圓苑

營業中

休息中

呢間山道嘅飲茶假日好多人，人氣旺皆因食物水準唔差 （但人手不足，服務就爭少少同埋環境少少嘈）- 圓苑蝦餃皇 蝦肉大粒爽脆，個皮唔會太厚仲有啲金箔色澤令個感覺更高貴- 杞子滑燒賣 肉質幾嫩滑，而且都大大粒夠份量- 山竹牛肉球- XO醬炒腸粉 夠惹味，條條都味道均勻。- 冰燒三層肉 略嫌太鹹，同埋個皮厚咗啲唔夠薄脆- 脆皮韭菜餅 呢個好食，唔油膩夠香口，韭菜味好出色- 羅漢腐皮卷 茶樓比較少見嘅齋點心，入面有冬菇、紅蘿蔔、黑木耳等，外皮嘅腐皮夠鬆脆- 椒鹽墨魚咀 熱氣嘢但係忍唔住會繼續食，墨魚咀好彈牙加上椒鹽嘅鹹香係好味嘅

平日中午叫咗一碟乾炒牛河，冇牛肉味，一碟啲棉花雞，一碟煎餃子，炸到焦色，兩位客人， $319 ，食物真係好一般，座位可以，但比較嘈。山林道位置與地鐵站有點距離，而且較隱蔽，不算是旺點。這樣的水平，這樣的收費，你會再幫襯嗎？

有服務，侍應有禮貌，反應快，上菜速度OK, 食物出品吾錯，分量合理。部長見到我地檯有甜品好耐都未到，會主動跟進👍🏻輸服的驚喜菜式，我覺得係個燒鱔，香口野味！🤤

窗外嘅景色都唔錯，但個天氣熱到爆燈，係時候搵個地方坐低解渴同開心！肚餓難耐，我地即刻揀咗啲招牌菜式——烤燒河鮮活鰻魚同千島明蝦。過程中，等待嘅時間我地都唔覺得無聊，因為有啲話得來笑嘅回憶浮現，仲有啲瘋狂嘅計劃即將展開，心情自然係好咁嘅。食物上枱，燒烤香氣迷人，一啖下去，活鰻魚嘅鮮味即刻填滿口腔。啲魚肉細緻彈牙，混合住烤燒嘅香味，實在令人回味無窮。千島明蝦就算係原隻都幾大隻，蝦肉鮮甜彈牙，每一口都讓我愛不釋口。

服務好麻麻，大廳做得五枱客，可能只做PRD同熟客。問經理有乜好食，佢話：食唔食鮑魚吖？唔使即煮嘅燒味都幾好食，清炒通菜變咗雞湯通菜。紅酒牛尾煲比較靭，咬唔開，嘗試用刀叉，都唔係好得。隔離枱枱都有酸蕎頭做小食，我得碟花生🥲埋單$825含加一。本來星期日訂咗房宴客，即刻取消轉場。中午包廂五人最低消費$4800+10% （只計食物，酒水另計）。

團年飯（21/1/2023 星期六、年三十晚），一向被長輩視為重要的飯局，當然要揀一間口碑好、服務好、地點方便的酒樓或中菜館。在Open Rice搜尋資料，最後揀了這間收藏多時的「圓苑」，原因是見到許多好評，心想菜色不算特別但中上價錢，收得這個價錢大概是包含了廚藝和服務質素吧，可惜服務不似預期。😡由於年三十當晚太多訂枱預約，菜館分了兩個時段，我們揀了8:30pm入座，菜館亦預先要求客人選定當晚菜單，溝通過程尚算順利，唯一嫌不夠細心，我們一共9個人，問了當晚燉湯是鮑魚仔燉雞（每位$98），覺得不夠特別兼索價太進取，寧願選擇例湯（$208），但對方直至前一天仍然未能告知是什麼例湯，只通知要2個例湯才夠9位享用，我好奇年三十這些大日子遲遲未定好什麼例湯？是想令客人不想靠估下唯有選擇貴價的燉湯嗎？當晚下單的菜色如下：1）瑤柱蛋白蟹肉炒飯 $1682）石澳梅菜皇蒸茄子 $1083）新鮮當紅炸子雞 壹隻 $4884）薑蔥焗美國生蠔煲 $2085）龍眼咕嚕肉 $1386）鮮露韭菜花炒桂花蚌 $2287）豉油皇野菌煎龍躉球 $2388）蟹粉炸釀鮮蝦丸（例半 9粒）$5529）蒜蓉開邊蒸中蝦 $2381

年三十晚諗住同兩老食餐好 就事前一個月book左 咁以為咁早book可以分配到好嘅位置 我哋係第一枱到 佢居然分左我哋坐廁所隔離一有人開門就勁臭🥲我哋要求調位 佢就話分好曬位無得調 最後講塞先肯調我哋去樓上然之後啲侍應態度太差 茶又唔幫我哋換熱 叫野食話遲啲上又話我 是但你地 食飯根本無人黎我哋個枱serve🤬野食就不過不失 但態度唔講以為高級餐廳 串到飛起 淨係做熟客嘅話 不如唔好做新客啦😑以依啲食物質素 我真係接受唔到啲服務態度啦唔會有下次

