妙法齋

營業中

休息中

今日突然想食齋菜~見到妙法齋評語唔錯就決定試一試環境幾乾淨，只係座位有啲窄窄地呢個咕嚕肉味道一般…炒雜菜冇咩特別香荔酥卷係3樣之中最好食既既鬆脆，又酸酸甜甜咁2個人，3個小菜已經好夠飽！早知唔叫飯值得一讚既係，服務真係想當唔錯，侍應好細心同有禮貌！

有人喜歡素食, 喜歡它清淡的味道和健康的用料; 有人郤不喜歡, 兼它款款用料相若, 味道一致且毫無特色; 有人亦認為何必將素菜扮成肉類和家禽類, 令它們變得虛假, 但我們卻自找樂趣, 不但吃得開懷, 亦樂在其中。今次走入屯門又帶兩老覓食, 本應第一次是一起去, 但老爸竟突然爽我約, 嬲嬲地之下便自行帶老媽去, 激一激他, 但還是心軟, 再帶他一起去第二次, 所以共訪了小店兩次。店子門面不算大, 設有一處外賣位, 客人可在此外賣點心, 挺方便。一走進內裏, 左邊是擺放點心區, 除放了一個個點心籠外, 還有一個透明的食物箱, 放了多款的滷水齋品、包點、煎炸物等, 一覽無遺。小店共有兩層, 但方便起見, 兩次均坐下層, 故不知上層的環境。全店以綠色為主調, 不論招牌名字、菜譜、桌子、椅子, 連店員的制服均是綠色。內裏設有數張大大小小的圓枱, 可坐五至八人, 地方不算大, 枱與枱之間頗狹窄, 坐得不太舒適, 而且多數需要搭枱。到訪日期: 28/12/2014一安坐後, 便馬上看看早餐的菜牌, 一頁是點心類, 另一頁是西式早餐, 老媽還是喜愛中式, 故一口氣挑選了幾款點心一試。等待其間再細閱那本

原本只想外賣一些餃子和甜點的綠茶糕，大概是下午二時多，入門口收銀員叔叔叫去對面廚窗位自己同內面講，叫我自己問埋總數多少錢，裏面有一男一女，態度一般地問，「你要乜吖？」說完了幫我放入白膠袋，一句也沒有留下，比完錢出店子後看看竟然油淋淋的餃子和甜點放在一起，試問誰人想吃有油的綠茶糕？老店子，有架子，雖然我買的東西很少、但這樣服務客人，真的不能接受，所以其他客人想買外賣，不要咸的和甜的一起買。

很久很久沒吃過齋，大概至少有4-5年吧！對於我黎講，食齋太沉悶，款式唔多，味道又大多清淡，而我比較愛濃味的菜式！果日忽然有朋友叫我去食齋，心諗“是旦啦，反正好耐未食過”！入到去感覺坐位少又坐得唔太舒服，但d服務都ok！我地兩個人叫左3個餸：1） 枝竹羊腩煲～好好味，雖然口感唔似羊腩，但d味道都有幾分羊騷味，好神奇！2）紅燒豆腐～好正，勁多配料，味道又好好！3）古法蒸石班～條魚個樣一d都唔似石班，但勁似左口魚，所以應該改名叫“古法蒸左口魚”，不過口感同味道都勁似魚，好好味。3個餸之中我最喜歡呢個！兩個女仔食晒3個餸，臨尾仲有芋頭西米露送，超飽！

星期六，比平時早到了屯門，目的就是要去行行新開的商場。而在屯門區，要找素食館子，的確是方便至極，在屯門墟內，就有一間《妙法齋》，提供素食，而且是我們喜歡的素點心類素食。位置算是方便，不過不在大街，也不在大巷的店，不打開手機的地圗，又不是區內居民，找她，的確是要花上少少時間。在手機地圖的幫助下，我們在其中一條行街專用街找到了，我們單是看門面，就知道這是傳統型的齋鋪，也感覺同荃灣的《妙法齋》一模一樣，感覺信心一增。一入門口，就是開放式的點心製作部，有什麼點心製作好，有什麼點心準備好，一目了然，當中，一定會獅一些做定，放涼了也沒有問題的素點心，如素肉批，素粉果，咸水角等等。而我們就點下了素火腿批。因為是預先做好，放涼了方便客人外賣，堂食即食，就立即翻熱奉上。我們要的素火腿批，焗熱之後絕對是香味充足，素肉餡夠豐富，是不錯的一個西式批，味道不比馳名中環及馳名大埔的差。素粉果，內裡的花生粒夠香，亦夠脆，很正常的素粉果。素牛肉球，山竹再加上菜，做得比同區的另一家素食館更似，不過質感上沒有那麼結實，而素肉球中帶有菇粒，感覺是更好食的，但我們吃慣另一家的味道，這個感覺不一樣的肉球，入口不慣但一樣覺得好，

