圓苑

營業中

休息中

圓苑 地址：尖沙咀山林道14-16號達榮大廈地舖山林道餐廳林集 ,難得是唔同國家架菜系都搵到,有時係無BOOK 位, 心大心細唔知食乜, 行幾間望下MENU再作決定先, 是日好好彩, 街頭行左幾間女朋友便決定好食中菜。$168 荔枝蜜汁叉燒好腍，好多蜜汁$238 野菌百合炒龍躉球，好大片魚肉，西芹爽口無渣,$148 鮮露筍黑木耳炒淮山，正氣養生，清爽不油膩架菜式，加三色椒炒賣相更精美。最後仲有送嘅糖水：環境舒適雅致

隨著相機食先的潮流，以味行先的傳統粵菜近年已漸漸被其他新派中菜所替代，今次就難得找到一間仍有盛載鮮活海產大魚缸的舊式經典廣東菜館 - 圓苑。裝修走舊式酒樓的傳統格局，環境整潔光猛，坐得寬敞舒服。茶錢 $15 一位，餐前小食收費為 $15一碟。廣府菜風味崇尚清鮮爽口，賣相看似簡單，其實極講求工夫，正是粵菜堅持食材本味的真實寫照。紅燒妙齡鴿 $108紅燒乳鴿是廣東省傳統名菜之一，即點即炸，外皮泛着閃閃的油光，色澤紅亮，上枱時仍是熱辣辣。採用妙齡BB鴿羶味更少，用手撕開，脆薄的外皮馬上就和滑嫩的肉分離，油溫炸得剛好，肉汁順勢滴下來，肉香四溢。香煎蓮藕餅廣東順德名菜煎藕餅雖然外型平實，但其實格外花功夫，將蓮藕切粒刨絲，再用人手將豬肉打至起膠。外層煎至金黃，帶有顆料感的爽口蓮藕揉合於結實彈牙的肉餅之中，不易鬆散，是老少咸宜的佐飯家常菜。鮮露荀黑木耳炒鮮淮山 $148吃完連續兩道肉食後，是時候來一個清淡一點的蔬菜，淮山益氣養陰，補脾肺腎，除了常見於煲湯食材之外，也可用來切片清炒。顏色潔白的鮮淮山口感爽脆，配合鮮露荀、黑木耳、紅椒及黃椒等素菜，炒得鑊氣十足。最後每人送上一碗海帶綠豆沙，在炎夏高溫天氣

今天約了朋友到山林道圓苑午餐，我們12時入座的時候當時客人也不算多，但到了12點半後就已經差不多坐滿人，餐廳座位舒適寬敞，而且侍應服務態度很好，招呼周到有禮貌。圓苑蝦餃皇 蝦餃皇應是這店必點的鎮店食品，裏面的蝦仁全部大大隻，新鮮彈牙，係我哋食過最好食的蝦餃。北菇棉花雞朋友特別喜歡吃魚肚，所以專登點了這款蒸點，雞肉新鮮而且嫩滑，魚肚一件件唔會好似之前在其它地方試過散哂，調味方面也做得不錯，十分滋味。蜜汁叉燒皇厚切的叉燒，肉質唔會韌，肥瘦適中，軟淋淋，以蜜糖醃得十分惹味，一口咬下去超級滿足，值得推介。米網得意腸腸粉包著炸米網，中間夾著新鮮的蝦肉，嫩滑的腸粉配合炸得香脆的米網及爽口彈牙的蝦肉，加起來的味道十分夾，而且蝦肉的分量也確實不少，口感豐富。煎釀雙寶新鮮的鯪魚肉釀在青椒及茄子上，新鮮好味,這店的其中一個特點是豆豉汁分開上，客人可按自己個人喜好醮適合自己份量的豆鼓汁來吃。蓮子紅豆沙最後待應送上蓮子紅豆沙，甜度適中，為這一餐畫上一個完美的句號。

今日放假出咗尖沙咀，好似好耐無同🐽🐽飲茶嘆番一盅兩件。行到山林道見到有間酒樓，入去嘆番杯茶先。坐底叫咗壺菊花飲，清吓熱氣。水晶蝦餃皇嘩粒蝦餃有金邊😍食落好多大大粒蝦肉啲皮又薄好味呀。蜜汁叉燒皇嘩呢個蜜汁叉燒皇 超好食，咬落啲肉軟淋淋，真係無叫錯，啲蜜汁又入味好好食😋蘿蔔絲酥餅食落一條一條蘿蔔絲個酥皮好鬆軟正呀！雪影焗餐飽餐飽熱辣辣岩岩焗起，特別好食啲叉燒餡多到流哂出嚟😋鮮蝦雲吞時蔬蝦肉大大粒食埋飽哂！超滿足😋

