因·果冰室 (已結業)

之前日日喺呢度食早餐，深水埗區未過30蚊嘅早餐應該除左呢度搵唔到。今次唔係早餐，係下午茶，一樣好大份實惠。下午茶Menu，都係唔過30架。筆者叫左F餐 吉列豬扒+沙律，凍檸茶少冰少甜。凍檸茶少冰係真係少冰，而且檸檬夠多，睇落成差唔多半個。天氣唔算熱，少冰就夠清涼潤喉。檸檬唔會太酸，整體有茶餐廳嘅檸茶風味。望過水吧見到客人坐低就會有果杯水都係即刻斟出黎，個壺入面都有檸檬。豬扒上枱，諗住一分錢一分貨唔期待有幾多，結果好鬼大塊。比我中年肥宅嘅手掌仲大。雖然唔係話好多肉汁鮮嫩美味，但表面都脆卜卜，亦唔係成舊粉。沙律就有D椰果有D水果粒同薯仔粒咁，正常。之前裝修左一排，而家D位好好坐。係沙發椅黎，唔洗卡位都OK舒服。深水埗真係比較難搵同樣性價比嘅餐廳了。

替假去搵食，行行下見呢間價錢不錯就入去叫了沙嗲牛肉面常餐。上餐後有驚喜，牛肉面真的是一片片的牛肉，都笠多，也很好味。餐飲叫了咖啡，忘了叫多奶（平時飲開多奶），中伏，飲了一半已經不太舒服。下次飲返檸茶好了。

因果冰室，仲記得第一次幫襯，除咗因為餐牌及價錢外，好大原因係因為被特別嘅店名勾起好奇心其實不論室內裝修格局，還是菜式、售價，佢都係走平常茶餐廳路線不過我會一再幫襯嘅原因，係因為佢食物CP值比我幫襯過嘅其他類近餐廳高，相近收費，但餸菜份量足，點小菜套餐仲有湯+熱飲送，食物仲係即叫即煮，上枱新鮮滾熱辣，尤其天氣凍嘅時候，趁熱食夠鑊氣嘅小菜，實在係生活中嘅小確幸~今次寫嘅食評係肉片炒芥蘭雖則只係平常家常菜，不過肉片調味味道唔錯，芥蘭脆身有咬口，再加上有料中湯同埋熱飲，足夠醫肚路經嘅朋友，如果唔介意菜式比較普通的話，可以一試

中午要食飯先有力量 聽講呢間茶餐廳幾高質 今日就決定食佢啦 因為下晝有會要開 唯有買返公司快啲食完又開工 我地叫左一個土魷煎肉餅飯 一個海南雞飯 配兩個中湯 兩個熱飲 個湯飲落比普通茶餐廳既例湯好飲太多啦 有紅蘿蔔同豬肉 飲完都唔會口渴 應該無落味精 至於煎肉餅我一向都好鐘意食既 佢肉餅有四大舊 同白飯分開裝既 土魷切到細細粒 分佈係全舊肉餅到 所以啖啖都食到土魷 因為係煎既所以都幾油 好彩佢同白飯分開上姐 海南雞飯既飯係黃油飯黎嫁 食落濕潤得黎又唔會太淋 但佢相對煎肉餅飯就算少飯啦 只有一細碗既感覺 雞好滑好嫩 配埋甜醬油 薑蔥 同辣醬 送飯好好好好味啊 佢既三種醬料係分開用細盒仔上既 所以唔食蔥唔食辣既都無問題 呢個價錢咁既水準 仲要有湯有野飲 正啊

d火腩一大陣豬臭味，同個老闆仔講又話其他人食完冇野唔承認，自己又唔試下食喎，聞都聞到臭啦，例湯一般般，係個豆腐冇咩野，我希望剩係食個豆腐唔會腸胃炎啦下，另外個汁係冇味既

見到話幾抵食又近屋企, 所以去搵食, 見到下午茶餐又確係平喎, 自己叫西多士加熱飲餐只係$20, 朋友則叫左炸髀加薯條餐包熱飲$24.  真係平過連鎖快餐店呢!!!但是, 西多士一上枱, 係兩塊薄方包夾花生醬再係咁易炸一炸, 完全係半西多半麵包既狀態, 咁我寧願食番連鎖快餐店那塊了, 起碼好食D先啦 朋友的炸髀及薯條要成10多分鐘至到, 炸髀及薯條係即炸, 熱棘棘, 薯條炸到透晒唔好食, 茄汁偏酸.  炸脾OK大隻就抵食D.  朋友叫的凍啡小甜, 飲左一啖, 係凍小啡奶水 總括而言: 平得黎食物一般, 可以話麻麻...........