圓苑完美生日聚餐1. 荔枝蜜汁叉燒味道🌟🌟🌟🌟🌟🌟🌟🌟🌟9/5分量🌟🌟🌟🌟4/5價格🌟🌟🌟🌟4/5 衛生🌟🌟🌟🌟5/5係叉燒啊！係好好味既叉燒啊！實在太好味😋只能比超級爆分。蜜汁份量同叉燒厚度拿捏的剛剛好，非常柔軟入味既叉燒，係我試過最好味既叉燒！一啖食落口係會嗯～一聲個種好味道！蜜汁選用左荔枝蜜汁，唔會死甜！份量太少喇！我地個個都想食多幾舊啊😂2. 烤燒河鮮活鰻魚味道🌟🌟🌟🌟🌟🌟🌟🌟🌟10/5分量🌟🌟🌟🌟4/5價格🌟🌟🌟🌟4/5 衛生🌟🌟🌟🌟5/5本人本來真係唔係太鐘意食鰻魚架！但係呢個真係驚艷全場！望落明明噥噥地架？點解食落可以咁岩岩好！鰻魚既獨特魚香味令我諗起日本讀書既時候，常盤台宿舍隔離間燒鰻魚店既味道～只能夠比叉燒再爆多一粒星先得喇！仲有！伴碟蓮子先係精髓之中既精髓！係烤鰻魚既絕配！執檯既時候收走左都要叫佢要返！佢再上新既蓮子更加好味😋冰凍冰凍 配鰻魚！不得了！3. 芝麻雞味道🌟🌟🌟🌟🌟5/5分量🌟🌟🌟🌟4/5價格🌟🌟🌟🌟4/5 衛生🌟🌟🌟🌟4/5呢個都係好食既！芝麻非常香，只係由於前面兩樣過於驚艷，顯得呢個唔特別了。4. 粉絲蒸聖子味道🌟🌟🌟🌟4/5分量🌟🌟🌟🌟🌟5/5價格

今日出糧 就好想帶媽媽去食好野媽媽最鍾意食中菜 今日去到尖沙咀間圓苑🤤呢到係高級酒樓setting 枱與枱之間都好闊😜餐廳亦都有大既魚虹！有好多海鮮周圍游好正！🥸呢到既餐牌有好多種類！全部都好想食！😝價錢係尖沙咀區黎講都算合理！我地先叫左個金牌叉燒！😌媽媽對燒味既要求好高！要半肥瘦同燒得夠香夠入味！😊好彩呢間都滿足到佢要求！😍然後我地叫左碟節瓜澮瑤柱！☺️呢個幾足料 夠曬濃味！🤪姜蔥魚頭煲大推介！好香好惹味而且好夠鑊氣！媽媽都好滿意！😊食中菜品少得既係中式糖水！我地最後仲加左蓮子百合紅豆沙！有起沙唔錯！🤪

一個月前黎食過當時訂咗位去到諗住叫招牌菜，點知叉燒同燒鰻魚都賣晒，心有不甘一個月後再訂位，呢個場坐得舒服又有服務質素。第二次一定要食到招牌菜當晚閒日星期三去到、爆場第一道菜嚟咗荔枝蜜汁叉燒皇賣相已經吸引，叉燒夠林同Juicy食過返尋味燒烤河鮮活鰻魚燒鰻魚配糖蓮子諗倒哩個配搭嘅人好聰明剩係想用三個字形容：超好食隔左咁多日仲好掛住哩道菜仲有叫小炒王芝麻燒春雞半隻琵琶豆腐冬瓜盅一人一隻聖子今次主要影左招牌菜

之前已經係到食過午市，覺得好味再幫襯晚市～一樣無失望～紅燒石岐乳鴿呢隻乳鴿炸得十分香脆，完全唔會過燶過油，有肉汁流出黎！真係食完lamlam脷呀～魚湯翠肉瓜魚腐呢個餸清啖d，健康之選。魚湯香濃，送下飯都幾好～招牌叉燒雖然呢個係小份，但不得不讚分量真係多。有兩行不單止，仲要件件厚切。味道方面，燒得十分香口，脆邊，但同時肉質一d都唔鞋口。最後加埋少少蜜糖，好惹味！真係整得好好！最後食埋紅豆沙，真係超級滿足！

