因·果冰室 (已結業)

中午要食飯先有力量 聽講呢間茶餐廳幾高質 今日就決定食佢啦 因為下晝有會要開 唯有買返公司快啲食完又開工 我地叫左一個土魷煎肉餅飯 一個海南雞飯 配兩個中湯 兩個熱飲 個湯飲落比普通茶餐廳既例湯好飲太多啦 有紅蘿蔔同豬肉 飲完都唔會口渴 應該無落味精 至於煎肉餅我一向都好鐘意食既 佢肉餅有四大舊 同白飯分開裝既 土魷切到細細粒 分佈係全舊肉餅到 所以啖啖都食到土魷 因為係煎既所以都幾油 好彩佢同白飯分開上姐 海南雞飯既飯係黃油飯黎嫁 食落濕潤得黎又唔會太淋 但佢相對煎肉餅飯就算少飯啦 只有一細碗既感覺 雞好滑好嫩 配埋甜醬油 薑蔥 同辣醬 送飯好好好好味啊 佢既三種醬料係分開用細盒仔上既 所以唔食蔥唔食辣既都無問題 呢個價錢咁既水準 仲要有湯有野飲 正啊