嚐館 (已結業)

同朋友食飯想搵個地方坐耐D, 就諗到食中餐. 不過一般酒樓中式菜太普通, 朋友話佢公司附近有間特式D既中菜館, 佢介紹得就一於試試.安頓好四圍望, 見隔離枱食緊個刺身拼盤, 覺得好出奇, 點解中菜館會有刺身, 就問下個侍應, 佢話佢地主打海鮮類, 所以連刺身咁fusion既菜式都有. 睇到人地果個咁吸睛, 所以都要左個. 呢個拼盤主要有鮑魚, 帶子, 北寄貝, 吞拿魚, 甜蝦等等.鮑魚好爽口煙韌, 點少少芥辣已經帶出本身既鮮味, 帶子同甜蝦好鮮甜, 北寄貝好爽口, 吞拿魚夠肥美魚油豐富.冰梅骨, 肉質外脆內嫩, 沾滿酸酸甜甜既醬汁, 而且每舊既SIZE唔會太大, 一啖易入口.仲有招牌蝦多士, 多士炸完唔油膩, 外邊脆口入面嫩腍, 蝦夠爽口, 呢個小吃好開胃.整體呢度食物菜式多有驚喜, 服務亦好足.

同事們話去食生日飯，就上網揾咗哩間話要食好d。去到發覺果然系高級中菜既feel。因為見到裝修同餐具都好講究。哩個冰鎮南非鮑魚真系好正，一D都唔似平時食既咁韌，可能真系南非黎既，口感好好，原本以為佢成隻上，要我地自己切，原來佢已經好細心咁切好比我地!鹵水拼盤，d肉鹵得好入味，特別豬耳鹵得黏稠，我忍唔住食多咗幾件。招牌蝦多士，多士炸得鬆脆酥化，我差得唔記得原來佢系多士。配搭咗d醬，就減少咗d肥肥感。我最愛既蟹呀！哩款胡椒鹽絲蟹煲系有濃濃既胡椒味，不過好彩食落唔辣，仲有避風塘炒蟹味，好香口。茶香煙燻雞，聞落已經好鬼死香，唔知佢點整既呢？可以外層焦香，內裏嫩滑。不過哩餐，真系食到我好飽，應該叫好滿足先啱!多謝咁多位同事請我食咁豐富既生日飯!

同朋友行開街去左食晚餐，蟹好大隻，幾乎成隻手咁大。加上調味得太好，唔會好滯又膩。蟹底下既係粉絲，亦都好入味又唔會油膩。蟹肉唔會太過林，有些小咬口又有小小鮮味。飯後甜品，紅豆沙。雖然煲得有啲水，但唔會甜膩，好岩食。加上很多紅豆又有蓮子，食到啲料都好滿足。

同朋友去完會展行展覽會, 四圍睇下邊度有野食, 行行下見呢間中菜館門口好搶眼, 而且支客姐姐夠落力, 所以入去試下.睇睇MENU, 潮式, 石鍋, 刺身等等呢D特別既都有, 而日常中菜都唔少得.要左個嚐館冰梅骨, 款式就似咕嚕肉, 不過呢個外邊炸得更香口, 食落較脆, 肉夠嫩. 個醬唔酸, 係甜甜地既, 好開胃.茶香煙燻雞半隻, 茶香味非常濃郁, 唔知燻幾多個鐘先可以咁入味, 真係手工菜. 皮脆夠薄唔肥膩, 肉夠嫩滑, 唔洗點任何汁或醬都已經可以食到原汁原味.魚片頭浸勝瓜, 好鍾意食魚片頭, 所以特別要呢個菜, 魚片頭好爽口彈牙, 唔腥好清, 配埋勝瓜清新開胃.

早前收工去灣仔接呀媽，因為佢生日所以決定搵間餐廳食餐好佢想食中菜又唔想去酒樓，係openrice見呢間好似唔錯，於是前一日就已經book左位喇好有幸早book位有個角落房仔比我地，仲有獨立電視睇，感覺好似去左酒店房食，坐得好舒服一坐低就留意到呢度既茶壺，感覺好高整調！好左中國風一拎起發覺原來個茶壺都幾重首先上左個豬肚湯先，皆因太耐無湯水落肚，好想飲湯呢個湯都幾足料，胡招味都好重，飲完即刻覺得精神左，好享受豬肚都洗得好乾淨，無異味，而且唔會好肥好多油黎個滷水拼盤，送飯一流而且相當大盤大碟，仲有好多我至愛既蛋蛋tim! 雖然色澤睇落冇平時食個d咁深色，但原來食落味道都算幾入味，同時不會太咸，味道都幾出，有意外驚喜，特別係d蛋蛋！至於其他如鵝腸，鴨腎等都幾爽口，口感不錯！最外亦叫左個黑胡椒蟹煲，原來真係成隻蟹上，入面d粉絲整得幾好，胡椒味好重好入味，蟹好大隻好多肉食，食個時仲好熱好有獲氣，相當野味呀！

今日在朋友推介下來到灣仔船街的【嚐館】吃晚餐，地點都算容易找。地方雅緻及富有中國色彩，尤其是他們選用的茶壺用具，令我這些愛好飲茶的人，眼前一亮。今晚最令我感到驚喜的是他們的招牌菜（蝦多士）及（炸魚片頭）。蝦多士~炸至鬆脆的多士，配上新鮮的金黃色炸蝦，再加上秘製的沙律醬，這個配合簡直天衣無縫，令我忍不住，最終多點了一碟。另外，值得一讚的是（炸魚片頭），雖然賣相普通，但當我咬下第一口的時候，完全不能夠相信，超彈牙，口感有層次，而且無腥味，食完有再三回味的感覺，正