呢日約左附近返工嘅屋企人一齊食lunch,唔想食到咁飽，所以就去左食點心，呢間餐廳其實之前公司聚餐都有食過，d燉湯好好飲，點心都好食，所以一路都想再試埋堂食餐廳唔算非常大，但枱櫈都唔會放到密麻麻，坐落舒服我地都怕食太飽返公司做野會眼訓，所以只叫點心，無叫飯麵😂韭黃鮮蝦腸腸粉好嫩滑，蝦好爽，豉油唔會太咸搶左腸粉嘅鏡水晶蝦餃皇每件都大大粒，但皮唔厚，食到啖啖嘅爽鮮蝦味蠔皇叉燒包包好香軟，叉燒同汁嘅比例亦都剛剛好，因為好多時食到嘅都係蒸定，個包好濕、汁多過叉燒🥲龍蝦湯鮮竹卷驚喜在後頭，鮮竹卷配龍蝦湯，平時鮮竹卷唔會飲埋d湯，但呢個可以清到見碗底👍🏻冰燒三層肉平時食開d燒肉皮脆但太硬，呢個我會用鬆脆黎形容，平時我對燒肉一般般，但呢碟連我都一而再再而三咁夾多舊黎食😋總結：睇落簡單嘅野其實就最考功夫，欣賞佢地服務好，點心又即叫即蒸，睇落我地2個人唔係叫左好多野食，但都飽飽地。最後侍應仲話送甜品，食埋個紅豆沙，大滿足！

星期六同亞媽去尖沙咀行街，同事介紹山林道嘅圓苑，有最出名爐燒味，梗係要繼續我嘅 #同亞媽飲茶系列  ！餐牌主打中式點心，巧手小菜，時令海鮮🦞，其他菜式仲有涼伴小菜、廚師推介，例如冬瓜盅 🥣 等，選擇都幾多。餐廳座位濶落舒適，店員有禮，讚👍 野菌百合炒龍躉球（例）$238媽咪最愛嘅炒龍躉球，炒得好有獲氣🔥龍躉肉好嫩仲幾厚肉，肉汁豐富，雖然炒都唔油膩，配菜有2種野菌、百合，同西芹，色香味俱全！荔枝蜜汁叉燒（例）$168荔枝蜜汁叉燒，色澤亮麗，蜜汁好多，叉燒熱辣辣而且肉質唔肥，食落好juicy又夠腍身，必點！ 🥬鮮茨實濃雞湯浸菜苗雞湯清甜無比，粒粒鮮茨實可愛又爽口，漏住超新鮮嘅白菜🥬，清清甜甜啱哂夏天食！🍮最後仲有飯後甜品～～～紅豆沙，唔會太甜，係正宗紅豆沙的味道！正！圓苑地址 📍：尖沙咀山林道14-16號達榮大廈地舖

平日喜歡在圓苑飲茶，貪佢啲點心都係自家出品，所以點心都非常有品質，而且很新鮮。今天頭一次來這裡晚膳，2⃣️個人，叫了三樣餸菜，清淡又好吃，尤其是鮮蘆筍黑木耳炒鮮淮山，非常適合炎炎夏季，清新又好味。《蜜汁叉燒皇》機乎每次來必點，叉燒軟腍帶一丁點肥，醬香入味，不會死甜，很出色的叉燒。《野菌百合炒龍躉球》龍躉片鮮甜彈牙，龍躉皮更是女士恩物，充滿骨膠原，百合清甜爽口，野菌濃郁芳香兼煙韌爽口，很適合這季節。《鮮蘆筍黑木耳炒鮮淮山》吃再多也不怕胖的鮮蘆筍黑木耳炒鮮淮山，蘆筍清甜，黑木耳清腸胃，新鮮淮山養生爽脆，非常喜歡這配搭。