今天，屋企人同我提早慶祝生日。早前，屋企人問我想去邊度食飯慶祝，我思前想後，決定去食齋。屯門區素食館以大力齋廚最有名，但係今次想試下另一間素食館，於是就決定去位於新墟的妙法齋。其實，呢間舖頭開左好多年，我細細個就食過。唔知係咪星期六中午，唔洗等位，呢樣野好過大力。服務員態度好殷勤，不斷介紹我地食呢樣食嗰樣，但係就過份殷勤左少少，因為我比較鍾意慢慢睇、慢慢揀。我地總共有5個人，所以可以叫多d食物。點心方面，我地叫左：雞扎、蘿蔔糕、鹹水角、豬肚、素鴨另外，我地叫左：芋頭魚、羅漢齋炒麵、xx鮮魷時蔬(唔記得左個名)、味菜豬大腸我本來想要芋頭糕，點知賣曬，唯有叫蘿蔔糕，味道ok。鹹水角同普通酒樓食無乜分別。雞扎同豬肚就分別較大，不過都係用類似豆干之類的用料，口感好似。食完點心後，我地叫左個小菜套餐，包括左芋頭魚、xx鮮魷同埋味菜豬大腸。豬大腸同鮮魷都係用豆干，所以食唔出有乜野分別，而且d味菜好鹹。至於芋頭魚就好好食，始終即叫即製，外皮夠脆，內裏夠熱。羅漢齋炒麵就令我有d失望，雖然賣相好靚，但係d麵淋左。我食炒麵都係想食脆口麵啫，點知第一次夾就已經淋左……其實我仲有好多野食想試，好似馬拉糕、雞球

久不久都會同女友來呢度食飯, 今日大約中午一點半左右到, 無需等候, 環境都算乾淨, 由於此食店只有很少的細檯, 我地差不多每次都好似去左食堂咁, 好多唔同的人搭埋一張十二人檯, 如果去呢度食野就要有心理準備, 不過呢度侍應好好禮貌, 反應又快!腐皮卷 - 上檯時仲係好熱架, 個皮脆戈卜卜, 個餡有蘿蔔, 荀, 菜等, 都幾爽口惹味鍋貼 - 餡係以白菜為主, 味道不錯, 不過個皮就不敢恭維, 好厚好厚, 加上又唔係好熱羅漢齋炆伊麵 - 味淡, 個"獻"太"杰"....麻麻地想久不久食清d都可以去試下的

荷葉食好大,好好食,3人分會好,但唔食蛋的人記得叫走蛋本餐要$1122個人完全食唔哂,建議三個人食好點..............................

佛慈齋一直都係至愛!而家試左喱間之後妙法齋而家變左第二愛而且仲近我住既地方~Good!馬拉糕`好食.好鬆軟!下次一定會再食!~粟米魚餅`好吾掂...我覺得好難食~點都吾會再嗌! 一咬就散哂.仲有味道好怪雞包`好好食呀!好多餡~有飽足感!咸水角`又係好吾得!淋哂!好吾得~荷葉飯`好大個又正!抵梅菜肉飯`有好多梅菜- -!不過整體黎講都好食既~不過有d吾抵!實在太多梅菜~