係長沙灣行下行下，見到一間餐廳個名好特別，就行入去試下得唔得先。坐低後，見到餐廳午餐選擇幾多。我叫了焗石斑飯，又揀了忌廉芝士汁！講起個忌廉汁無香料既？但 d 汁幾濃！味道一般！石斑都有煎，焗既時間不夠！好似欠緊些！但係價錢幾平！三十幾蚊午餐，而家幾難揾到！

屋企附近開咗間新餐廳名叫因果冰室，去到先叫海南雞飯和梅菜扣肉飯奶茶和凍好立克，大約1一2分鐘就到，海南雞又滑又鮮，味道比起出面相差太多，出面就又老又難食，而呢間就有水準得多，而梅菜扣肉飯就十分入味汁液又香又甜，不會太咸和老，good而奶茶就又香又滑

去開長沙灣睇野，下午四點幾，過多陣又食晚飯，都係少少地整番個下午茶算。行過門口見到仲有$20西多連野飲，真係算平，一於試下！呢個係正常茶記西多，雖然唔稱得上一流，但廿蚊粗粗地食絕對對得住個價。係呢頭出沒既朋友真係下午茶抵食之選。

某一日，泊好車在長沙灣，回去深水埗時路過營盤街，發現一間名字幾有禪意的餐廳。甚麼禪意，那就是佛家常說的 "因" 同 "果"，這一家食肆，叫《因 ‧ 果冰室》。當日新開張，因為這名字夠禪而吸引到我過去望一望，簡單地外觀，發現這並不是素店，之後便感慨地說了一句 "懂因果，但只賣葷，奈何!"。這一夜加班，想食想到來深水埗，本意是去一間老牌扒房感受一下老深水埗，但當我經過營盤街時，又看見《因 ‧ 果冰室》....我不如試一試新店，試一試這一間 "懂因果，但只賣葷" 的茶餐廳。的確，在餐牌上找一點純素純蔬的食品也沒有，所以我並不能因為店名而推介去素食群組內。晚市，店方推介我食廣東菜小炒，但不知為何，近來若是一個人食晚飯，我都好想食扒，於是我要了一個扒餐跟薯菜。這是一個套餐，所以有湯也有飲品，50幾蚊一個有扒食，有湯飲，又有杯野飲的晚餐，絕對是經濟抵食。而是日的一個例湯，我沒有問是什麼湯了，總知，這湯入口甜美，亦唔覺得有味精，算是不錯。扒，以茶餐廳質素，以50幾蚊一個餐的質素，不要強求好品質了。我點了雞扒，煎到皮帶脆，雞肉亦豐厚，亦加了點點的蜜糖，味道等同連鎖快餐店的出品，所以，算係咁上下啦。奶茶

新開張的2-3日後，我同保姆決定試一試佢😎 (實情係當晚落雨，唔想行咁遠，又諗唔到食咩好，所以……)見佢細細間，諗住都係普通茶記咁上下，見有小菜晚餐：$50/一款小菜，$96/兩款，$138/三款; 最後決定揀三款😅見到黑松露蛋已經想食 (愛回家 mode)，仲有蝦仁喎！果然無失望，仲有驚喜添😋 海南雞亦都估唔到係無骨兼咁嫩滑😉 芥蘭牛肉呢，牛肉唔太老，唔靭！*注意：飯竟然好多，估佢唔到😰經過呢次晚飯，對呢間餐廳印象唔錯，可以再去！於是，就有以下嘅相喇！😊一向都好鍾意蕃茄湯粉，呢個特餐簡直啱晒心水！不過，一個女子食呢個餐確實太多，要有人分享半個包啊😜

星期日，諗住食個早餐，見到有新開的因果冰室，便進去一試。一坐低，已經是鲍魚絲火腿通粉話鮑魚絲賣晒；再嚟改出前一丁，又話無😰跟住等咗成十分鐘，左右隔離甚至剛剛才下單的都上菜了，我連白開水也沒有！追單至少五分鐘，才有食物到😤一試，榨菜肉絲麵係無味的，連鹽都慳番，麵條唔知係咪我追單？根本未煑透，再來那件奶油多，明顯係燶嘅😱呢間冰室真係無改錯名，有咁嘅因，自然就有客人不再臨門嘅果😠😠😠

味道吾錯 而且款式頗多感覺係個邊既餐廳黎講可以話係數一數二味道 價錢都okay而且皇牌海南雞飯比起翠華平勁多但味道又一樣😂😂另外，值得一提既係個到既奶茶吾錯（好滑既奶）老闆娘亦都好好人 熟客會成日打折因·果冰室個名都好特別 因果因果，有因必有果 令人印象好深刻。而最令我記得既係 有一次我係入面食食下飯 見到老闆娘得登叫水吧整左3杯凍檸水然後叫佢嗰仔送過去比對面班義工飲呢個畫面令我極感觸 隨住社會既發展香港人情味真係愈黎愈少 當我見到太子仔送野飲比個三個義工既時候 義工既笑容真係好溫暖😊呢間餐廳除左食物既味道吾錯之外佢既人情味更值得大家去一試