今晚與朋友到此館晚膳，進去後給我的第一個感覺 環境非常舒服且優雅，坐下第一眼就看見了很別緻的茶具。我們二人只點了一個冰鎮南非鮮鮑魚及麻香備長炭麵。先說冰鎮南非鮮鮑魚：只是賣相已經相當吸引，第一口咬下去，肉質非常嫰滑，新鮮有咬口且鮮甜，令人感覺很滿足。而麻香備長炭麵：我很喜歡他們的麻醬的香味，麻醬與備長炭麵混合後，加上配菜青瓜絲及番茄絲，口感非常清新，吃多一點也不會感到有飽滯感。如若下次再去，一定會試一試他們的招牌菜。

同親戚食飯, 灣仔食店佢熟D, 所以佢帶我黎左呢間嚐館. 一上到黎環境同普通既中式餐廳好唔同, 呢度格調高, 似酒店入面既中菜館, 而且有房可以靜靜地一班人食."黑白胡椒鹽絲蟹煲" 呢個蟹煲份量超大, 粉絲滿滿, 一啖入口粉絲腍而爽口, 索晒蟹既鮮味同好香既黑白胡椒, 少少辣好開胃. 肉蟹夠大, 蟹鉗肉質好爽口彈牙, 蟹蓋亦非常多膏, 鮮甜突出."魚片頭浸勝瓜" 食左個太重份量既蟹煲, 所以要多個清清地既魚片頭, 片頭好爽口, 勝瓜軟腍夠味, 清清地簡單調味, 可解油膩感.

等朋友收工，行過見到入去拎位先⋯⋯有d古式古鄉feel，茶壺幾別緻～ 呢度主力係食中菜，海鮮的，見佢有刺身，豪豪佢叫左個特上刺身拼盤試下，又幾新鮮賣相又好，鮑魚刺身超好味，好爽，鮮甜，正～之後點左幾個餸，其中有廚師推介蝦多士，炸得好脆又唔油，配埋wasabi 沙律醬，超襯；再嚟一客黑白胡椒粉絲肉蟹煲，粉絲超惹味，好香口，送飯一流，肉蟹隻鉗啖啖肉，足料；中意酸美美嘅我叫左冰梅骨，好好味，酸甜適中好開胃；平時少飲湯，所以今晚叫左個杏汁燉肺湯，飲一啖已經覺得好潤，晚晚煲劇要補補岩晒，飲左3大碗～最後叫左可可脆湯圓，表面脆脆地，咬入去又煙靭，配埋朱古力醬，入面係流心芝麻饀，多重口感，幾特別～呢度可以再encore，下次帶屋企人再食其他嘢先～

朋友邀請去食，環境似海鮮酒家，酒同食的價錢適中，老闆好好傾，佢地話想個廚房乜都煮到出來，我覺得海鮮是新鮮的，扣肉同瀨尿蝦個sauce有心機，但覺得小菜的特色可能比不上附近的中式酒家(如留家廚房、美味廚等)，定價和客路也要想想，是走高價還是平民。期望下次有其他特色小菜。

同事通知，午飯食新野，即刻舉手先講南非生蠔，大隻肥美，夠哂鮮甜，連介近口嘅同事，都忍吾住食番隻流沙奶皇飽，至愛，皮薄，奶皇味濃石鍋炒飯，油少，飯夠乾身，料足，蝦夠新鮮大隻，推介一試灣仔飮茶多個好選擇了，Like

同學聚會，黎呢度。餸菜走高檔路線，但價錢極相宜。主打潮州菜，不過刺生﹑火鍋﹑粵菜都做得好出色。第一次黎，試食了幾款招牌菜。冰鎮鮑魚，用清酒浸煮，食時沾wasabi，非常鮮甜。招片炒蟹，極新鮮，啖啖肉。茶燻雞。香香的煙燻味，雞肉好juice不加味精靚湯，咸酸菜﹑大鱔魚煲湯。酸酸甜甜好開胃，鱔片煲完湯，仍然好彈牙。呢個吾記得叫咩名。酸甜度適中，好厚肉，但吾難咬，好軟淋。豬油炒豆苗。估吾到，豆苗係冇葉，將最豆芽來炒，好高檔~~卥水鵝片。可能新開張，卥水汁吾夠味，反而卥水豆腐味道適中，仲非常幼滑。推薦豆腐~~~地方好整潔，服務也很好。好好坐。這一餐好滿意。

嚐館•一個新環境第一樣要食嘅一定生蠔 呢到既生蠔平靚正只係＄48 1隻第二樣嘅小食就一定要食炸魚片頭呢度嘅炸魚片頭 好爽好彈牙！第三樣要食嘅就一定係滷水鵝片呢度既鵝片肉質好滑 好入味由於今次選擇咗打邊爐個鍋一黎都唔認得影相！食到最後先幾多唔記得影相呀我哋叫咗個海中蝦就咁烚都已經好爽好甜到最後我哋選擇左奄仔蟹做一個結尾好豐富既一餐晚飯！