最近小編行過山林道發現有好多林林總總嘅小店 晚飯時段見到有一間中菜餐廳人流不斷👫🏻👭🏻 食飽飽之後仲送左紅棗雪耳糖水Tim~龍眼咕嚕肉 ($138)平時食開最多都係菠蘿🍍 蜜桃🍑 龍眼就真係第一次見啦 估唔到有種清甜加上有陣陣龍眼香同咕嚕肉都幾夾脆皮妙齡鴿🕊 ($108) 雖然話係妙齡但個size 唔細ga😂熱辣辣整起就上枱 皮非常脆 肉唔鞋而且保留肉汁鮮露荀黑木耳炒鮮淮山 ($148) 呢款係H小編最愛 因為鮮淮山要整到爽脆口感而又無滑潺潺嘅感覺 都真係唔係度度都好食😣 而呢度仲有埋露荀 絕對係健康之選☺️

朋友突發話想食中菜本身都約咗喺尖沙咀食飯就直接二話不說去呢度我哋總共嗌咗五樣嘢1.涼伴椒香飽魚2.豉油王野菌煎龍躉球3.黑椒茨仔安格斯牛柳粒4.鴻運乳豬件5.瑤柱蛋白蟹肉炒飯坐低大概10分鐘唔夠就嚟咗鮑魚啦鮑魚個賣相好靚，原本以為係原件上。但係好細心咁做咗切片，鮑魚夠凍。入口嘅味道好惹味，蒜蓉好香川椒味道都夠。雖然朋友同我都唔係好食辣，但係唔會太辣。鮑魚夠爽口彈牙，唔係鞋颯颯嗰啲質地。龍躉球就唔係真係好似球體，佢係好厚肉嘅一件件。食落去好有口感，完全冇魚嘅腥味。豉油汁啱啱好唔會太鹹，上色都唔錯。伴碟嘅野菌，比想像中多，可以中和番。安格斯牛柳粒大推👍🏻牛柳粒牛味夠重仲要好淋身但又唔會冇咬口，亦都係一啖過可以一口咁樣食。配上脆卜卜熱辣辣嘅薯仔粒送飯一流。作為一間中菜館最緊要嘢食有鑊氣，不得不說呢一味菜好有鑊氣！鴻運乳豬件除咗脆之外冇乜特別。瑤柱蛋白蟹肉炒飯，炒得好乾身。瑤柱都足料，雖然唔係每一啖都食到蟹肉，但係真係食得出有放落去。但係朋友就不太喜歡因為太多蔥，即使我同佢講食蔥聰明，但係對於唔鍾意食蔥嘅人就好一般。餐廳環境好乾淨企理，員工亦都好有禮貌。會主動服務你，周不時走過來添茶同碗碟，值

今晚約了友人在尖沙咀dinner, 友人想吃中菜，結果帶左我去“圓苑”，這是一間比較舊式的中菜館，以粤菜和懷舊菜為主，一試無妨。脆皮燒鵝皇~ 鵝肉厚實爽滑，入味juicy, 外皮甘香，酥脆爽口，很美味。香煎蓮藕餅~表面煎得金黃香脆， 裏面食到粒粒的蓮藕和香甜的豬肉，最重要是乾身不油腻，正！鮮茄雲耳浸菜心~有蕃茄，芹菜，木耳和菜心，蕃茄湯底，清新又開胃。濃雞湯海皇泡飯~湯底雞味香濃，加入爽脆蝦肉，魚肉，勝瓜粒，蕃茄粒和脆米，十分滋味可口。

山林道是一條食街，Oyster Bar、火鍋、中西菜雲集第一次到訪「圓苑」，想不到食物是那麼好吃，因為製作認真。例如乳豬會即叫即燒，一定是皮脆肉香，鮮味十足。也有一些傳統特色點心，比如俗稱 “菲林” 的「懷舊芝麻卷」，菜館暗藏特色這裡的明爐燒味很受歡迎，香脆熱辣辣。燒腩肉通常每家的出品都不會太難吃，但好吃的叉燒不是度度都有。圓苑的「荔枝蜜汁叉燒」上枱時熱辣辣，最好趁熱吃，才保持 juicy 又帶有焦香的美味「西澳龍蝦」薑蔥炒，龍蝦鮮味十分特出🦞 沒有濃稠的玻璃獻汁，吃罷也沒有口乾口渴，新鮮得無法掩蓋「鮮露荀黑木耳炒鮮淮山」上面有輕炸過的蕃薯片，頗有心思，要趁未索滿蔬菜汁之前吃掉，就可以吃到脆卜卜的口感🍠「烤燒河鮮活鰻魚」即叫即燒，處理時間相對久一些，魚皮香脆，肉質彈牙，跟叉燒一樣咁 juicy，伴碟有微甜的蓮子清新一下，這道菜巧手兼有自己特色，沒有類同這裡每枱食客幾乎也 order「冬瓜盅」 ，讓周圍滲透了清香的氣味🥒唯一美中不足，是茶不夠香，他們選用茶包泡茶雖然衛生，而茶味始終不及原片茶葉的香濃呢！說到底，「圓苑」還是一家實惠和值得再來的中式菜館🥢我給他90分💮