣不過我都係忍唔住要打返編我諗都唔會再食

叫咗個咸菜豬肚煲，第一次嚟入面有隻蚊滋叫佢換過！換完反嚟，食食下入面有邊竟然有隻小強同一個餸，嚟兩次入面都有料到，其他嘢都即刻食唔落！結果我同老公夜晚都肚痛，今日去睇醫生，醫生話係腸胃炎

一行6人特地約黎呢度食飯，特別早一日訂左燒鹿脷、羊腩煲同砵酒焗蠔，因之前食過好正🥰先黎個老火湯，大白菜煲到好淋，淡湯好甜下，岩岩好一人一碗。*黑金磚炸豆腐*用百福豆腐整，外脆內軟既口感不錯，而且份量都多，有淡淡芝麻味，其實幾有特色，只是我不愛吃芝麻😅*豉椒炒蜆配星麵*醬汁惹味，d汁送埋麵一齊食係幾夾，麵就脆卜卜咁，蜆肉都鮮味。*泰辣去骨鳳爪*個汁辣度剛好，去左骨仲有d筋位嗦嗦聲，而且入味，食完幾開胃👀呢個*辣酒花螺*岩晒我🥰夠晒辣，粉絲索左d湯汁好正！花螺煮到一拉出黎就係，都新鮮。*香濃羊腩煲*個汁又真係香濃既，真係羊腩黎，肉煲得夠淋👍🏻有冬菇、支竹都好入味。*香脆花生苗*第一次食，有d似芽菜咁，但大條好多，真係有粒花生係度，都算幾清甜。*砵酒焗蠔*好肥美既蠔，隻隻都好大隻好甜🤤個汁又香濃壓軸出場*燒鹿脷*廚師會走出黎燒比你食，會配埋雞髀菇一齊燒，令雞髀菇索埋鹿脷滲出黎既油😯雞髀菇本身甜帶少少鹿脷既香味，完美演繹🙊鹿脷味道比一般牛舌味道更濃郁，騷味更出，我鍾意🥰當然都好嫩滑啦～食到7788，整個*大良炸鮮奶*當甜品，甜度適中又滑嘟嘟，食飽飽食埋佢都唔覺膩😁

喺牛頭角地鐵站行5分鐘就到，依家餐廳係食小炒，佢有個炸鮮奶，非常好食，而且仲要超級抵食，七蚊件好大件，炸鮮奶裡面好滑，而且食到好濃既奶味，仲有少少椰香味，推薦炸大腸拼炸奶，大腸乾淨，肥美豉椒炒蜆，味道非常鹹，但好彩蜆冇沙，麵好乾沙拉骨，味道幾好，份量大，好多肉蓮藕片，煮法各師各法，依間就比較豬肉好多，好少蓮藕，但係煎得香口，唔係太油膩，仲可以逐件叫腐竹雞蛋糖水，味道唔太甜，煲到啲腐竹及白果溶晒，超級好味，仲食到蛋花香，下次試下個燉湯先，收錢服務仲好好添

很好，這頓飯，沒有點雞，雖然沒有吃過這兒的雞，不知是否十分驚為天人，但是由於其他各項小菜各具特色，因此多試其他小菜更好吧。第一次來到觀塘這條所謂食街，其實看見餐廳裏有很多特色食品，例如甚麼鹿薑醋、鹿肉掛米線等等。但是由於要顧及其他友人的偏愛，因此選了一些比較大路的菜色。士多啤梨骨，幾乎是一看餐牌之後，立即很想點來的。結果，就最為失望，因為一看餐牌就想試試，但是結果，不是那些新鮮士多啤梨去弄的京都骨，而好像只是差了一點士多啤梨果醬混入弄的排骨。但是，其實那件骨的肉質也非常好，大骨的部份口感會比較好，不太肥膩，口感一流，可惜汁醬不太具誠意。蒜蓉炒豆苗，蒜蓉的份量剛剛好，豆苗帶一點蒜蓉香，也不太細碟，算是挺划算的。份量多而出煙，賣相不錯。避風塘雞翼，反而，聽來只是普普通通一個雞翼，但是加入避風塘風味，賣相亦相當不錯。就像平日避風塘炒蟹那些蒜、辣椒、蔥粒。雞翼夠肥大，亦都夠大隻，避風塘味道已經完全吸入雞翼之內，不受得來的人可能會覺得挺辣，而我也剛剛好可以抵受得了這種辣味，覺得非常香口。蓮藕餅，其實蓮藕餅這種食品真是各師各法，因為有些地方的蓮藕餅，豬肉成份少蓮藕較多，那麼口感就會比較鞋。但彪哥這