妙法齋是我和朋友於年青時代在對面讀緊私校時,中午放飯常來的食店.雖然食物和味道的印象已經好模糊,但情景我們都沒忘記.很難得和朋友睇場戲,順勢在這裡午飯,說起來還是第一次和朋友飲齋茶呢兩個人可以擦碟麵,其實我猴住羅漢齋炒麵好耐了即叫即炒等了十五分鐘,麵的份量比預期的少呢!麵底雖炸過但食入口不油膩,相信與厚厚的獻汁整淋左有關,材料有木耳,雪耳,馬蹄,竹荀,鮑魚菇,蘑菇,冬菇,菜心,芽菜等等,用料則相當足!每樣食材都應爽則爽,應甜則甜.整體上不錯.至於點心款式就沒有早上那麼多樣化,餘下的只有蒸飯,包點,粉果等等.我們點了素粉果,粟米魚餅和馬拉糕.煎魚餅一直都是朋友鐘愛,在齋店也不忘幫她點粟米粒相當多,魚肉較為散,只有微溫關係感覺硬是差一點.至於馬拉糕是看到隔雜枱食緊我才知道有此品.馬拉糕一籠兩大件,雖然是翻蒸,但出來仍保持香氣四溢糕身充滿大大氣孔,不鬆軟就假了,充滿蛋香味之餘,其甜味又剛好,非常好食.新春關係,小點加到十元,埋單亦要加一.不過~至少無酒樓咁吸水十幾年的時光,飛咁快地過了.縱使生活上各有不同,尤幸大家仍是開心快活人

近來到妙法齋飲早茶,多數吃炒米加白粥,原因又平又飽肚~!首先說炒米$7>$8,份量次次都一樣:好多!約半大湯碗,米粉不是什麼銀絲米,只是平時東莞米粉,夠爽夠咬口,米粉之間都炒得好均勻,甚少出現一舊舊,材料雖然只有粗條椰菜絲和幼條紅蘿蔔絲,不過下的份量都不少呢,味道除了從椰菜吃到的清甜味外,米粉出來的味道真係好清淡,不過!這樣簡簡單單我覺得好味又足夠炒粉麵絕對是肥野食品,但由於這個炒米粉用的油份算是少,起碼入口沒有油淋淋感覺,以及食完碗底沒有反光的,所以我較安心食用(大家去一轉海皇粥店食個炒米就明白)早排食過一次炒麵,配料都是菜絲,但覺得此味比較油膩,不排除我先入為主,因為知道做蛋麵的材料是包括膽固醇極高的鴨蛋黃另外白粥$5>$6的份量都是一大碗,阿姐更裝到滿滿到碗頂的看到就高興了.白粥用米量相當多,質地夠哂厚傑,我食白粥是不下鹽,輕易到吃出一陣白米香.白粥是低卡健康又飽肚之物,以及腸道也很有益處.鼓勵多吃^^十一月份開始,店方將每樣點心都加了價,平均每款加一蚊,加價同時亦加了一些新款點心,雖然未有興趣試(因為都是甜點及煎點),但趁此篇幅都一提.順便寫埋在八月時食過的大包

突然好想同老公出去食餐晚飯，於是下畫就搵下有ｄ咩好野食，揀選左咖哩屋同食齋，但最終都係去左食齋，有ｄ失望咁囉．個碗飯又硬又有飯蕉，人地有甜湯送我地無，就算有都未必好食，以喱間野既質素，唔會有下次．１．桂花翅：有ｄ辣辣地，好好味，豆乾，金菇絲，素翅，加左ｄ胡椒粉，正．２．乳豬件：大家睇下係咪炸到好燶呢？極之唔好食，作為伴碟既蝦片更加唔駛講係難食到嘔．３．西芹腰果蝦碌：普普通通得黎又無咩味道可言，ｄ蝦可假，假到唔知點去形容．

