可麗茶房 (已結業)

行街行到攰，搵個地方坐下，傾下計。搭電梯個時，岩岩好望落去就有Ｄ人食緊甜品。二話不說，無理食評如何，就衝入去。平均呢度既雪糕，３２－３５蚊。士多啤梨雪糕上面個個係「雲呢拿」味雪糕，食到底，有一舊士多啤梨雪糕。呢個士多啤梨雪糕真係有少少令我失望…好似藥水味綠茶雪糕返黎睇番食評，原來咁多個「」不過多數都係食麵食飯先咁

今日因為出去見客, 要著suit同高跟鞋, 行到腳痛一落扶手電梯見到可麗茶房 , 未食過, 就入去試下. 2個人點左個牛肉飯同自選拉麵, 牛肉飯唔知好唔好食, 個fd食的. 但我個自選拉麵就完全唔得, 拉麵完全無彈性而且好似趕時間未完全煮夠未散開的.....點左3個餸, 牛肉漢堡, x燒, 菠菜(話無轉左金茹), 豚骨湯底牛肉漢堡只係有洋蔥牛肉餅, 咬落口散的, 無牛肉味, 仲衰過自己屋企煮的x燒完全係肥脂肪, 得少少邊位係肉(10%都無), 完全食唔到想食菠菜, 但佢話無, 只好轉金茹, 份量好少去到湯底, 一食就知唔係掂, 無豬骨味, 落左味精, 好咸, 徹底失望service方面, 無咩客, 但揮左手好耐都無人寫單, 等陣叫左另一個人落, 落單的小姐還可以有禮貌, 食完見無客坐多陣sms, 好快收哂d碟, 好似趕我地走咁個麵食左我成50蚊....我寧願去食車仔麵仲好過佢

這是和同事食生日飯，本來是去風月堂，但因為太多人了，只有這間可以立刻有位坐，只好入來試一次吧，不過看見很多人都食剩食物，我都有點擔心。到食物來時好大份，味道真係好一般，唔怪之得其他地方都好full係這裏有咁多位，不過我們最重要是和同事祝生日，坐下來傾下計又幾好的一個地方。入口是這樣。店內的環境。豚骨日式义燒烏冬HKD35，同事食，我不知好不好味。 咖喱薄牛肉意大利粉HKD45，同事食的，我試了一口，呢個味都。蕃茄雞豚肉漢堡日式拉麵HKD35，個味好怪，好難去形容，我覺得唔好食。朱古力牛奶西米露，同事食的，我不知味道如何，要+12。芒果雪糕香芋牛奶西米露，同事食的，，我不知味道如何，要+12。綠茶紅豆牛奶西米露，我覺得好重奶味，都ok，奶味太重了，不合我個人口味，要+12。整體讓我都好失望，味道已不好了，還要是服務太差了，不知是否不夠人手，要叫食物又要等，要清理又沒有人理，可能平常沒有那麼多人來食吧，讓今天的員工只顧客人入場，事後就不理了。

心裡的怒氣推動了自己寫第一次openrice的食評....下午找地方食tea, 見呢間好似同麻布茶房有d關係, 食物相片不錯, 就試一下吧~進店後waitress給了我們超多張menu, 但有些其實是不適用於tea time時間 e.g. 午餐.... 心想, 不要抱太大期望了....點了兩個下午茶餐, 一個是藍莓waffle+雪糕, 另一個是lemon cheese cake + 雪糕...首先, 飲品先來.... 錯了一杯, 這個可體諒... 但跟她們說了之後, waitress再走過來跟我們confirm一個還是錯的order -_-"之後才送正確的一杯來...然後, 一直有不同的waitress分別把同一碗冷麵(不是我們的)問了我們3次是不是我們叫的..... (!!!!!)等了10-15分鐘吧, 奇怪食物為何還未到... 我們明白waffle要時間烘, 但mousse cake + 雪糕這類只需拿出來的食物是不要等吧? 尤其是其他桌比我們遲來的都已經在吃了... 問一下waitress, 她說有落order...然後, 另一個staff跟我們confirm order...

其實一開始冇諗過食野...不過一早去睇青蜂俠, 買完飛仲有一個鐘先入場...所以搵個地方涉時間一睇menu, 是個早餐仲有step1, step2, step3, step4咁犀利...就嗌左個同家姐share~個餐一到就真係嚇死人= =仲加左5蚊要做熱朱古力...杯朱古力難飲到一個地步.....個色一睇就唔啱啦!!!根本就係有少少朱古力粉味ge水...我地係為做對得起果5蚊先加油飲左半杯.....總之以後都唔會再黎~