觀塘牛頭角交界有一條宜安街，可說是區內食街，短短二、三百米距離內餐館之多嚇死人，而且中、泰、越、日、印尼等菜均找到。由於辧公室就在附近，一星期總有三、四天在此搵食。但因為九成九都係一個人食，多數去茶記便算，這天舊同事來呢區飯聚，話想食傳統粵菜，我就選了位於宜安街內、都有兩、三年冇幫襯過的「彪哥海鮮菜館」。此店不大，我又冇預訂，所以早一點在六時四十五分來到，總算不用等位。先叫支青島解渴兼等齊人，店家用現時流行的戰鬥碗，都有雪過D碗，還算貼心。雖然此店做蛇羹起家，但這天想清清地，決定來一大盅大白菜燉豬肺湯。呢個湯好清澈，大白菜散發淡淡清香。整體而言味淡但令人喝得舒服。懂做菜的都知洗豬肺好麻煩，而這裏的豬肺洗得十分乾淨，一點異味都冇，呢一些功夫錢抵比。黃金蝦味道合格，至少蝦尚算大隻，肉質亦算彈牙，若咸蛋黃用多一點的話會更惹味。金銀蛋浸菠菜普普通通，肉多個菜，其實菜的份量多一點會更好。蜆芥鯪魚球做得好好，個球搓得夠圓潤，放了一段時間也沒有縮水，抵讚。而且呢度用的蜆芥醬又不會死鹹，反而真的有提味之效。個豉椒炒花甲加多三十元要個星麵底，其星星賣相絕對是呃like之選。總算花甲夠新鮮，沒有打不開殼的

哩到環境比較舊、始終係舊區， 但晚飯食小菜哩到唔差！好有風味。 都有唔係白領來哩到食晚飯攪飯局。我來過2次都有叫個大白菜豬肺湯飲， 哩個湯比較清，唔同杏汁豬肺湯。都幾好飲！ 另外小菜都唔差，約三五知己朋友同事食飯係唔係選擇。

This restaurant was started by Big Brother Biu, who had made his name selling snake soup and owning a food stall in the Kwun Tong neighborhood. After the area was re-developed he moved to the current site and continued to offer food stall style dishes, but having more seafood choices. On the night we ordered the Dark Gold Brick Tofu, which is a deep-fried tofu with chili salt, sprinkled with black sesame. The texture is great, with a crispy skin while a soft tofu interior. Also, the seasoning is

第一次食 #彪哥BB乳鴿👍 外面啲皮好似紙咁薄，內裡又暖又多汁❤ 最緊要唔係乾淨淨😌加埋個醬汁，真係食唔停口😋炸鮮奶🌟 同我細細個喺酒樓食嘅一樣😍 食過你就知同出面嘅不一樣。食落去係食得出材料嘅味道同層次💗豆腐💎脆卜卜，外面有啲黑芝麻仔，裡面滑溜溜。香口得嚟唔會漏!食得多都唔會覺得滯住個肚 😏薑蔥炒蟹🦀 本人係 😍薑蔥炒蟹迷👑。同我喺出面一向食開有分別。 師傅用炒雞蛋做底，雞蛋將啲汁吸收哂，好香。細心嘅係蟹幹整得好好，唔用鉗都食到👍食落蟹肉清甜入味! ! 重點係食唔到一舊舊炸粉☺酥炸茶樹菇🍄💚 炸魷魚鬚我食得多，呢個真係第一次食。食落去啲菇好爽口，keep番個原味。一口咬落去，有齊兩種口感同味道。配一杯冰涼啤酒🍺 讚💖😌仲有個杏仁茶💛暖暖的，口感好豐富。完全冇溝水💡✨好耐未試過一間用料誠實，對食材味道用心， 顧及食客嘅感受食肆👍👍👍