前話不多說了,今日有時間和'好耐'無去齋鋪飲茶,所以又來一轉.現在喜歡坐收銀隔離個張四人檯,一來搭位最多三人,成圍檯搭十人八人感覺很焗促呢.二來對正點心透明檯,可邊看邊想今餐食什麼先?因為昨晚游完水,早上餓到發荒了,最緊要食包!上回叉燒包個包身鞋恰恰,這裡無什麼包點選,再大膽點雞包仔吧.等左陣先有,原來雞包仔有三個架,每個拳頭大小,飽身無濕滋滋好似無翻蒸的感覺,拿拿聲食個先,唔~包身好軟熟!可能幸運地遇著剛出爐的貨色.餡味道好似真雞包,勁似勁似~明明只有冬菇,素雞,紅蘿蔔,還有應該是甜菜的物體,咸咸香香再有微微薑味,食多兩啖真是有'雞包仔'味架...~~~可能跨了少少,不過真是好好食!!推介之.上次吃粉果又是差到不得了,層皮厚過我塊面=.=今次在點心櫃裝了幾次,仲問阿姐素粉果和羅漢齋粉果即是哪樣子?阿姐拿了兩碟給我看,一看就知龍與鳳呢!後者的皮好厚身呀!!前者的皮是半晶瑩剔透狀於是就要一碟,因是翻熱貨,層皮口感仍是厚了點點啦,還接受到.餡最多是馬踹,好爽甜清脆,仲有少少莞茜,好清香.不過要趁暖吃呀,凍了層皮又開始硬了~食友說佩服我返工前都可以去飲早茶,一來自己好鐘意飲茶,二來早茶平很多

上篇結尾話下次會試燒賣和叉燒包,說事遲 那時快,一星期後再黎啦今早大把位喎,同前幾日賓墟場面真是兩回事呢.安全計搭細檯,搭檯阿姨見我有咁多張大檯不坐反而搭在這張細的,都顯出怪怪眼神,無計啦,不知一陣會不會'炸'一聲成群人入來,不想同成村人迫啊.原來燒賣和叉燒包都是預先整好的.都是即叫即翻熱而矣.等了五分鐘先有得吃.燒賣賣相似便利店貨色多過酒樓貨色.中間是一舊透明'肉',應是用粉開出來的吧,質感好膠,好韌,仲食到口都乾添.只夾帶木耳粒和紅蘿蔔粒.整體味道超淡的說.而叉燒包樣子就不錯,但吃入口就...包身好乾勁鞋呀!!裡頭的叉燒粒和醬汁就不錯,甜甜地,當中的'肥肉'是最吃得出用麵筋弄來.口感確實像叉燒~這裡只收茶錢$3,不收加一,絕對是我會常來的原因.況且我鐘意飲茶,每次到酒樓飲三,四壺才肯收口,所以$3真是抵飲呀~馬尾阿姐依舊NICE NICE和快手快腳,如果不人多的話,其實這裡算是一個好坐的早茶地方呢.來了三次,發現到很多茶客鐘意點大碗湯麵吃,攪到我心思思添,下次來我會否食麵?敬請期待 XDDDD(講笑)

妙法齋...十幾年都無來過了,仍記得這裡是以前17歲在讀私校時,與同學仔吃午飯的飯堂之一.算起上來,這是我第一次來齋鋪飲早茶.一係不來,一來就一星期黎足兩次,飲開有條引卦.第一次來到,搵到位就直接同阿姐說開什麼茶便可以了.先將早餐牌睇哂.有西式早餐,即A.B.C.D餐,好似沙嗲牛麵,豬柳蛋,雖然好好奇這些西式肉食變成素菜後是什麼的樣子,不過大部份茶客都是食點心局多,所以我都照舊了.將點心紙再睇到熟一熟,點心類別不算多,勝在煎炒蒸炸樣樣齊,由最平的7蚊到16蚊都有.因為選擇困難症之下,我諗了好一陣都決定不到吃什麼,阿姐都好客氣過來幫我兩把,哈哈.說炒麵好味,說小籠包新鮮出爐等,又問我其實想吃什麼?完全不覺得我阻住他們似的.最後決定到,就要阿姐推介的茄子包,我再問雞扎要否等?她說不用,即有的.呵.一時都忘了這是素雞扎,不是肉食的要等廿分鐘為求中間的雞肉蒸熟.旋風式之下就有得食.茄子包兩個都漲卜卜,面頭有烘到金黃帶少少濃,是自家制的証明吧.麵包非常鬆軟,就算入面夾住有汁的餡,都無令到麵包淋糊,特別是中間部份,咬/按下都即彈回.麵包更帶有甜甜的味道,這包已經一百分.至於餡,是茄子和'肉碎',茄