睇左為食黑白糖既食評 滿心期待咁去食刨冰……朋友話入去堂食坐下 就諗住唔食迷你 食原本size果種刨冰 入去坐低仲係好地地 只係大menu要問先拎過黎於是叫左一個 草莓牛奶刨冰+香蕉朱古力雪糕窩夫(餐) 加配冰芒果茶個馬尾waitress好似聽d唔聽d咁就行左去落單等左陣 佢走埋黎好快好細聲咁講左一句"冇刨冰呀 你地叫其他野啦" 就走左本來諗住冬天唔賣刨冰都正常? 於是自己去拎返個menu黎睇 (坐得近堆menu)改叫左 草莓冰淇淋芝士蛋糕 (我地叫果陣講N餐)今次係個短頭髮既waitress 態度好似好少少…而家先有相 因為等左好耐先有野到orz冰芒果茶(+$5)一上枱就已經冇乜冰朋友攪左幾下就推俾我摸…個底係熱既我明整果陣可能要熱水…但唔洗唔攪下就上枱+咁少冰下話?融哂之後都只係涼……完全唔冰然後短頭髮果個waitress又走過黎…話冇窩夫…朋友勁嬲咁問佢到底有咩(已經2次話冇) 上左飲品先話冇 可唔可以cancel哂走人 叫佢請manager過黎結果個waitress就粒聲都冇出就去左叫manager過黎個waitress應該連講解返係咩事都冇做過…因為個manager過到黎仲要

原來暫時除左銅鑼灣新開的一間Marion Crepes & Cafe有cafe之外,只係得葵芳呢一間有cafe而已~我在外賣處有好多款甜品,而且我見到我喜愛的刨冰款式~共6-8款左右! $10 only!!!所以我對眼真係發左光,非常之想點來吃!!!點知得1個staff在場,加上佢又要收錢又要幫堂食果邊整野食@_@...好唔得閒似的~佢的態度真係一般又一般...佢簡直當想買食物的客人係「透明」....但我又咁想食.我都等左佢4min...當時都無其他客人想買野食及等候扲食物.我地唯有行多1陣,過左10min再回來,點知都係佢1個人在場~又無人幫手,唯有等佢整完份可麗餅俾d堂食的客人,佢才快快手幫我地弄刨冰~ 我揀左 迷你草莓牛奶刨冰 $10幸好唔駛等3min就可以整完~首先見個職員先0係個刨冰杯內加上草莓汁,之後先加入很多碎冰~再加1粒西瓜及YUMMY的牛奶~ 非常之大杯,我完全估唔到$10有咁大杯,加上呢間鋪頭賣的食品一向都唔係平價~ 我以為食到D冰中間就唔會有醬汁,點知d醬汁真係很充足但中間d冰唔夠碎,所以要用匙鑿開佢....因為太硬了... 仲之一試難忘~好正好正又抵呀!!好過

味道真係麻麻地.....特別係個拉面....個豬骨湯真係好難飲....又唔熱.....D面又成餅野咁......買相係幾吸引, 但食落真係唔多討好囉....個飯就唔夠熱....同埋有D硬.....個扒同個汁都過得去既...餐飲方面,講起就有D嬲...我明明指住幅圖點餐飲(圖文並茷),話就話加$8...點知就話要加$10.....我覺得有D唔太老實, 不過都幾好飲,同埋OK 大杯既...

因為見佢menu d相好似幾好,同想食燒番薯雪糕...點知忌廉湯有燶味，拉麵唔夠熱，台式奶茶唔夠奶，檸檬蜜酸到入唔到口要自己加糖。最最曼差係叫咗三個餐，打散來了兩個，差不多食完都未上，同個侍應追單，十分鐘後都無回應，再問第二個侍應，佢竟然拎張單來俾我看，話我只點了兩個餐，對唔住都無聲，問我要唔要同你落過即刻上，點知都係要再追個湯同沙律，食到一肚氣，以後唔會再去！

今晚係新都會行街....見到有好多間野食...因為見佢係麻布茶房..係menu d相又好似好好食..所以就算同一層有好多食店...都只係諗咗一陣就入去一開始諗住食蛋包飯....點知見到有自選好似仲好食...點知....其中一個飯仲要加jor 8元轉蛋包飯點知....我個飯(番茄牛肉漢堡)一見到....呆jor...咁就50元到另一個....蛋包飯變成了炒蛋蓋面我終於忍唔住....問waiter........蛋包飯唔係蛋包住飯?佢答我地gei蛋包飯只係會蛋蓋面....咁都得....8元加jor 個炒蛋呢個係有３個主菜ＧＡ．．．．吉列豬扒．．．炸蝦球．．．．尤其天婦羅蝦細到......咁就70元咁ＧＥＩ　ＱＵＡＬＩＴＹ　好貴啊走先見到我地table 的suggest 卡俾人寫jor...with BAD COMMENT...好想早ｄ　見到咁我ｊｕｓｔ　食甜品會開心ｄ．．．超失望．．．唔開心

一直無留意新都會廣場有呢間餐廳, 中午經過無意見到麻布茶房招牌, 入去另一邊掛的係可麗茶房, 原來係同一集團.餐廳生意麻麻, 兩個人各點了一個定食, 看menu以為很大锅, 上到來才知這锅很淺身, 高度大概只有2cm, 本來個定食看menu幾吸引我的係有個日本黃蘿蔔乾小食, 點知上台發現無, 叫個婶婶侍應來問, 話呢間舖無得供應, 當場有給欺騙的感覺, 落單時無講, menu又無貼返張lable注明下, 本想投訴後來看看個婶婶幾慈祥, 想想都係算罷了. 泡菜豚肉熱窝定食 : 豚肉偏少, 整锅都是泡菜, 所以偏辣, 不過對我這喜歡吃泡菜又能吃辣的來說是很不錯的選擇. 和風蕃茄鮭魚熱窝定食 : 鮭魚只有四五塊, 蕃茄居然也不多, 整個锅像蕃茄鮭魚湯, 試一口, 有點酸酸的味道還很不錯. 不過以這茶餐廳的裝修, 又在商場扶手電梯底下來說, 加一後要70多塊錢一個午餐來說, 價格就偏貴了點. 估計沒選擇之下才會考慮.

