大街小館

營業中

休息中

本來以為淨係賣甜品/糖水原來有午餐不特止仲有抵食嘅下午茶餐叫咗$48嘅牛角包餐份量都幾多晏食飯嘅可以當午餐食牛角包🥐夠牛油香又夠脆豬扒都脆 全件都係瘦嘅只係配沙律醬可能滯咗啲可能換過個清新嘅醬汁會好啲?但包裡面都有番茄同沙律菜薯條有配茄汁 算係解膩飲品除咗茶啡 仲有其他特色嘢飲論食物質素唔會差得過連鎖餐廳或者cafe只係小店坐落於舊區主要做街坊生意環境方面 整體上整潔 座位闊落平日中午至下午時段基本上可以直入唔使等位服務都ok 店家亦有蘿蔔糕/盆菜訂購咁嘅市況下 所有小店都要變陣求存…

屋企附近其實都無咩好食，除左呢間甜品店既午市我真係encore 左好多次，特別係佢個燉雞湯，我每次都會飲， 收爐前比我可以再飲多次🥹感動✨今日試黑松露紅酒燴牛肉意粉， 個牛肉好腍好好味有彈性。個汁雖然黑松露味唔算好出，但係個蕃茄汁好開胃好好味，加上juicy 既車厘茄，爽口既青瓜，蘆筍, 紅蘿蔔等等味道好豐富, 意粉都好有咬口煙煙韌韌。✨蟲草花螺片燉雞湯： 呢個湯好甜好好飲好足料，加$20 黎講真係超抵，蟲草花，龍眼，紅棗，花膠，粟米，紅蘿蔔，杞子，花膠。✨追加左個椰皇燉蛋白番去食，好滑好動L, 鍾意佢甜度啱啱好，好天然既味道

同朋友們係黃大仙打完邊爐都想食埋個甜品(*˘︶˘*).｡.:*♡為晚餐送上一個完滿既句號芒果雪山甘露 $𝟝𝟚(*ﾟ∀ﾟ*)有芒果汁加西米露做底 𝔬𝔫 𝔱𝔬𝔭 有小丸子同芒果肉 雖然天氣有啲凍 但都想食個凍既雪山腐竹薏米雪耳雞蛋糖水（熱）$𝟚𝟠腐竹煲到得返碎碎 成隻大雞蛋料足(⁎⁍̴̛ᴗ⁍̴̛⁎)  食完凍既雪山 再食返個熱既薏米糖水 成個人暖返秋冬限定 椰汁桃膠燉木瓜 $𝟜𝟠朋友期待已久 話之前想食 但仲未有 因為係秋冬先有 今次終於可以食到啦 (｡◕∀◕｡)滋潤補顏 又健康♡ ♡ ♡

呢間本身係做甜品，其實一路都未食過佢嘅甜品，反而見佢最近晏晝有西餐食, 都幫襯過幾次,因為估唔到佢嘅西餐係幾高質, 唔係茶餐廳水平有驚喜平時食開雞扒蘆筍意大利飯多,今日轉左新Menu, 試吓呢個燴豬寸蕃茄意大利飯. 呢個飯都幾開胃, 有啲蕃茄蓉同埋蔬菜粒, 但係個飯就比較濕d 汁太水，但係整體係好食嘅.嗰個豬仔髀有兩件, 啲肉超腍但又唔鞋口，唔錯。之前試過佢嘅西餐湯, 就真係麻麻地, 個南瓜湯係勁水. 今次試吓中式湯。椰皇蟲草花燉雞湯：估唔到真係有成個椰皇，入邊仲有超多料，紅蘿蔔，羊肚菌，龍眼紅棗，椰子肉, 飲得出係好清甜有椰皇味，仲要係新鮮熱辣辣加$20, 非常有誠意。