座落山林道這美食之街，這家新開的中菜館門面光鮮，服務不俗，沒後悔來訪一試！鮮蘆筍百合木耳炒鮮淮山$148有驚喜！鮮淮山非常爽脆，不會太過粉；木耳口感彈牙，百合爽口，整道菜色都不油膩有清新感枝竹火腩炆龍躉頭腩煲$238龍躉頭腩相當煙韌，魚皮充滿着骨膠原，火腩入口肥瘦均勻，枝竹非常入味，而且用煲仔上keep住熱，不錯叉燒例牌這個五花腩製作而成的叉燒非常好吃，味道就像比較爽口的叉燒肉，起級好下飯最後還點了一個芝麻鹽焗雞$228半隻外皮超級爽脆，肉質鮮嫩，䯐下飯的值得再吃餐廳額外送了些紅豆沙給我們每人一碗，物輕情意重，下次再來吧～

🏮位於山林道有一間隱於市嘅中餐廳，環境舒適，光線明亮。喺一個同長輩食飯唔錯嘅地方。是晚只有兩人，所以只喺嗌咗三個餸。🐟子薑蒸魚雲：呢一道菜並唔喺間間餐館都有，要喺傳統嘅粵菜餐廳先有機會搵到。魚雲喺魚腦嘅腦髓部份，有豐富嘅不飽和脂肪酸，充沛嘅膠原蛋白。家人形容口感軟綿香滑，配以子薑蒸煮，入口鮮香。🥩荔枝蜜汁叉燒：瘦叉燒配以少部分肥油位，呢個係小編最鍾意嘅配搭。有油脂香但又唔會油膩，啖啖肉。蜜汁香甜，叉燒纖維明顯。小編最鐘意將叉燒沾滿醬汁再享用。🥒魚湯鮮竹勝瓜浸魚腐：勝瓜新鮮幼嫰，完全無菜渣。魚腐充分地吸收鮮甜魚湯。配以白米飯作泡飯般享用都很不錯。為是晚第一道光盤嘅菜式。🫘紅豆沙：於結帳之時，侍應表示有紅豆沙甜品贈送。紅豆輕壓便化蓉，偏甜。☺️整體而言：1. 座位舒適，環境恬靜。適合慢食，嘆杯茶嘅食客。2. 傳統菜式，年長一輩應該喜歡～3. 侍應有善，細心留意食客需求，主動添加茶水及更換骨碟。圓苑 (尖沙咀)地址：尖沙咀山林道14-16號達榮大廈地舖電話：23685420營業時間：11:00-15:30；18:00-23:30#香港食好西 #山林道 #圓苑 #尖沙咀 #香港 #野生代言人

唸起山林道，就唸起謝安琪歌。當然唸起尖嘴山林道既美食。今次同大家去品中菜-圓苑中菜。去到餐廳，感覺寬敞舒適。家鄉小炒皇食材豐富，有韭菜、鮮蝦，芋頭條和腰果，炒得香噴噴，蝦肉彈牙，韭菜味鮮，腰果蘇脆。刀削麵剁椒蒸大魚頭魚頭面上以剁碎嘅紅椒調遮蓋, 雖然紅椒多，但又唔會好辣。魚頭蒸得熟度剛好，好有膠質感,入口滑溜溜。呢蝶魚頭驚喜有刀削麵拖底，刀削麵香滑微辣。香煎蓮藕餅外層粉薄，更能品嘗到肉香，都可以食到蓮藕肉粒，口感佳。最後都有碗紅豆沙作為飯後甜品,呢碗只有淡淡嘅甜,為晚餐畫上滿足句號！整體而言，環境舒適，服務體貼好，食物滋味，值得舌尖一遊。

尖沙咀好味中菜今日放工想去食中菜，發現自己超級耐冇食了。行行下見到呢間個名幾高級，而且乳豬好似幾高質，就嚟咗試吓～環境寬敞舒適，裝修傳統酒樓感覺。晚上很熱鬧，記得book枱。茶位$15@位，前菜小食另收$，另收+1服務費。絲苗白飯 $15，服務態度不錯，上菜快，收碟快，友善。鴻運乳豬件 $238超香脆皮，配上肥美厚肉而且好香，肉質軟腍唔會太咸，咬落去油香出晒嚟，沾糖吃更調味～鮮茨實濃雞湯浸菜苗 $168綠油油的爽口小白菜配上清甜雞湯，非常健康龍眼咕嚕肉 $138酸甜無骨咕嚕肉好香口，還有4-5粒酸甜冇核龍眼，還有三色椒🫑和脆片，送飯一流