今朝(23-9-2010 Thur)同男友起身後又諗食咩o野,佢話繼續去葵芳搵o野食,好吖,橫豎約o左住o係葵芳o既女友人R,我o地食完後,男友就返工,我就join R.男友好想o係呢間食,11點鬆啲o黎到,我o地揀o左$79.00o既一人套餐,包:1. 南瓜雞絲忌廉湯細細碗o既忌廉湯,唔夠杰,南瓜味濃到偏鹹,雞絲細細條,不過都算多.味道: 3分2. 蒜香鳥肉沙拉呢個有生菜,車厘茄,蒜蓉味都幾重,蔬菜新鮮.味道: 4分3. 蕃茄牛肉烏龍麵好奇下想知咩烏龍麵,o黎到,唓!咪係烏冬麵,都唔知係印錯定有心.牛肉係打邊爐o既肥牛,蕃茄都新鮮,但湯o既味道就唔夠濃.味道: 3.5分4. 凍胚芽奶茶都幾大杯,但胚芽唔多,奶茶唔夠甜,好奇怪. 味道: 2分5. $22.00o既黑椒汁牛舌o黎到,男友第一句話黑椒汁至係主食,牛舌係伴菜,因為啲汁真係多到爆.食落,啲汁又唔係好辣,但男友話當大pat大pat咁食就好辣,而內裡有洋蔥,我覺得唔係幾似黑椒汁.牛舌都幾腍,OK.而食到本菇同西蘭花時,因為係白灼,所以要蘸汁至好食.味道: 3.5分6. $30.00o既白汁海老丸子賣相OK,夾起粒食先,原來切開半粒

這餐廳位於新都會地下, 夾於兩部行人電梯中間, 屬於開揚設計, 若坐近行人路, 不會坐得太舒服. 一直沒想過要幫襯, 今日朋友提議來, 就開始我的第一次.午餐有幾款選擇, 湯麵類約三十多元, 飯類約四十多元, 配一杯餐飲, 最特別是凍熱同價, 所以見身邊食客佔大部份都是揀凍飲.我揀了豚骨湯照燒雞鹵蛋拉麵, 配熱咖啡, 朋友揀了蕃茄和風腸鹵蛋拉麵, 配凍檸茶.餐飲先到, 熱咖啡很細杯, 算濃滑, 沒苦澀味, 另有一小杯淡奶, 幾有酒店做法feel, 不過咖啡可以大杯些少會更好. 朋友的凍檸茶很大杯, 另配糖漿一杯. 似乎凍飲抵飲D喎.拉麵份量都足, 但較為腍, 湯底濃味, 可能對於某些人會屬於偏鹹, 有三件雞, 味道不過不失, 半隻鹵蛋, 是糖心, 幾滑口. 試了一啖和風腸, 覺得肉質鬆散, 味道近似中式的肉餅.

經過見到人地杯香芋奶茶咁大杯, 好吸引所以入去試下, 但......叫左個二人餐：菜湯：得茄汁味。南瓜湯：似開粉茨汁。茄汁雞扒飯：茄汁倒落D雞扒度, D肉好梅, D飯硬。泡菜牛肉麵：個湯底唔熱, 味道好一般。香芋奶茶：一飲就係香精味, 周街賣緊12蚊杯個D仲好飲過呢杯。總括, 真係去一次都覺得太多。

這店子要收加一, 另外我發覺價錢上......嗱, 我同阿女每人一個餐, 小計$71.60, 再加10% ($7.20), 理應要俾$78.80, 但剛才check 單才發覺服務費下多一項 RND $0.20, 合共收我$79.0, 難到公司要價錢四捨五入? 但我不覺得有通告貼出來, 莫明奇妙入正題, 食物方面, 蕃茄雞豚肉漢堡拉麵, 湯底甜(糖水般甜), 有少少少茄味, 我完全無期望是厨房用鮮蕃茄煲出來, 雞豚肉漢堡肉質淋散, 拉麵根度適中, 份量適中。迷你蕃茄免治肉醬蛋包飯 賣相好靚, 蛋好滑, 蛋包飯名字取巧--------其實用蛋蓋住碗飯再淋汁, 普通中式飯碗size, 有點像葵涌廣場小厨獅那些$9-$1X的碗飯, 味道so far so good.飲品是相片中的百香果蘆薈多多及芒果蘆薈多多 跟茶餐各再加$10, 好大杯至樽頸, 不過興奮過頭先忘記幫佢地影沙龍, 味道酸酸甜甜, 飲完好飽。總之一句So Far So Good!