🤩呢間糖水舖真係俾到莉薇婭一個surprise🌟店內環境寬敞、舒適😌 店舖主要提供新式甜品同中式糖水，適合唔同人嘅口味。莉薇婭叫左一個凍嘅椰皇蛋白燉桃膠同杏汁雪燕燉蛋配湯丸😎當職員將個甜品拎到莉薇婭面前個陣，真係”嘩😧”咗一聲🤣個甜品真係好足料，就快足料到滿瀉🤣🤣個椰皇蛋白燉桃膠裏面唔止有蛋白、桃膠，仲有滿滿嘅小丸子、西米、椰果🤩🤩口感豐富，食完真係大滿足，又唔會覺得濟肚🤩🤩 而杏汁雪燕燉蛋配湯丸都有滿滿嘅雪燕😍😍😍啲甜品又唔會太甜👍🏻呢度嘅糖水真係性價比高🤩👍🏻各位美美真係要嚟食下👧🏻👧🏻滋補一下嘛😍

同朋友四人一齊去食糖水，就去咗以前成日都去食嘅大街小館，朋友佢哋都各點咗一碗中式糖水，味道正正常常，我就點咗一份榴槤Pancake。有榴槤會貴啲我都明嘅，但係一份兩個小拳頭嘅榴槤Pancake收36蚊，唔止望食佢幾多榴槤，但至少唔好九成都係忌廉 ，兩份榴槤果肉加埋比小朋友尾指更加少，皮又極之甜，係勁甜！36蚊比晒去買忌廉，完全唔值得食！！有相為証，可惜冇影到啱啱來個時個樣！！如果想食有果肉嘅，食糖水好啲。呢個Pancake係浪費你嘅時間金錢。

星期六晚上，同朋友打完邊爐覺得未夠喉，於是就去到黃大仙搵糖水食‼️👅❣️榴槤至尊 🍨配榴槤雪糕 ＄54(椰汁、西米、涼粉、紅豆、椰果、榴槤肉）榴槤肉份量足，入口香滑，其他配料份量都好豐富，食到好飽。返到屋企仲有陣陣榴槤香喺口腔中迴盪！😋榴槤愛好者切勿錯過！❣️🥥椰皇蛋白燉桃膠 $53朋友叫左椰皇蛋白桃膠，蛋白嫩滑，椰汁清甜，桃膠大大粒。😋【大街小館】📍黄大仙銀鳳街16號地舖☎️23266603

天氣好熱 見佢唔使排隊就入咗去 嗌咗一個腐竹薏米 結果嗰個腐竹好大一片 根本煮得唔夠時間 同埋嗰個薏米根本都唔熟嘅 嗰個糖水同埋薏米腐竹係分開嘅 感覺唔係一齊煮 好似係糖水烚腐皮 真係好失望第一次糖水食唔食 價錢又唔係話平 要29蚊 你可以同我講呢樣嘢冇得賣，不過唔好攞呢樣嘢嚟賣 我男朋友嗌咗一個椰汁湯圓 椰汁係罐頭椰汁好似好冇誠意 基本experience都麻麻哋 ………………………………………………………………………..可能嗌我冰會好啲 華人糖水就唔好嗌啦

對大街小館嘅甜品一試難忘啱啱食完過左幾日就即刻去食第二次🤤***🥢黑糖芋圓仙草凍 配芋泥 $42比預期中多配料好多！除左甜品名有嘅配料之外仲有紅豆，小丸子同蒟蒻(?)湯底唔係淨係黑糖水 有加花奶🤤最令人印象深刻嘅係芋圓!!!除左常見嘅紫薯味同蕃薯味仲有超特別嘅玫瑰味😍***🥢薑汁蕃薯芋圓糖水配湯圓(熱) $38薑汁入口少少辣但係落到喉嚨已經冇左薑辣味👍🏻我鐘意🥳所有食材嘅原材料味都好突出高質👏🏻