是日黎到山林道交收，時間尚早同事提議去飲茶，上網search下搵到圓苑，睇相唔錯咁喎就食佢啦。兩點半鐘黎到全場仲滿座，嘩嘩，平日都咁旺場嘅，望一望，原來仲有二樓添，間店都幾大吓。先開了壺鐵觀音，茶好香好純勁好飲，同一般街坊茶樓真係差天共地呀，咁正嘅茶梗係要飲多幾壺啦。鮮蝦腐皮卷又香又脆，仲要唔油膩喎，入面爆多蝦肉㗎。蜜汁叉燒腸腸粉皮薄又滑，仲好有咬口，夾起唔會爛又唔會黏筷子。叉燒醃得入味，切得大細剛好又平均舖滿腸粉。最貼心係啲豉油都暖過㗎，抵讚。水晶蝦餃皇蝦餃粒粒飽滿，皮薄又煙韌，上面塗咗金線好靚。蝦肉極鮮味，咬落一啲都唔肥膩無乜肥豬肉喎，但個蝦肉都好滑。醬汁蒸鳳爪雖然普通但個醬汁調味得唔錯，鳳爪吸滿醬汁鹹鹹甜甜好惹味，仲有啲蒸都淋哂嘅花生，正呀。上湯灼鯪魚滑時蔬有芹菜同唐生菜，湯底鮮甜，鯪魚滑爽口彈牙，最正係啲炸蒜頭，好香呀～紅燒妙齡鴿仲嗌咗隻燒乳鴿，細細隻燒皮脆肉嫩，醃得鹹香鮮味，即叫即炸勁新鮮，連上面啲薯片都好似係店家自己炸㗎，薯味特別濃。大菜糕冰凍嘅大菜糕好爽口，滑滑的唔錯喎，一向唔鍾意食大菜糕都覺得佢好食。陳皮紅豆沙紅豆沙真係要大讚，煲得好綿啲紅豆真係爛晒㗎，唔會紅豆還紅豆水

想搵間環境舒適，坐得舒服又唔嘈既酒樓可以推薦呢間係山林道既圓苑😀菜品選擇豐富，又有游水海鮮食而且價錢都唔貴😲平均都只係百幾蚊一個菜單單個環境都值得既🔥子薑蒸魚雲 $168第一次食子薑，原來唔會好似老薑咁辛辣，反而酸甜開胃🤭配上滑溜溜既魚雲，夏天都唔怕冇胃口🔥大芥菜咸豬骨煮沙白蜆 $168鹹豬骨同大芥菜骨係好partner，湯底濃郁既豬骨鹹鮮味被芥菜吸收曬，鮮甜淋滑，十分好味。加上白蜆令個湯底更加鮮甜🔥香蝦啫啫通菜煲 $128每次出街食粵菜，都會想叫呢味，超級惹味送飯。呢間都做得好香好有鍋氣最後仲送左個糖水

#尖沙咀美食 #小蓮星吞食尖沙咀🔻 圓苑 尖沙咀山林道14-16號達榮大廈地舖/🧃水晶蝦餃皇大大隻，漲卜卜，仲有金薄包邊，非常精緻，餃皮煙韌，蝦肉大粒，爽口彈牙/🧃鮮蝦腐皮卷新鮮炸起，脆皮香口/🧃豉汁蒸排骨排骨肥膏偏多，好香好正，下面墊左腸粉，索哂啲汁，仲好煙韌/🧃蜜汁叉燒皇超級大推！好耐無食過咁好食嘅叉燒！蜜汁包住成舊叉燒， 半肥瘦，外硬內軟，非常好食/🧃蜆芥鯪魚球鯪魚球外圍包咗一啲脆脆，食嘅時候有脆口嘅口感，肉質唔會鬆散，好香鯪魚味，非常鮮味///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

今次食Lunch嘅體驗，自己都有少少喜出望外；餐廳員工非常體貼，會主動建議有咩好食；呢到有唔少名人出沒，餐廳嘅裝修亦都非常光鮮；座位亦都非常寬敞；咁多個餸，我最想食佢呢度嘅叉燒；因為一間中菜館，叉燒好壞可以反映出廚師的真實功夫；呢度嘅叉燒厚切，晒上蜜糖，肉質唔硬，軟稔稔，油香豐富，我非常推介這一個菜式；之後就係呢度嘅灌湯餃，用上竹笙、瑤柱整成，相比起其他地方淨係用一舊豬肉，呢度好明顯有更重的鮮味；珍珠雞亦都有好豐富嘅材料同埋清新嘅葉香味；最後以一碗紅豆沙作結。總括而言，我覺得這裏的小食、點心，都非常有質素。餐廳仲有一條2斤的皇帝星，可以起肉炒球兩食，不錯。