以前很喜歡來這裏吃飯，很喜歡他的芥茉牛柳。但是搬屋後，已經很久沒有來了。今天特別來這裏尋回老味道。這裏的例湯不錯，但可惜今天是星期六沒有例湯。每次午飯時段來這裏，我也會叫牛腩炒麵，菜單裏沒有的，但店員都願意為我煮，可惜的是店員說今天沒有牛腩，所以只好改叫牛肉炒麵，也是餐牌沒有的，真的謝謝他們其實這裏很多小菜也很有名，但因為今天是午飯時段，所以叫啲客飯便算了，同事希望吃百花卷，所以也點了3客，但忘了拍照。下次經過會再來吃

自從觀塘牛頭角重建，啲大排擋執曬之後，都無咩邊幾間食到有鑊氣又好食既點小菜。得翻宜安街兩間，一間彪哥，一間新樂園。打電話book 枱嗰陣，個阿姨問有無興趣訂隻八寶鴨，我見未試過，我地六個人應該食得曬就叫左隻，提提大家要早兩日訂。星期五晚食飯都唔係好多人，我地被安排去一個好細既鋪位，入面得三張大枱，兩張細枱。呢度啲侍應都應該係做左好多年，啲阿叔阿姐好nice ，一路落單又同我地吹下水。有八寶鴨，魚香茄子煲，黑金磚豆腐，豆豉鯪魚炒芥蘭，炸鮮奶。雖然全部都係大排檔食開嘅普通小菜，但係炒得幾有鑊氣，雖然普通茶餐廳都有小菜食，但係就冇得飲啤酒，最正嘅係我地邊食邊啤啤佢吹水傾計，食到最後我哋好似包左場咁， 侍應久唔久就入嚟望吓我哋洗唔洗加水。又唔會係咁收我地野想趕我地走。隻八寶鴨好足料，有蓮子百合冬菇等等配料釀入隻鴨度，鴨肉都燘得好稔，六個人食岩岩好。炸鮮奶同埋炸豆腐都值得食，外脆內滑。呢度有大排檔嘅風味更加有小店嘅人情味，雖然唔係啲咩高級餐廳，但係充滿着回憶。

Traditional healthy food by Biu GorrrrExotic cantonese food 🤗🤗We ordered a bowl of authentic snake soup, almost every table order this. Spring some lemon grass and chips on it, it creates layers of taste!! Good to have this is winter, by just having some, it keeps you warm for all night!!Since we ordered some deep fried food like deep fried tofo, deep fried milk, deep fried squid, we need some cool food to balance. Many people will do this by having beers, a more healthy choice is available in B

彪哥海鮮菜館雖然是幾十年的舊菜館，但一直都無緣品嚐，這次因朋友提議去這間便相約前往，在食評內看見有很多不好評論還很擔心，店舖沒有新装修有懷舊感覺，因店舖員工不是太多但很有人情味，後來和老闆娘傾談原來現在己由兒子接手主理，再開始品嚐每樣菜式才發覺有驚喜及用心去做每道菜式

前兩天朋友介紹彪哥海鮮菜館，是他多年一直光顧的地方，而我一直無嘗試過，未去前照常看食評如何，發覺有不少差的評論，但朋友介紹就不防一試，店舖因多年沒装修，仍保持懷舊味道，與老闆娘傾談近幾年已放手給兒子主理，品嚐菜式發覺味道有驚喜，原來她兒子開始創新及改良某些菜式及用心去構思味道(有心)，但他爸爸的原有招牌菜便保留原來味道，希望下次再來陸續會有新驚喜