咁啱順路 今日天氣又熱就同fd子入咗去食😳係正街市附近！離地鐵站同商場大概7-8分鐘入到去個鋪仔細細 坐到八枱到 環境很chill仲有K pop食得幾開心🤟🏽 叫了一個椰奶芋圓西米露🤍椰奶很甜香 但有啲粒粒 唔知係奶粉溝出嚟嘅定係椰子肉… 個碗好大，而且以38呢個價錢講 幾抵🤪西米露唔止西米，仲有我起鍾意的小丸子！！！💜芋圓有三隻味係正方形的💜好有手工feel 而且望落去仲有啲纖維喺度 反而令個口感多咗個層次😍成碗食完之後好飽👍🏽 落單嗰個哥哥完全冇寫嘢 就咁記低左我哋四個人嘅order有落啱 比哥哥一個讚🤜🏽🤛🏽 fd子話榴蓮綿綿冰好好食好香 但係我就見唔到榴槤肉啦🙈如果有啲榴槤肉擺盆 應該會靚啲！見到隔籬枱個芒果綿綿冰都睇落幾好食👀😩但太貴我就不了 小資女的煩惱：點解唔可以嗌兩個

朋友成日推薦大街小館咁啱去開黃大仙就決定試一試佢地點有少少隔涉😂如果唔係朋友極力推薦可能就錯過呢間好食甜品了🤭***🥢冰鎮西瓜盅配雪糕 $52呢款係夏日限定非常消暑解渴🥳賣相好吸睛✨而且仲好足料添😍上層鋪滿西瓜蜜瓜哈密瓜果肉內裏滿滿的西米蒟蒻&涼粉可以自選一球雪糕我就揀左玄米茶味唔係死甜+濃奶味嘅雪糕入口有濃郁澀茶香有驚喜🥳雖然玄米茶雪糕好好食不過同水果有啲唔夾🤭如果嗌西瓜盅自選雪糕揀其他口味會好啲😙***🥢椰皇蛋白燉桃膠(熱) $53唔好睇佢賣相平平佢嘅香同味都不得了🤤椰香撲鼻而來燉奶&桃膠都好多食到尾仲可以刮下椰肉食😋

今晚食完飯去買糖水返屋企俾屋企人食，買了一個楊枝甘露、芒之戀同冰鎮西瓜盅，楊枝甘露同芒之戀是正常，但唔明白點解個冰鎮西瓜盅雪到變晒色都可以賣俾人，之前都試過一次外賣買左個棷皇蛋白係酸架，應該以後都唔會再幫襯。

食飽飯當然要食番個甜品先至完美~黃大仙依間甜品鋪款式好多，中西台港式甜品都有芒果撈河配芒果雪糕(凍)$42芒果很新鮮，小丸子煙煙韌韌，再配上美味的芒果雪糕實在是一流椰皇芋圓燉蛋白 $54 (熱)燉蛋白有好香嘅椰子味，芋圓軟Q彈牙，煙煙韌韌熱食好暖胃，又唔會好甜，好味

我唔係榴槤愛好者 ，但我好鍾意食椰皇燉蛋白，而朋友們就好喜歡吃榴槤類甜品，大街小館可以一次過滿足我地既願望😋😋😋- 椰皇榴槤燉蛋白- 榴槤雪山甘露 x2 - 椰皇蛋白燉桃膠榴槤甜品我並未有試味，抱歉未能提供食評🤣整得好好，燉蛋白有好香嘅椰子味，桃膠份量不吝嗇，食落爽身。我連椰肉都刮埋出黎食，成個殻清晒🤪🤪大街小館值得一試，亦打算再次encore P.S. 現場唔覺得有好濃烈嘅榴槤味，唔鍾意食嘅朋友光顧應該問題不大😂P.S. 觀察所得，此店應該係Collar 粉絲🤪

今晚同朋友食完晚飯之後意猶未盡，好似唔夠飽跟住又去咗食甜品，上網搵到呢間喺黃大仙同慈雲山中間嘅甜品舖，細細間咁但係都有好多唔同嘅款式，我哋兩個人嗌咗兩個甜品，一個係椰香喳咋（熱,$24），一個係椰皇蛋白燉桃膠（凍, $53），廚房好快手，坐低咗一陣就上咗啦。椰香揸實係我嘅favorite，最鍾意食好多豆，有少少椰奶，增添咗少少嘅香味又5會令到整體太甜，啱啱好。椰皇蛋白燉桃膠係我位朋友叫嘅，聽講桃膠可以美顏，我哋食曬入面啲料之後，仲可以用匙羹刮埋佢側邊嗰啲椰子肉食，好嫩滑。